मीरा राईलाई VOT दिई Adventurers of the Year 2017 बनाउन सहयोग गरौ

नेपाली चेली मीरा राई लाई VOT दिई National Geographic Adventurers of the Year 2017 बनाई नेपाल र नेपालीलाई बिस्व सामु चिनाउ। भोटिङ्ग 16 December सम्मा चल्ने छ , प्रत्येक दिन  कम्प्युटरको बिभीध Brawserहरु Firefox,Chrome,Safari, तथा SMART मोबाइल फोनको बिभीध Brawserहरु Firefox,Chrome,Safari,,dolphin,rocket,maxthon मा गई http://www.nationalgeographic.com/adventure/adventurers-of-the-year/#vote टाईप गरी अथवा  यो  लिंकमा क्लिक गरेर पनि भोट गर्न सकिनेछ।

Dec 16 सम्म दैनिक जसले बढी भोट ल्याई बढी दिन जित्छ उसैको जित हुने कारण मीराराई हिजो पनि हार्नु भो आज पनि पछि परिसक्यो त्यसैले उहाँलाई जति सक्दो धेरै VOT दिई प्रत्येक दिनको बिजेता बनाउन सहयोग गरौ उहाको जित हामी सबै नेपालीको जित हो।

NOTE Google Chrome बाट दिनमा जति पल्ट पनि भोट गर्न सकिनेछ त्यसको लागि minuमा क्लिक गरी setting,history,clear browser data क्लिक गरेर पुन दोहोराई तेहराई VOT गर्न सकिनेछ

१२औ साग फुटबलम पुरुषमा स्वर्ण र महिला तर्फ रजत पदक हात पर्यो

फाल्गुन ४, २०७२- १२औ साग फूटबल अन्तर्गत भारतको इन्दिरा गान्धी रंगशाला गुवाहटीमा हिजो सोमबार भएको खेलमा नेपालले भारतलाई २-१ गोलले पराजीत गरेको थियो। २३ वर्षपछि साग फुटबलमा स्वर्ण पदक जितेर नेपाली फुटबल टिमले खेल प्रेमीहरुलाई ठूलो खुशी दिएको छ ।

   त्यस्तै १२औ साग फूटबल महिला फुटवलमा नेपालले रजत पदकमा चित्त बुझाएको छ । अपराजित रहँदै फाईनलमा पुगेको नेपाल फाईनलमा भने भारतसँग ४–० ले पराजित हुन पुग्यो । लिग चरणमा नेपालले भारतसँग गोल रहित बराबरी खेलेको थियो ।

भारतको सिलोङ् स्थित जवहरलाल नेहरु स्टेडियममा भएको खेलमा भारतको जितमा कमला देवीले दुई तथा बाला देवी र आशा लतादेवीले गोल गरेका थिए ।

खेलको ३२ औं मिनेटमा कमला देवीको गोलबाट अग्रता लिएको भारतका लागि ५६ औं मिनेटमा कमलाले नै अग्रता दोब्बर पारिन् । नेपाली डिफेण्डरको गल्तीको फाईदा उठाउदै पहिलो हाफमा १–० को अग्रता दिलाएकी कमलाले कर्नर प्रहारलाई सदुपयोग गर्दै नेपाललाई २–० ले पछि पारिन् । खेलको ७३ औं मिनेटमा बालादेवी र ८० औं मिनेटमा आशा लतादेवीले थप गोल गरे ।

१२औ साग पुरुष तथा महिला फुटबल फाइनल खेल सोमबार हुदै

       १२औ दक्षिण एसियाली खेलकुद (साग) प्रतियोगिताको फुटबलतर्फ २०७२ फाल्गुन ३ सोमबार नेपाल र भारतबीच पुरुष तथा महिला दुबैतर्फका दुई फाइनल खेल हुने भएका छन् ।

पुरुष फुटबलमा नेपाल र आयोजक भारतबीचको फाइनल गुवाहाटीस्थित इन्दिरा गान्धी एथ्लेटिक रङ्गशालामा नेपाली समयानुसार साँझ ७:१५ बजे हुनेछ । त्यस्तै, नेपाल र भारतबीचकै महिला फुटबलको फाइनल सिलोङस्थित जवाहरलाल नेहरु रङ्गशालामा दिउँसो ४:१५ बजे हुनेछ ।

