विदेश जाँदा र आउँदा कति हजार रुपियाँ र डलर बोक्न पाईने हेरौ ..

१० मंसिर। नेपाल राष्ट्र बैंकले नगद नेपाली र विदेशी मुद्रा ओसारपसारमा प्रतिबन्ध लगाएको छ । केही दिनअघि भारतीय रुपैयाँ विनियमयमा कडाइ रहेको बैंकले नगद नेपाली र विदेशी मुद्रा ओसारपसारमा प्रतिबन्ध लगाएको हो ।

नेपाली तथा भारतीय मुद्रा अन्य मुलुकमा लैजान वा पठाउन नपाइने, भारतबाट अन्य मुलुकबाट ल्याउन नपाइने व्यवस्था रहेको भन्दै बैंकले तोकिएको सीमाभन्दा बढी ओसारपसार गर्नुपरे विदेशी मुद्राको हकमा भन्सार अधिकृतलाई जानकारी गराउन आग्रह गरेको छ । त्यसपछि भन्सार अधिकृतले  प्रमाणित गरेको हुनुपर्ने बैंकले जनाएको छ ।

के के मा प्रतिबन्ध

१) नेपाली वा विदेशी नागरिक अन्य मुलुकमा जाँदा प्रतिव्यक्ति नेपाली रुपैयाँ ५ हजार भन्दा बढी साथमा लैजान र अन्य मुलुकबाट साथमा लिइ आउन पाइने छैन् ।

२) नेपाली वा विदेशी नागरिकले नेपालबाट अन्य मुलुक जाँदा प्रतिव्यक्ति अमेरिकी डलर ५ हजार वा सो बराबरको अन्य परिवत्र्य विदेशी मुद्रा भन्दा बढी नगदै सामान लैजान पाउने छैन् । तर विशेष प्रयोजनका लागि पासपोर्टमा बैंकले दरपिठ गरी सहटी दिएको हकमा सो बन्देज लाग्ने छैन् ।

३) नेपाली वा विदेशी नागरिकले नगद विदेशी मुद्रा अमेरिकी डलर ५ हजार भन्दा बढी ल्याएमा भन्सार घोषणा गरी प्रमाणित गरेको हुनुपर्छ ।

नयाँ व्यवस्थामा कुनै अड्चन भए फुकाउन सकिने अधिकार राष्ट्र बैंकसमक्ष छ ।

सुनको मुल्यमा बुधबार भन्दा ८०० रुपैयाँले कम्ति

काठमाडौं, श्रावण८  - नेपाल सुनचाँदी व्यवसायी महासंघका अनुसार सुक्रबार छापावाल सुनको मूल्य प्रतितोला ८०० रुपैयाँले कम्ति भै ४७ हजार २०० रुपैयाँ कायम भएको छ ।बिहिबार स्थिर रहेको बजार बुधबार छापावाल सुनको मूल्य प्रतितोला  १५ सय रुपैयाँले घटेर ४८हजार मा कारोबार भएको थियो । त्येस्तै चाँदीको मूल्यमा प्रतितोला पाँच रुपैयाँले कमी भै प्रतितोला ६६० रुपैयाँमा चाँदीको कारोबार भइरहेको महासंघले जनाएको छ । अन्तर्राष्ट्रिय बजारभाउ र सरकारले सुनमा भन्सार दर घटाएपछि साउन महिनामा सुनको मूल्यमा कमि आएको छ। 

सुनको मुल्य ३ दिन भित्र १,५००ले सस्तियो

काठमाडौं, श्रावण ६ - नेपाल सुनचाँदी व्यवसायी महासंघका अनुसार बुधबार छापावाल सुनको मूल्य प्रतितोला ४८ हजार रुपैयाँ कायम भएको छ । ३ दिन अघिभन्दा छापावाल सुनको मूल्य प्रतितोला  १५ सय रुपैयाँले घटेको छ। तेजाबी सुनको मूल्य ३ दिन अगाडी आइतबार भन्दा २,००० रुपैयाँ सस्तियर प्रतितोला ४७ हजार सात सय ५० मा रुपैयाँ कायम भएको छ । त्येस्तै चाँदीको मूल्यमा प्रतितोला पाँच रुपैयाँले कमी भै ६६५ मा चाँदीको कारोबार भइरहेको महासंघले जनाएको छ । अन्तर्राष्ट्रिय बजारभाउ र सरकारले सुनमा भन्सार दर घटाएपछि साउन महिनामा सुनको मूल्यमा कमि आएको छ।

