चैत्र १ बाट लोडसेडिङ घट्यो

फागुन ३०, काठमाडौं । नेपाल विद्युत प्राधिकरणले लोडसेडिङको समायवधी सातामा ६ घण्टा घटाएको छ । भोलीदेखि लागु हुने गरी प्राधिकरणले लोडसेडिङको समय घटाएको हो ।

यसअघि सातामा ९१ घण्टा लोडसेडिङ हुदै आएकोमा घटेर अब ८५ घण्टा हुनेछ । नयाँ तालिका अनुसार साताका ६ दिन १२ घण्टा र १ दिन १३ घण्टा लोडसेडिङ हुनेछ ।
आगामी एसएलसी परीक्षालाई मध्यनजर गर्दै लोडसेडिङ घटाएको प्राधिकरणले जनाएको छ । एसएलसी परीक्षा आगामी चैत १८ गते शुरु हुदैछ ।
नदीहरुमा पानीको जलस्तर घट्ने क्रममै रहेपनि भारतबाट थप विद्युत आयात भई सप्लाई स्थिर भएकाले लोडसेडिङ घटाइएको प्राधिकरणको विज्ञप्तीमा उल्लेख छ । 

अमेरिकी डिभी चिठ्ठा २०१७ खुल्यो

आश्विन १४ , २०७२- अमेरिकाको स्थायी नागरिक भएर जाने सबभन्दा सहज प्रक्रिया अमेरिकी डिभी चिठ्ठा २०१७ को बिहीबारदेखि खुला भएको छ  ।

डाइभर्सिटी भिसा (डिभी) कार्यक्रमका लागि आवेदन दर्ता अवधि बिहीबारदेखि कात्तिक १७ सम्म रहने अमेरिकी दूतावासले जनाएको छ । अमेरिकी सरकारले आवेदकहरूलाई चाँडै नै आवेदन भर्न प्रोत्साहित गर्दै खुला भएको विज्ञप्तीमा उल्लेख छ ।

आवेदन नि:शुल्क रुपमा गर्न सक्ने र त्यसको लागी वेबसाइटमा गए हुने समेत उल्लेख गरेको छ । कुनै कन्सलटेन्सी वा कतै गएर भर्नुभन्दा आफैंले भर्न प्रोत्साहन गर्दै उक्त चिठ्ठामा अरुको सहयोग लिएर भरेपनि सबै जिम्मवार डिभी जसको नाममा भरिन्छ उसैको हुनेसमेत उल्लेख छ ।

अमेरिकी वेवसाइट डब्लुडब्लुडब्लु डट डीभीलोट्री डट स्टेट डट जीओभी मा गएर भर्न सकिने समेत उल्लेख गरेको छ  । डीभी भर्दा आफ्ना २१ बर्ष भन्दा मुनीका सबै सन्तानको विबरण उल्लेख गर्नपर्ने समेत जनाएको छ । डीभी चिठ्ठामा छानिदैमा भिसा पाउने निश्चित नहुने पनि दूतावासले स्पष्ट पारेको छ ।

चिठ्ठा परेपछि भिसाका लागि अन्तर्वार्ता दिने मौका पाएमा कन्सुलर अफिसरले योग्यता पूर्ण छ वा छैन परीक्षण गर्नेछ । त्यसपछि अमेरिकी आप्रवासी कानुनबमोजिम डिभीका लागि योग्य  रहे नरहेको हेरेरमात्र निर्णय लिनेछन् ।

एसएसपी रमेश खरेलले आफ्नो नाममा फेसबुक अकाउन्ट खोली आपत्ती जनक पोष्ट गर्नेलाई कारबाही गर्ने

८ भदौ - नेपाल प्रहरीका एसएसपी रमेश खरेलले आफ्नो नाममा दर्जनौ फेसबुक अकाउन्ट खोली आपत्ती जनक, आवेश प्रेरीत, उच्छृंखल तथा नेपाल प्रहरी संगठनको मर्यादा विपरितका अभिव्यक्तिहरु पोष्ट गरेकोमा आपत्ति जनाएका छन्।

मंगलबार आफ्नो आधिकारिक फेसबुक पेजबाट सार्वजनिक अपिल गर्दै यस्ता फेक फेसबुक पेजहरू कसैले गलत रुपमा प्रयोग गरिरहे कानुन बमोजिम कारबाही हुने बताएका छन्।

हेर्नुहोस् उनले गरेको अपिल जस्ताको तस्तै

मिति २०७२ भाद्र ७ गते मनुवा गा.वि.स. ६ सिमलचौर कैलालीमा अत्यन्त होनहार, बहादुर प्रहरी कर्मचारीहरुले कर्तव्य पालनाको सिलशिलामा सहादत प्राप्त गरेको घटनाले मलाई अत्यन्त दु:खी बनाएको छ।

कर्तव्य पालनामा रत्तिभर विचलित नभई प्राणको आहुती दिने वीर प्रहरीहरू प्रति हार्दिक श्रद्धान्जली अर्पण गर्दै शोक सन्तप्त परिवारजन प्रति हार्दिक समवेदना प्रकट गर्दछु र भगवान पशुपतिनाथले धैर्य धारण गर्ने शक्ति प्रदान गरुन भन्ने कामना गर्दछु।

नेपाल प्रहरीले यस्तो दुःख बेहोरीरहेको अवस्थामा केही फेसवुक प्रयोगकर्ताहरुले मेरो आधिकारीक फेसवुकमा मेरो फोटो समेत ट्याग गरि आपत्ती जनक, आवेश प्रेरीत, उच्छृंखल तथा नेपाल प्रहरी संगठनको मर्यादा विपरितका अभिव्यक्तिहरु पोष्ट गरेकोमा मेरो आपत्ति रहेको छ। कानूनी राज्यको अवधारणालाई सहस्त्र शिरोधार्य गरि जनताको जिउ धनको सुरक्षामा अहोरात्र लागि रहने हामी कर्तव्य परायण राष्ट्र सेवकहरुलाई सामाजिक सञ्जालको प्रयोग गरि संगठनमा द्धेष फैलाउने तथा हाम्रो मनोवल गिराउने कार्य कही कसैबाट नहोस भन्ने अनुरोध गर्न चाहन्छु।

यसका अतिरिक्त मेरो नामसँग जोडेर करिब एक दर्जन फेसवुक पेजहरु पनि कसैले गलत रुपमा प्रयोग गरिरहेकोले त्यस्तो कार्य नगर्न समेत म विनम्र आग्रह गर्दछु र अवउप्रान्त यस प्रकारको गैह्र जिम्मेवारीपन प्रदर्शन गरिएको पाईएमा कानुन बमोजिम कारबाही हुने जानकारि गराउँदै समस्त फेसवुक प्रयोगकर्ताहरुलाई त्यस्ता पेजहरुमा विश्वास नगर्न हुन समेत अनुरोध गर्दछु। श्रोत:सेतोपाटी

फेसबुकमा तापईलाई कसैले अनफ्रेन्ड गरेको थाहा पाउने एउटा सजिलो उपाए

काठमाडौं, ५ भदौ – फेसबुकमा आफूलाई कसले अनफ्रेन्ड गर्‍यो होला भनेर हेर्न चाहनुहुन्छ ? येदि चाहनुहुन्छ भने आज हामी तपाईहरुलाई एउटा सजिलो उपाए दिनेछौ । यसका लागि तपाइले ‘हु डिलीटेड मी अन फेसबुक’ नामक एप प्यायोग गर्नुपर्ने छ । यो एपले सबै कुराको जानकारी दिनेछ। यस एपले फेसबुकमा भएका फ्रेन्ड लिस्टमा नजर राख्ने छ। तर यो एप फेसबुकले आफैं निर्माण गरेको भने होइन।

यो नयाँ एप ट्विटरको हु अनफलोड मी जस्तै हो। फेसबुकको यो नयाँ एपले तपाईको पुरानो गतिविधिहरुलाई भने हेर्ने छैन। यो एप फोनमा इन्सटल भएपछि मात्र काम गर्ने छ। यस एपको साइज २.३ एमबी रहेको छ र यसलाई प्रयोग गर्न फोनमा एन्ड्रोइड २.३ भन्दा माथिको अपरेटिङ सिस्टम हुनुपर्दछ। यस एपको प्रयोग बाट तपाइले सजिलै संग फेसबुकमा आफूलाई कसले अनफ्रेन्ड गर्‍यो भनेर हेर्न सक्नु हुनेछ । एजेन्सी

नयाँ घर बनाउदा २७ बुँदाको कडा सर्त पालना पर्ने

काठमाडौँ, भदौ १ –तपाई नयाँ घर बनाउँदै हुनुहुन्छ ? यदि हुनुहुन्छ भने तपाईले २७ बुँदाको कडा सर्त पालना गर्नुपर्छ । सरकारले स्थानीय विकास मन्त्रालय मार्फत बस्ती विकास, शहरी योजना तथा भवन निर्माणसम्बन्धि आधारभूत मार्गदर्शन २०७२ ल्याएको छ ।

