दक्षिणी सुडानमा तलबको सट्टामा महिलालाई बलात्कार गर्न अनुमति

फाल्गुन २९ शनिबार। दक्षिणी सुडानमा सेनासँग जोडिएका लडाकुलाई तलबको सट्टामा महिलालाई बलात्कार गर्ने स्वीकृति दिने गरेको संयुक्त राष्ट्रसंघको एक प्रतिवेदनले खुलासा गरेको छ ।
गतवर्ष सुडानको तेलमा धनी राज्य युनिटीमा मात्रै एक हजार तीन सय महिलाको बलात्कार भएको प्रतिवेदनले देखाएको हो ।

दक्षिणी सुडानको सेनाले आम नागरिकको हत्या तथा बलात्कार गर्ने गरेको र यो युद्ध अपराध भएको राष्ट्रसंघले आरोप लगाएको छ । राष्ट्रसंघको आरोप भने दक्षिणी सुडानको सरकारले अस्वीकार गरेको छ ।
राष्ट्रसंघको प्रतिवेदन अनुसार सेनाले लडाकुलाई गर्न सकेको गर, लैजान सकेको लैजाउ भन्ने सम्झौताअनुसार काममा लगाउने गरेको र सोही सम्झौताअनुसार लडाकुलाई महिला तथा किशोरी आफ्नो साथमा लगेर बलात्कार गर्ने छुट रहेको प्रतिवेदनमा उल्लेख गरिएको छ ।
तर, राष्ट्रपति साल्भा किरका प्रवक्ता एटेनी वे एटेनीले आफुहरुले नियमानुसार नै काम गरिरहेको दाबी गर्दै सेनाले आम नागरिकलाई निशाना बनाएको र उनीहरुको हत्या तथा बलात्कार गरेको भन्ने आरोपबारे छानविन भइरहेको दाबी गरेका छन् । एजेन्सी

अरब किन भनियो ? हिन्दूहरुसँग अरवको के सम्बद्ध छ ?

भृगु ऋषिका नाति शुक्राचार्यको छोरोको नाउँ ” और्व ” हो । ऐतिहासिक रुपमा अरव ऋषि और्वकै नाउँबाट राखिएको हो । “हिस्ट्री अफ पर्शिया” का लेखक साइक्सले उल्लेख गर्दै भनेका छन् अरबको नाम और्व ऋषिको नाउबाट राखिएको हो र विकृत हुदै “अरब” हुन् पुगेको हो । हाम्रा पौराणिक ग्रन्थहरु अनुसार यस भूखण्डको उत्तर-पश्चिम क्षेत्रलाई इलावर्त भनिन्थ्यो जहाँ दैत्य र दानव रहने गर्दथे । यो ईलावर्तमा अहिलेको रुसको एशिया खण्डको दक्षिणी-पश्चिमी भूभाग र ईरानको पूर्वी भूभाग समेटिएको थियो ! आदित्यहरु(देवगण)को वासस्थान नेपालको उत्तर-पूर्वमा रहेको हिमालय क्षेत्र हो । बेबीलोनको प्राचीन गुफाहरुमा भेटिएको पुरातात्त्विक बस्तुहरुमा र गुफाको भित्तामा भेटिएका चित्रहरुमा भगवान विष्णु र हिरण्यकशिपुको भाई हिरण्याक्ष संग युद्ध गरेको चित्र भेटिएको कुरा कुनै पनि हिन्दूले बिर्सिनु हुदैन । त्यतिखेर अरब ठूलो व्यापारिक केन्द्रको रुपमा थियो ।