पुरुष फुटबलअन्तर्गत शनिबार भएको खेलमा नेपालले माल्दिभ्सलाई ४-३ गोलअन्तरले हराउँदै फाइनलमा पुगेको हो भने भारतले सेमिफाइनलमा बङ्गलादेशलाई ३-० ले पाखा लगाएको थियो ।

त्यस्तै, महिलातर्फ दक्षिण एसियाका पाँच टोली (नेपाल, भारत, बङ्गलादेश, माल्दिभ्स र श्रीलङ्का)मध्ये राउण्डरोबिनका आधारमा अङ्कतालिकामा नेपाल पहिलो र भारत दोस्रो हुँदै सिधै फाइनलमा प्रवेश गरेका हुन् ।
लिग चरणमा नेपालले श्रीलङ्कालाई ४-०, बङ्गलादेशलाई ३-०, माल्दिभ्सलाई २-० ले पराजित गरेको थियो भने भारतसँग गोलरहित बराबरी खेलेको थियो । यता भारतले श्रीलङ्कालाई ५-०, बङ्गलादेशलाई ५-१ ले हराएको थियो भने नेपाल र माल्दिभ्ससँगको खेल गोलरहित बराबरीमा टुङ्ग्याएको थियो ।

त्यसैगरी, पुरुष फुटबलमा समूह ‘बी’ मा रहेको नेपालले भुटानलाई ५-० ले हराएको थियो भने बङ्गलादेशसँग १-२ ले नतिजा सुम्पिँदै उपविजेताका रुपमा सेमिफाइनलमा पुगेको थियो । साथै, समूह ‘ए’ को उपविजेता भएर चित्त बुझाएको भारतले माल्दिभ्सलाई ३-२ ले पराजित गरेको थियो भने श्रीलङ्कासँग ०-१ को हार व्यहोरेको थियो । श्रोत साभार :कान्तिपुर समाचार

१२औ सागमा नेपाली महिला फुटबल टिमले श्रीलंकलाई ४-० ले हरायो

१ फागुन २०७२। १२औं दक्षिण एसियाली खेलकुद प्रतियोगिता अन्तर्गत शनिबार बिहान सिलोङमा भइरहेको महिला फुटबलमा नेपालले श्रीलंकलाई ४-० ले हराएको छ।

प्रमुख स्ट्राईकर अनु लामा बिना नै मैदानमा उत्रिएको नेपालले श्रीलंका विरुद्ध सहज जीत निकाल्न सफल भएको हो। सिलोङस्थित जवहरलाल नेहरु स्टेडियममा भएको समूह चरणको अन्तिम खेलमा नेपालका लागि माया लिम्बूको क्रसलाई बचाउने क्रममा श्रीलंकन डिफेन्डरले गोल गर्न पुगेपछि नेपालले अग्रता लिएको थियो।
पहिलो हाफ १-० मा टूंग्याएको नेपालले दोस्रो हाफमा तीन गोल गर्न सफल भएको हो। नेपालका लागि ५१ औं मिनेटमा सावित्रा भण्डारीले गोल गरिन्। २-० को अग्रता लिएको नेपालले त्यसपछि आक्रमक खेल खेल्यो।
नेपालका लागि ६३ औं मिनेटम सावित्राले नै अर्को गोल थप्दै अग्रता तेब्बर पार्न सफल भइन्। खेलको ७९ औ मिनेटमा सपना लामाले गोल गर्दै ४-० को अग्रता दिलाउँदै रजत पदक पक्का गराउन सफल भइन।
यसअघि बिहीबार भएको समूह चरणको तेस्रो खेलमा नेपालले भारतसँग गोलरहित बराबरी खेलेको थियो।
गत आइतबार भएको समूह चरणको दोस्रो खेलमा नेपाली महिला फुटबल टोलीले माल्दिभ्सलाई २-० गोलले पराजित गरेको थियो

नेपालले पहिलो खेलमा बंगलादेशलाई ३-० गोलले हराएको थियो। नेपाल ६ अंकका साथ तालिकाको शीर्ष स्थानमा छ।