मन्त्रालयले राष्टिय भवन संहिता २०६० तथा भवन सम्बन्धी परिमार्जित मापदण्डहरुलाई सहरी विकास मन्त्रालयको प्राविधीक सहयोग र समन्वयमा सबै नगरपालिका तथा गाविसहरुमा कार्यान्वयन गरी सुरक्षित एंव भूकम्प प्रतिरोधात्मक आवास, व्यवस्थित बसोबास प्रवद्र्धनको निमित्त यस्तो सहरी योजना तथा भवन निर्माण मापदण्ड ल्याएको हो ।

उपप्रधानमन्त्री तथा सङ्घीय मामिला तथा स्थानीय विकास मन्त्री प्रकाशमान सिंहले शुक्रबार मन्त्रीस्तरीय निर्णय गरी सो मार्गदर्शन सार्वजनिक गरेका हुन् ।

मार्गदर्शनमा सडकको चौडाइ, खाली राख्नुपर्ने जमिन र खुला क्षेत्रलगायत ५५ वटा मापदण्ड जारी गरिएको मन्त्रालयका सहसचिव गोपी खनालले जानकारी दिए ।

“मापदण्डमा सडकको न्यूनतम चौडाइ छ मिटर हुनुपर्ने, सडकको न्यूनतम सेडव्याक सडक किनाराबाट १.५ मिटर छोड्नुपर्ने र सडकको न्यूनतम क्षेत्राधिकार छ मिटर कायम हुनुपर्नेलगायत मापदण्ड रहेको छ”– उनले भने ।

मापदण्ड अनुसार अब नयाँ बन्ने हरेक घरको वरपर ३० देखि ४० प्रतिशत जमिन खुल्ला हुनुपर्ने छ । सरकारी, अर्ध सरकारी वा सार्वजनिक प्रयोजनका लागि बनाइने भवन वरपर भने ५० प्रतिशत जमिन खाली हुनुपर्नेछ । यस्तै सार्वजनिक ऐलानी जग्गालाई खुदा क्षेत्र घोषणा गरी हरियाली पार्कको रुपमा रुपान्तरण गर्नुपर्नेछ । मन्त्रिपरिषदको निर्णयविना सार्वजनिक जमिन कसैलाई भाडामा वा कुनैपनि सर्तमा उपयोगका लागि दिन पाइने छैन । सडकको चौडा न्युनतम ६ मिटर

स्थानीय विकास मन्त्रालयले ल्याएको नयाँ मापदण्ड अनुसार अब हरेक सडकको चौडाइ कम्तिमा ६ मिटर हुनेछ । यो समथर र शहरी क्षेत्रका लागि हो । भिरालो र हिमाली क्षेत्रमा भने सडक चौडा न्युनतम ४ मिटर हुनुपर्नेछ ।

सडक देखि १ दशमलब ५ मिटर छोडेर मात्र घर बनाउन पाइनेछ ।

पर्खालको पनि नक्सा पास/अग्ला पर्खाल भत्काउने

पर्खाल बनाउनु पूर्व स्थानीय सरकार अर्थात गाविस वा नगरपालिकाबाट अनिवार्य नक्सा पास गराउनु पर्नेछ । विभिन्न प्रयोजनमा लगाइने पर्खालको अधिकतम उचाइ ४ फिट तोकेको छ । र, चारफिट भन्दा अग्ला र जोखिमयुक्त पर्खाल भत्काइने उल्लेख छ । चारफिट भन्दा अग्लो बार आवश्यक परे, ४ फिट पर्खालमाथि बढिमा ३ फिट जाली राख्न पर्नेछ । र घर तथा जग्गा जमिनका लागि हरितबार प्रयोग गर्नुपर्नेछ ।

पाखामा घर बनाउँन नपाईने

अब भिराला जमिनमा मनलागी घर बनाउन प्रतिवन्ध लगाएको छ । नयाँ मापदण्ड अनुसार ३० डिग्रीभन्दा भिरालो जमिन र भुगर्भ विभागले जोखिमयुमक्त भनी तोकेको क्षेत्रमा भवन बनाउन रोक लगाएको घर बनाउन पाइदैन । गाउँमा समेत घर बनाउँदा जिल्ला दैवीक प्रकोप वा भुगर्भ विभागले बस्न मिल्ने स्थान भनी प्रमाािण्त गरेको हुनुपर्छ ।

मान्छे बस्न बनाएको घरमा कार्यालय खोल्न नदिने

अबबाट आवासका लागि नक्सापास भएको भवनलाई व्यवसायीक प्रयोजनमा भाडामा लगाउन पाइने छैन । यस्तै भवन निर्माण सम्पन्न प्रतिवेदन नभएका भवनलाई स्कुल, अस्पताल जस्ता सार्वजनिक प्रयोजनमा प्रयोग गर्न प्रतिबन्ध लगाइएको छ ।

घरको नक्सा पास गाविस वा नगरपालिकाले गर्न नपाउने

स्थानीय निकायका कर्मचारीले आफ्नो स्थानीय निकाय भित्रका भवनको नक्सा पास गर्न पाउँदैनन् । तर हरेक नगरपालिकामा इञ्जिनियर काउन्सिलमा दर्ता भएका २ जना इञ्जिनियर हुनुपर्नेछ ।

यसैगरि अब नयाँ भवन निर्माणाधिन स्थलमा अनिवार्य रुपमा भवन निर्माण इजाजत पत्र राख्नु पर्नेछ । एक हजार भन्दा बढि घरधुरी भएका गाविसहरुमा समेत यो मापदण्ड लागु हुनेछ ।

यस्तै शहरभित्र रहेका अहिलेका स–साना गल्लिको चौडाइ समेत कम्तिमा ४ मिटर तोकिएको छ । भवनको एकरुपता र शहरी सौन्दर्यताका लागि संहिताले अब हरेक क्षेत्रमा सरकारले तोकेको डिजाइन, तला र रंगमा मात्र घर बनाउन पाइनेछ । सरकारले हरेक क्षेत्रमा छुट्टा छुट्टै रंग, आकार र डिजाइन तोक्नेछ ।

 श्रोत साभार ३१ श्राबनको रतोपाटीमा समाचार छ।

सपनामा शर्प देख्दा धेरै कुराहरुको संकेत गर्दछ

१ भदौ २०७२ - निदाइरहेको बेलामा एकपछि अर्को चित्र, विचार, भावना र संवेदना अचेतनरूपमै मस्तिष्कमा आउनु सपना देख्नु हो । मानव इतिहासमा धेरै प्रयास भए पनि व्यक्तिले किन कुनै किसिमको सपना देख्छ र त्यसको अर्थ के हुन्छ, राम्ररी बुझ्न सकिएको छैन । सपना विभिन्न किसिमका हुन्छन् । जस्तै– डरलाग्दो, साहसिक, रमाइलो वा कुनै जनावार सम्बन्धी ।

प्राय मानिसहरुले सपनामा सर्प पनि देख्ने गर्छन । सपनामा देखिने सर्पले धेरै कुराहरुको संकेत गरेको हुन्छ । जस्तै :
*सर्पले सावधान गराउछ, यदि तपाइलाइ कसैले छल गर्न लागेको छ भने।

*सपनामा सर्प देखिनुले तपाइको वास्तविक जीवनमा अप्ठ्यारो अवस्था सृजना भइरहेको कुरालाइ पनि संकेत गर्दछ । जीवनको भद्रगोलता लाइ पनि बुझाउँछ यस्तो सपनाले।

*आध्यात्मिक शक्ति वृद्धि हुन्छ ।

*विशेषगरि डरको प्रतिकको पनि मानिन्छ सर्पलाइ, साथै लुकेका खतरा, वा कुनै व्यक्ति कतिको राम्रो नराम्रो भन्ने बारेमा पनि छुट्याउन सहयोग गर्छ सर्पको सपनाले ।

*सर्प यौन को संकेत हो । यदि सर्प सपनामा आफुसँग बेरिन्छ वा कुनै शक्ति संचार गर्ने गरि काम गर्दछ भने त्यो सपनाले तपाइको यौन शक्ति बढेको संकेत गर्ने हुन्छ।

क्यानडा सरकारले भूकम्प पीडित सबैलाई भिसा दिने भए

१ भदौ २०७२ - भूकम्प पीडित नेपालीको क्यानडा भिसा आवेदन पक्रिया प्राथमिकताका साथ छिटो छरितो हुने भएको छ। क्यानडाका सिटीजनसिप र इमिग्रेसन मन्त्री क्रिस अलेक्जेन्डरले सो जानकारी दिएका हुन्।

भूकम्पबाट व्यक्तिगत रूपमा प्रभावित रहेको जानकारी दिए आवेदनकर्ताको सम्पूर्ण आवेदन पक्रिया तत्काल गरिने अलेक्जेन्डरले बताएका छन्। यसैगरी, क्यानडा भित्रै रहेका र छोटो समयको भिसा पाएकाले पनि आफ्नो बसाई लम्ब्याउन पाउने छन्।