यसैकारण देव, दानव र दैत्य बीच इलावर्तकै कारण त्यसको विभाजनको बिषयलाई लिएर १२ पल्ट ‘देवासुर संग्राम’ भएको थियो ! देवताहरुको राजा ईन्द्रले आफ्नी छोरी जयन्तिको बिहे शुक्राचार्य संग गर्नुको उद्द्येश्यनै शुक्राचार्यलाइ देउताको पक्षमा ल्याउनु थियो तर शुक्राचार्यले मानेनन् । शुक्राचार्य जिद्धि स्वभावका भएका हुँदा विश्व बिजेता दैत्यराज बलिले शुक्राचार्यले भनेको नमान्दा दिक्क मानेर उनि आफ्नो नाती और्व ऋषिका समिप अरब आइ १० वर्ष बसेका थिए ! साइक्सले आफ्नो इतिहास ग्रन्थ “हिस्ट्री अफ पर्शिया” मा लेखेका छन् ‘शुक्राचार्य लिव्ड टेन इयर्स इन अरब’।
अरबमा शुक्राचार्यको धेरै सम्मान गरिएको थियो । शुक्राचार्यलाई सम्मान गरिएको ठाउँ लाइनै अहिले ‘काबा’ भनिएको हो । त्यो कावा ‘काव्य शुक्र’ (शुक्राचार्य , उनलाई कवि पनि भनिन्छ ) को सम्मानमा निर्माण गरिएको आराध्य देव शिवको मन्दिर हो जुन ‘काव्य’ नाम पछि विकृत भएर ‘काबा’ हुन् पुग्यो ! अरबी भाषामा ‘शुक्र’ को अर्थ ‘ठूलो ‘ अर्थात ‘जुम्मा’ यसैकारण भनिएको हो र यसै दिनलाई अर्थात ‘जुम्मा’ (शुक्रवार) लाइ मुसलमानहरु पवित्र दिन मान्दछन ।
 “बृहस्पति देवानां पुरोहित आसीत्, उशना काव्योऽसुराणाम्”-जैमिनिय ब्रा.(०१ -१२५ ) अर्थात बृहस्पति देउताहरुका पुरोहित थिए र उशना काव्य (शुक्राचार्य) असुरहरुका पुरोहित थिए ।
प्राचीन अरबी काव्य संग्रह गंथ ‘सेअरूल-ओकुल’ को २५७ औं पृष्ठमा हजरत मोहम्मद भन्दा २३०० वर्ष पहिले ईसा मसीह भन्दा १८०० वर्ष पूर्व जन्मिएका लबी-बिन-ए-अरव्तब-बिन-ए-तुरफाले आफ्नो प्रसिद्ध कवितामा हाम्रो भूमि र वेद प्रति सम्मान गरेको कविता हेरम –
“अया मुबारेकल अरज मुशैये नोंहा मिनार हिंदे।
व अरादकल्लाह मज्जोनज्जे जिकरतुन।१ ।
वह लवज्जलीयतुन ऐनाने सहबी अरवे अतुन जिकरा।
वहाजेही योनज्जेलुर्ररसूल मिनल हिंदतुन।२ ।
यकूलूनल्लाहः या अहलल अरज आलमीन फुल्लहुम।
फत्तेबेऊ जिकरतुल वेद हुक्कुन मालन योनज्वेलतुन।३ ।
वहोबा आलमुस्साम वल यजुरमिनल्लाहे तनजीलन।
फऐ नोमा या अरवीयो मुत्तवअन योवसीरीयोनजातुन।४ ।
जइसनैन हुमारिक अतर नासेहीन का-अ-खुबातुन।
व असनात अलाऊढ़न व होवा मश-ए-रतुन।५ ।”
अर्थात-(१ ) हे हिन्दूहरु बस्ने पूण्य भूमि (मिनार हिंदे) तिमी धन्य छौ , ईश्वरले आफ्नो ज्ञानको लागि तिमीलाई छानेको हो । (२ ) ईश्वरको ज्ञान प्रकाश, जुन चार प्रकाश स्तम्भ समान भई सम्पूर्ण जगतलाई प्रकाशित गर्दछ , यो हिन्दूहरु बस्ने (हिंद तुन) भूमिमा ऋषिहरु चार किसिमले प्रकट भए ! (३ ) र परमात्मा ले यस संसारका मान्छेहरुलाई आज्ञा दिएर भने वेद, जो दिब्य ज्ञान हो , सोही अनुसार आचरण गर । (४ ) वेद ज्ञानको भण्डार साम र यजुर हो , जसलाई ईश्वरले प्रदान गरे ! यसैले , हे मेरा भाइहरु वेद निर्दिष्ट कुराहरु तिमीहरु पनि स्वीकार यसले हामीलाइ मोक्षको मार्ग बताउद्छ !(५ ) र बाँकी दुई रिक्, अतर (ऋग्वेद, अथर्ववेद) ले हामीलाई भ्रातृत्वको शिक्षा दिन्छन , यसबाहेक जो इनका शरण पर्न आउछन ती कहिल्यै अन्धकारमा छिर्दैनन ।
इस्लाम धर्मका प्रवर्तक मोहम्मद वैदिक परिवारमा हिन्दू स्वरुपमा जन्मिएका थिए । उनले आफ्नो सम्बन्ध हिन्दू परिवारको पारीवारिक परम्परा र वंश परम्परा संग तोड़ने बिचारले आफुलाई पैगम्बर घोषित गर्ने निश्चय गरे , उनको यो निर्णयले उनको तत्कालिन संयुक्त हिन्दू परिवार छिन्न-भिन्न हुन् गयो र काबामा रहेको ठूलो शिवलिंग (संगे अस्वद) रक्षार्थ हुन् गएको युद्धमा पैगम्बर मोहम्मदका काका उमर-बिन-ए-हश्शाम मारिन पुगे । उमर-बिन-ए-हश्शामलाई अरब मुलुकमा तथा केन्द्र काबा (मक्का) मा यती धेरै सम्मान दिइन्थ्यो कि सम्पूर्ण अरबी समाज, जो भगवान शिवका भक्त थिए एवं वेद तथा हिन्दू देवी-देवताहरुका अनन्य उपासक थिए , उक्त शिव लिंगलाई अबुल हाकम अर्थात ” ज्ञान को पिता ” भनेर पुकार्थे ! पछि मोहम्मदको नयाँ सम्प्रदायले शिवलाई ईर्ष्या बश अबुल जिहाल ” अज्ञान को पिता ” भन्न थाल्यो ।
मोहम्मदले मक्कामा आक्रमण गर्दा , त्याँहा बृहस्पति, मंगल, अश्विनी कुमार, गरूड़, नृसिंह आदिका मूर्तिहरु थिए र एउटा मूर्ति तत्कालिन विश्वविजेता राजा बलिको पनि थियो । उनि दानी भएकोले तत्कालिन समाजमा प्रसिद्धि पाएका थिए त्यसकारण उनको एउटा हात सुनको राखिएको थियो । ‘Holul’ को नामले चिन्हिने यो मूर्ति त्याँहा इब्राहम र इस्माइल मूर्त्तिहरुको छेउमै राखिएको थियो । मोहम्मदले ती सबै मूर्त्तिहरु फ़ोड्फ़ाड गरेर त्यहींको ईनारमा फ्यालिदिए । त्यसमध्ये पनि भाचिएको शिवलिंगको एउटा टुक्रा आज पनि काबामा छदै छ । त्यै शिवलिंगलाइ प्रत्येक मुश्लिम व्यक्तिले सम्मानपूर्वक हेर्दछ र हज गर्दा प्रत्येक मुसलमानले त्यो कालो शिवलिंगलाइ ‘संगे अस्वद’ भनी आदर सम्मानका साथ् म्वाइ खान्छ !
प्राचीन अरबीहरुले सिन्धलाइ सिन्ध नै भने पनि हिन्दूहरु बस्ने ठाउँलाई चाहि हिन्द भने ! यहि कुरालाइ हाम्रा तताकथित बोक्रे बिद्वानहरुले सिन्धुबाट हिन्दू भएको भनि प्रष्ट्याए । सिन्धुबाट हिन्दू भएको भंनेकुरो हास्यास्पदमात्र होइन अबैज्ञानिक पनि छ किनभने इस्लाम धर्मका प्रवर्तक मोहम्मद जन्मिनु भन्दा २३०० वर्ष अघि सम्म अर्थात लगभग १९०० ईश्वी बर्ष पहिला अरबमा हिंदू शब्द जस्ताको त्यस्तै आजकै अर्थमा प्रयोग हुन्थ्यो । अरब मुलुकको प्राचीन समृद्ध संस्कृति वैदिक थियो । त्यस बेला ज्ञान-विज्ञान, कला-कौशल, धर्म-संस्कृति कोलागि तिनीहरुको पूर्व संगको सम्बन्ध प्रगाढ थियो।
अरबी काव्य संग्रह ग्रंथ ‘ सेअरूल-ओकुल’ को २५३ औं पातोमा हजरत मोहम्मदको काका उमर-बिन-ए-हश्शामको कविता छ जसमा उनले हिन्दू शव्दको प्रयोग आदर र सम्मानका साथ् गरेका छन । ‘उमर-बिन-ए-हश्शाम’ को कविता नयी दिल्ली स्थित श्री लक्ष्मीनारायण मन्दिर (बिड़ला मन्दिर) को वाटिकामा रहेको यज्ञशालाको रातो ढुङ्गामा यस प्रकार लेखिएको छ –
” कफविनक जिकरा मिन उलुमिन तब असेक ।
कलुवन अमातातुल हवा व तजक्करू ।१ ।
न तज खेरोहा उड़न एललवदए लिलवरा ।
वलुकएने जातल्लाहे औम असेरू ।२ ।
व अहालोलहा अजहू अरानीमन महादेव ओ ।
मनोजेल इलमुद्दीन मीनहुम व सयत्तरू ।३ ।
व सहबी वे याम फीम कामिल हिन्दे यौमन ।
व यकुलून न लातहजन फइन्नक तवज्जरू ।४ ।
मअस्सयरे अरव्लाकन हसनन कुल्लहूम ।
नजुमुन अजा अत सुम्मा गबुल हिन्दू ।५ ।
अर्थात् – (१ ) त्यस्तो मान्छे , जसले सारा जीवन पाप कर्म र अधर्म गर्दै बिताएको छ, काम- क्रोध गर्दै आफ्नो यौवन बिताएको छ ।(२ ) यदि उ पश्चाताप गरी अरुको भलो गर्ने उद्द्येश्यले फर्किन चाहान्छ भने त्यस अवस्थामा उसको कल्याण सम्भव छ ? (३ ) भन्दै द्विविधामा रहेको व्यक्तिले यदि अशल नियतले शिवजीको पूजा गर्दछ भने उसले धर्म-मार्ग अंगाल्दा उच्च भन्दा उच्च पद पाउन सक्तछ । (४ ) हे प्रभु ! मलाई सम्पूर्ण जीवन दिन नसके पनि एक दिन मात्र भएपनि हिन्दू मुलुकमा बस्न देउ त्याँहा पुग्न पाए मेरो मान्छेको चोला धन्य हुनेछ ! (५ ) त्यहाँ पुग्न पाए सबै शुभ कर्म प्राप्ति गर्न सक्थे आदर्श गुरूजनहरुको (गबुल हिन्दू) सत्संग गर्न पाउथे । प्रस्तुत लेख प्रवीण अधिकारीको फेसबुक वालबाट साभार गरिएको हो । 

