सरकारले आवासीय भवनमा सटर वा पसल राख्न नपाने

      ११ आसार, काठमाडौ । सरकारले आवासीय भवनमा सटर वा पसल राख्न नपाने ब्यवस्था गर्न लागेको छ । भवन निर्माण सम्बन्धी मापदण्ड संशोधन गरी सहरी विकास मन्त्रालयले यस्तो नियम ल्याउन लागेको हो । यो प्रस्ताव मन्त्रीपरिषदले पारित गरेपछि अब निर्माण हुने आवासीय भवनमा सटर तथा पसल राख्न पाइने छैन । सटर र पसलको स्वीकृति लिए त्यस्तो भवन स्वतः ब्यापारिक मानिनेछ ।
      त्यस्तै, ६ मिटरभन्दा कम चौडाइको सडक वरपर बन्ने भवनमा पनि सटर राख्न नपाइने भएको छ । सटर राख्दा कम्तीमा ३ मिटरको ‘सेट ब्याक’ छाड्नुपर्ने प्रस्तावमा रहेको कारोबार दैनिकमा खबर छ ।
    सहरी विकासले ‘बस्ती विकास, सहरी योजना तथा भवन निर्माण सम्बन्धी मापदण्ड २०७२’ मा सुझावका लागि संघीय मामिला तथा स्थानीय विकास मन्त्रालय प्रस्ताव पठाएको छ । सरोकारवालासँग छलफलपछि स्वीकृतिका लागि मन्त्रीपरिषदमा पेश गरिनेछ ।
     मापदण्डमा तीन तलाभन्दा अग्ला सबै आवासीय र सर्वसाधारण भेला हुने सपिङ मल, सुपरमार्केट, स्कुल/कलेज, अस्पताल, नर्सिङ होम, पार्टी प्यालेस, सिनेमा हल लगायतका भवन निर्माण गर्दा अनिवार्य रुपमा माटो परीक्षण गर्नुपर्ने र योजनाअनुमति लिनुपर्ने ब्यवस्था गरिएको छ ।
     १७ मिटरभन्दा अग्ला भवनका लागि थप भौगर्भिक परीक्षण तथा भूकम्पीय विश्लेषण प्रतिवेदनसहित नक्सापास अनुमतिका लागि निवेदन दिनुपर्ने ब्यवस्था गरिएको छ । खानी तथा भूगर्भ विभागले नेपाल राजपत्रमा प्रकाशित गरी निषेध गरेका क्षेत्रमा घर बनाउन नदिइने पनि प्रस्ताव गरिएको छ ।

१८ बर्षिय श्रीमतीसहित ७ जनाको हत्या गरि कतारमा

     पत्नी ,सासु ससुरा र अर्की एक महिलालाई मारेर सप्तरीका एक युवा कतार पुगेका छन् ।
     सप्तरीको पटेवा घर भएका ३५ बर्षिय मोहम्मद सकिल हुसेन मियाँ कतारमा बसिरहेका हुन् । उनले पत्नी १८ बर्षिय सैरुन खातुन, ससुरा ५८ बर्षका इद्रिस खालिफा, सासु ५५ बर्षकी जैतुन खातुन र अर्की एक महिला दुलारी देवी साहलाई मारेको खुलेको छ ।
    इन्टरपोलले उनलाई पक्राउ गर्न रेडकर्नर नोटिस जारी गरेको छ ।इन्टरपोलले गत सोमबार रेडकर्नर नोटिस जारी गरेको हो । सकिलले सुनसरीमा पत्नी, सासु ससुरा, सप्तरीमा दुलारी देवीबाहेक थप तीन जनाको हत्या गरेको खुलेको छ । यिनले सप्तरीको त्रिकोलमा निर्मलादेवी साहको हत्या गरेको खुलेको छ ।
    साहको लास गाडिएको थिएन । यस्तै सदरुल मिया र उनकी बुहारी सागिरा खातुनको सप्तरीकै बिसनपुरबाट दुई किलोमिटर दक्षिणमा रहेको कुखुरा फार्ममा मारेर गाडेका थिए । सप्तरी प्रहरीले गाडेको शव फेला पारेको छ।

मोबाईल ढिला,ह्यंग हुने समस्या छभने एसो गर्नुस ठिक हुनसक्छ

            मोबाइल स्लो भएर हैरान हुनु भयो भने मोबाइलको स्पिड बढाउने ५ उपाय थाह पाईराखौ
एन्ड्रोइड अपरेटिङ सिस्टम सहितको मोबाइल तपाइ पनि बोक्नु हुन्छ होला। नयाँ किन्दा जस्तो स्पिड नभएर हैरान पनि पक्का हुनु हुन्छ होला। खुरुखुरु मोबाइल चलाउने अनि मोबाइललाइ औषधि उपचार गर्ने त पक्का पनि गर्नुहुन्न। अनि ‘स्लो’ भयो, ‘ह्याङ्ग’ भयो, ‘रेस्पोन्स’ गरेन भन्दै साथिभाइ संग टिप्स लिँदालिँदा अब त स्लो नै भएपनि त्यसैमा बानी नै परेको होला।
      तपाइले सानो सानो कुराहरुमा ध्यान दिनुभयो भने पनि प्रोसेसिङ को साथै रेस्पोन्स स्पिड पनि बनाउन सकिन्छ मोबाइलको।
    डाउनलोड अनि इन्सटल गरिएका एप, क्यासमा बसेका डाटा, ब्याकग्राउण्डमा चलिरहेका एप, एनिमेसन स्पिड, अादि कैयौ कुराहरुले तपाइको मोबाइलको पर्फरमेन्स निर्धारण गर्ने गर्छ।
तपाइको एण्ड्रोइड मोबाइलको स्पिड ५ टिप्सहरु तल प्रस्तुत गरिइकाछन्।
१. नचालाइले एप तथा गेमहरु डिलिट गर्नुहोस।
केहि नयाँ भेट्यो कि डाउनलोड गरिहाल्ने अनि अलि दिन पछि चलाउन छोड्ने, धेरै जस्तो गेम वा एपमा हामी यस्तै गर्छौ। यस्ता एपहरु नचालाउदा पनि तपाइको मोबाइलको सिपियुको मा केहि न केहि रिसोर्स ओगटि रहन्छ, ब्याकग्राउण्ड सर्विसको लागि। त्यस्तै मेमोरीलाइ पनि यत्रतत्र छरिरहन्छ, जसलाइ फ्राग्मेन्टिङ भनिन्छ। त्यसैले नचालाइले एपहरु डिलिट गर्नुहोस।
२. क्यास्ड डाटा किल्न गर्नुहोस्।
क्यास्ड डाटा सामान्यतया तपाएको सजिलोको लागि राखिन्छ। जस्तो कुनै एप वा साइट खोल्दा सामान्यतया धेरै प्रयोग भइरहने फोटो तथा आइकनहरु तपाइकै मोबाइलमा स्टोर भएको हुन्छ। यो क्यास्ड डाटाहरु कुनै एप डिलिट गरेपनि स्टोर भइरहेको हुन सक्छ, जसले तपाइको मोबाइलको मेमोरी ओगटिरहेको हुन्छ। समय समयमा क्यास्ड डाटा क्लिन गर्ने गर्नुहोस।
३. एनिमेसनहरु कम गर्नुहोस् वा बन्दै गर्नुहोस।
एनिमेसनले तपाएको सिपियु रिसोर्स निरन्तर ओगटिरहेको हुन्छ। Settings >> About Phone जानुहोस, Build number खोज्नको लागि तल स्क्रोल गर्नुहोस अनि सात चोटि ट्याप गर्नुहोस, एउटा म्यासेज आउछ तपाइ डेभलपर हो भन्ने। ब्याक जानुहोस, Developer option देख्नुहुनेछ System भित्र। त्यहाँ जानुहोस अनि Window animation scale, Transition animation scale, र animatior duration scale को लागि तल स्क्रोल गर्नुहोस। प्रत्येकलाइ .5x वा off गर्नुहोस।
४. अपटुडेट रहनुहोस।
नयाँ अपडेटहरुमा पुराना सफ्टवेरमा भएका समस्याहरु समाधान भएर आएका हुन्छन। जसले सिपियु, र्याम लगायतका हार्डवयर्स र एपहरु बिचको कम्युनिकेसन राम्रो गराउछ। तपाएको मोबाइलको अपरेटिङ सिस्टम अपटुडेट हुनु जरुरी हुन्छ।
५. फ्याक्ट्रि रिसेट गर्नुहोस।
फ्याक्ट्रि रिसेटले तपाइको मोबाइलको सेटिङ्स तथा डाटाहरु क्लियर गर्छ। Settings>>Backup & reset>>Factory Data reset मा जानुहोस रिसेटको लागि।

