केपी ओली अत्याधिक बहुमतले प्रधानमन्त्रीमा निर्वाचित

२४ असोज २०७२ व्यवस्थापिका संसदबाट नेकपा एमालेका अध्यक्ष केपी शर्मा ओली निर्वाचित भएका छन् ।

उनले प्रधानमन्त्रीका प्रत्यासी नेपाली कांग्रेसका सभापति सुशील कोइरालालाई ८९ मतले पराजित गरेका छन् । ओलीले ३३८ मत पाएका छन् भने कोइरालाले २४९ मत पाएका छन् । मतदान प्रक्रियामा ५८७ जना सहभागी थिए ।

ओलीलाई संसदको तेस्रो ठूलो दल एमाओवादी, चौथौ दल राप्रपा नेपाल, चौथो दल मधेशी जनाधिकार फोरम लोकतान्त्रिक, नेकपा माले, नेमकिपालगायतले मत दिएका थिए भने कोइरालालाई संयुक्त लोकतान्त्रिक मधेशी मोर्चाले मत दिएका थिए ।

नयाँ नेपालको ६ प्रदेश यसप्रकार छन्

२४ श्राबन - प्रमुख राजनीतिक दलका शीर्ष नेता सम्मिलित विशेष समितिमा सीमाङ्कनसहितको सङ्घीयताको संविधानको मस्यौदामा हस्ताक्षर भएको छ ।

प्रधानमन्त्री तथा नेपाली काँग्रेसका सभापति सुशील कोइराला, नेकपा (एमाले)का अध्यक्ष केपी शर्मा ओली, एकीकृत नेकपा (माओवादी)का अध्यक्ष पुष्पकमल दाहाल र मधेसी जनअधिकार फोरम (लोकतान्त्रिक) का अध्यक्ष विजयकुमार गच्छदारले सहमति पत्रमा आज मध्यराति हस्ताक्षर गर्नुभएको हो ।

सहमति पत्रमा फोरम (लोकतान्त्रिक) का अध्यक्ष गच्छदारले हस्ताक्षर गरेपनि पार्टीको तर्फबाट भने फरक मत राख्नुभएको छ । सहमति पत्रमा हस्ताक्षर गर्दै प्रधानमन्त्री कोइरालाले जनआन्दोलनको उपलब्धि संस्थागत हुने प्रक्रिया अन्तिम चरणमा पुगेको बताउँदै ढिलै भएपनि सीमाङ्कनसहितको मस्यौदा आएको छ, यो उपलब्धिलाई हामी सबैले गौरव ठान्नुपर्दछ भन्नुभयो ।

उहाँले भन्नुभयो, “विभिन्न आस्था र विचार बोके पनि हामी एकताबद्ध भएका छौ। सबैको विचार संविधानमा अङ्कित भएको छ ।” प्रधानमन्त्री कोइरालाले शान्ति र स्थायित्व अहिलेको आवश्यकता भएको उल्लेख गर्दै आजको सहमतिले मुलुक आधुनिक युगमा प्रवेश गरेको हुँदा आठ÷दश वर्षमै मुलुक समृद्ध हुने बताउनुभयो ।

संविधानसभा, राजनीतिक संवाद तथा सहमति समितिका सभापति डा बाबुराम भट्टराईले शक्ति सन्तुलनको साझा दस्तावेजका रुपमा संविधान रहने भएकाले यसको सुधार र परिमार्जनको अझै केही चरणहरु बाँकी रहेको बताउनुभयो ।

फोरम (लोकतान्त्रिक)का अध्यक्ष गच्छदारले पार्टीको भिन्न मत भएपनि संविधान निर्माणको प्रक्रिया अघि बढाउन आफूले फरक मतसहित हस्ताक्षर गरेको बताउनुभयो । उहाँले भन्नुभयो, “मलुक सबैभन्दा ठूलो हो, यथास्थितिमा रहँदा कसैलाई फाइदा हुदैन, संविधान निर्माणको चरणमा सबैले सघाउनुपर्ने आजको आवश्यकता हो ।”

 प्रदेश १
मा झापा, मोरङ, सुनसरी, इलाम, धनकुटा, उदयपुर, ओखलढुंगा, सोलुखुम्बु, खोटाङ, भोजपुर, संखुवासभा, तेह्रथुम, पाँचथर र ताप्लेजुङ ।

प्रदेश २
 सप्तरी, सिरहा, महोत्तरी, धनुषा, सर्लाही, रौतटह, बारा र पर्सा ।

प्रदेश ३
सिन्धुली, रामेछाप, दोलखा, सिन्धुपाल्चोक, काभ्रे, रसुवा, नुवाकोट, धादिङ, मकवानपुर, चितवन, काठमाडौं, भक्तपुर र ललितपुर ।

प्रदेश ४
मा गोरखा, तनहुँ, लमजुङ, स्याङ्जा, पर्वत, म्याग्दी, मनाङ, कास्की, मुस्ताङ र नवलपरासीको बर्दघाटबाट सुस्ता पूर्व र बागलुङको पूर्वी भाग ।