उम्लिएकै जस्तो तातो पानीको नदी फेला पर्यो हेर्नुहोला

तातो पानीका कुण्डहरु त हामीले हाम्रै देशमा देखे सुनेका छौँ । तर तातो पानीको नदीका बारेमा भने सुनिएको थिएन । तर एउटा यस्तो नदी फेला परेको छ जसको पानी मनतातो मात्रै होइन पूरै उम्लिएकै जस्तो तातो छ । त्यो नदीमा गल्तीले नदीमा परियो भने तातोले जिउ डढेर मर्नुको विकल्प हुँदैन । त्यो पानी यति तातो छ की तपाइँ सिधै पानीमा चियापत्ति र चिनी घोलेर चिया बनाउन सक्नुुहुन्छ । दक्षिण अमेरिकाको अमेजन बेसिनमा रहेको यो नदीको लम्बाइ ६.४ किलोमिटर, चौडाइ ८२ फिट तथा गहिराइ झण्डै २० फिट छ । अमेरिकाको टेक्सास विश्वविद्यालयका एकजना विद्यार्थी एन्ड्रीज रुजोले सन् २०११ मा यो नदीको बारेमा खोज अनुसन्धान गरेका हुन् । उनले यस बारेमा किताब नै लेखेका छन् । आफ्ना हजुरबाले भनेको काल्पनिक कथाको आधारमा उनी आफ्नो पिएचडी अनुसन्धानका क्रममा नदीको खोजमा निस्किएका थिए । उक्त नदी भएको स्थान आसपासमा कुनै सक्रिय ज्वालामुखी नभएपनि नदीमा उम्लिनेे पानी बगिरहनु निकै आश्चर्य भएको बताइन्छ । रुजोका अनुसार यो नदिको मूल धाँजा फाटेको ठाउँबाट निस्किएको छ । सोही धाँजा फाटेको ठाउँबाट निस्किएको पानी निकै तातो भएकाले यो नदीमा पूरै तातो पानी बगिरहेको छ । यो नदीको आसपासमा स्थानीय आदिवासी समुदाय छन् जसले यो नदीको सुरक्षा गरिरहेका हुन्छन् । -
Video

ताइवानमा भूकम्पमा परी १४ जनाको ज्यान गएको छ

ताइपेई, २३ माघ, शनिबार बिहानीपख गएको शक्तिशाली भूकम्पमा परी १४ जनाको ज्यान गएको छ । ताइवानमा नयाँ वर्षको समारोहको आयोजना गर्ने समयमा भूकम्पले दिएको धक्कामा परी कम्तीमा पनि चौधको ज्यान गएको प्रहरीले जानकारी दिएको हो । प्रहरी, सेना र ठूलो सङ्ख्याका उद्वारकर्ताले उद्वारकार्य जारी राखेको पनि सो समाचारमा बताइएको छ । शनिबार बिहान गएको ६.४ रिक्टर स्केलको सो भूकम्पका कारण मध्य ताइपेइको एक ठूलो भवन भत्किएको थियो । सोही भवनमा परी ती व्यक्तिको ज्यान गएको अधिकारीहरुले जनाएका छन् । मध्ये ताइपेइमा चारवटा आवासीय घर भत्किएका छन् । ती घरमा परी अरु पनि करिब ३० जना व्यक्ति अझैपनि च्यापिएर रहेको बताइएको छ । उनीहरुको उद्वारको कार्य जारी रहेको छ । तर पनि भग्नावशेषबाट ती व्यक्तिलाई झिक्न सकिएको छैन । सो भूकम्पका कारण भएको भागाभागमा परी दर्जनौँ व्यक्ति घाइते पनि भएका छन् । ती भागाभागमा परी केही व्यक्तिको अवस्था गम्भीर रहेको प्रहरीले जनाएको छ । शनिबार बिहानीपखको सो भूकम्पबाट भएको क्षतिको पूर्ण विवरण भने आउन सकिरहेको छैन ।

