नुवाकोट रा.प्र.पा.का अध्यक्ष अनिएमितता गरेको कारण पदबाट बर्खास्त

नुवाकोट, साउन २– राष्ट्रिय प्रजातन्त्र पार्टी नुवाकोटका अध्यक्ष झनकबहादुर प्याकुरेललाई राप्रपाले अध्यक्ष पदबाट बर्खास्त गरेको छ ।

जिल्लामा पार्टी एकीकरण अधिवेशन भएको साँढे दुई वर्षमै अध्यक्ष प्याकुरेललाई पार्टी नीति विपरीत काम गरेको भन्दै राष्ट्रिय प्रजातन्त्र पार्टीले पदबाट बर्खास्त गरेको जनाएको छ ।

पार्टी अध्यक्ष पशुपतिशमशेर जबराको अध्यक्षतामा बुधबार बसेको केन्द्रीय समितिको बैठकले विधान २०४८ को दफा २७ ङ अनुसार राप्रपाको नुवाकोट अध्यक्षबाट प्याकुरेललाई बर्खास्त गरिएको जनाइएका् छ ।

पार्टी केन्द्रीय कार्यसम्पादन समितिको बैठकले प्याकुरेललाई बर्खास्त गरी कोषाध्यक्ष नरेन्द्रप्रसाद फुँयाललाई कार्यबाहक अध्यक्षको जिम्मेवारी दिएको छ ।

पार्टीका सहायक महामन्त्री तथा सङ्गठन विभाग प्रमुख हेमजङ गुरुङद्वारा जारी विज्ञप्तिमा यसको जानकारी जिल्ला प्रशासन कार्यालय नुवाकोट र जिल्ला विकास समितिको कार्यालयमा गराइएको छ ।

पार्टीको अनुशासन समितिले गत असार १८ गते अध्यक्ष प्याकुरेललाई कारबाही गर्न केन्द्रीय समितिलाई सिफारिस गरेको थियो ।

वाणिज्य तथा आपूर्ती मन्त्री सुनीलबहादुर थापाले पठाएको राहत सामग्री वितरणमा जिल्ला अध्यक्ष प्याकुरेलले एकलौटी रूपमा निर्णय गरेको, १८ महिनादेखि पार्टीको जिल्ला कार्यसमितिको बैठक नगरेको, संस्थापन पक्षविरुद्ध गुटबन्दी गरेको, केन्द्रीय अध्यक्ष पशुपतिशमशेर जबराविरुद्ध आयोजित भेलामा सहभागी भएकोलगायत कारण देखाउँदै पार्टीको केन्द्रीय सदस्य तथा केन्द्रीय अनुशासन समितिका संयोजक बाबुराम पौडेलले लिखित स्पष्टीकरण मागेका थिए ।

अनुशासन समितिको स्पष्टीकरण मागेपछि डा प्रकाशचन्द्र लोहनी उनी पक्षधर नेता तथा कार्यकर्ताले स्पष्टीकरण नदिन अध्यक्ष प्याकुरेललाई निर्देशन दिएको बुझिएको छ । प्याकुरेलले पार्टीले विधानसम्मत मागेको स्पष्टीकरण नदिएका कारण उनीमाथि कारबाही भएको सो पार्टीले जनाएको छ ।

प्याकुरेलले भने आफूलाई कारबाही गर्ने अधिकार कसैलाई नभएको र आफू नै अध्यक्ष रहेको दाबी गरेका छन् ।

४ किलो सुनसहित १ ब्यक्ति काठमाण्डौँ एयरपोर्टमा पक्राउ

काठमाडौँ, साउन २–यु.ए.ई.को शारजाहाबाट काठमाण्डौँ आएका भारतीय ५७ वर्षीय रामनिवास बर्मालाई अवैध रूपमा ल्याएको चार किलो सुनसहित प्रहरीले शुक्रबार पक्राउ गरेको छ । एयर अरेबियाको उडानबाट त्रिभुवन अन्तर्राष्ट्रिय विमानस्थल ओर्लिएलगत्तै भन्सार पार भएपछि आगमन द्वारमा प्रहरीले जाँच गर्ने क्रममा सुनसहित प्रहरीले उनलाई नियन्त्रणमा लिएको हो । बर्माले शरीरभित्र लुकाइछिपाइ चार टुक्रामा उक्त परिमाणको सुन ल्याएका थिए । राहदानी नं ८२५२९५९५ मन बर्माका सम्बन्धमा प्रहरीले थप आवश्यक अनुसन्धान गरिरहेको छ ।

शक्तिशाली कार बम विस्फोटमा परी कम्तीमा ९० जनाको ज्यान गएको छ

खान बानी साद (इराक), २ साउन । इराकको राजधानी बग्दादको उत्तरी क्षेत्रमा भएको एक शक्तिशाली कार बम विस्फोटमा परी कम्तीमा पनि ९० जनाको ज्यान गएको समाचार छ ।

शुक्रबार साँझ र रातिगरी सो विस्फोट भएको थियो । उक्त विस्फोटमा परी मारिने व्यक्तिको सङ्ख्या ९० जना पुगेको अधिकारीहरुले जनाएका छन् ।

उक्त विस्फोट इस्लामिक स्टेटले गराएका थिए । उनीहरुले यसको जिम्मेवारी पनि लिइसकेका छन् ।
विस्फोट भएको नगर खान बानी सादका एकजना अधिकारीले मृत्यु हुने व्यक्तिको सङ्ख्या ९० पुगेको जानकारी दिएका छन् । उनले सो विस्फोटमा परी हराउनेको सङ्ख्या २० भन्दा बढी रहेको बताएका छन् ।

अब्बास हादी सालेहले सो बारेमा जानकारी दिएका छन् । उनले भनेका छन्– मारिनेको सङ्ख्या ९० पुगेको छ र त्यसमा परी अरु १२० जना घाइते भएका छन् ।

रमाजानको अन्तिम दिन मनाइरहेका बेला शुक्रबार यसरी विस्फोट भएको थियो । विस्फोटमा परी १५ जना बालबालिका पनि मारिएका छन् ।

बजारको मध्यभागमा नै शुक्रबार किनमेल जारी रहेको समयमा धेरै मानिस जम्मा भएको स्थानमा यस्तो विस्फोट भएकोले धेरै नागरिकको ज्यान गएको बताइएको हो ।

सिया समुदायका मुसलमानहरुको बाहुल्यता रहेको भनिएको सो नगरमा बर्सेनि यसरी रमाजानकै समयमा हमला हुने गरेको छ । जसका कारण नागरिकमा त्रास फैलिने गर्दछ ।