भूकम्पले काठमाडौँलाई रातभरिमा ३ चोटी हल्लायौ

काठमाडौं, आषाढ ११ । गत वैशाख १२ को शक्तिशाली ‘गोरखा भूकम्प’को दुई महिना पुग्दासमेत पराकम्पन आउनेक्रम अझै रोकिएको छैन ।
      विहीबार राति मात्रै तीनओटा पराकम्पन आएका छन् । विहीबार राति ९ बजेर ७ मिनेटमा नुवाकोट केन्द्रबिन्दू भएर ४ दशमलव ३ म्याग्निच्यूडको पराकम्पन आएको थियो । जसको धक्का काठमाडौंसम्म महसुस गरियो ।
       यस्तै, विहीबार मध्यराति ११ बजेर ४९ मिनेटमा दोलखा केन्द्रबिन्दू भएर ४ दशमलव १ म्याग्निच्यूडको पराकम्पन मापन भएको थियो ।
      यसको दुई मिनेटपछि नै राति ११ बजेर ५१ मिनेटमा नुवाकोट र सिन्धुपाल्चोकको सीमा आसपास केन्द्रबिन्दू भएर ४ दशमलव २ म्याग्निच्यूडको पराकम्पन मापन भएको राष्ट्रिय भूकम्प मापन केन्द्रले जनाएको छ ।
      यसअघि, बुधबार ४ म्याग्निच्यूडमाथिको एकओटा पराकम्पन मापन भएको थियो भने मंगलबार कुनै पराकम्पन मापन भएन । सोमबार पनि एकओटा मात्रै पराकम्पन आएको थियो ।  
      शक्तिशाली गोरखा भूकम्पपछि शुक्रबार बिहानसम्म ४ म्याग्निच्यूडमाथिका ३३० ओटा पराकम्पन राष्ट्रिय भूकम्प मापन केन्द्रले मापन गरिसकेको छ ।

अमेरिकाको टेक्सास,टेक्सोमा भन्ने ठाउँमा ८ फूट ठुलो प्वाल

कपाल झर्ने समस्या र झरिसकेको छ भने यी घरेलु उपाय अपनाउनुस्

        हिजोआज युवावस्थामा नै कपाल झर्ने समस्याले अधिकांस पीडित र चिन्तित् छन् । कपाल झर्ने समस्या कसैका लागि तनाव र चिन्ताको कारण पनि हुनसक्छ । वंशानु गुणका कारण पनि युवावस्थामै कपाल झर्न सक्छ । तर महिलाहरुमा भने यो समस्या ३० वर्षको उमेरपछि देखा पर्न सक्छ ।यस्तै, खानपान, प्रदूषित पर्यावरण, औषधिहरुको नकरात्मक प्रभाव तथा अन्य केही कारणले पनि कम उमेरमै कपान झर्ने समस्या देखिन सक्छ । यदी तपाईंलाई पनि कपाल झर्ने  समस्या र कपाल झरिसकेको छ भने यी दुई घरेलु उपाय अपनाउनुस् ।
१, जटामांसीलाई नरिवलको तेलमा उमाल्ने । सेलाएपछि यो तेललाई एउटा बोतलमा राख्ने र दैनिक रुपमा सुत्नु अघि कपाल झरेको स्थानसहित टाउकोमा यो तेलले मालिस गर्ने । यसो गर्दा कपाल झर्ने समस्या हट्नुको साथै झरेको स्थानमा फेरि आउने सम्भवना रहन्छ ।
२, नुन र कालो मरिच एक एक चम्चा र नरिवलको तेल पाँच चम्चा मिलाएर कपाल झरेको  स्थानसहित टाउकोमा लगाउँदा पनि कपाल झर्ने समस्या हुँदैन । र कपाल झरिसकेको स्थान पनि फेरि कपाल आउने सक्ने सम्भावना हुन्छ ।

नेपालको पुनर्निर्माणको लागि कसकसले कति दियो हेर्नुहोस

       काठमाडौं, १० असार,नेपालको पुनर्निर्माणका लागि अन्तर्राष्ट्रिय सम्मेलन’को उद्घाटनसत्र सकिएको छ । काठमाडौंको सोल्टी होटेलमा जारी सम्मेलनको उद्घाटनसत्रका बेला विभिन्न मुलुक र दातृ संस्थाहरुका प्रतिनिधिहरुले नेपालमा हालै गएको भूकम्पका कारण ध्वस्त भएका संरचनाको पुनर्निर्माण, निर्माण, नव निर्माण तथा राहतका लागिसहयोग रकमको घोषणा गरेका छन् ।
      उद्घाटन सत्रलाई सम्बोधन गर्दै भारतीय विदेशमन्त्री सुष्मा स्वराजले १ खर्ब रुपैयाँ सहयोग गर्ने घोषणा गरिन् । यस्तै सम्मेलनलाई सम्बोधन गर्दै चिनियाँ विदेशमन्त्री वाङ यीले ७६ अर्ब, जापानका विदेश राज्य मन्त्री मिनोरु कियुचीले २६ अर्ब, एशियाली विकास बैंकका अध्यक्ष ताकेहिको नाकाओले २५ अर्बको सहयोलाई ६० अर्ब रुपैयाँसम्म पुर्याउने घोषणा गरेका छन् ।
      यस्तै नर्वेका विदेशमन्त्री वर्ग ब्रेन्डेले ३ अर्ब रुपैयाँको घोषणा गर्दा अमेरिकी विदेशमन्त्री जोन केरीको सन्देश बाचन गर्दै अमेरिकी राजदूत पिटर डब्लु बोडेले १३ अर्ब रुपैयाँको सहयोग घोषणा गरेका छन् । युरोपियन युनियनले ११ अर्ब रुपैयाँ अनुदान गर्ने घोषणा गरेको छ । विश्व बैंकले ५० अर्ब रुपैयाँको सहयोग गर्ने गरेको छ ।
     सम्मेलनलाई संयुक्त राष्ट्रसंघका महासचिव बान की मुनले भिडियो मार्फत सम्बोधन गरेका थिए । सम्मेलनमा ५६ मुलुकका करिब २ सय ८० प्रतिनिधि सहभागी छन्।