मलेसियालीमा कामदारहरुबाट लिँदै आएको लेभी शुल्क वृद्धि भयो

माघ १८, २०७२- मलेसियाली सरकारले यहाँ कार्यरत विदेशी कामदारहरुबाट लिँदै आएको लेभी शुल्क वृद्धि गरेको छ ।
सार्वजनिक गरिएको शुल्क अनुसार निर्माण, उत्पादन र सेवा क्षेत्रमा यसअघि प्रति कामदार वार्षिक १८५०, १२५० र १८५० रिंगिट लिँदै आएकोमा अब उक्त शुल्क बढाएर २५ सय रिंगिट पुर्‍याइएको छ ।
यस्तै प्लान्टटेशन र कृषि क्षेत्रमा कार्यरत कामदारका लागि वार्षिक क्रमश: ५९० र ४१० रिंगिट लिँदै आएकोमा त्यसलाई बढाएर १५ सय रिंगिट पुर्‍याइएको सरकारी स्रोतलाई उल्लेख गर्दै स्थानिय संचारमाध्यमले बताएका छन् ।
मलेसियाले लेभी वापत यसअघि फरकफरक शुल्क लिँदै आएको भएपनि यसपटकदेखि दुई वटा शुल्क निर्धारण गरेको हो । उक्त नीति सोमबारदेखि (फेब्रुवरी १) देखि लागु हुने उपप्रधानमन्त्री डा. अहमदजहिद हमिदीलाई उल्लेख गर्दै स्थानीय संचारमाध्यमले बताएका छन् । यससँगै अब वैध रुपमा कार्यरत लाखौं नेपालीको गरि थप करोडौं रुपैयाँ रकम लेभीबापत मलेसियालाई जानेछ ।
मलेसियाले नेपालसहित थाइल्याण्ड, इण्डोनेसिया, कम्बोडिया, म्यानमार, लावस, भियतनाम, पाकिस्तान, श्रीलंका, बंगलादेश लगायत मुलुकहरुबाट कामदार लिँदै आएको छ ।
यहाँ कार्यरत करिब २१ लाख वैध विदेशी कामदारबाट करिब अढाई विलियन रिंगिट थप आम्दानी हुने उपप्रधानमन्त्री हमिदीले बताए ।
मलेसियाले यसअघि दुईपटक लेभीसम्बन्धी नीतिमा परिवर्तन गरेको थियो । उसले यसअघि कामदारसित लिँदै आएको लेभी सन् २००९ अप्रिल १ देखि लागु हुने गरी रोजगारदाताले तिर्नुपर्ने प्रावधान ल्याएको थियो । त्यसपछि पुन २०१३ जनवरी १देखि न्युनतम पारिश्रमिक मासिक ९ सय रिंगिट लागु गरेसँगै पुन: कामदारले नै तिर्नुपर्ने गरि उक्त प्रावधान उल्ट्याइएको थियो । हाल कामदारले नै लेभी तिर्दै आएका छन् ।
स्रोतका अनुसार मलेसियाले आगामी जुलाईदेखि मासिक हजार रिंगिट न्युनतम पारिश्रमिक पनि लागु गर्दैछ । पारिश्रमिक मासिक एकसय रिंगिट बढाउने भएपनि लेभी रकम वृद्धि हुँदा कामदारलाई थप लेभीभार पर्ने देखिएको छ ।

साउदी अरबले ईरानसंगको कुटनितिक सम्बन्ध तोडे

२० पौष - साउदीअरबले इरानसंगको सम्वन्ध तोडेको छ । इरानको तेहरानस्थित दुतावासमा आक्रमण र आगजनीपछि साउदी अरबका विदेशमन्त्री अदिल अल जुवियरले दुई मुलुकवीचको कुटनीतिक सम्वन्ध समाप्त भएको घोषणा गुर्नभएको हो । साउदी सरकारले शिया धर्मगुरु निमर अल निमरलाई फाँसीको सजाय दिएपछि इरानले त्यसको कडा विरोध गरेको छ । साउदीअरबको पछिल्लो कदमले दैविक प्रतिशोधको सामना गर्नुपर्ने इरानले चेतावनी दिएको छ ।

इरानका शीर्ष धार्मिक नेता आयतुल्ला अली खमेनेईल समेत सो घटनाको तीब्र आलोचना गर्नु भएको छ । विश्वभरका शिया समुदायले गल्ती विना नै निमरलाई फाँसी दिएको भन्दै विरोध गरेका छन् । यसैबीच निमरको मृत्युदण्डपछि सांम्प्रदायिक हिंसा भड्कन सक्ने अमेरिकाले चेतावनी दिएको छ ।
तस्विर बीबीसी ।

कतारमा नेपालीसहित पाँच जनालाई मृत्युदण्डको सजाय

२० पौष २०७२ - कतारको क्रिमिनल अदालतले रोजगारदातालाई हत्या गरेको अभियोगमा एक नेपालीसहित पाँच जना कामदारलाई मृत्युदण्डको सजाय दिने फैसला गरेको छ । अदालतले गत बिहीबार नेपाली नागरिक साहताज शेख समेतलाई मृत्युदण्ड दिने फैसला गरेको हो । उनको पूरा विवरण खुलेको छैन । मृत्युदण्ड दिइएका ४ अन्य बंगलादेशी रिबोन खान, दिन इस्लाम अजिज अल रहमान, मुहम्मद रसिद मुहम्मद र मुहम्मद रुसिल हुन् । अदालतमा पेस गरिएको विवरणअनुसार उनीहरुले आफ्नै रोजगारदातालाई निर्माणाधीन भवनको एउटा कोठामा हत्या गरेका थिए । हत्या गरेको रोजगारदाताको विवरण पनि खुलाइएको छैन । आजको कान्तिपुर दैनिकमा खबर छ ।

सन् २०१५ मा भाईरल बनेका तस्बिरहरु

Viral Number 1

The photo of Ayalan became viral through the social site which made the great debate on Europe regarding the problems of immigration. This photo was taken by Turkish photographer Nilüfer Demir on September 2. With the viral of this photo, immigrant migrant became the happening discussion topic in International way. 

Viral Number 2

This is the next viral photo on internet. A girl is surrendering with her hands up, thinking the gun for camera in this photo. This photo has portrait that how the 4-year long conflict in Syria has spread the fear among innocent children.

Viral Number 3

In September, at the central office of Facebook, Prime Minister Narendra Modi dragged Facebook founder Mark Zuckerberg to have his own photo. This video was also viral.
Viral Number 4

Usain Bolt was celebrating his happiness after touching the finishing line. At the same time, he collided with the nearby cameraman and fell down. This picture also made the viral in social sites.

Viral Number 5

After 1 hundred and 17 years, 2 prisoners escapee from the most secure prison of America. The escaping idea and techniques of both prisoners were similar to 1994 Hollywood Movie The Shawshank Redemption.