आज सुनको भाउ प्रति तोलामा ७०० ले सस्तिएको छ

 काठमाडौँ , १ श्रावण- नेपाल सुनचाँदी व्यवसायी महासंघले तोकिएको आज सुनको भाउ प्रति तोला ४९ हजार ५ सय रुपैयाँ तोकिएको छ। त्यस्तै चाँदीको भाउ प्रति तोलामा ६ सय ७० रुपैयाँमा कारोवार भएको छ।     

अन्तरास्ट्रिय बजारलाई पछ्याउदै सुनको भाउ हिजो भन्दा ७०० रुपियाँले सस्तिएको र चाँदीमा ५ रुपियाँले सस्तिएको जनाएको छ।

 

सुन हिजोभन्दा आज ३००ले सस्तियो

काठमाडौँ , ३१ असार । हिजो प्रति तोला ५० हजार ५ सय रुपैयाँमा  कारोवार भएको सुनको भाउ आज ह्वात्तै घटेको छ । आज तोलामा ३ सय रुपैयाँले भाउ घटेर प्रति तोला ५० हजार २ सय रुपैयाँमा सुनको कारोवार भइरहेको नेपाल सुनचाँदी व्यवसायी महासंघले जनाएको छ। आन्तरस्ट्रिय बजार मूल्य घटेपछि सुनको भाउमा केहिदिन यता घट्ने क्रम जारि रहेको छ । त्यसैगरी चाँदीमा भाउमा पनि हिजोको तुलनामा तोलामा १० रुपैयाँले कमी आइ आज प्रति तोलामा ६ सय ६५ रुपैयाँमा कारोवार भएको छ।

गरिए असम्भव के छैन र विदेशबाट फर्किएका युवा व्यावसायिक बाख्रा पालनमा

म्याग्दीको अर्मनमा विदेशबाट फर्किएका एक जना युवाले बाह्र लाख रुपैयाँ लगानी गरेर व्यावसायिक बाख्रा फार्म स्थापना गरेका छन् ।  अर्मन–५ पाँखुका ४० वर्षीय वीरबहादुर खड्काले सोही गाविस– ४ धारा गाउँमा धौलागिरि फार्म स्थापना गरी बाख्रापालन सुरु गरेका हुन्। चार वर्षसम्म दक्षिण कोरियामा काम गरेर घर फर्किएका खड्काले बाख्रापालन सुरु गर्नका लागि आठ लाखमा खोर निर्माण तथा चार लाखमा बाख्रा खरिद गरेर थालनी गरे।

 खड्काले एक वर्षअघि २६ वटा खरी र जमुनापारी जातका बाख्राबाट फार्म सुरु गरेका थिए। उक्त फार्ममा बाख्रा बढेर हाल ५० वटाभन्दा बढी भएका छन् । अब मासुका लागि खसी र नश्ल सुधारका लागि प्रजननयोग्य बोका बिक्री गर्ने उनले बताए । दक्षिण कोरियामा कृषि फार्ममा काम गरेका खड्काले सो सम्बन्धी व्यावसायिक ज्ञान र अनुभव हासिल गर्नुभएको छ । बाख्रा फार्ममा घरपरिवारका तीन जना सदस्यले पूर्ण रोजगारी पाएका छन् ।
 बाख्रालाई घाँस आपूर्ति गराउन खाली पाखोमा बहुबर्खे, डाले र भुइँ घाँसखेती गर्ने खड्काको योजना छ । रासस

सुनचादिको भाउ घट्यो

                       असार २४ काठमाडौं-केहि समय यता स्थिर रहेको सुनचादिको भाउ ओरालो लाग्न थालेको छ ।अन्तराष्ट्रिय बजारमुल्य घटे लगत्तै सुनाचादिको भाउमा पनि गिराओट आउन थालेको छ । नेपाल सुनचादी व्यवसायी महासंघका अनुसार बुधबार प्रति तोला सुनको भाउ ३०० रुपैंयाँ त्यसैगरी चादीको भाउ २० रुपैंयाँले घटेर, छापावाल सुन प्रतितोलाको ५० हजार ५ सय, तेजावी सुनको ५० हजार २ सय ५० रुपैयाँमा कारोबार भइरहेको छ । यसैगरी चादी प्रतितोलाको ६ सय ६५ रुपैंयाँ पुगेको छ । सुनाचादिको भाउमा गिराओट आय लगत्तै बजारमा सुनाचादिको कारोबार बढेको छ  ।

