६ जिल्लाका ५० गाविस खाली गराउन विज्ञले सरकारलाई सिफारिस

२२ जेठ, काठमाडौं । भूकम्पपछि पहिरोको उच्च जोखिममा रहेका ६ जिल्लाका ५० गाविस खाली गराउन विज्ञले सरकारलाई सिफारिस गरेका छन् । स्थलगत निरीक्षणपछि खानी तथा भूगर्भ विभागका अधिकारीहरुले करिब २० हजार परिवारलाई स्थानान्तरण गर्न सिफारिस गरेका हुन् ।

विभागले मंगलबार गृहमन्त्रालयमा बुझाएको प्रतिवेदनमा ६ जिल्लाका ५० गाविसका २० हजार परिवारलाई अन्यन्त्र पुनवार्सको व्यवस्था गर्नुपर्ने उल्लेख छ । विभागले भूकम्पले धेरै असर पारेका गोरखा, धादिङ, नुवाकोट, रसुवा,  सिन्धुपाल्चोक र दोलखाको निरीक्षण गरेको नयाँ पत्रिकामा खबर छ ।
गोरखाका १३, धादिङका ६, नुवाकोटका चार, रसुवाका १४, सिन्धुपाल्चोकका सात तथा दोलखाका ६ गाविका बासिन्दालाई स्थानान्तरण गर्नुपर्ने प्रतिवेदनमा उल्लेख गरिएको छ । श्रोत अनलाइन खबर ।