नुवाकोटको ओखरपौवालाई केन्द्रबिन्दु बनाएर फेरि भूकम्प

   आषाढ १०,नुवाकोटको ओखरपौवालाई केन्द्रबिन्दु बनाएर फेरि भूकम्प गएको छ। राष्ट्रिय भूकम्प मापन केन्द्रका अनुसार साँझ ९ बजेर ७ मिनेटमा गएको भूकम्प ४.३ रेक्टर स्केलको हो।

     काठमाडौंबाट १५ कि.मी उत्तर पश्चिम पारेर गएको भूकम्पको धक्का राजधानीसहित नुवाकोट, धादिङ, काभ्रेलगायतको जिल्लामा महसुस गरिएको राष्ट्रिय भूकम्प मापन केन्द्रका लोक विजय अधिकारीले बताएको छ। 

 

बाँसको ४० वर्षभन्दा बढी टिक्ने घर कम्तिमा साँढे ३ लाखमा तयार

    ९असार, भूकम्पबाट घर ध्वस्त भएपछि धेरैले सस्तो घरको खोजी गरिरहेको अवस्थामा हिमालयन बेम्बोले बाँसबाट भूकम्प प्रतिरोधी घर बनाउने जनाएको छ । कम्पनीले भूकम्प प्रभावितलाई लक्षित गरेर सस्तोमा बाँसको घर बनाउने जानकारी दिएको हो । 
     बाँसलाई ट्रिटमेन्टपछि प्रयोग हुने भएकाले घरको आयु ४० वर्षभन्दा बढीको हुने र यस्तो घर नेपालको हावापानी र भौगोलिक अवस्था अनुकुल भएको कम्पनीको दाबी छ । बाँसको घर बनाउन फाउन्डेसनको लागि १५ दिन र घर पूरै निर्माण गर्न १५ दिन लाग्ने बताइएको छ ।
     कम्पनीले अहिलेसम्म दुई सय घर निर्माण गरिसकेको जनाएको छ । भूकम्पपछि मात्रै डेढ सय घरको अर्डर लिइसकेको कम्पनीद्वारा जारी विज्ञप्तीमा उल्लेख छ ।
      घरको मूल्य साढे तीन लाखदेखि सुरु भएर सुविधा र कोठा अनुसार बढ्दै जानेछ । एक परिवारको लागि आवश्यक २ कोठा, भान्छा, ट्वाईलेट र बरण्डासहितको ३ सय ६० वर्गफिटको हुने यो घरको लागत प्रतिवर्ग फिट एक हजारदेखि १६ हजार रुपैयाँसम्म पर्ने विज्ञप्तीमा उल्लेख छ ।कम्पनीको हेटौंडामा रहेको उद्योगले बाँसको ट्रिटमेन्ट गरेपछि घरको फ्रेम निर्माण हुन्छ ।
     कम्पनीका अनुसार घरको फाउन्डेसनमा ढुंगा र सिमेन्ट प्रयोग हुन्छ । घरको छानो टिनको हुनेछ र भित्तामा बाँसमा सिमेन्टले प्लास्टर गरेपछि आर्कषक देखिने कम्पनीले जनाएको छ ।

भूकम्पपछि नयाँ घर निर्माणमा लगाएको प्रतिवन्ध हटाएको छ

    ८ असार, काठमाडौं । सरकारले विनाशकारी भूकम्पपछि नयाँ घर निर्माणमा लगाएको प्रतिवन्ध हटाएको छ । साथै प्रक्रियामा रहेका नयाँ नक्सा पास स्वीकृति प्रक्रिया अघि पनि बढाउने निर्णय भएको छ ।
संघीय मामिला तथा स्थानीय विकास मन्त्रालयले मन्त्रिस्तरीय निर्णयका आधारमा भवन निर्माणसम्वन्धी ८ बुँदे सर्कुलर जारी गरेको छ । जसमा गत जेठ ४ गते जारी भएको १६ बुँदे निर्देशनको प्रमुख १, २ र ३ नम्बरको निर्णयहरुलाई सम्बोधन गरिएको छ ।
    नयाँ निर्देशन अनुसार नक्सा पास भएका तथा निर्माण सुरु नभएका घरहरुको निर्माणमा लागेको प्रतिवन्ध हटेको छ । साथै निर्माणाधीनको हकमा दुई तलाभन्दा बढी बनाउन नपाइने व्यवस्था पनि खारेज भएको छ ।
निर्देशनको दोस्रो बुँदामा भनिएको छ-‘राष्ट्रिय भवन संहिता, र स्वकृत मापदण्ड बमोजित स्वीकृत भएका क, ख, ग र घ वर्गका भवनहरुको निर्माण कार्यलाई प्रचलित कानूनको परिधिमा रही निर्माण कार्य सुचारु गर्न दिने ।’ तर, निर्माण कार्य सुरु नभएका क र ख बर्गको भवनको हकमा भने माटो परीक्षण गर्नु पर्ने भएको छ ।
भवन ऐनको दफा ८ अनुसार क बर्गमा अन्तराष्ट्रिय स्तरका ठूला भवनहरु पर्छन् भने ख वर्गमा एक हजार स्वायरफिट क्षेत्रफल भएको र तीन तला वा सोभन्दा माथिका भवनहरु पर्छन् । ग बर्गमा तीन तलाभन्दा कमका र घ मा अन्य घरहरु पर्छन् ।
    मन्त्रालयका शाखा अधिकृत केशवराज पार्धले अनलाइनखबरसँग भने-‘अब मापदण्ड अनुसार घर बनाउने पाइनेछ । यसअघिको प्रतिवन्ध हटेको छ ।’
    यस्तै भवन निर्माणका लागि प्रक्रियामा अगापडि बढेका भवनहरुको नक्सा तथा डिजाइनहरु राष्ट्रिय भवन संहिता तथा स्वीकृति मापदण्ड अनुसार भए कानून अनुसार नक्सा स्वीकृत गर्ने निर्णय भएको छ ।
तर, भवन निर्माण अनुमतिका लागि असार मसान्तसम्म नयाँ निवेदन दर्ता नगर्ने निर्णय भने कायमै राखिएको अधिकृत केशवराज पार्धले बताए ।
    भूकम्प कारण क्षति भएका तथा मर्मतयोग्य घरहरु मर्मत तथा रेट्रोफिट गर्न सकिने भएको छ । नियम अनुसार नक्सा पास भएर बनेका घरहरुको मर्मत तथा रेट्रोफिट गर्न योजनासहित गाविस वा नगरपालिकाको कार्यलयमा निवेदन दिनु पर्नेछ ।
उपत्यका बाहिर नमुना मापदण्ड
   मापदण्ड लागू नभएका उपत्यकाका नगरपालिकाहरुले अर्को व्यवस्था नभएसम्म काडमाडौं उपत्यकाभित्र नगपालिका र नगरोन्मुख गाविसमा गरिने निर्माण सम्वन्धी मापदण्ड लागू हुने भएको छ ।
भवन निर्माणसम्वन्धी मापदण्ड नभएका उपत्यका बाहिरका नयाँ तथा पुरानो नगरपालिकामा भने शहरी विकास मन्त्रालयले जारी गरेको भवन निर्माणको नमुना मापदण्ड लागू हने स्थानीय विकास मन्त्रालयले जनाएको छ ।
    ८ बुँदे निर्देशन अजुसार अब अन्तराष्ट्रिय स्तरका ठूला र तीन तलाभन्दा माथिका घरहरुको नक्सा तथा डिजाइन, निर्माण, प्राविधिक सुपरिवेक्षण तथा प्रमाणिकरण नेपाल इन्जिनियरिङ काउन्सिलमा दर्ता भएका इन्जिनियरले मात्र गर्न पाउने छन् ।
नगरपालिकामा यस्ता इन्जिनियर नभए करारमा व्यवस्था गरिने मन्त्रालयले जनाएको छ ।