१५० मिलियन अमेरिकी डलर प्रतिग्राम पर्ने महँगो बस्तु

प्लाटिनम, हिरा, सुन वा चाँदी कुनै समय संसारका अति बहुमूल्य वस्तुका रुपमा यी सामाग्रीको पहिचान थियो । तर अहिले मानिसले सुनभन्दा बहुमूल्य वस्तु निर्माण गरेका छन् । मानिसले कार्बनमा आधारित रहेको बनाएको यो सामाग्रीको मूूल्य प्रतिग्राम १ सय ५० मिलियन अमेरिकी डलर पर्न जान्छ ।
अक्फोर्ड विश्वविद्यालयको ल्याबमा गत वर्ष बेलायती वैज्ञानिकहरुले यो सामाग्री बनाएका हुन् । यसमा कार्बन एटम र नाइटोजन एटम समावेश छ । यसको आकारका कारण यसलाई बकी बल नाम दिइएको छ ।



यसका थुप्रै विशेषताहरु छन् । यसलाई साना अटोमिक घडी बनाउन प्रयोग गरिन्छ । यो घडीले दिने समय संसारकै सबैभन्दा सही समय हुन जान्छ । सन् २००१ देखी यस क्षेत्रमा सक्रिय रहेर काम गर्दै आएका वैज्ञानिक डाक्टर किरियाकोस प्रोफिराकिस भन्छन्, यस्तो घडीलाई तपाईको स्मार्टफोनमा राख्दा कस्तो देखिन्छ भन्ने कल्पना गर्नुहोस् । त्यसैमा मज्जा आउँछ । उनी कार्बन मेटेरियल्स डिजाइनरका संस्थापक समेत हुन् । उनका अनुसारमा मोबाइलमा यसको प्रयोग नयाँ क्रान्ति हो ।
अहिले तत्कालका लागि भने एटोमिक घडीहरु कोठामा झुड्याउने किसिमको रहेको बताउँछन् । तर केही समयपछि प्रत्येक मोबाइल फोनमा यसको प्रयोग हुने उनको विश्वास छ ।

विश्वकै हट राष्ट्रपतिको भाइरल तस्विर

काठमाडौ, १८ पुष । क्रोएशियाकी महिला राष्ट्रपति कोलिन्डा ग्राबरले समुन्द्र तटमा ब्रा मात्रै लगाएको तस्विरको चर्चा यतिबेला विश्वभर भइरहेको छ ।

४७ वर्षिया कोलिन्डा यो तस्विरका कारण एकैसाथ चर्चा र विबाद कमाउन सफल छिन् ।

यही तस्विरका कारण उनलाई इन्टरनेटमा सर्च गर्नेहरुको संख्या पल पल बढीरहेको डेलीमेलले लेखेको छ । कोलिन्डालाई सामाजिक सञ्जालमा विश्वकै ‘हट राष्ट्रपति’ समेत भनिदै छ।


ज्याकोव किटरोविक सँग सफल वैबाहिक जीवन विताइरहेकी कोलिन्डाका दुइ सन्तान छन्। उनी क्रोएशियाकी चोथौ राष्ट्रपति र पहिलो महिला राष्ट्रपति हुन।

युएईमा कम्पनी छोड्दा लाग्ने ६ महिनाने प्रतिवन्ध हटयो

दुवई, पुष १३ - युएईमा नयाँ बर्षसँगै यदि कामदार र रोजगारदाताबीच सहमतिमा श्रम सम्झौता रद्ध गरिएमा कामदारले ६ महिनाको प्रतिवन्ध झेल्नु नपर्ने भएको छ । यो नियम सन् २०१६ को जनवरी देखि लागु हुने स्थानीय अरविक दैनिक पत्रिका अल बयानले समाचार लेखेको छ । यसअघि त्यसरी बीचमै श्रम सम्झौता रद्ध भएमा कामदारले ६ महिनाको प्रतिवन्ध भोग्दै आएका छन् ।

समाचार अनुसार रोजगारदाता र कामदारबीच वर्क परमिट र रोजगारी सम्झौता आपसी सहमतिमा तोडिएमा यसअघि लाग्दै आएको ६ महिने प्रतिवन्धको व्यवस्थालाई हटाइएको युएईको श्रम मन्त्रालयले प्रष्ट पारेको छ ।

मन्त्रालयका अनुसार त्यसरी रोजगार अनुमति खारेज भएमा कामदारले तत्काल अर्को रोजगारी सुरु गर्न पाउनेछन् । दुई बर्ष पुरा नगरेका कामदारले समेत यो सुविधा उपभोग गर्न सक्ने समाचारमा जनाइएको छ । तर मन्त्रालयका अनुसार चौथो र पाँचौं तहका कामदारले भनें पहिलो ६ महिना पुरा नगरी यो सुविधा उपभोग गर्न पाउने छैनन् ।

यो नयाँ व्यवस्था गत सेप्टेम्वरमा घोषणा गरिएको सुधार कार्यक्रम अन्तर्गतको नै भएको युएईका श्रम मन्त्री सकर गोवासले बताएका छन् । नयाँ व्यवस्था जनवरी देखि लागु हुने उनले प्रष्ट पारेका छन् । अहिले गर्न खोजिएको नयाँ व्यवस्था कार्यान्वयनका लागि आवश्यक सम्पूर्ण तयार मन्त्रालयले गरिसकेको गोवासले बताएका छन् ।

श्रम मन्त्रालयका सहायक उपसचिव हमिद रसिद दिमास अल सुवाइदीले नयाँ व्यवस्था अनुसार रोजगारादातासँगको सहमतिमा रोजगार अनुमति सम्झौता रद्ध गरेका कामदारले तत्काल अर्को कम्पनीमा काम गर्न सक्ने बताएका छन् । त्यसका लागि युएईमा दुई बर्ष काम गरिसकेको हुनु नपर्ने उनको भनाई छ । नयाँ व्यवस्थाको बुँदा नम्वर ७६६ अनुसार आपसी सहमतिमा सम्झौता रद्ध गरेका कामदारले तत्काल रोजगारदाता परिवर्तनको अनुमति प्राप्त गर्नेछन् । श्रोत साभार देश पर्देश

फिलिपिन्समा शक्तिशाली आँधीका कारण धेरै धन जनको क्षति

१३ मंसीर मनिला , फिलिपिन्समा शक्तिशाली आँधीका कारण मङ्गलबार कम्तीमा पनि चार जनाको ज्यान गएको छ । यसअघि गएको तीन दिनदेखि त्यहाँ हावाहुरी र बाढीको प्रकोप थियो । सो क्षेत्रमा आँधी आउने खतरा बढेको जनाइएको थियो ।