म्यागी चाउचाउको आयात तथा बिक्रीमा प्रतिबन्ध

काठमाडौं, जेष्ठ २१ । नेपाल सरकारले म्यागी चाउचाउको आयात तथा बिक्रीमा प्रतिबन्ध लगाएको छ ।

भारतीय कम्पनी ‘नेस्ले इन्डिया’ले उत्पादन गर्ने म्यागी चाउचाउमा मानव स्वास्थ्यलाई असर गर्ने अखाद्य पदार्थ भेटिएको समाचार भारतमा सार्वजनिक भएपछि नेपालले पनि प्रतिबन्ध लगाएको हो ।

खाद्य तथा गुण नियन्त्रण विभागले विहीबार एक प्रेस विज्ञप्ति जारी गर्दै विहीबारकै मितिदेखि लागू हुने गरी म्यागी चाउचाउको आयात तथा बिक्रीमा प्रतिबन्ध लगाइएको जनाएको हो । विभागले म्यागी चाउचाउ नखानसमेत सर्वसाधारणलाई आग्रह गरेको छ ।

उक्त चाउचाउमा सिसाको मात्रा मापदन्डभन्दा बढी पाइएको भारतीय मिडियाले उल्लेख गरेका छन् ।

सो चाउचाउको गुणस्तर परीक्षण गर्न बजारबाट नमूना संकलन गरिरहेको पनि विभागले जनाएको छ ।

सरकारले अस्थायी बास निर्माणका लागि १५ हजार रुपैयाँ एक साताभित्र उपलब्ध गराउदै छ

काठमाडौं– उपप्रधान तथा गृहमन्त्री वामदेव गौतमले भूकम्पबाट घरबारविहीन बनेका नागरिकलाई अस्थायी बास निर्माणका लागि १५ हजार रुपैयाँ एक साताभित्र उपलब्ध गराइसक्ने बताएका छन्।
नेपाली कांग्रेसले गठन गरेको उपसभापति रामचन्द्र पौडेल नेतृत्वको समन्वय समितिसँग गौतमले अस्थायी घर निर्माणका लागि एक साताभित्र सबै गाउँमा रकम पुग्ने बताएका हुन्।
भेटमा सहभागी कांग्रेस सभासद रामहरि खतिवडाका अनुसार एमाले वरिष्ठ उपाध्यक्षसमेत रहेका गृहमन्त्री गौतमले भूकम्पका कारण बस्नै नहुने गरी घर भत्केका सबैलाई तत्काल रकम उपलब्ध गराउन निर्देशन दिइसकेको बताएका थिए।
मन्त्रिपरिषद बैठकले भूकम्पपीडित परिवारलाई तत्काल अस्थायी घर निर्माणका लागि १५ हजार दिने निर्णय गरेको हो। भूकम्पबाट भत्केका घरलाई बस्न हुने र नहुने गरी दुई भागमा वर्गीकरण गरेको जानकारी दिँदै गौतमले बस्न नहुनेले रकम पाउने बताए।
कांग्रेस उपसभापति पौडेलले सरकारले दिने भनिएको रकम अझै गाउँ नगएको भन्दै गृहमन्त्रीको ध्यान खिचेका थिए। उनले राहत वितरणमा एमालेकरण भएको भक्तपुरसहितका जिल्लाबाट गुनासो आएको जनाउँदै पार्टी नभएर प्रभाव र क्षतिका आधारमा राहत बाँड्न पनि आग्रह गरेका थिए।
जवाफमा गृहमन्त्री गौतमले लोकप्रियताका लागि उद्योगमन्त्री महेश बस्नेतले भक्तपुरमा जथाभावी राहत वितरण गरेको गुनासो आएपछि प्रमुख जिल्ला अधिकारीलाई रोक्न निर्देशन दिएको स्पष्ट पारेका थिए।
उपप्रधानमन्त्री गौतमले भूकम्पका कारण घर गुमाएका नागरिकमध्ये १ लाखलाई भुटानी शरणार्थी र माओवादी पूर्वलडाकुको शिविरमा पुनःस्थापना गर्ने तयारीमा सरकार जुटेको जानकारी गराएका थिए। भूकम्पपछि बर्खाको समयमा आउन सक्ने बाढीपहिरो लगायतका प्रकोपलाई ध्यानमा राखेर सरकारले पाँच लाख त्रिपाल सञ्चित गरेको सुनाएका थिए। उनले बाढीपहिरोको उच्च जोखिम रहेको सुनाउँदै जोखिममा रहेका नदीकिनाराका बस्तीलाई पनि सुरक्षित स्थानमा सार्ने तयारी पनि भइरहेको बताए।
देशका साथै अन्तर्राष्ट्रिय क्षेत्रमा ख्याति कमाएका विभिन्न व्यक्तिले नेपालका भूकम्पपीडितलाई सहयोगका लागि रकम संकलन गरेको खबर आइरहेको भन्दै कांग्रेस नेतृत्व टोलीले सबै विवरण सार्वजनीक गर्न आग्रह गरेको छ।