यसरी बर्सेनि हामीमाथि हमला हुने गरेको छ हामी सियाहरुको दोषी बन्दै आएका छौँ– सालेहले भने । यो नगर दिया प्रान्तमा पर्दछ । इराक सरकारले गएको महिनामात्र यस नगरलाई आइएसबाट सुरक्षित नगरका रुपमा नै घोषणा गरेको थियो ।

आइएसले यसको जिम्मेवारी लिएका छन् । उनीहरुले यस विस्फोटमा कम्तीमा पनि तीन टन शक्तिशाली विस्फोटक पदार्थको प्रयोग गरेको जनाएको छ ।

उसले उक्त नगरमा गतवर्षबाट सुरु गरेको आक्रमणपछि यसलाई सबैभन्दा शक्तिशाली विस्फोट भएको बताएको छ ।

एएफपीका समाचारदाताले उक्त शक्तिशाली विस्फोटका कारण सो सडकमा ठूलो खाडल परेको बताएका छन् । विस्फोटबाट अरुपनि कयौँ संरचना ध्वस्त भएको बताइएको छ ।

यु.ए.ई.को सेक्युरेटी कम्पनीमा कार्यरत १ नेपालीको मृत्यु

सनिबार २ असार ,युएई  -  फोक्सोको क्यान्सरका कारण युएईमा एक नेपालको ज्यान गएको छ । अलऐनमा रहेको तवाम अस्पतालमा उपचार गराइ रहेका कालिका–४ कास्कीका रबिन्द्र बजगाईंको ज्यान गएको हो ।
१८ महिना अघि आबुधाबीमा रहेको स्पार्क सेक्युरेटी कम्पनीमा काम गर्न आएका  २६ वर्षका बजगाईंलाई ६ महिना अघि फोक्सोको क्यान्सर भएको पुष्टी भएको थियो ।
रेडियोथेरापी पद्धती अनुसार किमोथेरापी र टोमोथेरापी भैरहेका बेला बजगाईंको शनिबार ज्यान गएको अस्पतालले जनाएको छ ।
बजगाईंको ज्यान गएको बारे आधिकारिक जानकारी दूतावासमा नआएको युएईका लागि नेपाली राजदूत धनन्जय झाले बताउनुभयो ।
आधिकारिक जानकारी आएपछि मात्रै घटनाको पुष्टी गर्न सकिने दूतावासले जनाएको छ ।
तस्बिर : दलबीर शिंह बराइली
न्यूजअभियान

गेष्टहाउसका सञ्चालक मृत् अबस्थामा भेटियो

काठमाडौंको कपन  स्थित आस्था गेष्टहाउसका सञ्चालकको मृत्यु भएको छ। तेह्थुमका ४७ वर्षीय गणेश मोक्तानको शुक्रबार करेन्ट लागेर मृत्यु भएको हो । मृत् अबस्थामा भेटियो

अचानक करेन्ट लागेर गम्भीर घाइते भएका मोक्तानको ग्रान्डी अस्पताल धापासीमा उपचारको क्रममा मृत्यु भएको प्रहरीले जनाएको छ।यस सम्बन्धमा अनुसन्धान भइरहेको प्रहरीले जनाएको छ।

उता, उदयपुर त्रियुगा नगरपालिका­१७ बस्ने रामकुमार सदाको ११ महीनाका छोरा बिरेन सदाको आप्mनै घर नजिकै पानी जमेको खाल्डोमा डुबी मृत्यु भएको छ। गम्भिर घाइते शिशुको उपचारका लागि अस्पताल लाँदा अस्पतालमै मृत्यु भएको बताइएको छ।

यसैबीच,काठमाडौं महानगरपालिका १४ बल्खुस्थित खाली जग्गामा पाल टाँगी बसेका काभ्रे साँगाका ६६ वर्षीय सानुकाजी बस्नेत शुक्रबार मृत अवस्थामा फेला परेका छन्। यस सम्बन्धमा आवश्यक अनुसन्धान गरिरहेको प्रहरीले जनाएको छ।

दिउँसो सुत्ने मानिसहरुको चाँडै मृत्यु

राती नसुतेको भन्दै दिनमा सुत्ने मानिसहरु सावधान हुनुहोस् । एक तथ्यका आधारमा दिउँसो सुत्ने वयस्क र पाको मानिसहरुको चाँडै मृत्यु हुने सम्भावना हुन्छ । विशेष रुपमा, दिउँसोको निन्द्राले स्वासप्रश्वाससम्बन्धि रोगहरु बढाउने गर्दछ ।

४० देखि ६५ वर्षका उमेरसमूूहरुका मानिसहरु जो दिउँसो एक घण्टा वा त्योभन्दा बढि सुत्ने गर्दछन् उनीहरुको मृत्यु हुने सम्भावना दिउँसो नसुत्ने मानिसहरुको तुलनामा दोब्बर हुन्छ, युनिभर्सिटी अफ क्याब्रिजका अनुसन्धानकर्ताहरुले बताए । दिउँसो धेरै सुत्नाले स्वास्थ्यमा नकारात्मक असर पुर्याउने गर्दछ विशेष गरि श्वासप्रश्वाससम्बन्धि रोगहरु, क्याम्ब्रिजका महामारीविद् यू लेंगले बताए । उक्त अनुसन्धानमा १६ हजार मानिस सामेल गराइएको थियो । सन् १९९८ देखि २००० सम्मको अन्तरालमा उनीहरुको सुत्ने बानीको बारेमा जानकारी लिइयो र उनीहरुलाई १३ वर्षसम्म पिछा गरियो ।source dainik khabar

एजेन्टलाई ३० लाख रुपैयाँका दरले तिरेर अमेरिका

सन् २०१६ डिसेम्बरसम्म लागु हुने टीपीएस यस्तो सुविधा हो, भिसाबिनै पुगेका वा बसेका नेपालीले श्रम इजाजत पाउनेछन् ।

उनीहरुलाई स्थायी बसोबास (ग्रिन कार्ड) को आवेदन दिने मौका समेत दिइनेछ । यसैलाई भजाउँदै ‘अमेरिका लगिदिन्छु’ भनेर कुनै दलालले तपाईसँग पैसा झारिसकेको त छैन नी ? छैन भने, ठीकै छ । नत्र सावधान रहनुहोस्, यो धन्दा मौलाइसकेको छ।

ल्याटिन अमेरिकी मुलुक कोलम्बियामा यो साता मात्र तीन जना नेपाली पुर्याइए । त्यही घरजमसहित व्यवसाय गर्दै आएका सिन्धुलीका छत्रबहादुर मैनालीका अनुसार राजधानी बोगोटाको रियल स्टार होटलमा उनीहरुलाई राखिएको थियो ।