त्यसका लागि इमिग्रेसन क्यानडामा निवेदन दिनुपर्ने छ। सो परियोजनका निम्ती सिटीजनसिप र इमिग्रेसन क्यानडा(सिआइसी)ले विशेष इमेल र फोन नम्बर सार्वजनिक गरेको छ।
नेपालमा रहेर क्यानडाको भिसा आवेदन दिइसकेकाहरुले आफ्नो ठेगाना र कसरी भूकम्पबाट प्रभावित भएको जानकारीसहित दिल्लीस्थित क्यानडेली दूतावासको इमेल  मा निवेदन दिनु पर्नेछ। त्यसमा आवेदन नम्बर पनि उल्लेख हुनु पर्नेछ। यसैगरी, घुम्न, पढ्न वा कामका निम्ती क्यानडा आउन चाहने नयाँ आवेदन कर्ताले पनि सिआइसीको वेब साइटबाट अनलाई आवेदन दिए लगतै भूकम्पबाट प्रभावित भएको सम्पूर्ण जानकारी दिल्ली दूतावासको इमेलमा छुट्टै पठाउनु पर्नेछ।

क्यानडा भित्रै रहेका आवेदनकर्ताले मा इमेल गरि भूकम्पबाट आफू कसरी प्रभावित भएको जानकारी दिई प्रक्रिया छिटो गर्न अनुरोध गर्न सक्ने छन्।

साथै सिआइसीको कल सेन्टरको नम्बर १-८८८-२४२-२१००मा फोन गरी आफू प्रभावित भएको जानकारी दिन सक्नेछन्।

क्यानडा नेपालमा गएको विनाशकारी भूकम्प प्रति निकै सम्वेदनशिल देखिएको छ। यसअघि तत्काल राहतका निम्ती ५ मिलियन क्यानडेली डलर सहायता घोषणा सहित एक उद्दार टोली पनि क्यानडाले नेपाल पठाईसकेको छ।

त्यसका साथै हाउस अफ कमनको निर्णयबाट नेपाल भूकम्म राहत कोष पनि क्यानडाले खडा गरेको थियो। सो कोष तथा अन्य दर्ता भएका संस्थाबाट २५ अप्रिलदेखी २५ मेसम्म उठेको चन्दा रकम बराबरनै सरकारले दिने घोषणा गरेको थियो।

मानवताका निम्ती निकै संवेदनशिल रहने क्यानडाको ओन्टारियो प्रान्तकी प्रिमियर क्याथलिन वाइनेले क्यानडा रेडक्रसको नेपाल भूकम्प पीडित राहत कोषमा १० लाख डलर चन्दा दिएकी थिइन्। क्यानडा रेडक्रसले नेपाल भूकम्प पीडित राहत कोष सञ्चालन गरि चन्दा संकलन गरिरहेको छ। source tajakhabar

भदौभित्र१६ मालपोत कार्यालयलाई अनलाइनमा स्मार्ट कार्डमा लालपुर्जा

काठमाडौं २८ श्राबन – भूमिसुधार तथा व्यवस्था मन्त्रालयले यही भदौभित्र देशका विभिन्न १६ मालपोत कार्यालयलाई अनलाइन सेवा प्रणालीमा लाने तयारी अन्तिम चरणमा पु¥याको छ। अनलाइन प्रणाली सुरु भएपछि सर्वसाधारणले फाँट चाहारेर काम गराउनु पर्ने झन्झट समाप्त हुनेछ। दलालको सहयोग बिनै घरै बसीबसी रजिष्ट्रेसन पासका लागि आवेदन दिन सकिनेछ।
अनलाइन प्रवाहले सेवाग्राहीको अधिक चाप हुने मालपोत कार्यालयको कार्यसम्पादन सहज बनाइदिने, बिचौलियाको भूमिका समाप्त पार्ने, कार्यालय सञ्चालन खर्चमा कमी आउने र समयको बचत हुने भूमिसुधार तथा व्यवस्था मन्त्रालयको विश्वास छ।

'सेवाग्राहीको बढी चाप हुने कार्यालयलाई अनलाइन प्रणालीमा लाँदैछौं,' मन्त्रालयका सचिव लोकदर्शन रेग्मीले नागरिकन्युजसँग भने, 'अनलाइन प्रणालीमा गएपछि सेवाग्राहीले आफ्नो घरैमा बसेर जग्गाको रजिष्ट्रेशन पासलगायतको सेवाका लागि आवेदन गर्न सक्छन्।'

अनलाइन सेवामा गएका मालपोत कार्यालयले सेवाग्रहीलाई विभिन्न फाँट चहारेर सेवा लिनुपर्ने झण्झटबाट मुक्त गरी एकीकृत रुपमा सेवा प्रदान गर्नेछन्।
                                                                                 अनलाइन हुन लागेका मालपोत कार्यालयहरु
मन्त्रालयले वैशाखबाट शुरु गरेर यसै आर्थिक वर्षमा ४० मालपोत कार्यालयलाई अनलाइन प्रणालीमा लाने तयारी गरेको थियो। वैशाखमा गएको भूकम्पले कतिपय कार्यालयको भवन नै भत्काइदिएको र सरकारले पनि पर्याप्त बजेट विनियोजन नगरेपछि १६ वटा कार्यालयको सेवा मात्रै अनलाइनमा लान लागिएको हो।

'एसियाली विकास बैंक(एडिबी)को सहयोग सरकारको आफ्नै बजेटमा गरी कूल १६ कार्यालयलाई अनलाइनमा लाने तयारी अन्तिम चरणमा पुगेको छ,' मन्त्रालयका सहसचिव नागेन्द्र झाले नागरिकन्युजसँग भने, 'यही भदौदेखि हामी अनलाइन सेवामा प्रवेश गर्दैछौं।'

१४ मालपोत कार्यालयमा अनलाइन अनलाइन प्रणाली स्थापना गर्न एडिबीले प्राविधिक र भौतिक सहयोग गरेको छ। दुई कार्यालयलाई सरकारले आफ्नै बजेटबाट अनलाइन सेवा स्थापना गर्न लागेको हो। सेवाग्राहीको चापलाई हेरेर प्राथमिकताका आधारमा देशका १ सय ४ वटै मालपोत कार्यालयको सेवालाई अनलाइन प्रणालीमा लगिने सहसचिब झाले बताए।

पछिल्लो समय डिजिटल प्रविधि नेपालीको पनि जीवनशैली बन्न थालेपछि सरकारी निकायलाई त्यतातर्फ अग्रसर हुन दवाब बढ्दो छ।

'कागजी ढड्डा प्रणालीको भन्दा निकै कम जनशक्ति र समयमा नै बढी सेवा प्रवाह हुन सक्छ,' मन्त्रालयका सचिव रेग्मी भन्छन्, 'पारर्शीता बढ्ने, तथ्याङ्क व्यवस्थापनमा सहज हुने र सेवा प्रवाही र सेवाग्राहीबीच बिचौलियाले खेल्ने अवस्थाको पनि अन्त्य हुनेछ।'

लालपुर्जा स्मार्ट कार्डमा
अनलाइन सेवामार्फत सेवालाई डिजिटलाइज गर्दै विस्तारै केही समयपछि जग्गाधनी प्रमाणपूर्जालाई पनि डिजिटल बनाउने मन्त्रालयको योजना रहेको सचिव रेग्मीले बताए ।

अहिले पानीले हत्तपत्त नगल्ने, हत्तपत्त नच्यातिने र नख्इलिने विशेषताको नेपाली कागजमा जग्गाधनी प्रमाणपुर्जा अर्थात् लालपुर्जा वितरण हुँदै आएको छ। मेसिनले पढ्न सक्ने सानो चिप्स(मेमोरी)मा नै सम्पूर्ण विवरणहरु अँटाउने भएपछि एक हात लामो लालपुर्जा बोकेर हिँड्ने झण्झटबाट नेपाली मुक्त हुनेछन्।

'निकट भविष्यमै लालपुर्जालाई पनि डिजिटल बनाउने योजनामा हामी अघि बढिरहेका छौं,' भूमिसुधार तथा व्यवस्था मन्त्रालयका सचिव लोकदर्शन रेग्मीले नागरिकन्युजसँग भने, 'कोरिया लगायत विश्वका थुप्रै विकसित राष्ट्रहरुले भू–स्वामित्वको प्रमाण पुर्जालाई डिजिटल स्मार्ट कार्डमा बदलिसकेका छन्। हामी पनि त्यो दिशातर्फ अग्रसर छौं।'

सूचना प्रविधि तथा डिजिटलाइजेशनलाई स्वीकार्दै कार्यान्वयमा ल्याउनुको विकल्प नरहेको उनी बताउँछन्। 'यसले सेवा प्रदायकको काम गर्ने तौरतरिका र सेवाग्राहीलाई सुविधा थप्छ।' श्रोत साभार :नागरिक

नेपालका वीर्य बेच्ने पुरुष र डिम्ब बेच्ने महिलाको अभाव

२८ श्राबन - नेपालका केहि अस्पतालमा पुरुषको वीर्य र महिलाको डिम्ब खरिद बिक्री गरिन्छ। तर अस्पतालमा भने वीर्य बेच्ने पुरुष र डिम्ब बेच्ने महिलाको अभाव भएको डाक्टरहरुको भनाई छ।