ऋण लिएको एक वर्षसम्म सावाँ ब्याज तिर्नु नपर्ने

१४ जेठ, काठमाडौ । नेपाल राष्ट्र बैंकले यसअघि सर्वजनिक गरेको खाकामा थोरै मात्र संशोधन गरेर ‘भूकम्पप्रभावित घरपरिवारलाई आवासीय घर पुनर्निर्माणका लागि प्रदान गरिने ‘पुनर्कर्जा कार्यविधि २०७२’ जारी गरेको छ ।

गत वैशाख १२ र त्यसपछि आएका भूकम्पका कारण आवासविहिन भएका परिवारलाई सहुलियत ब्याजदरमा आवास कर्जा उपलब्ध गराउन केन्द्रीय बैंकले उक्त कार्यविधि ल्याएको हो । ऋण लिएको एक वर्षसम्म ऋणीले बैंक तथा वित्तीय संस्थालाई सावाँ ब्याजको कुनै किस्ता तिर्नु नपर्ने सुविधा कार्यविधिले दिएको अभियान दैनिकमा खबर छ ।

‘शुरुको एक वर्ष ग्रेस अवधि हुने गरी यस्तो कर्जाको न्यूनतम अवधि ५ वर्ष अर अधिकतम १० वर्षको हुनेछ,’ कार्यविधिमा उल्लेख छ ।
पहिलो वर्ष तिर्न नपर्ने भए पनि यस अवधिको ब्याज त्यसपछिका वर्षमा किता तिर्दा समावेश हुने राष्ट्र बैंकले जनाएको छ ।

बैंकमा धमाधम पैसा जम्मा गर्दै

काठमाडौं– भूकम्पपछि बैंक तथा वित्तीय संस्थामा पैसा झिक्न ग्राहकको लर्को लाग्ने अनुमानबिपरीत सुरक्षाका लागि पैसा जम्मा गर्न आाउनेको संख्या बढेको छ। ग्राहकलाई थेग्न नसकिएला भनेर बैंकहरुले सुरुमा ५० हजार रुपैयाँसम्म मात्र झिक्न पाइने सीमा लगाएका थिए। अनुमानभन्दा फरक पैसा झिक्ने भन्दा सुरक्षाका लागि पैसा जम्मा गर्ने प्रवृति देखिएको बैंकर बताउँछन्।

         भूकम्पको अघिल्लो दिन वैशाख ११ गते बैंकमा १३ खर्ब ३१ अर्ब रुपैयाँ रकम रहेको थियो। १२ गतेको भूकम्पदेखि जेठ १ गतेसम्म वाणिज्य बैंकहरुमा मात्र करिब ४१ अर्ब रुपैयाँ रकम थपिएको छ । सोही अवधिमा कर्जा तथा लगानी ११ अर्ब भएको छ। लगानी भएको रकम पनि भूकम्प आउनुपूर्व नै  ऋण स्वीकृत भएकाले लिएको बैंकहरु बताउँछन् । भूकम्पपछि बैंक तथा वित्तीय संस्थाबाट नयाँ कर्जा स्वीकृति प्रायः ठप्प रहेको उनीहरुको भनाई छ।