उनीहरु बाँके, दाङ र रुपन्देहीका हुन् । बैंककबाट मलेसिया, त्यहाँबाट दुबई हुँदै अल्मल्याउँदै ल्याइएको उनीहरुसँग ब्राजील र क्युवासम्मको भिसा छ ।

‘उनीहरुले एजेन्टको नाम चाँही भन्न मानेनन्,’ मैनालीले टेलिफोनबाट सुनाए, ‘तर, त्यही व्यक्तिले थप २५ जनालाई लैजान काठमाडौमा पैसा उठाइसकेको र सय जनाको लागि अन्तरवार्ता लिइरहेको बताए ।’

उनीहरु एजेन्टलाई ३० लाख रुपैयाँका दरले तिरेर उडेका थिए । त्यो समूह बिहीबार पैदनमार्गबाट अमेरिकातर्फ लागेको छ । आजको कान्तिपुर दैनिकमा समाचार छ ।

एक महिलाको इन्जेक्सन र औषधि दिएको केही समयमै मृत्यु

पाँचथर, २ साउन । पाँचथरको यासोकमा झाडापखालाबाट थलिएकी एक महिलाको इन्जेक्सन र औषधि दिएको केही समयमै मृत्यु भएको छ । यासोक–३ की ४६ वर्षीया यमकुमारी धमलाको मृत्यु भएकोे हो ।

पेट दुख्यो भन्दै छटपटाएकी धमलाका यासोक बजारमा रहेको सलिना मेडिकलबाट इन्जेक्सन र औषधि लिएको केही छिनमै मृत्यु भएको पारिवारिक स्रोतलाई उद्धृत गर्दै प्रहरी निरीक्षक रविराज थपलियाले जानकारी दिनुभयो ।

मृतकको आफन्तले प्रहरीमा मेडिकल सञ्चालकविरुद्ध जाहेरी दिएका छन् । घटनाबारे स्थलगत अनुसन्धानका लागि ब्युरोको टोली यासोक खटिएको र टोलीको प्रतिवेदनपछि मात्रै वास्तविकता भन्न सकिने प्रहरी निरीक्षक थपलियाको भनाइ छ ।

नवजात शिशुको मेडिकल विद्यार्थीले लिंग नै काटिदिए

मेक्सिकोको एक अस्पतालमा एक महिलाले जन्माएकी नवजात शिशुको मेडिकल विद्यार्थीले लिंग नै काटिदिएको खुलेको छ ।
सुत्केरी भएको जन्मेको २ घन्टासम्म पनि आफ्नो शिशुको मुख देख्न नपाएपछि आत्तिएका बाआमाले आफ्नो सन्तानबारे निकै चासो राखेका थिए ।
निकै कर गरेपछि डाक्टरले उनीहरुको बच्चा बाहिर ल्याए । त्यतिबेला डाक्टरले उक्त घटना लुकाउन निकै प्रयास गरेका थिए । तर, ढाटे कुरा काटे मिल्दैन भने झै मेडिकल विद्यार्थीले गरेको गल्ती छताछुल्ल भयो ।
मेक्सिकोको साल्टिलो सहरमा रहेको अस्पतालका अधिकारीहरुले ती शिशुको बाआमालाई शिशु छिट्टै निको हुने अश्वासन दिए । डाक्टरहरुले ती शिशुको लिंग सिलाएर जोडिदिएको अखबारहरुमा सार्वजनिक भयो । उक्त घाउ दुई सेन्टिमिटर गहिरो थियो । अस्पतालले जानीबुझी यस्तो नगरेको स्पष्ट पारेको छ । यता, शिशुका बुवा डिएगोले मुद्दा हालेका छन् ।
-

१० वर्षीय बालिकाले बच्चा जन्माई सबैलाई अचम्मीत पर्यो

ब्रजिलको बेलो हारिजॉन्ट भने स्थानमा दश वर्षीय स्कुले बालिकाले एक बच्चालाई जन्म दिएकी छन्  । स्कुलमा अध्यनरत बालिकालाई अचानक स्कुलमा पेट दुख्न थाले पछि अस्पताल पुर्याइएको थियो । अस्पताल पुर्याइए लगतै  स्कुले बालिकाले एक बच्चालाई जन्म दिए पछि अस्पताल परिसरमा रहेका सबै  अचम्ममा परेको मिररले जनाएको छ ।

डाक्टरका अनुसार सो स्कुले बालिकाले बच्चालाई सात महिनामा जन्म दिएकी थिइन् र आमा र बच्चा दुवै अहिले एकदम स्वस्‍थ रहेका छन् । बच्चा जन्म दिएको केहि समय पश्चात ती स्कुले बालिकाको बयानको आधारमा उनका सौतेनी बाबुलाई पक्राउ गरी अनुसन्धान सुरु गरिएको  छ ।
स्कुले बालिकाको अनुसार उनका  सौतेनी बाबुले आमा नभएको अवस्थामा डर देखाई आफूलाई बारम्बार बलात्कार गर्ने गरेको र यस बिषयमा कसैलाई भने मारिदिने धम्की समेत दिनेगरेको  बताईन ।

गाउँहरुमा बलात्कारको घटनालाई सामसुम पार्न बार्गेनिङ

 चैनपुर बजारको एक घरमा नागरिक अगुवाहरू भएको भेलामा पाँच लाखभन्दा कममा हुँदैन भन्दै मोलमोलाइ हुँदै थियो। एक १२ वर्षीया बालिकामाथि बलात्कार भएको घटनालाई सामसुम पार्न पाँच लाखको कुरा चल्यो, एक घन्टा ‘बार्गेनिङ’ चलेपछि दुई लाख ७५ हजारमा कुरा मिल्यो। उनीहरूले एक लाख रुपैयाँ लेनदेन गरेर बाँकीको तमसुक बनाए।संखुवासभाकै शीतलपाटीमा एक वर्षअघि करिब ३० जनाको समूह भेला भएर औषधिउपचार गरिदिनुपर्छ भनेर कागज गर्दै थिए। ६ वर्षीया बालिकाको बलात्कारपछि उनको योनी १.५ सेन्टिमिटर च्यातिएपछि औषधिउपचार गर्ने सर्तमा कागज गरियो।१२ वर्षीया बालिका बलात्कार भएपछि प्रहरीमा जाहेरी दिइन्। प्रहरीले आरोपीलाई गिरफ्तार गर्‍यो। दुई दिनपछि जाहेरी फिर्ता लिन लगाई चार लाख २५ हजारमा मिलापत्र भयो।