बाँनेश्वरको भेनस अस्पतालले टेस्ट्युब बेबीको सेवा सुरु गरेको झण्डै एक वर्ष भयो। यो एक वर्षमा भेनस अस्पतालले वीर्यर डिम्बको खरिद गर्न नपाउँदा पाँच जना ग्राहकहरुलाई सेवा दिन सकेन।

अहिले नेपालका आधा दर्जनभन्दा बढी अस्पतालमा टेस्ट्युब बेबी सेवा उपलब्ध छ। टेस्ट्युब बेबी सेवा उपलब्ध भएका अस्पतालहरुमा डिम्ब तथा शुक्रकिट खरिद गर्ने गरिन्छ। भेनस अस्पताल बाहेक ओम हस्पिटल, ग्लोवल हस्पिटल ग्वार्को, ग्रान्डी सिटी क्लिनिक र ग्रान्डी हस्पिटलमा शुक्रकिटको खरिद गर्ने गरिन्छ।

अन्तर्राष्ट्रिय बजारमा यस्ता वीर्य र डिम्बको खरिद बिक्री गराउने एजेन्सी हुन्छन्। तर नेपालमा एजेन्सीको अभावमा पटक पटक वीर्य र डिम्बको अभाव खेप्नु परेको भेनस अस्पतालको टेस्ट्युब बेबी विभाग प्रमुख श्वस्ती शर्माले जानकारी दिइन्।

शर्माका अनुसार भेनस अस्पतालले पुरुषको वीर्य एक हजार रुपैयाँमा खरिद गर्छ। त्यस्तै महिलाको डिम्बका लागि भने अस्पतालले ७० हजार रुपैयाँ तिर्छ। शर्माका अनुसार अस्पतालमा वीर्य बेच्न धेरैजसो बिद्यार्थी आउने गर्दछन् भने डिम्ब बेच्नको लागि विवाहित महिला आउने गर्दछन्।

यसरी डिम्ब बेच्ने महिला र वीर्यबेच्ने पुरुषको नाम भने अस्पतालले गोप्य राख्ने गर्दछ। खरिद गर्ने मानिसहरुलाई समेत 'डोनर'को बारेमा जानकारी दिँइदैन। वीर्यतथा डिम्ब खरिद गर्न आउनेहरुले आफ्नो जातको मानिस खोज्ने गरेको शर्माले जानकारी दिइन्। प्राय वीर्यर डिम्ब खरिद गर्न आउनेहरुले अग्लो, पढेको र गोरो मानिसको शुक्रकिट र डिम्ब खोज्ने गरेको उनले बताइन्।

पुरुषको शुक्रकिटलाई संकलन गरी राख्न भेनस अस्पातालसँग यसको बैंक पनि छ।  नेपालमा अहिले पैसा कमाउन विदेशीने युवाको जमात ठुलो छ। विदेशिएका युवा नेपाल एक महिना देखि दुई महिनाको छुट्टी मिलाएर आउने गर्दछन्।

युवा विदेशीने बढेसंगै नेपालमा बाँझोपनाको समेत बृद्धि भएको शर्माले बताइन्। विदेशको कम्पनीबाट छुट्टी मिलाएर नेपालमा एक महिनाको लागि आएको समयमा गर्भ बस्नको लागि कतिपयलाई निकै कठिन हुने गरेका उनले जानकारी दिइन्।

यस्ता धेरैजसो विदेश बस्ने युवाहरु पनि भेनस अस्पतालमा वीर्यसंकलन गराउनको लागि आउने गर्दछन् । तर उनीहरु वीर्यअरुलाई बेच्नको लागि भने आउँदैनन्। विदेश जाने समय नजिकिँदा पनि आफ्नी पत्नी गर्भवती नभएपछि उनीहरु अस्पतालमा वीर्यसंकलन गराउँछन्। अस्पतालले यसरी संकलन गरेर राखेको वीर्यमहिलाको प्रिगेनेन्सी अवधि सुरु भएपछि 'पर्भजानील्टी अल्ट्रासाउण्ड'को सहायताले महिलाको पाठघरमा राखिन्छ।

कतिपय पुरुषको विर्यमा शुक्रकिटको मात्रा कम भएका कारण श्रीमतीले गर्भधारण गर्न सक्दैनन्। यस्तो अवस्थामा अर्कै पुरुषको वीर्यखरिद गरेर अस्पतालको सहयोगमा महिलाहरुले गर्भधारण गर्ने गर्छन्। त्यस्तै महिलाको डिम्बमा अण्डाकोषको मात्रा कम भएका जोडीहरुले भने डिम्ब खरिद गरेर बच्चा जन्माउने गरेका छन्। महिलाको डिम्बलाई खरिद गरेर पुरुषको शुक्रकिटलाई संयोजन गरी महिलाको पाठेघरमा राख्ने गरिन्छ, जसलाई टेस्ट्युब बेबी पद्धति भन्ने गरिन्छ।

सबै मानिस भने डिम्ब तथा शुक्रकिटको डोनर बन्न सक्दैनन्। डिम्ब र शुक्रकिटको डोनर बन्न चाहने मानिसहरुमा कुनै रोगहरु हुनुहुँदैन। डोनरको सात पुस्तामा कुनै बच्चा शारीरीक वा मानसिक अपाङ्ग भएको पाइएमा त्यस्ता डोनर अयोग्य मानिन्छन्। सुगरजन्य रोग र यौनजन्य रोगहरु भएका व्यक्तिहरु डोनर बन्न नसक्ने शर्माको भनाई छ।

'नेपालमा सांस्कृतिक कारणले पनि जोकोही मानिस डोनर बन्न हिच्चकिचाउँछन्', शर्माले भनिन, ' चेतनाको अभावमा मानिसहरु डोनर बन्न हिच्चकिचाउँछन्।'

नेपालमा शुक्रकिट तथा डिम्ब खरिद बिक्री गर्न लागेको झन्डै १२ वर्ष भयो। यस्तो व्यवसाय सबैभन्दा पहिले शुरु गरेको ओम अस्पतालले अहिलेसम्म कैयौं मानिसहरुलाई यो सेवा प्रदान गरिसकेको छ।

विश्वमा 'टेष्ट ट्युव बेबी' को शुरुवात सन् १९८४ देखि भएको हो। अमेरिकाको फिलाडेल्फीयाको जेफर्सन मेडिकल कलेजले विश्वमा सबैभन्दा पहिले यो सेवा सुरु गरेको हो। टेस्ट्युब बेबी भने विश्वमा सर्वप्रथम बेलायतमा जन्मेकी थिइन्। सन् १९७८ को जुलाई २५ मा बेलायतमा सर्वप्रथम टेस्ट्युब बेबी लुइस जोई ब्राउनको जन्म भएको थियो। अहिले उनि ३७ वर्षकी भइसकेकी छन् भने उनले विवाह गरेर छोरा समेत जन्माईसकेकी छिन्। श्रोत साभार :सेतोपति पत्रिका

Blocked Foreign Employer Company by Department of Foreign Employment

List of Foreign Employers Blocked for conducting foreign employment in Nepal by Department of Foreign Employment