शर्प र खरायो को घमाशान लडाई

जादुमयी आइफोन ७ छिट्टै आउदै छ

     एप्पलको आइफोनका पारखीहरुका लागि खुसीको खबर छ । एप्पलले निकट भविष्यमा बजारमा ल्याउने आइफोन ७ यस्तो हुनेछ, जुन विद्यमान स्मार्टफोनहरुको आधारमा हुने कल्पना भन्दा भिन्न हुनेछ ।
     समाचार अनुसार आइफोन ७ मा होम बटन हुनेछैन । होम बटन नहुने भएपछि स्मार्टफोनको पूरै फ्न्ट प्यानलमा स्मार्टफोनको स्क्रिन रहनेछ । होम बटन हुने ठाउँमा फिंगरपि्रन्ट सेन्सर हुनेछ, जसका कारण यो आइफोनले निकै अत्याधुनिक तथा अनौठो तरिकाले काम गर्नेछ ।
      डिजीटाइम्सका अनुसार आइफोन सेभेनमा एप्पलले नयाँ प्रविधिको प्रयोग गर्दैछ, त्यसको नाम हो टच एण्ड डिस्प्ले ड्राइभर इन्टिग्रेसन अर्थात् टीडीडीआइ सिंगल चिप सोल्यूसन । यो प्रविधि एकिकृत फिंगरपि्रन्ट सेन्सरले युक्त हुनेछ । यो प्रविधिको प्रयोगले आइफोन सेभेनलाई निकै पातलो अर्थात् अल्ट्रा  स्लिमका साथै डिस्प्लेलाई अल्ट्रा न्यारो बनाउनका लागि सहयोग मिल्नेछ ।
       एप इनसाइडरका अनुसार एप्पलको यो जादुमयी फोन २०१७ सम्ममा बजारमा आउनेछ । एप्पलका कैयन् नयाँ प्रोजेक्टका बारेमा प्रायः सही जानकारी दिने सबैजसो सुत्रहरुले आइफोन सेभेनमा एप्पलले होम बटन हटाएर नयाँ प्रविधिको प्रयोग गर्न लागेको पुष्टि गरेका छन् ।
       दाबी गरिएअनुसारको प्रविधिले युक्त आइफोन सेभेन बजारमा आयो भने सेल्फीप्रेमीहरुका लागि यो फोन पहिलो रोजाइको हुनेछ । किनकी आइफोन सेभेनबाट निकै सार्प सेल्फी लिन सकिनेछ । एप्पलले आगामी आइफोनको फ्रन्ट क्यामराको क्षमता विस्तार गर्न लागेको आइओएस नाइनको कोडिङको विश्लेषण गर्ने विज्ञहरुले बताएका छन् ।
        आइफोन सेभेनको फ्रन्ट क्यामराबाटै फुल एचडी भिडियो रेकर्ड गर्न सकिनेछ र फ्लास समेत दिन सकिन्छ । आइओएस नाइस फेसटाइम क्यामरालाई १०८० पिक्सेलमा भिडियो रेकर्ड गर्न मद्दत गर्दछ । जबकी आइफोन सिक्स तथा सिक्स प्लसमा ७२० पिक्सेलको फ्रन्ट क्यामरा छ । फ्रन्ट क्यामराको क्षमता विस्तारका कारण आइफोन सेभेनबाटै प्यानोरेमिक सेल्फी लिन सकिनेछ ।
       आइफोन सेभेनमा फोर्स टच प्रविधि हुनेछ जसले एप्स प्रयोगलाई अझै सहज बनाउनेछ । यो प्रविधिलाई एप्पलले म्याकबुकमा प्रयोग गरिसकेको छ । यो प्रविधि अनुसार यदि तपाइँले फोनको स्क्रिनमा केही सेकेण्डसम्म थिचिरहनुभयो भने फोनले बुझ्नेछ की तपाइँ फोन मेनुमा जान चाहनुहुन्छ । अनि आइफोनको स्क्रिनमा  फोन मेनु देखिनेछ ।
        श्रोतका अनुसार आइफोन सेभेनमा ए नाइन प्रोसेसर, २ जिबी य्राम  हुनुका साथै १२ मेगापिक्सेलको पछाडिको क्यामरा रहने बताइएको छ । श्रोतका अनुसार आइफोन सेभेनमा एप्पल वाचमा जस्तै आल्मुनियम तथा रोज गोल्डको प्रयोग गरिनेछ

अफगानिस्तानको संसदभवनलाई आतंकबादीबाट जोगाउने सैनिकलाई राष्ट्रपतिबाट सम्मान

    ८ असार, अफगानिस्तानको संसदमा तालिबानले गरेको आक्रमणलाई असफल पार्न महत्वपूर्ण भूमिका खेल्ने सैनिकलाई राष्ट्रपतिले सम्मान रगरेका छन् ।
    राष्ट्रपति असरफ घानीले सैनिक ईसा खानलाई एक फ्याटको साँचो हस्तान्तरण गरेका छन् । उनले संसदमा आक्रमण गर्ने सात मध्ये ६ आक्रमणकारीलाई मारेका थिए ।
    राष्ट्रपतिले ईसा खानलाई आफ्नो निवासमा स्वागत गरेको तस्वीर समेत सार्वजनिक भएको छ । ईसालाई मेडल दिनुका साथै बढुवा समेत गरिने भएको छ ।
     सोमबार अफगान संसदमा प्रस्तावित रक्षामन्त्रीको परिचय गराइरहेका बेला बाहिर विस्फोट भएको थियो । लगतै आक्रमणकारीहरु भवन भित्र प्रवेश गरेका थिए । तर, सुरक्षाबलले ६ आक्रमणकारी मारेपछि तालिबानको प्रयास असफल भएको थियो ।
       स्थानीय सञ्चार माध्यमले आक्रमणपछि चरमपन्थीको शव नजिकै उभिएका ईसाको तस्वीर देखाएका थिए । उनले भनेका थिए-‘म त्यहाँ तैनाथ थिएँ । मैले उनीहरुलाई संसदतर्फ आउँदै गरेको देखेँ । पहिलो एकलाई मारे । सबै गरेर ६ जनालाई मारेँ ।
      देशका लागि आफू ज्यान दिन तयार रहेको उनले बताएका छन् । अफगान राष्ट्रपतिले ईसा खानको बहादुरीमा आफूलाई गर्व रहेको बताएका छन् ।