१२औ सागमा नेपालले माल्दिभ्सलाई ४-३ गोलले हराई फाईनलमा पुग्यो

१ फाल्गुन २०७२। दश खेलाडीमा सीमित नेपालले अन्ततः फाइनलमा पुग्नका लागि माल्दिभ्सले तेस्र्याएको तगारो तोडेको छ । निकै प्रतिस्पर्धात्मक खेलमा नेपाल विजयी भएको छ । माल्दिभ्समाथि ४-३ को नतिजा निकाल्दै नेपाल फाइनलमा पुगेको हो । ढाकामा सम्पन्न बंगबन्धु गोल्डकपमा माल्दिभ्स बिरुद्ध ह्याट्रिक गरेका नवयुगले सागमा पनि माल्दिभ्स बिरुद्ध ह्याट्रिक गरे । जारी प्रतियोगितामा यो उनको दोस्रो ह्याट्रिक हो । निर्धारित समयसम्म २-२ को बराबरीमा सकिएपछि थपिएको ३० मिनेटको अतिरिक्त समयमा नेपाल विजयी भएको छ । माल्दिभ्सले अतिरिक्त समयको २४ औ‌ मिनेटमा एक गोल गरेर अग्रता लिए लगत्तै नेपालका नवयुग श्रेष्ठले २८ औं र ३० औं मिनेटमा गोल गरे । यसअघि नेपालका लागि अन्जन विष्टले १५ औं मिनेटमा गोल गर्दै टिमलाई अग्रता दिलाएका थिए भने दोस्रो गोल उत्कृष्ट लयमा रहेका नवयुग श्रेष्ठले ३६ औं मिनेटमा गरे । आजको खेलमा नेपालका कमल श्रेष्ठले रातोकार्ड पाए । फल गरेपछि दोस्रो पहेंलो कार्ड खाँदै कमल मैदान छाड्न बाध्य भएपछि नेपाल दश खेलाडीमा सीमित थियो । नेपालले अब उपाधीका लागि भारतको सामनाा गर्नेछ । नेपालले १९८४ र १९९३ मा साफ गेम्सको फुटबलमा स्वर्ण पदक जितेको थियो ।

बंगबन्धु गोल्डकपको उपाधि नेपालले जित्यो

काठमाडौँ, ८ माघ, आज भएको फाइनल खेलमा बहराइनलाई हराउँदै नेपालले बंगबन्धु गोल्डकपको उपाधि चुम्न सफल भएको छ । खेलमा ३–० गोलको अग्रता लिँदै नेपालले उपाधि चुमेको हो । खेलको चौथो मिनेटमा नेपालका बिमल घर्ती मगरले पहिलो गोल गरेका थिए भने खोलेको दोस्रो हाफमा विशाल राईले १ तथा थप समयमा नवयुग श्रेष्ठले १ गोल गर्दै नेपाललाई उपाधि दिलाएका हुन् ।

 यो उपाधिसँगै नेपालले ऐतिहासिक उपलब्धी हाँसिल गरेको छ । २३ वर्षपछि नेपाल औपचारिक फुटबलको फाइनलमा पुगेको र उपाधि चुमेको यो पहिलो पटक हो ।  यसअघि बङ्गलादेशको ढाकामा सन् १९९३ मा भएको छैटौ दक्षिण एसियाली खेलकुद (साग) मा सोही मैदानमा जितेको उपाधिबाहेक अहिलेसम्मको खेलमा नेपालले उपाधि जित्न सकेको छैन । त्यसैगरी अन्तराष्ट्रियस्तरको प्रतियोगितामा नेपाल १७ वर्षपछि पहिलो पटक फाइनलमा पुगेको हो । यसअघि नेपालले सन् १९९९ मा दक्षिण एसियाली खेलकुद प्रतियोगितामा फाइनल खेल खेलेको थियो ।