UAE

1. Al Hamed Development Construction Company (UAE Dubai)

Malaysia

2. Konsortium Pasar Borong Sdn.Bhd. (Malaysia Kuala Lumpur)

3. Pine Jati coproration SB (Malaysia Kualalumpur)

4 Konsortium Pasar Borong SB. (Malaysia Kuala Lumpur)

5 Konsortium Pasar Borong SB. (Malaysia Jalan)

6 Maxlin Garments SB. (Malaysia Johor)

7 Konsortium Pasar Borong SB (Malaysia Jalan)

8 Pangilma Intan Cleaning Services SB (Malaysia Kaala Lumpur)

9 K.F.C. Holding (Malaysia Kaala Lumpur)

10 KFC Holdings (Malaysia) Bhd (Malaysia Kaala Lumpur)

11 Perdana Cleaning Services (Malaysia Johor)

12 AHM Consultancy & Security Services SB (Malaysia Subang Jaya, D.E.)

13 ARR & Azlan SB (Malaysia Kaala Lumpur)

14 C S Metal Industries (M) SB (Malaysia Selangor)

15 Carpet Raya Manufacturing SB (Malaysia Kuala Lumpur)

16 Choon Kee Woodworks SB (Malaysia Pusing Perak)

17 Farmpave (M) SB (Malaysia Selangor D.E.)

18 Guang Lei Furniture (Malaysia 02600 Arau, Perlis)

19 HLH Wood Industries SB (Malaysia Selangor)

20 Insamadu Tiling SB (Malaysia Selangor D.E)

21 Karya Legenda SB (Malaysia Sri Hartamas, 50480 KL)

22 Kenwin Engineering SB (Malaysia Medan Setia Dua, Plaza Damansara)

23 Kilang Papan Datuk Wan Ahmad SB (Malaysia 27620 Raub Pahang Darul Makmur)

24 Landasan Sempurna (Malaysia Negari Sembilan)

25 Langkapadu (M) SB (Malaysia Selangor)

26 M10 Builders SB (Malaysia Selangor)

27 Megamall Development SB (Malaysia Jalang Puchong, KL)

28 Nian Aik SB (Malaysia Johor)

29 Perni Agaan Liew (Malaysia Bentang Pahang)

30 Restaurant Raja Arit (Malaysia Subang Jaya)

31 RNE Consortium SB (Malaysia Ipoh, Perak)

32 S.G. Meda Polywood SB (Malaysia Bukit Kepong)

33 Selangor Cotton Towels Mfg. SB (Malaysia Selangor)

34 Siang Industry (Malaysia Jalan Kepong)

35 Target Profession Holding (M) SB (Malaysia Kelantang D.E.)

36 TSE Kleener Services (Malaysia Selangor)

37 Sovina Garments SB (Malaysia Malaysia)

38 Kok Heng Cleaning Service (Malaysia Malaysia)

39 Squire SB (Malaysia)

40 Manchu Wood Industries (Malaysia)

41 Legend Plan (Malaysia)

42 Khim Seng Furniture (Malaysia)

43 Formpave (M) SB (Malaysia)

44 DK Leather Seats Sdn.Bhd. (Malaysia 47100 Puchong, Selangor Darul Ehsan)

45 GLC Cleaning & Maintenance (Malaysia Penang, Selangor, Darul Ehsan)

46 Cansortium Pasar Barang, Kl (Malaysia Kl)

47 MELUR SAUJANA SDN.BHD (Malaysia Kuala Lumpur)

48 M-Io Building Sdn Bhd (Malaysia Selangor L)

49 M-IO Builders Sdn Bhd (Malaysia Selangor)

50 Aa Asia Setia Sdn Bhd (Malaysia KualaLumpur)

51 USAHATEK SDN BHD (Malaysia)

52 Erti Unggol Sdn Bhd (Black List) (Malaysia)

53 WEALTHRICH GLOBAL (M) SDN BHD (Malaysia SELANGOR)

Qatar

54 Qatar Arab Contractors Ltd. Co. (Qatar Doha)

55 Khalid Bin Fahd Trading & Contracting Co. (Qatar Doha)

Saudi Arabia

56 Saeed Hadi Al-Dossary Establishment for Contracting (Saudi Arabia Al Dawaser)

57 EASTERN HERITAGE G. CONTRACTING & G. CLEANING & PEST CONTROL (Saudi Arabia DAMMAM)
                                       souces:http://jobs.sajhasabal.com                   

फेसबुकमा नाङ्गो,Valgular समाजमा नपच्ने खालको फोटो र भिडियो TAGले हैरानी छ भने यसो गर्नुस।

फेसबुकमा नाङ्गो,Valgular समाजमा नपच्ने खालको फोटो र भिडियो Share/TAGले हैरानी छ भने यसो गर्नुस।
 Accidentally तपाईबाट post share देखाइएको खण्डमा
सर्बप्रथम आफ्नो profilema जानुस
View activity and log मा जानुस

 Are You sure to delete this?delete post

अर्को तरिका TAG हटाउने तरिका

सर्बप्रथम आफ्नो profilema जानुस
View activity and log मा जानुस
Reviews Items मा जानुस
Hide मा क्लिक गर्नुस
Report मा क्लिक गर्नुस
I don't it should be on Facebook को थोप्लामा टिक गर्नुस Continue
It's Pornography मा क्लिक गर्नुसContinue
Remove Tag मा क्लिक गर्नुस
Are You Sure? अर्को Remove Tag मा क्लिक गर्नुस Tag Removed Done तपाईलाई नचाहेको फोटो हटेर जानेछ। अन्य जानकारीको लागि
तलको फोटोमा दिएको छ।

टि.पि.एस. र अमेरिका प्रवेशको बारेमा अमेरिकी दूतावासको काठमाडौँ एक विज्ञप्ती

बैशाख १२ को भूकम्पपछि अमेरिका र क्यानडा लैजाने भन्दै दलालहरु भूकम्प प्रभावित गाउँहरुमा सक्रिय भएका छन् । गाउँ गाउँमा पुगेर रकम उठाउँन थालेपछि त्यसविरुद्ध सावधान हुनु पर्ने अवस्था आएको छ ।
गाउँ गाउँमा दलालहरु सक्रिय भएर ठगी गर्न थालेपछि अमेरिकी दूतावासले एक विज्ञप्ती जारी गरि यस बारे आफ्नो धारणा प्रष्ट पारेको छ । संयुक्त राज्य अमेरिका प्रवेश गर्न तथा टेम्पोरेरी प्रोटेक्टेड स्टाटस (टिपिएस) हासिल गर्न सघाउन सक्ने भनी केही व्यक्तिहरू सक्रिय भएको न्यूजले अमेरिकी दूतावास चिन्तित भएको विज्ञप्तीमा उल्लेख छ । यस्ता दाबीहरू झुट्टा भएको र दलालहरुको पछाडि नलाग्न दूतावासले सबैलाई आग्रह गरेको छ । २०७२ असार ९ गते वा सो अघि निरन्तर तथा शारीरिक रूपमा संयुक्त राज्य अमेरिकामा उपस्थित भएका तथा त्यसपछि पनि संयुक्त राज्य अमेरिकामा नै निरन्तर रूपमा शारीरिक रूपमा उपस्थित रहेका व्यक्तिहरू मात्रै टिपिएसका निम्ति योग्य हुने दूतावासको विज्ञप्तीमा उल्लेख छ । २०७२ वैशाख १२ गतेको भूकम्पपछि असार ९ गते संयुक्त राज्य अमेरिकाको डिपार्टमेन्ट अफ होमल्याण्ड सेक्युरिटीले नेपाललाई टिपिएसको सूचीमा राखिएको घोषणा गरेको थियो । संयुक्त राज्य अमेरिकामा पुगी बसोबास गरिसकेका योग्य नेपाली नागरिक (र यसअघि नेपालमा बसोबास गर्दै आएका नागरिकताविहीन व्यक्ति) हरूले टिपिएसका लागि आवेदन दिन सक्नेछन् । यस्तो योग्यता पुग्ने नेपालीहरूका लागि दर्ता अवधि २०७२ असार ९ देखि पुस ६ गतेसम्म रहेको दूतावासद्धारा जारी विज्ञप्तीमा उल्लेख छ । टिपिएस एक अस्थायी सुविधा भएको र यसले वैध स्थायी बासिन्दासम्बन्धी सुविधा वा अन्य कुनै अध्यागमन सुविधा प्रदान गर्दैन । उल्लेख्य रूपमा झुट्टा आश्वासनहरू बढ्दै गएको सम्बन्धमा अमेरिकी दूतावास सर्वसाधारणलाई सचेत रहन सल्लाह दिन चाहन्छ भनिएको छ । लामो समयदेखि अमेरिकामा रहेर कानुनी सेवा दिदै आएका क्षेत्री एण्ड एशोसियटका प्रमुख समेत रहेका वरिष्ठ अधिवक्ता खगेन्द्रध्वज जीसीले पनि ठगहरुको पछाडि लागेर पैसा नफसाउन आग्रह गर्नुभयो ।
अमेरिकामा रहेका नेपालीहरुले मात्रै यो सुविधा पाउने जनाउँदै उहाँले ठगहरुबाट सावधान हुन भूकम्प पीडित नेपालीहरुलाई आग्रह गर्नुभएको छ ।
अहिले भूकम्प पीडित गाउँहरुमा अमेरिका, क्यानडा र अन्य विकसित मुलुकहरुमा लैजाने भन्दै रकम उठाउन थालेको सूचना पाएपछि अमेरिकी दूतावासले औपचारिक रुपमा विज्ञप्ती निकालेर यसबारे स्पष्ट गरेको हो ।

दारी र कपाल कुन दिन काट्दा राम्रो र नराम्रो हेर्नुहोस

 धर्मशास्त्रमा जीवनका नियमहरु उल्लेख छन् । त्यसमा दारी र कपाल काट्न नहुने दिन समेत उल्लेख छ । यी दिनमा दारी कपाल काट्दा अशुभ हुने मानिन्छ ।
यी दिनमा नकाट्नुस् 
शास्त्रका अनुसार मंगलवार, विहीवार र शनिवार कपाल काट्नु हुँदैन । यसले अशुभ गराउने विश्वास छ ।
ज्योतिष शास्त्रका अनुसार पनि मंगलबार मंगलको दिन हो । शरीरमा पनि मंगलको निवाश हुने यो दिनमा कपाल काट्नु राम्रो मानिन्छ । मंगलबार र शनिबार कपाल काट्दा अशुभ प्रभाव पर्ने उल्लेख छ ।
शास्त्रका अनुसार मंगलबार कपाल काट्दा ८ महिना कम हुन्छ मान्छेको आयु ।

विहीबार लक्ष्मीको दिन मानिन्छ । यस दिन कपाल काट्दा लक्ष्मी अर्थात धनकी देवी बेखुसी भएर दरिद्र हुने सम्भावना हुन्छ ।