बिस्वको अग्लो होटेल दुबाईमा

बिस्वको अग्लो होटेल दुबाईमा जसले गीनिज ओल्ड रिकार्ड मा नाम लिखाएको छ भिडियो हेर्नुहोस।

एक जंगली फल जुन खाएपछि जनावरहरु रक्सीले झैँ मात लाग्दछ

     अफ्रिकामा पाउने  एक किसिमको फल,जुन जनावरहरुलाई अति नै मन पर्दो रहेछन र खाएपछि रक्सि लागेको जसरि मात लागि लडिबुडी हुदोरहेछन भिडिओ हेर्नुहोस ।

2072 S.L.C.पुरक परिक्षाको तालिका सार्बजनिक

काठमाडौं, असार ४– आज एसएलसीको नतिजा सार्वजनिक गरेको परीक्षा नियन्त्रण कार्यालय सानोठिमी भक्तपुरले पुरक परीक्षाको तालिकासमेत आजै सार्वजनिक गरेको छ ।
   परीक्षा नियन्त्रण कार्यलयले दिएको जानकारी अनुसार पुरक परीक्षा आगामी साउन २० गतेदेखि २७ गतेसम्म चल्नेछ ।
    शनिबारको दिनसमेत चल्ने परीक्षाको केन्द्र सम्बन्धित जिल्लाको सदरमुकाममा हुने पनि जानकारी दिइएको छ भने परीक्षा बिहान ८ बजेदेखि ११ बजेसम्म चल्नेछ ।
SLC मा दुई विषयसम्म लागेकाले पुरक परीक्षा दिन सक्ने व्यवस्था छ ।

२०७२/o४ /२०    अनिबार्य  अंग्रेजी
२०७२/o४ /२१    अनिबार्य  नेपाली
२०७२/o४ /२२    अनिबार्य गणित
२०७२/o४ /२३    अनिबार्य बिज्ञान 
२०७२/o४ /२४     अनिबार्य सामाजिक शिक्षा
२०७२/o४ /२५      स्यस्थ्य,जनसंख्या तथा बाताबरण शिक्षा
२०७२/o४ /२६      ऐ.प्रथम पत्रका सबै बिषयहरु 
२०७२/o४ /२७     ऐ.  दोस्रो पत्रका सबै बिषयहरु

नेपाली नायिका प्रियंका कार्कीले कार किन्दा बिभिद आरोप

          विनाशकारी भूकम्पले हजारौको ज्यान लियो, हजारौ घाइते भए र लाखौ घरबार बिहिन भए , महाभूकम्पको मारमा परेकाहरुलाई कैयन देशी -बिदेशी हरुले सहयोग गरे र गर्दैछन । यस्तैमा नेपाली कलाकारहरुले पनि सक्दो सहयोग जुटाएका तथा आफैले पनि सहयोग गरेका छन्। तर यो हप्ता एक जना चर्चित नेपाली चलचित्रका हिरोइनलाई भने भुकम्प पिडितको नाममा उठाइएको रकम बाट कार किनेको आरोप लागेको छ ।
         कुरा हो नायिका प्रियंका कार्कीको, झोले, नाइँ नभन्नु ल २ र नाइँ नभन्नु ल ३ जस्ता सफल चलचित्र बाट छोटै समयमा स्थापित नायिकाको रुपमा उभ्याउन सफल यी नायिका अहिले भने भर्खरै किनेको नया कारको कारण जघन्य आरोप खेपिरहेकी छिन । प्रियंका कार्की भूकम्प पश्चात भूकम्प पिडित हरुको सहयोगार्थ यु के मा आयोजित बिभिन्न नेपाली कार्यक्रमहरुमा सरिक भएकी थिइन्। यू के बाट फर्के पछि केहि संचार माध्यममा प्रियंका ले आफ्नै कमाइले नया कार किनेको सकारात्मक समाचारहरु आएका थिए ।
       प्रियंका स्वयमले भने जून १९ तारिखमा फेसबुक मार्फत शेयर गरेकी थिइन् यस पश्चात बिभिन्न व्यक्तिहरुले प्रियंकाले यू के मा भूकम्प पिडित को लागि कति उठाइयो र कहाँ खर्च गरियो कि त्यहि पैसाले आफ्नो लागि नया कार किनेको त हैन ? भनि प्रश्न तेर्स्याएका छन । , जून एक चर्चित नायिकाको लागि एक दमै गम्भीर आरोप हो । तर प्रियंकाले भने आफ्नो फेसबुक स्ट्याटस सच्याएर उक्त कार भूकम्पको २ दिन अघिनै किनेको बताएकी छिन । के थाहा प्रियंकाले आफ्नो सच्चाइ प्रमाणित गर्न कार किनेको मिति देखिने बिल समेत देखाउनु पर्ने हो कि ? नेपाली नायिका प्रियंका कार्कीले कार किन्दा बिभिद आरोप

देशको कानुन मन्त्रि सम्म भएको सभासदले दाइजोको निहुमा श्रीमतीमाथी दुर्व्यबहार

        काठमाण्डौ । पूर्वमन्त्री एवं तमलोपा नेपाल वृजेशकुमार गुप्ताकी पत्नी संगीताले श्रीमानले आफूलाई नोकरसँग सुत्न दबाब दिएको खुलासा गरेकी छन् । उनले विवाह गरेर गुप्ताको घरमा भित्रिएदेखि नै आफूले दाइजो नल्याएको आरोपमा यातना सहँदै आएको बताएकी छन् । आफूले सामाजको प्रतिष्ठित व्यक्तिले अरुलाई समेत दाइजो नलिन आग्रह गर्नुपर्नेमा दाइजोका लागि आफूमाथि नराम्रो व्यवहार नगर्न आग्रह गरेको तर, गुप्ताले ज्यादती गर्न नछाडेको आरोप संगीताको छ । संगीताले गुप्ताले दाइजोमा स्कोरपियो गाडी मागेको बताएकी छन् ।विहे गरेर आए लगत्तैदेखि दाइजको निहुँमा सताउन थाले । उनले स्कोर्पियो गाडी मागेका थिए, संगीताले भनेकी छन्, देशको कानूनमन्त्री भइसकेको मान्छे, यस्तो नगर्नूस्, तपाई त समाजको प्रतिष्ठित मान्छे हो, अरुलाई दाइजो नलिन आग्रह गर्नुपनेृमा तपाईं आफै ममाथि यस्तो किन गर्नुहुन्छ भनें । तर उनले ममाथि धेरै ज्यादति गरे ।’ संगीताले आफूलाई गुप्ताले अप्राकृतिक मैथुन गर्नमसेत बाध्य पारेको आरोप लगाएकी छन् । आफू पटकपटक बलात्कारमा परेको उनको भनाइ छ । त्यस यसक्रममा दुई पटक गर्भपतन समेत भएको तर परिवार बिग्रन नदिने आफूले यातना भोगेर पनि धेरै प्रयास गरेको बताएकी छन् । गुप्ताले सम्बन्ध ज्यान मार्ने धम्की दिएर विच्छेदका लागि दबाब दिएको आरोप पनि उनको छ । धम्की दिएर आफूलाई चार महिनाअघि घर निकाला गरेकाले माइतीको शरणमा लुक्दै हिंडेको उनको भनाइ छ । छोडपत्र नदिए मार्छु भने । मारेर तँलाई गायब बनाइदिन्छु, यो देशमा मलाई जेल हाल्न कसैले सक्दैन भने । गुप्ता र उनका परिवारका सदस्यले अरु मान्छे प्रयोग गरेर बलात्कार प्रयाससमेत गराउन खोजेको आरोप संगीताले लगाएकी छन् । ‘म एउटी पतिव्रता हिन्दू नारी हुँ । मेरो श्रीमानबाहेक अरुसँग कुनै प्रकारको सम्बन्ध राखेकी छैन । तर, मलाई जबर्जस्ती मेरो श्रीमान र उनका परिवारले अरु मान्छे लगाएर बलात्कार प्रयास समेत गरेका छन्’, संगीताले भनेकी छन् । उनले प्रहरीले उजुरी नै दर्ता गर्न नमानेको र महिला आयोगले दुईपटक छलफलका लागि बोलाउँदासमेत गुप्ता नआएको बताइन् । भारत माइती भएकी उनले आफ्नो कानूनी लडाइँमा सम्पूर्ण नेपालीको साथ पाउने विश्वास पनि लिएकी छन् । साँघु साप्ताहिकले लिएको अन्तर्वार्तामा आधारित खबर हो ।