हालसम्म बैंकमा १३ खर्ब ७२ अर्ब रुपैयाँ जम्मा भएको छ । त्यसमध्ये १० खर्ब ८९ अर्ब लगानी भएको छ । वैशाख १२ गतेको ७.६ रेक्टर स्केलको भूकम्पपछि पनि शक्तिशाली कम्पन आउनले क्रम रोकिएनन् । भूकम्प पुनः आउने त्रास देखाएर चोरी गर्ने क्रम बढेपछि बैंक तथा वित्तीय संस्थामा रकम जम्माको क्रम पनि बढ्न पुगेको बैंक तथा वित्तीय संस्थाको भनाई छ । चोरडाँकाबाट सुरक्षाका लागि सर्वसाधारणले बैंकमा पैसा राख्न थालेको राष्ट्रिय वाणिज्य बैंकका अध्यक्ष रेवतबहादुर कार्कीले बताए । ‘भूकम्पले घरमा बस्न नसक्ने अवस्था र सुरक्षाका लागि खाली ठाँउमा बस्दा पैसा असुरक्षित हुने डरका कारण बैंकमा रकम जम्मा गर्न पुगेका हुन,’ कार्कीले भने, ‘भूकम्प अघि ऋण लगानी बढेको र रकम जम्मा गर्ने क्रम शिथिल भएको थियो । भूकम्पपछि त्यसको ठिक उल्टो बैंकमा रकम जम्मा गर्ने बढे र ऋण लिने घटे।’

भूकम्पपछि रेमिटेन्स आप्रवाहमा भएको सुधारले पनि बैंकमा पैसा जम्मा हुनमा थप मद्दत पुगेको बैंकहरुको भनाई छ । भूकम्पबाट पीडितलाई आर्थिक सहयोग पु¥याउने उद्देश्यले विदेशमा रहेको आफन्तले पैसा पठाउन थालेकाले पनि बैंकमा पैसा थुप्रिन गएको हो । गत चैत महिनासम्ममा ४ खर्ब २६ अर्ब रुपैयाँ रेमिटेन्स भित्रिएको छ । यो पनि भूकम्पपछि सुधार भएको नेपाल राष्ट्र बैंकको भनाई छ । यसैगरी सरकारी खर्चमा वृद्धि भएकाले पनि बैंकहरुमा रकम बढी जम्मा हुन पुगेको सानिमा बैंकका प्रमुख कार्यकारी अधिकृत भुवन दाहालले बताए । भूकम्प पीडितको सहयोगका लािग विदेशबाट ठूलो रकम नेपाल भित्रिएको छ । यसले पनि बैंक तथा वित्तीय संस्थामा रकम जम्मा हुन पुगेको उनीहरुको भनाई छ । भूकम्प भन्दा पहिले लगानी गर्नका लागि ऋण लिन तयार देखिएका पनि पछि हटेको कार्कीले बताए । अर्को वर्षमात्र लगानी बढ्ने अनुमान उनको छ । लगानीकर्ताको मनोवल बलियो हुन ५–६ महिना लाग्ने कार्कीको तर्क छ।

सरकारले असारसम्मका लागि निजी तथा सार्वजनिक क्षेत्रबाट गरिने नयाँ तथा संयुक्त आवास निर्र्माण तथा जग्गा विकास योजनाको स्वीकृत प्रक्रिया रोक्का गरेको छ । नस्सापास भई स्वीकृत मापदण्ड अनुसार निर्माण कार्य सुरु भइसकेका भवनको हकमा समेत दुई तला भन्दा बढी निर्माण गर्न नपाइने निर्णय सरकारले गरेको छ । सरकारले २ प्रतिशत ब्याजदरमा गाँउमा १५ लाख र शहरमा २५ लाखसम्म ऋण दिने योजना अगाडि ल्याएको छ । सहुुलियत ऋण दिने तर घर बनाउन रोक्ने जस्ता एक आपसमा बाझिने घोषणाहरु सरकारी निकायबाट एकैसाथ भएका छन् । यसले पनि लगानीमा बाधा पुग्ने बैंकर बताउँछन्।