शनिबार कपाल काट्दा ७ महिना आयु कम हुने विश्वास गरिन्छ ।
बाँकि रहेका सोमवार, बुधवार, शुक्रवार र आइतवार कपाल काट्नु राम्रो मानिन्छ ।

एनसेलको नयाँ अफर मोबाइल किन्दा बोनस व्यालेन्स र फ्री इन्टरनेट डाटा सुबिधा

एनसेलले ग्राहकहरुको लागि माइक्रोम्याक्स मोबाइलसँग साझेदारी गरेर नयाँ योजना ल्याएको छ।

   ‘एनसेल लोडेड एकमा अनेक अफर’ योजना अन्तरगत माइक्रोम्याक्सको १० हजार रुपैयाँ पर्ने क्यान्भास स्पार्क क्यू ३८० मोडलको मोबाइल किन्दा एनसेलले निम्न सुविधाहरु दिनेछ।

–६ हजार रुपैयाँ बराबरको बोनस व्यालेन्स, ३ महिनाको लागि मान्य हुने र एनसेल नेटवर्क भित्र
–१ जीबी डाटा, प्रत्येक महिनाका दरले ३ महिनासम्मको लागि
– निःशूल्क एनसेल सिमकार्ड

यो सुविधा एनसेल सेन्टर, एनसेल सप तथा आधिकारिक विक्रेतामा उपलब्ध रहेको छ।

माइक्रोम्याक्स क्यान्भास स्पार्क क्यू ३८० मा दुईवटा सिम लाग्छ । यसको स्क्रिन ४.७ इन्चको रहेको छ जसले ५४०×९६० पीक्सेल रिजोलुसनको गुणस्तर दिन्छ।

यो स्मार्टफोन एन्ड्रोइडको ५.० ललीपप अपरेटिङ सिस्टममा काम गर्छ र यसमा क्वाडकोर १.३ जीएचजेडको प्रोसेसर रहेको छ।

यसमा १ जीबी र्‍याम र ८ जीबी इन्टरनल मेमोरी रहेको छ जसलाई ३२ जीबीसम्म बढाउन मिल्छ।

यसको पछाडि ८ मेगापीक्सेल र अगाडि २ मेगापीक्सेलको क्यामरा रहेको छ।

यसमा २००० एमएएचको ब्याट्री रहेको छ।

यो मोबाइलको हार्डवेयरमा १ वर्ष र अरु पाटपूर्जामा ६ महिनाको वारेन्टि  पनि दिइएको छ।

१४ महिना अघि दलालले ५ हजार डलरमा बेचेकी सुनिता मगर सकुशल घर आइ पुगिन

 १४ महिना अघिदेखि द्वन्द्वग्रस्त मुलुक सिरियामा अलपत्र धादिङ मैदीकी सुनिता मगर सकुशल घर आइपुगेकी छन् ।सिरियामा अलपत्र उनको उद्धार नगरे ज्यानै जानसक्ने भन्दै परिवारमा दिनहुँ रुवाबासी चलेको समाचार अन्नपुर्ण पोस्ट् अनलाइनमा छापिएपछि देश विदेशका सहयोगीमार्फत सुनिता घर फर्कन सफल भएकी हुन् ।वैदेशिक रोजगारीमा गएकी सुनितालाई दलालले झुक्याएर सिरिया पुर्‍याइ अलपत्र पारिदिएका थिए । उनले आफुलाई त्यहाँबाट छिटो उद्धारका लागि सुनिताले पटक पटक आमालाई गुहार्दै आएकी थिइन् सिरियाबाट सुनिताको रोदन, ‘म यतै मर्ने भएँ’छोरीको उद्धारका लागि आमा सावित्री मगरले सरकारी निकाय गुहार्दै हिँडेपनि श्रमअनुमति र दुतावासै भएको देशका गएकाले उनको उद्धारमा सरकारले प्रयास नै गरेको थिएन ।सुनितालाई काममा लगाइदिने दलालले उनको तलब ५ हजार डलर अग्रिम लिएर बेपत्ता भएपछि पासपोर्ट जफत गरेर साहुले घरमै बन्धक बनाएको थियो तीन हजार डलर बुझाएमात्रै पासपोर्ट फिर्ता दिन्छु भनेपछि उनी सिरियामै अलपत्र परेकी थिइन् ।

आमा सिरियामा अलपत्र, घरमा छोराछोरीको बिजोग दिनुहँ बम पड्किरहने र विदेशी नागरिकलाई देखेपछि गोली हान्ने सिरियामा ३ हजार डलर तिर्न नसकेपछि सुनिता अलपत्र थिइन् ।उनी अलपत्र परेको समाचार अन्नपुर्ण अनलाइनमा प्रकाशित भएपछि एनआरएन फिनल्याण्डका अध्यक्ष बालकृष्ण श्रेष्ठ र मगर संघ हङकङकी अध्यक्ष चन्द्रज्योती मगरले उद्धारको लागि आवश्यक खर्च बेहोरिदिएपछि विहीबार सुनिता काठमाडौं आइपुगेकी छिन ।‘साहुलाइ तिर्ने पैसा नभएर नेपाल फर्कन नपाएको र बच्चाहरुको विजोग भएको समाचार पढेर साह्रै दुःख लाग्यो’, हङकङ मगर संघकी अध्यक्ष एवं अन्तराष्ट्रिय मगर संघकी केन्द्रिय सदस्य चन्द्रज्योती मगरले अन्नपूर्णसँग कुरा गर्दै भनिन्, ‘सबै अन्तर्राष्ट्रिय शाखाहरुबाट संकलन गर्ने गरी हामीले सुनिताका साहुलाई बुझाउने ३ हजार डलर एकमुष्ट पठाएका हौँ ।

’साहुलाई तिर्ने पैसा जुटेपछि एनआरएन फिनल्याण्डका अध्यक्ष एवम् धादिङ मैदीका स्थानीय बालकृष्ण श्रेष्ठको पहलमा फिनल्याण्डमा रहेका नेपालीले सुनितालाई सिरियादेखि नेपालसम्म लाग्ने हवाइ भाडा ८ सय डलर उपलब्ध गराएका थिए ।छोरी सुकशल फर्कन सफल भएपछि आमा सावित्री खुसी भएकी छिन् । ‘दिनहुँ छोरीले रुँदै फोन गर्थी, मलाइ त बाँचेर फर्कन्छेजस्तो लागेको थिएन’, उनले भनिन्, ‘मेरी छोरीको उद्धार गरिदिने सवैलाइ धन्यवाद छ ।’अव आफुलाई सिरिया पुर्‍याउने दलाल पक्राउ गराउन सरकारी निकायमा उजुरी दिने सुनिताले बताएकी छिन् । श्रोत : ओन्लिने  समाचार

म्यानपावर व्यवसायीहरु फ्रि भिसा र फ्री टिकटमा कामदार विदेश पठाउन सहमत

साउन१सुक्रबार - भिसा र टिकटमा नेपाली कामदार विदेश पठाउने सरकारी निर्णयविरुद्द आन्दोलनमा उत्रिएका म्यानपावर व्यवसायी र सरकारबीच अझै वार्ता चलिरहेको छ । यो बिषयमा आज साँझसम्ममा सहमतिपत्रमा हस्ताक्षर हुने स्रोतले जनाएको छ ।

श्रमराज्यमन्त्री टेकबहादुर गुरुङका कानुनी सल्लाहकार केशव जोशीका अनुसार श्रम मन्त्रालयमा मंगलबारदेखि जारी वार्तामा सहमतिका लागि पहल भइरहेको हो । उनको अनुसार आज साँझसम्ममा सहमति हुने निश्चित छ । उनको अनुसार व्यवसायीहरु 'फ्रि भिसा र फ्री टिकट'मा कामदार विदेश पठाउन सहमत भएका छन् ।

'फ्री भिसा र फ्री टिकट'को निर्णय खारेजीको माग गर्दै आएका मेनपावर ब्यवसायीहरुले वार्तासँगै आफ्नो आन्दोलन अझै जारी राखेका छन् । ब्यवसायीहरुले बैदेशिक रोजगार बिभागको कार्यालय तहांचलमा आन्दोलन गरिरहेका छन् । आन्दोलनका कारण १२ हजार भन्दा बढी उडानको क्रममा रहेका नेपालीहरु विदेश जानबाट बन्चित बनेका छन् ।

म्यानपावरहरुको आन्दोलनबाट १२ हजार भन्दा बढी नेपालीहरु विदेश जानुपर्नेमा काठमाडौँमै बिचलित बनेको भन्दै श्रममन्त्री टेक बहादुर गुरुङले म्यानपावर ब्यावसायीहरुप्रति आक्रोश प्रकट गरे । उनले भने- "त्यत्रो नेपालीलाई रोकेर राख्नु म्यानपावर ब्यबसायीहरुको खोट हो ।"

बैदेशिक रोजगार विभागका प्रमुख विश्व्प्रकास सुवेदीले आन्दोलनका कारण श्रम गर्न आउने अन्य म्यानपावर कम्पनीको पासपोर्ट तथा कागजात समेत आन्दोलनकारीहरुले खोसेको कारण विभागमा व्यक्तिगत बाहेक श्रमको काम हुन नसकेको बताए ।