मङ्गलबार बिहानीपख त्यहाँ शक्तिशाली आँधी आएको छ । त्यसमा परी चारको मृत्यु हुनुको साथै अरु कैयौँ व्यक्ति हराइरहेका छन् । फिलिपिन्सको सरकारले सोमबार मात्र पनि आँधीको त्रासका कारण सात लाखभन्दा बढी स्थानीय बासिन्दालाई अन्यत्रै सारिएको बताएको थियो ।

तर मङ्गलबारको आँधीले भने सो क्षेत्रबाट दशौँ लाख व्यक्ति भागेका छन् । उनीहरु घर छोडेर भागेका र स्थानीयवासीहरुमा त्रास उत्पन्न भएको बताइएको छ ।  मध्य फिलिपिन्सका केही क्षेत्रमा बाढी र पहिरो आएको छ । तीन दिनदेखि वर्षा जारी छ । त्यसैले सो क्षेत्रमा आँधीको खतरा पनि बढेको समाचारमा जनाइएको छ ।

मेलर नामको सो आँधीका कारण मध्य फिलिपिन्सको सामार टापू नजिकका बासिन्दामा त्रास छाएको बताइएको छ । सो त्रासका कारण उक्त क्षेत्रबाट दशौँ लाख नागरिकलाई अन्यत्रै सारिएको छ ।

उक्त क्षेत्रमा करिब १५ लाख नागरिकको बसोबास रहेको छ । सो क्षेत्रमा सोमबार बिहानैदेखि प्रति घन्टा १८५ किलोमीटरसम्म हावा चलेको छ । क्रिश्मसको सुरुवातको समयमा उक्त चाड मनाउने तयारी गरिरहँदा नागरिकमा यो भागाभाग सुरु भएको हो । फिलिपिन्समा कम्तीमा पनि ८० प्रतिशत नागरिक क्रिश्चियन धर्म मान्ने गर्छन् ।

समार भनेको सन् २०१३ मा आँधीका कारण ठूलो जनधनको क्षति पुगेको क्षेत्र नजिकमा पर्दछ सो समारमा मात्र त्यस वर्ष आएको आँधीबाट सात हजारभन्दा बढी नै व्यक्ति मारिएका वा हराएका थिए ।

समार र अलबे क्षेत्रका १५ लाख व्यक्तिलाई त्यहाँबाट उद्वार गरेर सोमबारै अन्यत्रै सारिएको थियो । सो क्षेत्रमा जारी रहेको हावाहुरीका कारण अहिले पनि कैयौँ घरका छाना उडाएको र रुख ढालेको छ ।

अधिकारीहरुले सम्भावित खतराको अवस्थामा रहेका त्यस क्षेत्रका नागरिकलाई अन्यत्रै सारिएको र आवश्यकताका आधारमा सहयोग र उद्वारका लागि पनि तयारी अवस्थामा रहेको जनाएको थियो ।

तर सोमबार रातिदेखि नै आँधी आएको हो । नागरिकहरु यसवर्ष क्रिश्मस मनाउन नपाएकोमा दुःखी भएका छन् । उनीहरुले यस समयमा घर छोडेर विस्थापित हुनुपर्दा ठूलो पीडाबोध भएको जनाएका छन् । रासस/एएफपी

नेपालका अनाथ असहाय बालबालिकाहरुको आमा म्यागी डोयन सिएनएन हिरो २०१५ बनिन्

वीरेन्द्रनगर, २ मङ्सिर । विगत आठ वर्षदेखि सुर्खेतमा रही अनाथ तथा असहाय बालबालिकाको सेवामा सक्रिय रहेकी म्यागी डोयन यस वर्षको सिएनएन हिरो घोषणा हुँदा सुर्खेतमा खुसियाली छाएको छ ।

म्यागीले वीरेन्द्रनगर–४ भैरवस्थानमा सञ्चालन गरेको कोपिला भ्यालीमा अध्ययनरत विद्यार्थीहरुले यो खुसियालीमा उत्सव मनाइरहेका छन् । मङ्गलबार न्युयोर्कमा आयोजित सभामा म्यागीलाइ विजेता घोषणा गरे लगत्तै भ्यालीमा संरक्षित बालबालिकाहरुले उत्सव मनाउन सुरु गरेका हुन् ।

विद्यार्थीहरुकै आयोजनामा विद्यालयमा खुसी साटासाट गर्ने र रमाइलो गर्ने कार्यक्रम भइरहेको छ । विद्यार्थीकै आयोजनामा आजै विजय ¥याली निकाल्ने तयारी भइरहेको छ ।

अमेरिकाबाट भारतको ऋषिकेशमा पहिलो पटक भम्रणमा पुगेकी उनले त्यहाँ एकजना नेपाली भेटिन् । नेपालमा थुप्रै अनाथ असहाय बालबालिका रहेको सुनेपछि भारतबाट सिधा नेपाल आई सुर्खेत पुगेकी उनले त्यहाँ थुप्रै अनाथ बालबालिका भेटेपछि त्यस्ता बालबालिकालाई स्याहार्ने र शिक्षा दिलाउने चाहनाले २०६४ सालमा कोपिला भ्याली नामबाट एउटा आवास सहितको संस्था खोलिन् । सुरुमा २० जना अनाथ तथा असहाय बालबालिकाहरुलाई आवासमा राखी अन्य विद्या अध्ययनका लागि अन्य विद्यालयमा भर्ना गरिन् । आठ वर्षको अवधिमा कोपिला भ्यालीले आफ्नै विद्यालय र कोपिला महिला समाज पनि सञ्चालनमा ल्याएको छ ।

मध्यपश्चिमको क्षेत्रीय सदरमुकाम सुर्खेत भएकाले र पहाडी जिल्लाहरु नजिक पर्ने भएकाले सुर्खेतमा संस्था खोलिएको कोपीला भ्याली सुर्खेतले जनाएको छ । कोपिला भ्यालीका सहायक प्राचार्य मीनवहादुर शाहीले २० जना अनाथ बालबालिकालाई राखेर सुरु गरिएको र अहिले ३ सय ६० जना विद्यार्थी पुगेको जानकारी दिनुभयो । उहाँका अनुसार सो विद्यालयमा नर्सरीदेखि कक्षा १० सम्म अध्ययन अध्यापन भइरहेको छ । सुर्खेतमा बसेर बालबालिकाको क्षेत्रमा मात्रै नभएर विपन्न तथा असहाय महिलाको क्षेत्रमा पनि उनले काम गरेकी छिन् । कोपिला महिला समाज नामको संस्था खोली महिलाहरुलाई सिपमूलक तालिम दिई आर्थिक सम्पन्न बनाउने जस्ता कामहरुमा पनि उनी सक्रिय छिन् । रासस