सरकारी तथ्यांक अनुसार आठ लाख भन्दा बढी घरहरु क्षतिग्रस्त छन् । सरकारले भवन निर्माणका सम्बन्धमा नयाँ नीति अवलम्बन नगरेसम्म बैंकहरुलाई लगानी गर्न अप्ठेरो रहेको नेपाल बैंकर्स एसोसियसनका उपाध्यक्ष अनिलकेशरी शाहले बताए। सुरक्षित लगानी भन्दै बैंकहरुले आवास, अपाटमेन्टमा लगानी गर्दै आएका थिए । ७–८ प्रतिशत ब्याजदरमै लगानी गदैं आएका बैंकहरुलाई भूकम्पपछि सो क्षेत्रमा लगानी गर्न आनाकानी गर्दै आएका छन् । उनीहरुले अपार्टमेन्टमा करिब १ खर्ब ७० अर्ब लगानी गरिसकेका छन् । उक्त लगानी उठने सम्भावना कम हुँदै गएका बेला थप पैसा लगाउने सम्भावना बैंकहरुमा कम छ। घर राखेर ऋण लिन खोजेका तर भूकम्पले घर नै भत्काएपछि ऋण लिने कुरा भएन् । ‘ऋण तिर्न सक्छु भनेर आश्वस्त पारिदिने हो भने सच्चिकै कर्जा प्रवाह सहज हुने देखिन्छ,’ सिटिजन्स बैंकका प्रमूख कार्यकारी अधिकृत राजनसिंह भण्डारीले भने।

भूकम्पले नियमित आयआर्जनको चक्र बदलिएको छ । ऋण लिने व्यक्तिको भूकम्पबाट कति क्षति भएको छ ? भूकम्पपछिको आर्थिक हैसियत के हो ? भन्ने विषयमा बैंकरहरु अलमलमा छन् । त्यसैले पनि लगानी गर्न हिचकिचाइ रहेको छन् ।

राष्ट्र बैंकले २%मा आवासीय कर्जा ऋण ।

काठमाडौं, जेष्ठ ७ । नेपाल राष्ट्र बैंकले गत वैशाख १२ गते गएको विनाशकारी भूकम्पका कारण आवासीय घर क्षतिग्रस्त भएका भूकम्प प्रभावित घर–परिवारलार्ई घर पुनःर्निमाणका लागि प्रवाह गरिने पुर्नकर्जासम्बन्धी कार्यविधि लागू गरेको छ ।

आवासीय कर्जामा नेपाल राष्ट्र बैंकले उपलव्ध गराउने पुर्नकर्जा प्रयोजनका लागि कार्यविधि लागू गरिएको हो । पुर्नकर्जाकोअधिकतम् सीमा काठमाडौैं  उपत्यकामाप्रति घरपरिवार २५ लाख र उपत्यकाबाहेकका प्रभावित जिल्लामा १५ लाखसम्मको ऋण सुविधाको आवासीय घर पुनःर्निर्माण प्रयोजनका लागि मात्र हुने केन्द्रीय बैंकले जनाएको छ ।

यो सुविधा ऋणी तथा निजको परिवारका सदस्यहरुसँग बस्न योग्य आवासीय घर नभएको अवस्थामा मात्र उपलव्ध गराइने छ । बैंक तथा  वित्तीय संस्थाले आवासीय घर पुनःर्निर्माण प्रयोजनका लागि प्रदान गर्ने  ऋणमा अधिकतम् २ प्रतिशत सम्म मात्र ब्याजदर लिन पाउने व्यवस्था राष्ट्र बैंकले गरेको छ ।

सो प्रयोजनका लागि नेपाल राष्ट्र बैंकले शून्य व्याजदरमा पुर्नकर्जा सुविधा उपलव्ध गराउने छ । बैंक वा वित्तीय संस्थाले कर्जामा ब्याजदर परिवर्तन गर्न पाउने छैनन् ।

यस्तो कर्जामा व्याज बाहेक अन्य कुनै पनि प्रकारको शुल्क लिन नपाइने राष्ट्र बैंकले जनाएको छ । यस्तो कर्जाको अवधि न्यूनतम ५ वर्ष र अधिकतम् १० बर्षसम्मको हुनेछ
।