भारतले ११औ साफ फुटबलको उपाधि जित्यो

काठमाडौं, पुस २० । एघारौं साफ च्याम्पियनसिप फुटबलको उपाधि आयोजक भारतले जितेको छ । केरलामा आइतबार राति भएको फाइनल खेलमा साविक विजेता अफगानिस्तानलाई २–१ गोल अन्तरले पराजित गर्दै भारतले सातौं पटक उपाधि जितेको हो । यो जितसँगै भारतले अघिल्लो संस्करणको फाईनलमा अफ्गानिस्तनसँग भोगेको हारको बदला समेत लिएको छ । निर्धारित ९० मिनेटको खेलमा १÷१ गोलको बराबरी भएपछि थपिएको ३० मिनेटको अतिरिक्त समयमा सुनिल क्षेत्रीले गोल गर्दै भारतलाई उपाधि जिताएका हुन् । ७० औं मिनेटमा जुबाएर अमिरीको गोलबाट अफगानिस्तानले अग्रता लिएपनि त्यसको दुई मिनेटमै भारतका जेजे लाल्पेख्लुले गोल फर्कादै बराबारी गरेका थिए । जितसँगै भारतले प्रतियोगिताको इतिहाँसमा सर्वाधिक ७ पटक उपाधि जितेको छ । नेपाल भने यो संस्करणमा समूह चरणबाटै बाहिरिएको थियो । प्रतियोगिताको १२ औं संस्करण दुई वर्षपछि बंगलादेशमा आयोजना हुनेछ ।

म्याच फिक्सीङको आरोपमा सागर थापा सहित पाँच खेलाडी पक्राउ

काठमाडौं,असोज २७ । देशकै बेईज्जत हुनेगरि खेल खेल्दै नेपाललाई हार खुवाएर अन्यदेशसँग पैसा लिने गरेका राष्ट्रिय फुटवल टोलिका कप्तान सागर थापा सहित पाँच खेलाडी पक्राउ परेका छन् । राष्ट्रिय झण्डा बोकेर खेल खेल्न गएर हरेक खेल हार्दै पैसा खाँदै राष्ट्रिय झण्डा नै बेचेको आरोप लगाउँदै क्राईम डिभिजनका प्रमूख सर्वेन्द्र खनालले एक खेलमा कम्तिमा पाँच हजार डलर प्रति व्यक्ति लिने गरेको सुचना र प्रमाण पाइएको बताउनुभयो ।
एसएसपी सर्वेन्द्र खनालका अनुसार अन्र्तराष्टिय खेल सट्टेबाजीहरुसँग मिलेर नेपाललाई हराएर लाखौं रुपैयाँ लिनेदेखी राष्टिय खेलमा समेत जित हारको मिलेमतो गरेर रकम लिने गरेको पाइएको छ । बंगलादेश, मलेसिया, अफगानिस्तान, जोर्डन, फिलिपिन्स जस्ता देशहरुसँग भएको खेलमा मिलेमतो गरेर हार्दै उनिहरुले लाखौं रुपैयाँ लिने गरेको प्रमाण पाइएको खनालले बताए ।
यि खेल हारपछि समातिएका खेलाडीहरुको खाता तथा साथिभाईको खातामा लाखौं रुपैयाँ आएको पाइएको छ । राष्टकै स्वाभिमान र विश्वास लिएर गएका खेलाडीहरुले राष्टघात गरेर देशलाई हराउने काम गरेको खनालले प्रतिक्रिया दिए । एसएसपी खनालले थप अनुसन्धान भइरहेकाले विस्तृत जानकारी थप अनुसन्धान पछि मात्र भन्न सकिने बताए । नेपालको स्वाभिमानलाई पैसामा बेचेर देश र जनतालाई कुठाराघात गर्ने गरेको पाइएको खनालले बताए । देशकै बेइज्जत हुनेगरि खेलमा जित्ने आधार हुँदा हुँदै खेलेको जस्तो मात्र गरेर ९ गोल खाँदै समेत हार्ने गरेको पाइएको बताए । खनालका अनुसार प्रहरीले यो अनुसन्धान विगत तिन महिनादेखी अनुसन्धान गरिरहेको र चार हप्तादेखी विस्तृतमा अध्ययन गरिरहेको बताए ।
खेलाडीहरुले यसरी खेलेर हार्दै पैसा कमाउँदै क्यासीनोमा समेत लगानी गरेको र अकुत सम्पत्ती कमाएको समेत पाइएको भन्दै उनिहरुको बैंक खाता लगायतको समेत अनुसन्धान भइरहेको खनालको भनाई छ । पक्राउ परेका केही खेलाडीको भने गुण्डागर्दी गर्ने अपराधीसँग समेत सम्वन्ध रहेको पाइएको प्रहरीको भनाई छ ।
प्रहरीले पक्राउ परेका पाँचै जनालाई भोलि जिल्ला अदालत काठमाडौंमा थप म्यादको लागि पेश गर्ने र भोली नै पत्रकार सम्मेलन गरेर अभियुक्त खेलाडीहरु सार्वजनिक गर्ने भएको छ । स्मरणीय छ नेपाल पछिल्लो ९ अन्र्तराष्टिय खेलमा गोल विहिन पराजय व्यहोर्दै आइरहेको छ । यि सबै खेलको कप्तानी उनै पक्राउ परेका सागर थापाले गर्दै आएका छन् ।