स्वास्थ्य परीक्षणमा बलात्कृत भएको प्रमाणित भयो तर पीडितले उजुरी नदिएपछि प्रहरीले मुद्दा दर्ता नगरेको अन्नपूर्ण पोस्टमा खबर छ ।तेह्रथुममा फागुन १७ गते मोबाइल चार्ज गर्न गएकी ६ वर्षीया बालिका बलात्कृत भइन् । घटना दुई हजार रुपैयाँमा मिलापत्र भयो । १० दिनपछि घटना सार्वजनिक भयो र आरोपी थोक्लुङ-२ तेह्रथुमका १८ वर्षीय प्रेमकुमार श्रेष्ठलाई प्रहरीले गिरफ्तार गरी कारबाही थाल्यो।बिचौलिया पीडितसँग भन्छन्, ‘मुद्दा लडेर के गर्छौ? दुई वर्षमा छुटिहाल्छ, बरु पैसा लिए एक काम टर्छ। तिनै बिचौलिया फेरि आरोपीसँग भन्छन्, ‘कानुन बलियो छ जेल खेप्नुभन्दा दुईचार लाख दिएकै राम्रो।

 पैसाको बन्दोबस्त गर्न सुरु गर मिलाउने जिम्मा मेरो।’अर्को एउटा घटनामा पीडककी पत्नी पीडितसँग केही रकम थापेर ‘एक पटकलाई माफी दिन’ बिलौना गरिरहेकी छन्। उनी बेलाबेला रकम घटाइदिन पनि बिन्ती बिसाउँदैछन्। अलि पर रहेका उनका पति बलात्कारजस्तो ‘जघन्य’ मानिने अपराध पैसाले ढाकछोप हुन लाग्दा खुसी भएका छन्।

१७ लाख रुपैयाँ र ३ तोला सुन लिएर एक युवकको श्रीमती फरार

ताप्लेजुङ- वैदेशिक रोजगारबाट आठ वर्षपछि फर्किएका एक युवक आफ्नी श्रीमती र छोरो खोजिदिन हुलियासहितको निवेदन लिएर प्रहरी कार्यालय आइपुगेका छन् । आफूले कतारबाट पठाएको करिब १६ लाख रुपैयाँको भौचरसहित पुगेका उनले आफन्त, नातागोतामा खोज्दा नभेटाएपछि प्रहरीको शरणमा आएको बताए।

२०६४ सालमा एक छोरासहित श्रीमतीलाई छाडेर कतार गएका तिरिङ्गे गाविस ४ का बुद्धराज लिम्बू अघिल्लो साता आएका हुन् । काठमाडौंबाट सरासर सदरमुकाम फुङलिङ आएका उनी आफूले विदेश जाँदा डेरा राखेको सदरमुकामको घरमा परिवार खोज्न पुगेका थिए । ‘घरधनी अमर फुरुम्बुले दुई वर्षअघि नै उनकी श्रीमतिले कोठा छाडेको बताएपछि ससुराली गएँ, सासूले दुई वर्षदेखि नआएको बताउनुभयो’ उनले भने, ‘त्यसपछि नातागोता सबैतिर सोधखोज गर्दा कतै पत्तो लागेन ।’ खोजीदिन आग्रह गर्दै उनले प्रहरीमा निवेदन दिए । २०६२ सालमा फुरुम्बु गाविस ६ की रत्नकुमारी लिम्बूसँग विवाह गरेका उनी पुत्रलाभपछि विदेशिएका थिए ।

कतारको दोहास्थित अल्बे कम्पनीमा काम गरेका उनले २०७० सालसम्म १७ लाख रुपैयाँ र तीन तोला सुन पठाएको दाबी गरे । उनले पैसा बैंकमा राख्न, कसैलाई नदिन र छोरालाई राम्रो पढाउन भनेका थिए । तर रत्नकुमारीले पैसा ब्याजमा लगाउने गरेको पत्तो पाएपछि फोनमा उनको झगडा भयो । ‘छोरीलाई सम्झाइदिन र पैसा जथाभावी खर्च नगर्न सल्लाह दिन सासूलाई फोन गरेर अनुरोध गरें,’ उनले भने, ‘सासूले सम्झाउन खोज्दा झगडा भएछ ।’ प्रहरी प्रमुख शान्तिराज कोइरालाले हराएकी महिलाको खोजी गर्ने आश्वासन दिएका छन् ।  लिएर बेपत्ता

‘उनी अन्यायमा परेका हुन् या के हो, महिला फेला परेपछि पत्तो हुन्छ, अहिले खोजी सुरु गरेका छौं,’ आइतबार निवेदन बुझेपछि कोइरालाले भने । भिसाको म्याद थप नहुँदा अवैध रूपमा बसेकाले धेरै पैसा पठाएर र श्रीमतीसँग विवाद भए पनि बेलैमा फर्कन नसकेको लिम्बूले बताए । श्रोत -अनलाइन खबर

म्युजिक भिडियोकी नायिका मोडल सविना विक रेलको ठक्करबाट मृत्यु

साउन ०१, काठमाडौं - सात वटा म्युजिक भिडियोको सुटिङका लागि भारतको नयाँ दिल्लीमा रहेको टोली शोकमा परेको छ । सात वटै भिडियोकी नायिका मोडल सविना विकलाई रेलले ठक्कर दिँदा उनको मृत्यु भएपछि टोली शोकमा परेको हो । तस्बिर लिने क्रममा रेलको हावाले उनी लडेको र दुर्घटनामा पर्नुका साथै घटनास्थलमै मृत्यु भएको अक्सिजन मिडिया प्रालिका प्रबन्ध निर्देशक वीरेन्द्र वलीले बताए ।

सविना भारतमै बस्थिन् । अहिले कलाकारको टोलीलाई भारतमा सुटिङको संयोज पनि विकले नै गरेकी थिइन् । नेपाली चलचित्र ‘टाइम नेभर कम ब्याक’ मा पनि सहनायिका रहेकी विकको निधनले सुटिङमा रहेको टोली स्तब्ध भएको छ । प्रबन्ध निर्देशक ओलीले भने, ‘सातवटा मध्ये पाँच वटा गीतको त सुटिङ पनि सकिइसकेको थियो ।’

काठमाडौँबाट अक्सिजन मिडिया प्रालिको संयोजनमा टोली भारतको रमणीय सहरमा सुटिङका लागि टोली भारत गएको हो । टोलीमा निर्देशक नवीन पन्त, छायाकार मुकेश हुमागाइँ, मेकअप आर्टिस्ट उर्मिला राई, थिए।
यस्तै, कलाकार अर्जुन श्रेष्ठ, सबिना बिक थिए । प्रमोद खरेल, सागर थापा, केसु पुन, सागर अबिरल जिसी, बलबीर चलाउने, हीरा अन्जलीका आवाजमा रेकर्ड भएका गीतमा प्रेमप्रकाश, मायालु डा. गोविन्द आचार्य, सागर अबिरल जिसी, खेमराज गाउँले, प्रसाद लामेछाने, वीरेन्द्र ओली, खिम बिवस ओली, दीप दर्पणको संगीत रहेको छ ।