Video 

फ्रान्स आतंककारी हमलामा १५३ जनाको मृतु र २०० भन्दा माथी घाइते

२८ कार्तिक पेरिस । फ्रान्सको राजधानी पेरिसमा भएको सिलसिलेवार आतंकवादी हमालामा कम्तिमा १५३ जनाको मृत्यु भएको छ। फ्रान्सको स्थानीय समयअनुसार राती ९ बजे निर छ विष्फोट भएको थियो भने एउटा कन्सर्टलाई आतंकवादीले कव्जा गरेका थिए।

आतंकवादी हमलापछि फ्रान्सले आफ्ना सबै सीमा बन्द गरेको छ, सेना परिचालन गरेर फ्रान्सका राष्ट्रपति फ्रान्सिसि हलान्देले संकटकालको घोषणा गरेका छन्।

आतंकवादी हमालामा संलग्न पाँच जना आतंककारीलाई सुरक्षाकर्मीले मारेका छन् भने केही आतंकवादी भने पक्राउ परेको सञ्चारमाध्मयले जानकारी दिएका छन्।

आतंककारीले अन्धाधुन्धा गोली चलाउँदा बाटाकालान कन्सर्ट हलमा ११२ जनाको मृत्यु भएको छ। जहाँ आतंककारीले सय जनाभन्दा बढीलाई बन्धक बनाएका थिए। राती सेनाले कारवाही गरेपछि सबै बन्धक छुटेका छन्।

एक रेष्टुरेण्टमा भएको सुटआउटमा पनि ११ जनाको मृत्यु भएको छ। त्यसैगरी जर्मनी र फ्रान्सवीच चलिरहेको फुटवल खेल मैदानबाहिर पनि दुई वटा आत्मघाती विष्फोट भएका थिए।

स्पोर्ट डे फ्रान्स स्पोर्टस स्टेडियमभन्दा पाँच माइलको दुरीमा बम विष्फोट भएको थियो। यो स्टेडियममा फ्रान्सका राष्ट्रपति हलान्देले पनि फुटवल खेल हेरिरहेका थिए। विष्फोटपछि दर्शक स्टेडियममा आएका थिए भने राष्ट्रपतिलाई सुरक्षाघेरामा बाहिर निकालिएको थियो।

त्यसैगरी पेरिसको लाउरे आर्ट ग्यालरी र पोम्पिदेउ र लेस हल्लेस सपिङ सेन्टरमा पनि बम विष्फोट भएको थियो। आतंककारीले एके ४७ राइफलबाट अन्धाधुन्धा गोली चलाएका थिए। उनीहरु आइसिस आतंकवादी संगठनबाट परिचालन भएको अनुमान गरिएको छ।
VIDEO

बेलायत भ्रमणमा रहेका भारतीय प्रधानमन्त्रि नरेन्द्र मोदीले भारत बुद्धको भूमि भएको झुटो प्रचार भिडियो सहित हेर्नुहोस

२८ कार्तिक। नेपालमा नाकाबन्दी गरिरहेको भारतका प्रधानमन्त्री नरेन्द्र मोदीले बेलायती प्रधानमन्त्री डेभिड क्यामरुनसँगको संयुक्त पत्रकार सम्मेलनमा भारत बुद्धको भूमि भएको बताएपछि नेपाल तथा बेलायतमा विरोध भएको छ । भने सामाजिक सञ्जालमा कडा निन्दा गरिएको छ। एक वर्षअघि नेपालमा भ्रमणमा आउँदा बुद्धको भूमिमा टेक्न पाउँदा आफू गौरबवान्वित भएको बताउने भारतीय प्रधानमन्त्री नरेन्द्र मोदीले बेलायत पुगेर भारत बुद्भको भूमि भएको झुटो प्रचार गरेका छन्।

Video 

नेपाल र चनबीच ११ बुँदे सहमति पत्रमा हस्ताक्षर हुने

काठमाण्डु, १९ कात्तिक– बिहीबार नेपाल र चनबीच ११ बुँदे सहमति पत्रमा हस्ताक्षर हुने भएको छ । विभिन्न नाकाको व्यापारिक मार्गमा सहजता, नेपाली बस्तुमा भन्सार छुट दिने चिनियाँ निर्णयको कार्यान्वय लगायत ११ वुँदे सहमतिमा औपचारिक हस्ताक्षर हुने भएको हो ।

मंगलबारदेखि दुई मुलुकका भन्सार अधिकारीबीच २८ औं उच्च स्तरीय वार्ता सुरु र्भएको थियो । सो वार्तामा भएको सहमतिको आधारमा तातोपानी र केरुङ नाका बाहेक मुस्ताङ, हुम्लाको यारिङ, संखुवासभाको किमाथाङका, ताप्लेजुङको ओलाङचुङगोला, गोरखाको लार्के, दोलखाको लामाबगर, र मुगु नाकामा ब्यापारिक मार्ग सहज बनाउने सहमति भएको थियो ।

त्यसका साथै चीनले विभिन्न नेपाली बस्तुलाई भन्सारमा दिदै आएको छुट कार्यान्यन गर्ने विषयमा पनि लिखित सहमति हुने बार्ता टोलीका सदस्य एवं भन्सार बिभागका प्रवक्ता सूर्य सेढाँईले जानकारी दिनुभयो । अहिले संचालननमा रहेको रसुवाको केरुङ नाकाको स्तरोन्नती, सडक मर्मत पछि तातोपानी नाकापनि छिट्टै सञ्चालनमा ल्याउने विषयमा पनि सहमति भएको छ ।

अपरान्ह ५ वजे हुने सहमतिपत्रमा भन्सार विभागका उपमहानिर्देशक तथा नेपाली वार्ताटोली संयोजक दामोदर रेग्मी र ल्हासा भन्सारका उपमहानिर्देशक लोङ चुङ वोईले हस्ताक्षर गर्ने कार्यक्रम रहेको छ।

भारतीय मेडियाले लेख्यो भारतीय प्रधानमन्त्री थर्काउने पहिलो नेपाली प्रधानमन्त्री ओली बन्यो