एनसेलले नयाँ डाटा योजना ल्याएको छ

पछिल्लो समयमा एनसेलले आफ्ना प्रयोगकर्तालाई सुविधा दिन नया नया योजनाहरु ल्याइरहेको छ । यसैबीच एनसेलले थप विकल्पसहित नयाँ डाटा योजना ल्याएको छ । यसअन्तर्गत एनसेलका सम्पूर्ण ग्राहकहरुले सुलभ दरमा आवश्यकता बमोजिमको प्याक लिई इन्टरनेट सेवा लिन सक्नेछन्। यस सुविधा मार्फत प्रयोगकर्ताले दैनिक तथा मासिक प्याकका साथै साप्ताहिक प्याक पनि प्रयोग गर्न पाउनेछन । साप्ताहिक प्लानमा ग्राहकले ५० एमबी, १२५ एमबी र २५० एमबी भल्युमका प्याक लिई क्रमशः ७० पैसा, ४८ पैसा र ४४ पैसा प्रति एमबी (कर बाहेक) मा इन्टरनेटको मज्जा लिन सक्ने एनसेलले जनाएको छ।
एनसेलले मासिक प्याक अन्तर्गतको १ जि.बी. डाटाको मूल्य पनि ६ सय ९९ बाट ५ सय ५० मा घटाएको छ। मासिक प्याकमा अब ग्राहकले २ जि.बी तथा ३ जि.बीको प्याक पनि लिन सक्नेछन्। २ जि.बीको प्याकको मूल्य ४३ पैसा प्रतिएमबी रहेको छ भने ३ जि.बीको प्याकको दर ३८ पैसा प्रति एमबी (कर बाहेक) रहेको एनसेलले विज्ञप्तिमा उल्लेख गरेको खबर नागरिक दैनिकले लेखेको छ।

विदेशबाट फर्केकाले ल्याउने टिभीमा कति कर तिर्नुपर्छ? अरु के के ल्याउन पाइन्छ ?

हरेक पटक बजेट आउँदा विदेशमा रोजगार वा अन्य उद्देश्यले गएकाहरुलाई टिभीसम्बन्धी व्यवस्थाबारे चासो हुन्छ। विदेशमा टिभी एकदम सस्तो देखेपछि किनौँ किनौँ लाग्छ। तर नेपालमा बेस्कन कर लगाएर महँगो बनाइदिने डर पनि हुन्छ। यसपालिको बजेटले के व्यवस्था गरेको छ त?

खासमा विदेशबाट फर्किएकाले ल्याउने टेलिभिजनबारे यो बजेटले केही न‌याँ व्यवस्था गरेको छैन। यस अन्तर्गत गत वर्षकै जस्तो वैदेशिक रोजगारमा गई कम्तिमा एक वर्ष काम गरी फर्कने नेपालीले ल्याएको जुनसुकै प्रकारको (एलसिडी, प्लाज्मा वा एलइडी) ३२ इन्चसम्मको टिभीमा लाग्ने सम्पूर्ण कर महसुल छुट दिइनेछ। अघिल्लो वर्षभन्दा यो वर्ष फरक पारिएको शब्द चाहिँ ‘कम्तिमा लगातार १२ महिना काम गरी फर्कने नेपाली नागरिक’ भनिएको छ। परारको बजेटले ३० इञ्चसम्मको टिभीमा मात्रै छुट दिएकोमा पोहोर ३२ इन्चसम्म कर छुट दिने व्यवस्था भएको हो। यसपालि पनि त्यो कायम छ। यसका लागि तपाईँ वैदेशिक रोजगारमा गएर फर्किएको हुनुपर्छ। पढ्नलाई विदेश गएको वा एनआरएनले टिभी ल्याएमा कर महसूल छुट हुने छैन। वैदेशिक रोजगारमा गएकाको पनि अभिलेख राखिने र यस्तो सुविधा एक पटकका लागि मात्र दिइने भनिएको छ। त्योभन्दा ठूलो टिभी ल्याएमा छुट दिइने छैन, इन्च नापेर भन्सार महसूल लिइनेछ। यो महसूल दरमा पनि परिवर्तन गरिएको छैन। त्यसो भए कत्रो टिभीमा कति कर लाग्छ त ?

आर्थिक विधेयक २०७२ मा यस्तो व्यवस्था छ
मानौँ तपाईँले ६० इञ्चको ठूलो टिभी ल्याउनुभएको  छ भने छ महिनाभन्दा बढी विदेशमा बस्नेले ६०X१२०० = ७२ हजार भन्सार महसूल तिर्नुपर्‍यो। छ महिनासम्म विदेश बसेकाले भने ६०X१२५० = ७५ हजार तिर्नुपर्‍यो।

यसमा ध्यान दिनु पर्ने कुरा के हो भने ३२ इन्चसम्मको टिभीको भन्सार लाग्दैन, त्योभन्दा बढीको लाग्छ भन्ठान्नु हुँदैन। यसअघि माइसंसारको ब्लगमा आएका कमेन्टमा यसैमा धेरै पाठक झुक्किएको देखियो। माथि विधेयकमा प्रष्ट लेखिएको छ- सोभन्दा बढी इन्चको टिभी ल्याएमा उक्त छुट सुविधा दिइने छैन। अर्थात्, ३६ इन्चको टिभी ल्याएर ३२ सम्मको त भन्सार लाग्दैन, बाँकी ४ इन्चको मात्र तिर्छु भन्न पाइँदैन, पूरै ३६ इन्चको तिर्नुपर्छ।

अरु के के ल्याउन पाइन्छ ?
सरकारले २०६५ कात्तिक १ मा राजपत्रमा सूचना प्रकाशित गरे अनुसार यस्तो सामानलाई भन्सार लाग्दैन

बिदेशबाट फर्केका नेपाली यात्रुका सम्वन्धमाः
(१) नेपालमा स्थायी बसोबास गर्ने नेपाली
नागरिक विदेशमा गई नेपाल फर्कदा व्यक्तिगत प्रयोगका देहायमा उल्लिखित सबै वा कुनै
मालसामान ल्याउँदा भन्सार महसुल पूर्ण छुट हुनेछः
(क) लुगाफाटा, बरबिर्छ्यौना, घर गृहस्थीका पुराना सामानहरु,
(ख) औषधी उपचार गराई फर्केका विरामीले ल्याएका औषधीहरु,
(ग) शारीरिक अशक्त यात्रुले सहाराको रुपमा प्रयोग गरेका सामान,
(घ) सुन तथा सुनको गहना पचास ग्रामसम्म, चाँदी तथा चाँदीको गहना पाँचसय
ग्रामसम्म र तीस हजार रुपैयाँ मूल्यसम्मको जवाहरात जडित साथमा ल्याएको
गहना गुरिया,
(ङ) घडी, स्टिल क्यामरा, भिडियो क्यामरा, सेलुलर मोवाइल फोन, पेन ड्राइभ एक एक
थान,
(च) बच्चा राख्ने पेराम्बुलेटर र ट्राइसाइकल एक एक थान,
(छ) पेशागत यात्रुले प्रयोग गरी ल्याएको सामान्य प्रकारका सामानहरु एक एक थान
(जस्तैः डाक्टरका लागि ब्लड प्रेसर नाप्ने सामान्य यन्त्र, स्टेथेस्कोप, खेलाडीको खेलकुद
सम्बन्धी सामान जस्तै फुटबल, भलिबल, बैडमिन्टन सेट, गवैयाको
सामान्य बाजा जस्तै– गितार हार्मोनियम, तबला, जस्ता सामानहरु)।
(ज) चार किलोग्रामसम्म खाद्य परिकार।
(झ) मदिरा १.१५ लिटरसम्मको बोतल एक।

तर यात्रुले ल्याउन पाउने आफ्नो निजी व्यवहारका खण्ड (झ) मा
उल्लिखित सामान बाहेक यस उपदफामा उल्लिखित अन्य सामानहरु कुनै यात्रुले
माथि लेखिएभन्दा बढी संख्या वा परिमाणमा ल्याएमा त्यस्ता यात्रुको अवस्था,
परिवार संख्या, बसेको मुलुक र समयावधि समेतलाई ध्यानमा राखी भन्सार
कार्यालयका प्रमुखले औचित्य हेरी स्वीकृति दिन सक्नेछ। खण्ड (झ) मा उल्लिखित
मदिरा तोकिएभन्दा वढी परिमाणमा ल्याएमा वढी परिमाण जति जफत हुनेछ।