यही टोलीको संयोजन गरिरहेकी नायिका तथा मोडल विकको दुर्घटनापछि टोली अहिले मनोहर लोहिया अस्पताल नयाँ दिल्लीमा रहेको छ । विकको नेपालस्थित परिवारलाई सम्पर्क गरिएको छ ।

१४ महिना अघि दलालले ५ हजार डलरमा बेचेकी सुनिता मगर सकुशल घर आइ पुगिन

 १४ महिना अघिदेखि द्वन्द्वग्रस्त मुलुक सिरियामा अलपत्र धादिङ मैदीकी सुनिता मगर सकुशल घर आइपुगेकी छन् ।सिरियामा अलपत्र उनको उद्धार नगरे ज्यानै जानसक्ने भन्दै परिवारमा दिनहुँ रुवाबासी चलेको समाचार अन्नपुर्ण पोस्ट् अनलाइनमा छापिएपछि देश विदेशका सहयोगीमार्फत सुनिता घर फर्कन सफल भएकी हुन् ।वैदेशिक रोजगारीमा गएकी सुनितालाई दलालले झुक्याएर सिरिया पुर्‍याइ अलपत्र पारिदिएका थिए । उनले आफुलाई त्यहाँबाट छिटो उद्धारका लागि सुनिताले पटक पटक आमालाई गुहार्दै आएकी थिइन् सिरियाबाट सुनिताको रोदन, ‘म यतै मर्ने भएँ’छोरीको उद्धारका लागि आमा सावित्री मगरले सरकारी निकाय गुहार्दै हिँडेपनि श्रमअनुमति र दुतावासै भएको देशका गएकाले उनको उद्धारमा सरकारले प्रयास नै गरेको थिएन ।सुनितालाई काममा लगाइदिने दलालले उनको तलब ५ हजार डलर अग्रिम लिएर बेपत्ता भएपछि पासपोर्ट जफत गरेर साहुले घरमै बन्धक बनाएको थियो तीन हजार डलर बुझाएमात्रै पासपोर्ट फिर्ता दिन्छु भनेपछि उनी सिरियामै अलपत्र परेकी थिइन् ।

आमा सिरियामा अलपत्र, घरमा छोराछोरीको बिजोग दिनुहँ बम पड्किरहने र विदेशी नागरिकलाई देखेपछि गोली हान्ने सिरियामा ३ हजार डलर तिर्न नसकेपछि सुनिता अलपत्र थिइन् ।उनी अलपत्र परेको समाचार अन्नपुर्ण अनलाइनमा प्रकाशित भएपछि एनआरएन फिनल्याण्डका अध्यक्ष बालकृष्ण श्रेष्ठ र मगर संघ हङकङकी अध्यक्ष चन्द्रज्योती मगरले उद्धारको लागि आवश्यक खर्च बेहोरिदिएपछि विहीबार सुनिता काठमाडौं आइपुगेकी छिन ।‘साहुलाइ तिर्ने पैसा नभएर नेपाल फर्कन नपाएको र बच्चाहरुको विजोग भएको समाचार पढेर साह्रै दुःख लाग्यो’, हङकङ मगर संघकी अध्यक्ष एवं अन्तराष्ट्रिय मगर संघकी केन्द्रिय सदस्य चन्द्रज्योती मगरले अन्नपूर्णसँग कुरा गर्दै भनिन्, ‘सबै अन्तर्राष्ट्रिय शाखाहरुबाट संकलन गर्ने गरी हामीले सुनिताका साहुलाई बुझाउने ३ हजार डलर एकमुष्ट पठाएका हौँ ।

’साहुलाई तिर्ने पैसा जुटेपछि एनआरएन फिनल्याण्डका अध्यक्ष एवम् धादिङ मैदीका स्थानीय बालकृष्ण श्रेष्ठको पहलमा फिनल्याण्डमा रहेका नेपालीले सुनितालाई सिरियादेखि नेपालसम्म लाग्ने हवाइ भाडा ८ सय डलर उपलब्ध गराएका थिए ।छोरी सुकशल फर्कन सफल भएपछि आमा सावित्री खुसी भएकी छिन् । ‘दिनहुँ छोरीले रुँदै फोन गर्थी, मलाइ त बाँचेर फर्कन्छेजस्तो लागेको थिएन’, उनले भनिन्, ‘मेरी छोरीको उद्धार गरिदिने सवैलाइ धन्यवाद छ ।’अव आफुलाई सिरिया पुर्‍याउने दलाल पक्राउ गराउन सरकारी निकायमा उजुरी दिने सुनिताले बताएकी छिन् । श्रोत : ओन्लिने  समाचार

नेपालमा भोलिदेखि लगातार ४ दिने सरकारी बिदा

१ साउन - शुक्रबार प्रधानमन्त्री कार्यालय सिंहदरबारमा बसेको मन्त्रिपरिषद्को बैंठकले साउन ३ गते आइतवार मुश्लिमहरुको पर्व इद र साउन ४ र ५ गते संविधानको प्रारम्भिक मस्यौदामा जनताको राय संकलनका लागि विदा दिने निर्णय गरेको । भोलि सनिबार सहित ४ दिन बिदा लगातार हुने भएको छ। मन्त्रीपरिषद् बैठकले स्थानीय शान्ति समितिको म्याद २०७३ असार मसान्तसम्मका लागि थप गरेको छ ।

१४ वर्षीय बालकलाई ४५ वर्षीया महिलाले आफ्नो सन्तानको पिता भएको आरोप

१ साउन -भारतको मध्यप्रदेशस्थित सहडोल जिल्लाकी ४५ वर्षीया महिलाले १४ वर्षीय बालकमाथि आफ्नो सन्तानको पिता भएको आरोप लगाएपछि सबैलाई चकित बनाएका छन् । यता आरोपी बालकले भने महिला विरुद्ध प्रहरीमा जाहेरी दिएका छन् । बालकले आफूमाथि गलत आरोप लगाएर ती महिलाले गाउँमा आफ्नो चरित्र हत्या गरेको दाबी गरेका छन् ।

केही महिनादेखि आफूमाथि लगातार आरोप लगाएपछि ती बालकले महिला विरुद्ध उजुरी दिएका हुन् । बालकले ती महिलासँग आफ्नो कुनै किसिमको शारीरिक सम्बन्ध नरहेको बताएका छन् । यसअघि पनि आफूलाई दुःख दिएको भन्दै बालकले ती महिला विरुद्ध उजुरी दिएका थिए । एजेन्सी