प्रदेश ५
नवलपरासीको सुस्ता पश्चिम, रूपन्देही, कपिलवस्तु, दाङ, बाँके, बर्दिया, रोल्पा, प्यूठान, गुल्मी, अर्घाखाँची, पाल्पा, रुकुमको पूर्वीभाग र बागलुङको पश्चिमी भाग ।

प्रदेश ६ 
रुकुमको पश्चिम भाग, सल्यान, डोल्पा, जाजरकोट, सुर्खेत, कैलाली, कञ्चनपुर, जुम्ला, कालीकोट, दैलेख, मुगु, हुम्ला, बाजुरा, अछाम, बझाङ, दार्चुला, बैतडी, डोटी, डडेल्धुरा ।

६ प्रदेश बन्दा कुनै जिन्ला टुक्रियो ।
६ प्रदेशको सीमांकनमा भएको सहमति अनुसार नवलपरासी, बागलुङ र रुकुम जिल्ला आफ्नो विकास क्षेत्रबाट टुक्रिएका छन् । बागलुङ र नवलपरासी पश्चिमाञ्चल विकासक्षेत्रका जिल्ला हुन् । रुकुम मध्यपश्चिमाञ्चल विकास क्षेत्रको जिल्ला हो ।

बाग्लुङ र नवलपरासीका पूर्वी भाग चार प्रदेशमा र पश्चिमी भाग पाच प्रदेशमा परेका छन् । भने, रुकुम पुरै सुदूरपश्चिममा परेको छ ।

६ प्रदेशको सीमांकनमा भएको सहमति अनुसार नवलपरासी, बागलुङ र रुकुम जिल्ला आफ्नो विकास क्षेत्रबाट टुक्रिएका छन् । बागलुङ र नवलपरासी पश्चिमाञ्चल विकासक्षेत्रका जिल्ला हुन् । रुकुम मध्यपश्चिमाञ्चल विकास क्षेत्रको जिल्ला हो ।
बाग्लुङ र नवलपरासीका पूर्वी भाग चार प्रदेशमा र पश्चिमी भाग पाच प्रदेशमा परेका छन् । भने, रुकुम पुरै सुदूरपश्चिममा परेको छ ।
- See more at: http://dainiknepal.com/2015/81086.html#sthash.BMOl1N8J.dpuf

बिप्लव माओवादीले गरेको बन्दबाट देशभरको जनजीवन प्रभावित

काठमाडौँ, ८ साउन- बिप्लव नेतृत्वको नेकपा माओवादीले भारत र चिनबिच भएको लिपुलेक र चार दलबिच भएको १६ बुँदे सम्झौताको विरोधमा आज गरेको नेपाल बन्दका कारण विहानै देखि देशभरको जनजीवन प्रभावित भएको छ।अखिल क्रान्तिकारीका अध्यक्ष सरद रसाइली सहित काठमाडौँको कोटेश्वरबाट अखिल क्रान्तिकारीका अध्यक्ष सरद रसाइली सहित ११ जनालाई पक्राउ गरेको छ। त्यस्तै बागलुङमा बन्द सफल गराउन हिँडेका माओवादी जिल्ला सेक्रेटरी बिकिरण क्षेत्री, जिल्ला सदस्य बाबुलाल शाक्य सहित १० जना बन्दकर्ता पक्राउ परेका छन्। बन्द सफल पार्न विहानैदेखि बिप्लव माओवादीका कार्यकर्ता सडकमा उत्रिएका छन्। बन्दका कारण प्रेस, मानवअधिकार, एम्बुलेन्स लगायत अत्यावश्यक सवारीका साधन बाहेक अन्य साधन बन्द रहेका छन्।
  लिपुलेक सम्झौता, दलहरुबिचको १६ बुँदे सहमति, भुकम्प प्रभावितहरुका लागी गरिएको राहत वितरणमा भएको भ्रष्टाचारको विरुद्धमा र देशको वर्तमान अवस्थालाई मध्यनजर गर्दै सर्वपक्षिय राजनीतिक सभाको माग गर्दै बन्द आह्वान गरिएको विप्लब माओवादीले जनाएको छ।

संविधानको मस्यौदामा महिलाहरुले विवाह नगरीकनै बच्चा जन्माउन पाउनुपर्नेको माग सुझाव