 

सिम्रिक एयरको हेलिकोप्टर गोरखामा दुर्घटना

    आशाढ ७, सिम्रिक एयरको नाइन एन एके एफ हेलिकोप्टर गोरखामा दुर्घटनामा परेको छ। पाँच यात्रुसहितको हेलिकोप्टर गोरखाको सामागाउँ गाविस–९ साम्दोमा दुर्घटना भएको हो।

     अवतरण गरेर पुन: उड्ने क्रममा असन्तुलित भएको हेलिकोप्टरलाई चालकले सुरक्षित रुपमा अवतरण गराउने क्रममा पछाडिको भाग भुइँमा ठोक्किएको थियो।सुरक्षित रुपमा अवतरण भएको हेलिकोप्टरमा आगो लाग्न थालेपछि क्याप्टने सुरेन्द्र पौडेल तथा यात्रुहरु बाहिर निस्केका थिए। यात्रुहरुलाई सुरक्षित रुपमा बाहिर निस्कन स्थानीयले सघाएका थिए।
     चालक र यात्रुहरु बाहिर निस्केपछि हेलिकोप्टरमा आगो दन्केको थियो। सिम्रिक एयरका मुख्य प्रबन्धक डिलबहादुर ओलीले उड्ने क्रममा दुर्घटना भएको दिए। पाइलटको होशियारीले सबै यात्रु सकुशल बाहिर निस्कन सफल भएको मुख्य प्रबन्धक ओलीले बताए। हेलिकोप्टर पूर्ण रुपमा क्षतिग्रस्त भएको छ।

    मेडिकल तथा खानेपानी एवं सरसफाइसम्बन्धी टोली लिएर गएको हेलिकोप्टर सोमबार बिहान पौने ११ बजे साम्दोको गाउँभन्दा केही तलको चौरमा दुर्घटना भएको हो। हेलिकोप्टरका चालक र यात्रुहरुलाई मनाङ एयरको हेलिकोप्टरले उद्धार गरेको छ ।

उपत्यकाका टप टेन प्लस टु कलेजहरु

      २०७२ आषाढ ६, एसएलसी दिएर प्लस टु का पढ्नका लागि कलेजको खोजीमा रहेका विद्यार्थीहरु कुन कलेज पढ्ने भनेर अलमलमा हुनुहुन्छ ? अझ कुन विषय पढ्ने भन्नेर द्धिविधामा हुनुहुन्छ । उच्च माध्यमिक शिक्षा परिषदले गत वर्षको नतिजाका आधारमा उपत्यकाका १० वटा कलेजहरु छुट्टाएको छ ।
     ललितपुरको मानभवनमा रहेको प्रसादी एकेडेमीले उच्च शिक्षामा कहिल्यै पनि ९७ प्रतिशत भन्दा तल आफ्नो नतिजा अहिलेसम्म ल्याएको छैन् । २०५७ सालमा स्थापना भएको सो कलेज प्लस टु का लागि नेपालभरीकै उत्कृष्ट हो । उसले पछिल्लो समय आफ्नो नतिजा ९८ दशमलव ७३ प्रतिशत ल्याएको थियो । विज्ञान र व्यवस्थापन पढाइ हुने सो कलेजमा ८५ जना शिक्षक छन् । विज्ञान संकायका लागि भर्ना शुल्क १४ हजार ९ सय ५० र अन्य शुल्क १९ हजार तोकिएको छ । मासिक शुल्क भने ४ हजार ५० तोकिएको छ । व्यवस्थापनका लागि भने भर्ना शुल्क १४ हजार ९ सय ५०, अन्य शुल्क १३ हजार र मासिक शुल्क ३ हजार ५० तोकिएको छ ।   
      माइतीघरमा रहेको सेन्ट जेर्भियस कलेजमा विज्ञान संकाय मात्र पढाइ हुन्छ । उसले गत वर्ष आफ्नो नतिजा ९६ दशमलव ३१ ल्याएको थियो । भर्नाका लागि शुल्क ५ हजार अन्य शुल्क ७० हजार कलेजले तोकेको छ ।
     ललितपुरको जावलाखेलमा रहेको सेन्ट मेरिज उच्च माविमा मानविकी, विज्ञान, र व्यवस्थापनमा पढाइ हुन्छ । ३ वटै संकायको  भर्ना शुल्क २० हजार, अन्य शुल्क ३० हजार र मासिक शुल्क २९ सय तोकिएको छ ।
     सल्लाघारीमा रहेको सैनिक आवासिय महाविद्यालयमा मानविकी,विज्ञान र व्यवस्थापन पढाइ हुन्छ । मानविकीका लागि भर्ना शुल्क ७ हजार ५ सय र मासिक शुल्क १५ सय, विज्ञान संकायका लागि भर्ना १० हजार ५ सय र मासिक शुल्क ९ हजार ५ सय तथा व्यवस्थापनका लागि भर्ना शुल्क ७ हजार ५ सय र मासिक शुल्क ९ हजार ४ सय तोकिएको छ ।
     बानेश्वरमा रहेको ग्लोवल कलेज अफ म्यानेजमेन्टमा व्यवस्थापन मात्र पढाइ हुन्छ । उसले गत वर्ष ९४ प्रतिशत ९० प्रतिशत नतिजा ल्याएको थियो । भर्ना शुल्क १२ हजार, अन्य शुल्क ४० हजार र मासिक शुल्क ४ हजार कलेजले तोकेको थियो ।
    बागबजारमा रहेको काठमाडौं मोडेल उच्च माविमा मानविकी, विज्ञान र व्यवस्थापन पढाइ हुन्छ । ३ वटै निकायका लागि भर्ना शुल्क ७ हजार तोकिएको छ ।  मासिक शुल्क भने मानविकीका लागि २५ सय, विज्ञानका लागि ४५ सय र व्यवस्थापनका लागि ३२ सय तोकिएको छ ।
    जेभियर एकेडेमी उच्च मावि लाजिम्पाटमा छ । सो कलेजमा विज्ञान र मानविकी मात्र पढाइ हुन्छ । दुवै भर्ना शुल्क १४ हजार र अन्य शुल्क २५ हजार ५ सय तोकिएको छ । विज्ञानका लागि मासिक शुल्क ५ हजार, व्यवस्थापनका लागि ४ हजार तोकिएको छ ।
    एनसीसीएस उच्चमावि काठमाडौंको पकनाजोलमा छ । त्यहाँ व्यवस्थापनमात्र पढाइ हुन्छ । १९ हजार ५ सय भर्ना शुल्क, ३६ सय मासिक शुल्क तोकिएको छ ।
    भक्तपुरको दधिकोटमा रहेको मोर्डन बोर्डिङ उच्च मावि पनि उत्कृष्ट छ । व्यवस्थापनमात्र पढाइ हुने त्यस कलेजमा भर्ना शुल्क ४ हजार, अन्य शुल्क ५ हजार ७ सय र मासिक शुल्क २१ सय तोकिएको छ ।
    ललितपुरको हात्तिवनमा रहेको लिटिल एन्जेल्स उच्चमाविमा विज्ञान र व्यवस्थापन संकाय पढाइ हुन्छ । दुवै संकायको भर्ना शुल्क १४ हजार, मासिक शुल्क ४ हजार र अन्य शुल्क ३३ हजार तोकिएको छ ।