आज सुनको भाउ प्रति तोलामा ७०० ले सस्तिएको छ

 काठमाडौँ , १ श्रावण- नेपाल सुनचाँदी व्यवसायी महासंघले तोकिएको आज सुनको भाउ प्रति तोला ४९ हजार ५ सय रुपैयाँ तोकिएको छ। त्यस्तै चाँदीको भाउ प्रति तोलामा ६ सय ७० रुपैयाँमा कारोवार भएको छ।     

अन्तरास्ट्रिय बजारलाई पछ्याउदै सुनको भाउ हिजो भन्दा ७०० रुपियाँले सस्तिएको र चाँदीमा ५ रुपियाँले सस्तिएको जनाएको छ।

 

गोरखा केन्द्रविन्दूबनाएर ४ म्याग्निच्युडको परकम्पन

 साउन १ - गोरखा केन्द्रविन्दूबनाएर ४ म्याग्निच्युडको परकम्पन गएको छ जसले गर्दा परकम्पको धक्का गोरखा, नुवाकोट, धादिङ, काठमाडौं उपत्यका सहितका स्थानमा अनुभव गरिएको छ।असार २८ पछि  ४ म्याग्निच्युडको परकम्प आज गएको हो। वैशाख १२मा पनि यसै स्थानलाई केन्द्रबिन्दु बनाएर  ७.८ म्याग्निच्युडको भूकम्प गएको थियो।

म्यानपावर व्यवसायीहरु फ्रि भिसा र फ्री टिकटमा कामदार विदेश पठाउन सहमत

साउन१सुक्रबार - भिसा र टिकटमा नेपाली कामदार विदेश पठाउने सरकारी निर्णयविरुद्द आन्दोलनमा उत्रिएका म्यानपावर व्यवसायी र सरकारबीच अझै वार्ता चलिरहेको छ । यो बिषयमा आज साँझसम्ममा सहमतिपत्रमा हस्ताक्षर हुने स्रोतले जनाएको छ ।

श्रमराज्यमन्त्री टेकबहादुर गुरुङका कानुनी सल्लाहकार केशव जोशीका अनुसार श्रम मन्त्रालयमा मंगलबारदेखि जारी वार्तामा सहमतिका लागि पहल भइरहेको हो । उनको अनुसार आज साँझसम्ममा सहमति हुने निश्चित छ । उनको अनुसार व्यवसायीहरु 'फ्रि भिसा र फ्री टिकट'मा कामदार विदेश पठाउन सहमत भएका छन् ।

'फ्री भिसा र फ्री टिकट'को निर्णय खारेजीको माग गर्दै आएका मेनपावर ब्यवसायीहरुले वार्तासँगै आफ्नो आन्दोलन अझै जारी राखेका छन् । ब्यवसायीहरुले बैदेशिक रोजगार बिभागको कार्यालय तहांचलमा आन्दोलन गरिरहेका छन् । आन्दोलनका कारण १२ हजार भन्दा बढी उडानको क्रममा रहेका नेपालीहरु विदेश जानबाट बन्चित बनेका छन् ।

म्यानपावरहरुको आन्दोलनबाट १२ हजार भन्दा बढी नेपालीहरु विदेश जानुपर्नेमा काठमाडौँमै बिचलित बनेको भन्दै श्रममन्त्री टेक बहादुर गुरुङले म्यानपावर ब्यावसायीहरुप्रति आक्रोश प्रकट गरे । उनले भने- "त्यत्रो नेपालीलाई रोकेर राख्नु म्यानपावर ब्यबसायीहरुको खोट हो ।"

बैदेशिक रोजगार विभागका प्रमुख विश्व्प्रकास सुवेदीले आन्दोलनका कारण श्रम गर्न आउने अन्य म्यानपावर कम्पनीको पासपोर्ट तथा कागजात समेत आन्दोलनकारीहरुले खोसेको कारण विभागमा व्यक्तिगत बाहेक श्रमको काम हुन नसकेको बताए ।

नवलपरासीको बस दुर्घटनामा ८ जनाको मृत्यु भएको छ भने १० जना घाइते

१ साउन ,शुक्रबार-आज बिहान नवलपरासीको दाउन्नेमा भएको बस दुर्घटनामा ८ जनाको मृत्यु भएको छ भने १० जना घाइते भएको छ। मृत्यु हुनेमा ५ जनाको सनाखत भैसकेको छ जसमा दाङ जिल्ला त्रिभुवन नगरपालिका २ का ४५ बर्षिय गोविन्द बस्नेत, दाङकै बिजौरी– २ का ३२ बर्षिय जीवन खड्का, नवलपरासी कावासोती नगरपालिका– ८ थकालीचोककी २३ बर्षिया सुमित्रा लामा र उनकी ७ महिनाकी छोरी अंसु लामा र नवलपरासी बर्दघाट नगरपालिका–६ की ५० बर्षिया माइली लामाको सनाखत भएको जिल्ला प्रहरी कार्यालयले जनाएको छ । १ महिला र २ पुरुषको सनाखत हुन बाँकी रहेको नायब प्रहरी उपरिक्षक (डिएसपी) सोम थाापाले जनाए ।
       काठमाडौंबाट दाङका लागि छुटेको ना ४ ख ५१४३ नम्बरको रात्रीबस र विपरित दिशाबाट आएको युपी ३२ डिएन ०८५४ नम्बरको भारतीय ट्रकसँग ठोक्किँदा उक्त हताहती भएको प्रहरीले जनाएको छ । दुर्घटना हुनुको मुख्य कारण  ट्रकको ब्रेक फेल भएको बुझिएको छ। घाइते हुनेहरुमा दाङ त्रिभुवन नगरपालिकाका नरेश नेपाली, गोर्खा घ्यालचोकका विवेक अधिकारी, चितवन भरतपुरका एक खड्का, नवलपरासी कावासोतीकी सुस्मिता ढकाल, उनको ३ महिनाको छोरा सुसान्त ढकाल, रुपन्देहीका फर्साटिकरका गोपाल चौधरी, दाङ बिजौरीका सुभास नेपाली, नवलपरासी गैडाकोटका गणेश अधिकारी र रामनगर भलुहीकी मधुमाया भट्टराई छिन् । घाइतेहरुको  भरतपुर मेडिकल कलेजमा उपचार हुदै छन्।
      