काठमाडौं – भारतीय संस्थापननिकट मानिने पत्रिका नवभारत टाइम्सले प्रधानमन्त्री केपी शर्मा ओलीलाई भारतीय प्रधानमन्त्रीलाई थर्काउने पहिो प्रधानमन्त्रीका रुपमा चित्रित गरेको छ । नेपाल–भारतबीचको अमूल्य सम्बन्ध जोगाउनै पर्ने वकालत गर्दै नवभारत टाइम्सले सम्पादकीयमार्फत ओलीलाई भारतीय संस्थापनसमक्ष कडा रुपमा प्रस्तुत हुने नेपालको पहिलो प्रधानमन्त्रीका रुपमा चित्रित गरेको हो ।

सो पत्रिकाले भारतीय प्रधानमन्त्री नरेन्द्र मोदीको गलत नीतिका कारण नेपालले पहिलोपटक भारतभन्दा अर्को मुलुकबाट इन्धन आपूर्ति गरेको किटानीसमेत गरेको छ । आजको राजधानी दैनिककमा खबर छ ।

संसारकै सानो देश जसको जनसंख्‍या २७ जना मात्र

बेलायतको सफोल्क समुद्री तटबाट झन्डै १० किलोमीटरको दुरीमा रहेको सील्याण्ड खण्डहर भएको पुरानो किल्लामा रहेको छ । यस किल्लालाई दोस्रो बिश्व युद्धको समय ब्रिटिस सरकारले निर्माण गरेको थियो । सन २०१२ अक्टूबर ९ मा रोय बेट्स नाम गरेका व्यक्तिले आफुलाई सो सील्याण्डको राजकुमार घोषित गरेका थिए । रोय बेट्सको पछि सील्याण्डमा उनका छोरा माइकलले शासन गरिरहेका छन् ।
सील्याण्डको क्षेत्रफल निकै कम रहेको छ । हुनत आजसम्म सील्याण्डलाई अन्तर्राष्ट्रिय मान्यता प्राप्त राष्टको दर्जा दिएको छैन संयुक राष्ट संगले तर पनि अहिले आफुलाई अन्तर्राष्ट्रिय मान्यता प्राप्त राष्टको दर्जा दिलाउन प्रयासरत रहेको छ । अहिले सम्म संसारकै सानो देशको रुपमा भ्याटिकन सिटी रहेको छ ,जसको क्षेत्रफल ०.४४ वर्ग किलोमीटर र जनसंख्या ८०० रहेको छ ।

Video

विवाहको प्रस्ताव अस्विकार गर्दा आगो लगाइएकी युबतिको मृतु

१७ कार्तिक २०७२ पाकिस्तान:  विवाहको प्रस्ताव अस्विकार गरेपछि आगो लगाइएकी एक पाकिस्तानी युवतीको उपचारको क्रममा मङ्गलबार मृत्यु भएको चिकित्सकहरुले जनाएका छन् ।

सोनिया बीबी नाम गरेकी २० वर्षीया ती युवती आफ्ना प्रेमी लतिफ अहमदले पेट्रोल छकिएर आगो लगाएपछि घाइते भएकी थिइन । उनी गत महिना अस्पताल भर्ना भएकी र मङ्गलबार बिहान उनको मृत्यु भएको चिकित्सक स्रोतले जानकारी दिएको हो ।

विवाहको प्रस्ताव अस्विकारपछि आगोको लप्कोमा परेर घाइते भएकी सोनियाको स्वास्थ्यमा सुरुमा केही सुधार भएको मुल्तानको निसतार अस्पतालले एएफपी समाचार समितिलाई बताएको थियो् । तर पछि पुनः सङ्क्रमणको कारण उनको मङ्गलबार बिहान मृत्यु भएको बताइएको छ ।

सोनियाको शरीरको ४५ देखि ५० प्रतिशत भाग जलेको चिकित्सक नसिद चौधरीले एएफपी समाचारलाई बताएका छन् । मध्य पञ्जाव प्रान्तको मुल्तान जिल्लाको दुर्गम गाउँमा सो घटना भएको जनाइएको छ । प्रहरी २४ वर्षीय एक सदिग्ध व्यक्तिलाई पक्राउ गरेको जनाइएको छ ।

पाकिस्तानमा घरेलु हिंसामा सयौं महिलाले ज्यान गुमाउने गरेका समाचारमा उल्लेख छ । यस्ता आक्रमणहरुमा सन् २००८ देखि हालसम्म ३ हजार भन्दा बढी महिलाको ज्यान गएको एक अनुसन्धानले बताएको छ ।

अफगानिस्तान र पाकिस्तानको भूकम्पमा २७५ भन्दा बढीको मृतु हजारौ घाइते

काठमाडौं (कार्तिक १०) । अफगानिस्तान र पाकिस्तानमा हिजोआएको ठूलो भूकम्पमा परी मर्नेको संख्या २७५ जनाभन्दा बढी पुगेको छ । हजरौ नागरिकहरु घाइते भएका छन् । घटनामा उद्धार र खोजी कार्य जारी रहेकाले हताहती हुनेको संख्या बढ्न सक्ने अन्तर्राष्ट्रिय सञ्चारमाध्यमले जनाएका छन् ।
भूकम्पको धक्का पाकिस्तान, अफगानिस्तानसहित उत्तरी भारतको केही सहर र ताजिकिस्तानमा पनि महसुस गरिएको थियो । साथै नेपालमा पनि भूकम्पको धक्का अनुभव गरिएको छ । समाचारअनुसार पाकिस्तानको पेसावर क्षेत्रमा बढी क्षति पुगेको छ । पाकिस्तानी आपत्कालीन व्यवस्थापन प्राधिकरणले ९४ जना व्यक्तिको ज्यान गइसकेको पुष्टि गरेको छ । 
अफगानिस्तानको एक विद्यालय क्षेत्रमा भूकम्पका कारण भागदौड मच्चिँदा कम्तिमा १२ विद्यार्थीको मृत्यु भएको छ । केही घाइते विद्यार्थीको अवस्था गम्भीर रहेको बताइएको छ । अफगानिस्तानमा १ सय २० जना घाइते भएका पनि अन्तर्राष्ट्रिय सञ्चारमाध्यमले जनाएका छन् ।
सोमबार दिउँसो अफगानिस्तानको काबुलदेखि २ सय ५६ किलोमिटरको दुरीमा रहेको हिन्दूकुश हिमालय पहाडमा केन्द्र बनाएर गएको भूकम्प ७.५ रेक्टर स्केलको रहेको अमेरिकी भुगर्भ विज्ञान केन्द्र (यूएसजीस)ले बताएको छ । यस शक्तिशाली भूकम्पमा व्यापक क्षति भएको विज्ञहरुले अनुमान लगाएका छन् ।

 वेब तस्बिर