 

२०फिटको बाटो भएमा मात्र घर बनाउन पाउने

     काठमाडौं : सरकारले विनाशकारी भूकम्पपछि गठन गरेको 'सुरक्षित बस्ती विकास मापदण्ड तथा भवन निर्माण सुझाव समिति'ले घर बनाउन २० फिटको बाटो अनिवार्य गरिनुपर्ने सुझावसहित  आफ्नो प्रतिवेदन सहरी विकास मन्त्रालयमा पेस गरेको छ। 
   कुनै पनि व्यक्तिले घर बनाउँदा २० फिटको बाटो कायम गर्नुपर्ने प्रस्ताव गरिएकाले सरकारले यसलाई संशोधन गर्छ वा समितिकै सुझावअनुसार पारित गर्छ भन्ने यति बेला निकै चासोको विषय बनेको छ।
    समितिले १७ मिटर अर्थात् ६ तल्लाभन्दा अग्ला घर बनाउँदा अनिवार्यरूपमा त्यस ठाउँमा भूकम्प आउँदा कस्तो असर गर्छ भनेर सेस्मिक अध्ययन गरेको रिपोर्टसमेत पेस गर्नुपर्ने प्रस्ताव गरेको छ।
   भवनको नक्सा पास गर्दा भूकम्पीय खतरा छैन भनेर अध्ययन गरिएको रिपोर्ट पेस गर्नुपर्ने भएको हो।  प्रतिवेदनमा ३० डिग्रीभन्दा बढी भिरालो जमिनमा व्यक्तिगत घर तथा ठूला अपार्टमेन्ट बनाउन भूबनोटसम्बन्धी प्राविधिक प्रतिवेदन (जिओ टेक्निकल रिपोर्ट) अनिवार्यरूपमा पेस गर्नुपर्ने प्रस्तावसमेत गरिएको छ।
    सुझाव समितिका सदस्य एवं काठमाडौं उपत्यका विकास प्राधिकरण, जिल्ला आयुक्त विकास कार्यालयका प्रमुख डा. भाइकाजी तिवारीले घर बनाउन २० फिट (६ मिटर) को बाटो अनिवार्य गरिनुपर्नेलगायतका महत्त्वपूर्ण सुझावसहितको प्रतिवेदन मन्त्रालयमा बुझाएको जानकारी दिए।
    घर बनाउन ६ मिटरको बाटो, १७ मिटरभन्दा अग्ला घर बनाउन सेस्मिक अध्ययन, ३० डिग्रीभन्दा बढी भिरालो जमिनमा जिओ टेक्निकल अध्ययन अनिवार्य गर्न सुझाव दिइएको छ', उनले अन्नपूर्णसँग भने।
    भिरालो जमिनमा घर बनाउन हुने भए पनि बाढीपहिरोको खतरालगायतका विषयमा भूगर्भीय अध्ययन आवश्यक हुने विज्ञ बताउँछन्।
    सहरी विकास मन्त्रालयका प्रवक्ता पदम मैनालीले समितिबाट प्राप्त प्रतिवेदनको अध्ययन गरी जतिसक्दो छिटो पारित गराउन पहल गरिने जानकारी दिए। मन्त्रालयले मन्त्रिपरिषद्बाटै यी प्रस्ताव पारित गराउने तयारी गरेको छ।
   कुनै पनि व्यक्तिले घर बनाउँदा २० फिटको बाटो कायम गर्नुपर्ने प्रस्ताव गरिएकाले सरकारले यसलाई संशोधन गर्छ वा समितिकै सुझावअनुसार पारित गर्छ भन्ने यतिबेला निकै चासोको विषय बनेको छ।
   भूकम्पले देशभरमा पाँच लाखभन्दा बढी घर भत्काएपछि आगामी संरचना बलियो तथा भूकम्प प्रतिरोधात्मक कसरी बनाउन सकिन्छ भन्नेबारेमा अध्ययन गर्न सहरी विकास मन्त्रालयले केही समयअघि डा. महेन्द्र सुब्बाको संयोजकत्वमा नौसदस्यीय 'सहरी बस्ती विकास मापदण्ड तथा भवन निर्माण सुझाव समिति' गठन गरेको थियो।
    समितिका सदस्यहरूमा काठमाडौं जिल्ला विकास प्राधिकरण, जिल्ला आयुक्त विकास कार्यालयका प्रमुख तिवारी, स्थानीय विकास मन्त्रालयका सहसचिव गोपी खनाल, सहरी विकास मन्त्रालयका सहसचिव पदम मैनाली, सहरी विकास तथा भवन निर्माण विभागका महानिर्देशक शभ्भु केसी, पुरातत्त्व विभागका महानिर्देशक भेषनारायण दाहाल, सहरी विकास तथा भवन निर्माण विभागका उपमहानिर्देशक रमेशप्रसाद सिंह, काठमाडौं महानगरपालिकाका कार्यकारी अधिकृत रुद्रसिंह तामाङ र ललितपुर उपमहानगरपालिकाका कार्यकारी अधिकृत ताराबहादुर कार्की रहेका छन्।
    समितिको प्रतिवेदनमा भवन निर्माण गर्दा अनिवार्यरूपमा इन्जिनियरको प्रत्यक्ष सहभागिता हुनैपर्ने व्यवस्था छ। निर्माण सम्पन्न भएको प्रमाणपत्र अनिवार्यरूपमा लिनुपर्ने व्यवस्था कडाइका साथ कार्यान्वयन गर्न पनि सुझाव दिइएको छ।
    व्यक्तिगत घर तथा व्यावसायिक प्रयोजनका ठूला भवन इन्जिनियरिङ प्रक्रिया पूरा गरेरमात्र बनाउन दिन नयाँ व्यवस्था गर्न लागिएको हो। सरकारले भूकम्प प्रतिरोधात्मक घर बनाउने प्रविधि र नमुनासमेत सार्वजनिक गर्ने तयारी गरिरहेको छ।