पोखरामा भारी बर्षासंगैको पहिरोम १ को मृत्यु,खोलाहरुको सतह बढेर बजार डुब्ने खतरा

पोखरा, आषाढ ३१ - लगातारको वर्षाका कारण पहिरो जाँदा विहीबार पोखराको छोरेपाटनमा रहेको एक्स आर्मी इंग्लिस बोर्डिङ स्कुल पहिरोमा पुरिएर कक्षा ९ मा अध्ययनरत पोखरा १७ डेबिडफल्सका १४ वर्षीय विद्यार्थी सञ्जय गायकको मृत्यु भएको हो । घटनामा ५ शिक्षक र ९ विद्यार्थी गरी १४ जना घाइते भएका छन्। घाइतेहरुकोे मेट्रोसीटी, गन्डकी मेडिकल र पश्चिमान्चल क्षेत्रीय अस्पतालमा उपचार भइरहेको प्रहरीले जनाएको छ ।

विद्यालयसँग रहेको तिब्बतीयन शरणार्थी क्याम्पको पर्खाल भत्किँदा विद्यालय भवनमा क्षति पुगेको हो । कक्षाकोठाको छानामाथिबाट एक्कासि पहिरो खसेपछि विद्यार्थीहरुबीच भागदौड मच्चिएको थियो । प्रहरी र स्थानीयको सहयोगमा उद्धारकार्य जारी रहेको जनाइएको छ । पहिरो जाँदा विद्यार्थीहरु परीक्षा दिँंदै थिए ।

लगातारको वर्षाका कारण पोखरा उपमहानगरपालिका–१३ स्थित काहु खोलामा आएको बाढीले आसपासका बस्ती डुबानमा परेका छन् । बाढीका कारण बुडुवा, कमलपोखरीलगायत आसपासका बस्तीहरु डुबानमा परेका हुन् ।

वर्षा नरोकिएको र खोलामा पानीको सतह बढ्नेक्रम जारी रहेकोले बजारसमेत डुब्न सक्ने आशंकामा आसपासका बासिन्दा त्रसित छन् । भारी बर्षासंगै बाढीकै कारण पोखराका नदीपुर, फिर्के, बाजापाटन र छोरेपाटनलगायतका स्थानमा जमिनसमेत भासिएको छ ।

बाढीका कारण पोखराको विजयपुर भगवती हाइड्रो पावर पूर्णरुपमा क्षतिग्रस्त भएको छ ।जसको कारण १६ करोड रुपैयाँभन्दा बढीको क्षति भएको हाइड्रोपावरले जनाएको छ ।
 भएको हाइड्रोपावरले जनाएको छ ।

युएईको एक नेपाली चेली मृत्युको दोसाँधमा,सहयोगको लागि सबै नेपालीहरुसंग आग्रह

असार-३१, युएई - सधैं सबैको एउटै दिन हुन्छ भन्ने कहाँ छ र ? सधैं राम्रै मात्र हुन्छ भन्ने पनि हुँदैन । मान्छेको जीबन हो श्वस्थ हुने प्रयास र कामना गर्दा गर्दै पनि बेलाबखत बिरामी भईहालिन्छ । सामान्य बिमारी भए त ठिकै छ ठुलो बिमार लागे के गर्ने ? दुई चार सय खर्च भए पनि ठिकै छ हजारौं खर्च भए के गर्ने ?

यस्तै समस्यामा परेका छन नवलपरासी गैंडाकोट घर भई हाल दुबईमा कार्यरत २९ बर्षीय श्रीमती रेणु शर्मा पौडेल र उनकी श्रीमान सुबर्ण गैरे । दुबईमा कार्यरत श्रीमती रेणु शर्मा अहिले ...अज्मानको जीएमसी अस्पातलमा मृत्‍यु र जीबनको दोसाँधमा मृत्‍यु सँग पौठेजोरी खेल्दै छिन । उनलाई अहिले भेन्टिलेटरमा राखेर उपचार गरिदैछ ।

बिगत ८-१० बर्ष देखी दुबईको एक कम्पनीमा सुपरभाईजर पदमा कार्यरत सुबर्ण गैरेले आफ्नी श्रीमतीलाई दुबई नै बोलाए र सँगै राखे । श्रीमतीलाई सानो तिनो जागिर पनि खोजी दिए । दुबै जना हाँसीखुसी दुबईका रङीन दिनहरु बिताउदै थिए ।

यसै बिच रेणु शर्मा दोस्रो पल्ट दुई जीउकी भईन । उनीहरुमा खुशीको सिमा थिएन । सुबर्ण रेणुको हेरबिचार गरिरहन्थे । बेलाबेलामा स्वास्थ्य परिक्षण पनि गरिरहन्थे । सबै राम्रै बितिरहेको थियो ।

गत हप्ता रेणुलाई बेस्सरी ज्वरो आयो । जुलाई १० तारिकको दिन ६ महिना कि दोजिया रेणुलाई उनका श्रीमानले दुबईको थुम्बे अस्पतालमा पुर्याए । परिक्षणको क्रममा रेणुको ब्लडमा सुगरको मात्रा धेरै देखियो । सुबर्णका अनुसार सुगरको लेभल ३५० भन्दा बढी देखिए पछी डाक्टरले तुरुन्त भर्ना गर्न सल्लाह दिए । उनले रेणुलाई अस्पतालमा भर्ना पनि गरे ।

रेणुको अवस्थामा सुधार आउनुको सट्टा अन्य समस्याहरु थपिदै गए । थप परिक्षण गर्दा ब्लड र मृगौलामा पनि सन्क्रमित भएको देखियो । उनी अरु सिकिस्त बन्दै गईन । उनलाई आईसियुमा भर्ना गरियो । श्वासप्रश्वासमा समस्या देखिए पछी हाल उनलाई भेन्टिलेटेरको सहायताले श्वास प्रश्वास गराइरहेको उनका श्रीमानलाई उद्द्रित गर्दै पत्रकार गीतामणीले जानकारी दिएका छन ।

जुलाई १० देखी १५ तारिक सम्म झन्डै ५० हजार दिर्हाम ( नेपाली साढे १३ लाख रुपैयाँ) खर्च भईसकेको छ । हिजो बेलुकी मात्र थुम्बे अस्पतालले रेणुलाई थप उपचार गर्नलाई जीएमसी अस्पतालमा पठाएको छ ।

साथीभाइको सहयोगमा उनले थुम्बे अस्पताललाई ३६ हजार दिर्हाम बुझाए पनि ८ हजार भने तिर्न सकेनन । उनको गच्छेले भ्याएन । मानबियताको दृष्‍टिले अस्पतालले साथीभाइको रोहभरमा ८ हजार दिर्हाम पछी तिर्ने गरी उनलाई अज्मानको जीएमसी अस्पतालमा पठाएको हो ।

जीएमसी अस्पतालमा ५ हजार दिर्हाम बुझाएर हाल रेणुको जीबन जीएमसीका डाक्टरको हातमा सुम्पिएको छ । उनको उपचारमा दैनिक हजारौ खर्च भईरहेको छ । अब कती खर्च हुने हो अनुमान लगाउन गार्हो छ ।

यस्तो समस्या तपाईं हामीलाई आई नपर्ला भन्ने केही ग्यारेन्टी छ र ? २ दिनको चोला न हो, यस्तो समस्या तपाईंलाई पनि आयो भने कसलाई गुहार्ने? आउनुस् हातमा हात मिलाऔ, तपाईंले गरेको सानो सहयोगले कसैको जीबन बचाउन सकिन्छ भने किन सहयोग नगर्ने ? प्रबासमा हाम्रो एकता देखाउने यो भन्दा अर्को उत्तम मौका के होला र ?