काठमाडौं, ७ साउन । संविधानको मस्यौदामा सुझाव संकलनको कार्य लगभग सकिएको छ ।
विभिन्न दलहरुको विरोध र आक्रमणका बाबजुद सभासदहरुले २४१ निर्वाचन क्षेत्रमा गएर संविधानको प्रारम्भिक मस्यौदामा सुझाव संकलन गरेका हुन् । संकलन गरिएका सुझाव सबैभन्दा बढी हिन्दु राष्ट्रको पक्षमा बढी आएका छन्, त्यसपछि कार्यकारी प्रमुख राष्ट्रपति वा प्रधा
स्थानीय निकाय प्रत्यक्ष निर्वाचन, धार्मिक स्वतन्त्रता, सीमाङ्कन र नामाङ्कन टुङ्ग्याएर सम्भिधान जारी गर्नुपर्ने सुझाव बढी आएका छन् । थुप्रै विषयमा सुझाव संकलन भएको संविधानसभामा प्रस्तुत गरिने सुझाव समितिका सभापति प्रमिला राणाले जानकारी दिनुभयो । अहिलेसम्म करिब ३ लाख बढी सुझाव संकलन भएको जानकारी दिँदै उहाँले नेपाली समाजमा पाच्य नहुने सुझाव पनि आएको बताउनुभयो ।
उहाँले भन्नुभयो- ‘कसैले विवाह नगरीकनै बच्चा पाउनुपर्छ भनेका छन्, त कसैले दुई श्रीमान आफैसँग राख्न पाउनुपर्छ भनेका छन् । जून हाम्रो समाजमा मान्य हुने सम्भावना कम हुन्छ ।’ मस्यौदामा मोरङका महिलाहरुले विवाह नगरीकनै बच्चा जन्माउन पाउनुपर्ने मागसहित सुझाव दिएका थिए भने काभ्रेका महिलाहरुले दुई श्रीमान राख्न पाउनुपर्ने मागसहित सुझाव संविधानसभालाई दिएका छन् ।
नयाँ संविधानमा आफूहरुलाई पुरुषसरह अधिकार दिनुपर्ने भन्दै महिलाहरुले यस्तो मागसहितको सुझाव संविधानसभामा आएको सभापति राणाले जानकारी दिनुभयो ।
नमन्त्रीको पक्षमा बढी सुझाव आएका छन् ।

नुवाकोट रा.प्र.पा.का अध्यक्ष अनिएमितता गरेको कारण पदबाट बर्खास्त

नुवाकोट, साउन २– राष्ट्रिय प्रजातन्त्र पार्टी नुवाकोटका अध्यक्ष झनकबहादुर प्याकुरेललाई राप्रपाले अध्यक्ष पदबाट बर्खास्त गरेको छ ।

जिल्लामा पार्टी एकीकरण अधिवेशन भएको साँढे दुई वर्षमै अध्यक्ष प्याकुरेललाई पार्टी नीति विपरीत काम गरेको भन्दै राष्ट्रिय प्रजातन्त्र पार्टीले पदबाट बर्खास्त गरेको जनाएको छ ।

पार्टी अध्यक्ष पशुपतिशमशेर जबराको अध्यक्षतामा बुधबार बसेको केन्द्रीय समितिको बैठकले विधान २०४८ को दफा २७ ङ अनुसार राप्रपाको नुवाकोट अध्यक्षबाट प्याकुरेललाई बर्खास्त गरिएको जनाइएका् छ ।

पार्टी केन्द्रीय कार्यसम्पादन समितिको बैठकले प्याकुरेललाई बर्खास्त गरी कोषाध्यक्ष नरेन्द्रप्रसाद फुँयाललाई कार्यबाहक अध्यक्षको जिम्मेवारी दिएको छ ।

पार्टीका सहायक महामन्त्री तथा सङ्गठन विभाग प्रमुख हेमजङ गुरुङद्वारा जारी विज्ञप्तिमा यसको जानकारी जिल्ला प्रशासन कार्यालय नुवाकोट र जिल्ला विकास समितिको कार्यालयमा गराइएको छ ।

पार्टीको अनुशासन समितिले गत असार १८ गते अध्यक्ष प्याकुरेललाई कारबाही गर्न केन्द्रीय समितिलाई सिफारिस गरेको थियो ।

वाणिज्य तथा आपूर्ती मन्त्री सुनीलबहादुर थापाले पठाएको राहत सामग्री वितरणमा जिल्ला अध्यक्ष प्याकुरेलले एकलौटी रूपमा निर्णय गरेको, १८ महिनादेखि पार्टीको जिल्ला कार्यसमितिको बैठक नगरेको, संस्थापन पक्षविरुद्ध गुटबन्दी गरेको, केन्द्रीय अध्यक्ष पशुपतिशमशेर जबराविरुद्ध आयोजित भेलामा सहभागी भएकोलगायत कारण देखाउँदै पार्टीको केन्द्रीय सदस्य तथा केन्द्रीय अनुशासन समितिका संयोजक बाबुराम पौडेलले लिखित स्पष्टीकरण मागेका थिए ।

अनुशासन समितिको स्पष्टीकरण मागेपछि डा प्रकाशचन्द्र लोहनी उनी पक्षधर नेता तथा कार्यकर्ताले स्पष्टीकरण नदिन अध्यक्ष प्याकुरेललाई निर्देशन दिएको बुझिएको छ । प्याकुरेलले पार्टीले विधानसम्मत मागेको स्पष्टीकरण नदिएका कारण उनीमाथि कारबाही भएको सो पार्टीले जनाएको छ ।

प्याकुरेलले भने आफूलाई कारबाही गर्ने अधिकार कसैलाई नभएको र आफू नै अध्यक्ष रहेको दाबी गरेका छन् ।