(क)भारत तथा चीनको स्वशासित क्षेत्र तिव्वत वाहेक अन्य विदेशी मुलुकमा छ
महिनाभन्दा बढी अवधि व्यतित गरी फर्केका नेपाली यात्रुले आफ्नो साथमा
ल्याएको एक सेट कम्प्युटरमा भन्सार महसुल छुट हुनेछ।
(ख) विदेशमा बसेका नेपाली यात्रुहरुले आफूले प्रयोग गरेका लत्ता कपडाहरु
हुलाक पुलिन्दाबाट पठाउँदा त्यस्तो लत्ता कपडामा भन्सार महसुल छुट
हुनेछ।
(ग) विदेशमा बसेका व्यक्तिले नेपालस्थित आफन्त वा परिवारका सदस्यलाई
उपदफा (२) बमोजिमका सामानमध्ये अमेरिकी डलर दुईसय पचाससम्मको
सामान पठाएमा प्रमाण हेरी लाग्ने समदरमा भन्सार महसुल लगाई
जाँचपास गर्न सकिनेछ।
(घ) विदेशमा छ महिना वा सोभन्दा बढी समय बसी फर्किने नेपाली यात्रुलाई
तीनसय पचास ग्रामसम्म सुन र एक किलोग्रामसम्म चाँदी (गरगहना
समेत) लाग्ने महसुल लिई साथमा ल्याउन दिइनेछ।
(ङ) चुरोट दुइसय खिल्लीसम्म वा सिगार पचास खिल्लीसम्म दरवन्दी बमोजिम
लाग्ने महसुल लिई पैठारी गर्न दिइनेछ। यसमा तोकिएको परिमाणभन्दा
वढी चुरोट वा सिगार ल्याएमा त्यस्तो बढी परिमाणमा लाग्ने भन्सार
महसुलमा शतप्रतिशत थप भन्सार महसुल समेत असुल गरी जाँचपास गर्न
सकिनेछ।
(च) कुनै नेपाली नागरिकको विदेशको बसाईमा मृत्यु भएको भन्ने प्रमाणित
भएमा निज र निजको परिवारको निजी प्रयोगका पुराना सबै किसिमका
सामानहरु (सवारी साधन बाहेक) स्वदेशमा फिर्ता ल्याउँदा सम्पूर्ण महसुल
छुट हुनेछ।
(छ) भारतीय सेना वा प्रहरीबाट सेवानिवृत्त भई निवृत्तभरण पाउने गरी स्वदेश
फर्कंदा निवृत्त भएको कागजात पेश गरेमा एक पटकको लागि तीस हजार
रुपैंयासम्मको निजी प्रयोगका घरायसी सामानहरु (सवारी साधन, हात
हतियार, खरखजाना एवं अन्य प्रतिवन्धित सामानहरु बाहेक) ल्याएमा
सम्पूर्ण महसुल छुट हुनेछ।
(ज) सेमिनार, अध्ययन, अनुसन्धान तथा शोधकार्यको लागि विदेश
ओहोरदोहोर गर्ने नेपाली नागरिकले आफ्नो साथमा ल्याउने लैजाने एक
थान कम्प्यूटर आवश्यक प्रमाण हेरी कुनै महसुल नलिई ल्याउन लैजान
दिइनेछ ।

                         यो अनुसार टिभीको साटो एलइडी कम्प्युटर स्क्रिन र सिपियु ल्याउनु भयो भने चाहिँ भन्सार शुल्क नलाग्ने देखिन्छ। किनभने भनिएको छ- भारत तथा चीनको स्वशासित क्षेत्र तिव्वत वाहेक अन्य विदेशी मुलुकमा छ महिनाभन्दा बढी अवधि व्यतित गरी फर्केका नेपाली यात्रुले आफ्नो साथमा ल्याएको एक सेट कम्प्युटरमा भन्सार महसुल छुट हुनेछ।

भाइबरले एचडी भिडियो कल भाको नयाँ क्रोम भर्सन ल्याएको छ।

विभिन्न अपरेटिङ सिस्टममा आफूलाई आक्रमक रुपमा कम्पाटेबल बनाउँदै गएको फोनकल तथा टेक्स मसेज एप भाइबरले नयाँ क्रोम भर्सन सार्वजनिक गरेको छ। क्रोम ओएस नामको यो भर्सनले सबै क्रोमबुक्स भर्सनमा काम गर्नेछ।
पछिल्लो समयमा गुगलको क्रोमबाट भाइबर चलाउनेहरु बढ्दै गएको पाएपछि भाइबरले क्रोम भर्सन ल्याएको हो। यसबाट युजरले एचडी भिडियो कल, भोइस कल तथा भाइबारबाट मोबाइल तथा ल्यान्डलाइनमा फोन गर्न सक्ने कम्पनीले जनाएको छ। क्रोम भर्सनमा फोटो तथा टेक्स मेसेज सेवाहरु पनि यथावत राखिएको छ।

भाइबरबाट विश्वका सबै मुलुकहरुमा थोरै पैसामा फोन गर्ने सुविधा उपलब्ध छ। स्मार्टफोन, ट्याब वा डेस्कटपबाट अर्को भाइबर अकाउन्टमा निःशुल्क फोन गर्न पनि सकिन्छ। मेसेज तथा फोटो सेयरिङका लागि पछिल्लो समय भाइबरको प्रयोग बढ्दो छ।

यसरी इन्स्टल गर्नुहोस् क्रोमबक्स
१. क्रोम वेब स्टोरमा गएर 'अभाइलेबल अन क्रोम' फर भाइबरमा क्लिक गर्नुहोस्
२. एप डाउनलोड गर्नोस् र त्यसमा दिइएको निर्देशन फलो गर्नुहोस्
३. क्रोममा भाइबर इन्स्टल गर्न तपाइँसँग भाइबरको सक्रिय अकाउन्ट र फोन नम्बर आवश्यक पर्नेछ। निर्देशनअनुसार सो टाइप गर्नोस्
४. कन्टिन्यु बटममा थिच्नोस्, आफूले पाएको एक्टिभेसन कोड हान्नोस्। इन्स्टल भइसकेपछि एपबाट एचडी भडियो तथा फोन कल गर्न सक्नुहुनेछ।

हिमाली जिल्ला मुस्ताङमा अझै बहुपति प्रथा

              हिमाली जिल्ला मुस्ताङमा अझै बहुपति प्रथा कायम रहेको छ । एउटा घरमा रहेका सबै दाजुभाइले एकजना महिलासँग सामूहिक विवाह गर्ने प्रचलनलाई बहुपति प्रथा भनिन्छ ।  जिल्लाको छोसेर, छोन्हुप, लोमान्थाङ, चराङ, सुर्खाङ, घमी, मुक्तिनाथ, कागवेनी, झोङलगायतका गाविसमा अझै यस्तो संस्कृति
यथावत् रहेको पाइएको छ ।
            हिमाली भू–भागमा खाद्यान्न उत्पादन कम हुने भएकाले सम्पत्ति बाँडफाँड गर्न नपरोस् भनेर परापूर्वकालदेखि नै मुस्ताङमा एक घरका दाजुभाइले एउटी महिलासँग सामूहिक विवाह गर्ने परम्परा रहेको छोसेरका आङ्गेल गुरुङले बताए ।
            उनका अनुसार सबै भाइसँगै भएपछि सम्पत्ति विभाजन नहुने, दुःख र कामको भार कम हुने तथा पैतृक सम्पत्ति बाँड्न नपर्ने भएकाले यो संस्कार कायमै रहेको छ ।‘बाहिरी समाजले   यहाँको   वैवाहिक संस्कारलाई प्रथाका रुपमा व्याख्या गरेपनि हाम्रो दृष्टिकोणमा यो समस्या नभई मान्यता प्राप्त सामाजिक प्रचलन हो, मुस्ताङका बुद्धिजीवी शेखर भट्टचनले भने, ‘बहुपति जोडीहरु खुलेर बोल्न र तस्बिर खिच्नसमेत तयार हुँदैनन् ।’
               एउटै परिवारका सबै दाजुभाइमध्ये माइला छोरा लामा बस्ने भएपनि अन्य दाजुभाइले जेठा दाइका श्रीमतीलाई पनि आफ्नो श्रीमतीका रुपमा स्वीकार गर्नुपर्ने बाध्यात्मक सामाजिक संस्कार रहेको उनको भनाइ छ ।‘दाजुभाइको सामूहिक रुपमा एउटै श्रीमती स्वीकार नगर्नेले बुबा–आमाको पैतृक सम्पत्ति पाउँदैनन्, भट्टचनले भने, ‘कतिपय अवस्थामा श्रीमान्भन्दा श्रीमती दोब्बरभन्दा पनि धेरै उमेरका हुने गर्छन् ।’
स्रोत, साधन र आर्थिक अवस्थासँग मुस्ताङमा बहुपति संस्कृति जोडिएको बताइएको छ । जिल्लाको १२ हजार जनसङ्ख्यामध्ये करिब ५२ प्रतिशत गुरुङ, २५ प्रतिशत थकाली, आठ प्रतिशत दलित र तीन प्रतिशत अन्य जाति छन् । त्यसमा गुरुङ समुदायमा यस्तो प्रथाको विकास भएको पाइएको छ ।
        बहुपति प्रथामा जेठाको अग्राधिकार हुने भएकाले अन्य भाइहरु दमनमा पर्ने गरेको बताइएको छ । बहुपति प्रथामा सबैभन्दा जेठा भाइको नामबाटै जिल्ला प्रशासन कार्यालयले उनीहरुका सन्तानलाई नागरिकता प्रदान गर्ने गरेको छ ।