रेणुका श्रीमान सुबर्ण गैरेले तपाईं हामी सँग सहयोगको याचना गरेका छन । कृपया युएई तथा बिदेशमा बस्नुहुने सम्पूर्ण नेपाली दाजुभाइ तथा दिदीबहिनीहरुमा सहयोगको लागि अपील गर्दछौ ।

संपर्क : रमेश अधिकारी (००९७१ ५० ४६०७६११) । रकम सहयोगको लागि तलको खाता प्रयोग गर्न सक्नु हुनेछ।
Ac number : 17105532
Abudhabi Islamic Bank
name : subarna ghaire

सुन हिजोभन्दा आज ३००ले सस्तियो

काठमाडौँ , ३१ असार । हिजो प्रति तोला ५० हजार ५ सय रुपैयाँमा  कारोवार भएको सुनको भाउ आज ह्वात्तै घटेको छ । आज तोलामा ३ सय रुपैयाँले भाउ घटेर प्रति तोला ५० हजार २ सय रुपैयाँमा सुनको कारोवार भइरहेको नेपाल सुनचाँदी व्यवसायी महासंघले जनाएको छ। आन्तरस्ट्रिय बजार मूल्य घटेपछि सुनको भाउमा केहिदिन यता घट्ने क्रम जारि रहेको छ । त्यसैगरी चाँदीमा भाउमा पनि हिजोको तुलनामा तोलामा १० रुपैयाँले कमी आइ आज प्रति तोलामा ६ सय ६५ रुपैयाँमा कारोवार भएको छ।

एनसेलले नयाँ डाटा योजना ल्याएको छ

पछिल्लो समयमा एनसेलले आफ्ना प्रयोगकर्तालाई सुविधा दिन नया नया योजनाहरु ल्याइरहेको छ । यसैबीच एनसेलले थप विकल्पसहित नयाँ डाटा योजना ल्याएको छ । यसअन्तर्गत एनसेलका सम्पूर्ण ग्राहकहरुले सुलभ दरमा आवश्यकता बमोजिमको प्याक लिई इन्टरनेट सेवा लिन सक्नेछन्। यस सुविधा मार्फत प्रयोगकर्ताले दैनिक तथा मासिक प्याकका साथै साप्ताहिक प्याक पनि प्रयोग गर्न पाउनेछन । साप्ताहिक प्लानमा ग्राहकले ५० एमबी, १२५ एमबी र २५० एमबी भल्युमका प्याक लिई क्रमशः ७० पैसा, ४८ पैसा र ४४ पैसा प्रति एमबी (कर बाहेक) मा इन्टरनेटको मज्जा लिन सक्ने एनसेलले जनाएको छ।
एनसेलले मासिक प्याक अन्तर्गतको १ जि.बी. डाटाको मूल्य पनि ६ सय ९९ बाट ५ सय ५० मा घटाएको छ। मासिक प्याकमा अब ग्राहकले २ जि.बी तथा ३ जि.बीको प्याक पनि लिन सक्नेछन्। २ जि.बीको प्याकको मूल्य ४३ पैसा प्रतिएमबी रहेको छ भने ३ जि.बीको प्याकको दर ३८ पैसा प्रति एमबी (कर बाहेक) रहेको एनसेलले विज्ञप्तिमा उल्लेख गरेको खबर नागरिक दैनिकले लेखेको छ।

पिआर , डिभी, ग्रिनकार्ड लिएका एक हजारभन्दा बढी कर्मचारीले राजीनामा दिए सामान्य प्रशासनमन्त्री लालबाबु पण्डित

 विदेशको स्थायी बसोवास अनुमतिपत्र (पिआर), डिभी, ग्रिनकार्ड लिएका एक हजारभन्दा बढी कर्मचारीले राजीनामा दिएका छन् । बर्खास्त गर्ने कानुन ल्याउने तयारीकै वेला उनीहरूले राजीनामा दिएको सामान्य प्रशासनमन्त्री लालबाबु पण्डितले बताएका छन् । नयाँ पत्रिका दैनिकमा समाचार छ ।

डिभी–पिआर लिएकालाई बर्खास्त गर्ने प्रावधानसहितको कानुनी व्यवस्था ल्याएपछि पेन्सनसमेत खोसिन सक्ने भयले ती कर्मचारीले राजीनामा दिएको मन्त्री पण्डितले बताए । उनले भने, ‘डिभी, पिआर भएका सयौँ कर्मचारीले घरायसी, पारिवारिक तथा स्वास्थ्यसम्बन्धी समस्या देखाएर राजीनामा दिएको पाइएको छ ।’

सामान्य प्रशासन मन्त्रालयको अध्ययनअनुसार डिभी र पिआर लिएका कर्मचारीको संख्या अझै एक हजार दुई सयदेखि एक हजार पाँच सयसम्म छ । निजामती सेवा ऐनको चौथो संशोधनमा डिभी–पिआर भएका कर्मचारीलाई बर्खास्त गर्ने प्रावधान छ । तर, ऐनअनुसार कर्मचारीलाई जागिर वा डिभी–पिआर कुन त्याग्ने भन्ने निर्णय गर्न ६० दिनको समय दिइएको छ ।

कानुन बनेपछि तत्काल बर्खास्तमा पर्ने र पेन्सनलगायतका सुविधा पनि खोसिने भयले धेरै कर्मचारीले यसअघि नै राजीनामा दिएको मन्त्रालयले जनाएको छ ।
संशोधित निजामती ऐनअनुसार कर्मचारीले ६० दिनभित्र डिभी–पिआरको जानकारी गराएर जागिर त्यागेमा उनीहरूले पाउने बिमा, सञ्चय कोष तथा पेन्सनलगायतका सबै सुविधा पाउनेछन् ।