मलेसिया सरकारले नेपाली कामदार नलैजाने भएको छ

    असार ०५, सरकारले मलेसियामा पठाउने कामदारलाई निशुल्क टिकट र निशुल्क भिसा दिनुपर्ने माग गरेपछि मलेसिया सरकारले नेपालको सट्टा बंगलादेशबाट कामदार लैजाने भएको छ ।
       यसअघि मलेसिया सककारले बंगलादेशबाट कामदार लैजान रोक लगाएपछि नेपालबाट लाखौं कामदार मलेसिया पुगेको नेपाल समाचार पत्र दैनिकले छापेको छ ।    
      श्रमराज्यमन्त्री टेकबहादुर गुरुङले बिना पूर्वाधार मलेसियालगायतका ७ वटा खाडी मुलुकमा नेपाली कामदार पठाउँदा निशुल्क भिसा र टिकट दिनुपर्ने माग गरेपछि त्यहाँको सरकारले कामदार खोज्ने मुलुकको सूचीबाट नेपाललाई हटाउने तयारी गरेको छ ।

ब्राजिलका नेयमर ४ खेलमा प्रतिबन्ध

काठमाडौं, आषाढ ५ । ब्राजिलियन स्टार नेयमारले चिलीमा जारी कोपा अमेरिका फुटबल प्रतियोगिताका बाँकी खेल गुमाउने भएका छन् ।
     कोलम्बियाविरुद्धको खेलमा रातोकार्ड पाएका २३ वर्षीय स्टारमाथि शुक्रबार ४ खेलको प्रतिबन्ध लागेसँगै उनले कोपा अमेरिका गुमाउने भएका हुन् ।
     कोलम्बियाविरुद्धको खेलमा ब्राजिल १–० ले पराजित भएको थियो । सोही खेलपश्चात नेयमारले हानेको बलले कोलम्बियाका पाब्लो अर्मेरोलाई लागेपछि तनाव उत्पन्न भएको थियो । सोहीक्रममा विवाद हुँदा नेयमार र कार्लोस बाकाले रातोकार्ड पाएका थिए ।
   तत्कालै नेयमारमाथि एक खेलको प्रतिबन्ध लागेको थियो । तर, दक्षिण अमेरिकी फुटबल महासंघले उनीमाथिको निर्णय पुनरावलोकन गर्दै ४ खेलको प्रतिबन्ध लगाएको हो । कोलम्बियाका बाकामाथि भने दुई खेलको प्रतिबन्ध लगाइएको छ ।
     नेयमार र बाका दुबैले यो निर्णयविरुद्ध अपिल भने गर्नसक्ने जनाइएको छ । नेयमारको प्रतिबन्धले ब्राजिललाई अप्ठ्यारो पर्ने अनुमान गरिएको छ ।

२०७२ एसएलसी नतिजा अनुसार नुवाकोटबाट ५३ प्रतिशत विद्यार्थी उत्तिर्ण

     आषाढ ४ शुक्रबार सार्वजनिक यस वर्षको एसएलसी नतिजा अनुसार नुवाकोटबाट ५३ प्रतिशत विद्यार्थी उत्तिर्ण भएका छन् ।
    नियमित तर्फ चार हजार सात सय १९ जनाले एसएलसी परीक्षा दिएकोमा विशिष्ट श्रेणीमा एक सय १३, प्रथम श्रेणीमा एक हजार १५, द्वितीय श्रेणीमा एक हजार तीन सय चार, तेस्रो श्रेणीमा ६८ जना गरी दुई हजार पाँच सय जना अर्थात ५२ दशमलव ९७ प्रतिशत विद्यार्थी उत्तिर्ण भएका छन् ।
यो संख्या गत वर्षको तुलनामा ८ प्रतिशत बढी हो ।
    एक सय २३ वटा माविबाट विद्यार्थीहरु सहभागी भएको परीक्षामा सामुदायिकतर्फ पृथ्वी मावि विदुर र नीजी विद्यालयतर्फ उत्तरगया बोर्डिङ स्कूल बेत्रावती, स्टार इङ्लिस बोर्डिङ स्कूल कोलोनी, ब्रिलियण्ट एकेडेमी ढुंगे र लाङटाङ स्नो भ्यू बोर्डिङ बोर्डिङ स्कूल ककनीले शतप्रतिशत नतिजा ल्याएका छन् ।
शून्य प्रतिशत नतिजा ल्याएर यस वर्ष शहिद जगतप्रकाश जंग शाह संस्कृत मावि देविघाट निल भएको छ ।
५० जनाभन्दा कम सहभागी गराएर मुकुन्देश्वरी उच्च मावि चाउथे ९४ दशमलव ७३ प्रतिशत, राष्ट्रिय मावि थानसिंङले ८९ दशमलव ४७ प्रतिशत अंक प्राप्त गरेका छन् भने ५० भन्दा विद्यार्थीको परिक्षामा सहभागीताका आधारमा कल्याणीदेवी उच्च मावि, बेल्कोटभञ्ज्याङ मावि, विन्दूकेशर उच्च मावि र महादेव उच्च मावि उत्कृष्ट नतिजा ल्याउन सफल भएका छन् ।
     यसैगरी, सामुदायिक विद्यालयतर्फ २७ र संस्थागत विद्यालयतर्फबाट ८६ जनाले विशिष्ट श्रेणीमा उर्तिण गरेको जिल्ला शिक्षा कार्यालय नुवाकोटले जनाएको छ ।
सुभेनियर बोर्डिङ स्कूलले संस्थागत विद्यालयको तर्फबाट सबैभन्दा धेरै ३२ जना विद्यार्थी विशिष्ट श्रेणीमा उतिर्ण गराएको छ भने, सामुदायिकतर्फ महादेव उच्च मावि रातमाटेले ४ जना विद्यार्थी उतिर्ण गराउन सफल भएको छ ।
     नुवाकोटमा एक्जाम्टेडतर्फ यस वर्ष एक हजार तीन सय ३५ जनाले परीक्षा दिएकोमा दुई सय ११ जना अर्थात १५ दशमलव ८० प्रतिशत उत्तिर्ण भएका छन् ।

सम्पूर्णविवरण  हेर्नुहोस्

नेपाली सुरक्षा गार्डले यसरी मन जिते मलेसियामा

     एक जना नेपाली सुरक्षा गार्ड जो परदेशी भूमीमा पसिना बगाइरहेका छन उनले देखाएको ब्यबहारबाट यतिबेला मलेसियाको इन्टरनेट प्रयोगकर्ताको मन जितेको छ । एक मगन्तेलाई उनीहरुले गरेको ब्यबहार र बोलीले नेपालीको महानता झल्काउँछ ।