VIDEO

नुवाकोटका तिलक तामाङ १५औं राष्ट्रिय शारीरिक सुगठन प्रतियोगितामा दोस्रो भए

काठमाडौं –२३ असोज शनिबार २०७२ का दिन सातौं राष्ट्रिय खेलकुदअन्तर्गत १५औं राष्ट्रिय शारीरिक सुगठन प्रतियोगितामा सातदोबाटोस्थित अन्तर्राष्ट्रिय खेलकुद परिसरमा भक्तपुरका प्रवेश श्रेष्ठ ८० केजी तौल समूहमा पहिलो भए । सुनसरीका पारस भुजेल दोस्रो भए भने काठमाडौंका नरेश मालाकारले तेस्रो स्थानमा चित्त बुझाए ।

त्यस्तै, चितवनका अनिलले ८० केजीमाथि शीर्ष स्थान हासिल गरे । नुवाकोटका तिलक तामाङ दोस्रो र झापाका तुल श्रेष्ठ तेस्रो भए ।

राष्ट्रिय खेलकुद परिषद् (राखेप) द्वारा आयोजित प्रतियोगिताको ५५ केजीमा काठमाडौंका रवि महर्जन पहिलो, कास्कीका सुरेश गुरुङ दोस्रो र काभ्रेका उमेश बलामी तेस्रो भए । ६० केजीमा ललितपुरका रुजेश शाहीले स्वर्ण, कपिलवस्तुका सञ्जीवकुमार श्रेष्ठले रजत तथा मोरङका रमेश कार्कीले कांस्य पदक हात पारे । ६५ केजीमा झापाका रामबहादुर दाहाल पहिलो, काठमाडौंका अनिललाल श्रेष्ठ दोस्रो तथा त्रिभुवन आर्मी क्लबका दीपकध्वज शाही तेस्रो भए ।

सातौं राष्ट्रिय खेलकुदको पहिलो राष्ट्रिय प्रतियोगिताको ७० केजीमा काभ्रेका रामहरि खनाल पहिलो, भक्तपुरका उज्ज्वलरत्न बज्राचार्य दोस्रो तथा रूपन्देहीका चन्द्रमान श्रेष्ठ तेस्रो भए । ७५ केजीमा काठमाडौंका महेश्वर महर्जन पहिलो, चितवनका नवीनकुमार गुरुङ दोस्रो र दोलखाका सुवर्ण खड्का तेस्रो भए ।

विजेतालाई राखेपका सदस्य–सचिव केशवकुमार विष्ट, नेपाल शारीरिक सुगठन तथा फिटनेस संघका अध्यक्ष राजेशबाबु श्रेष्ठलगायतले पुरस्कृत गरे । त्यसअघि प्रतियोगिताको युवा तथा खेलकुद मन्त्रालयको जिम्मेवारीसमेत सम्हालिरहेका उपप्रधान एवं गृहमन्त्री वामदेव गौतमले प्रतियोगिताको उद्घाटन गर्दै सातौं राष्ट्रिय खेलकुद भव्य र सफलतापूर्वक सम्पन्न गर्न शुभकामना दिएका थिए ।

प्रतियोगितामा विभिन्न २५ जिल्ला र त्रिभुवन आर्मी क्लबका गरी जम्मा ६७ पुरुष खेलाडीले विभिन्न ७ तौल समूहमा प्रतिस्पर्धा गरेका थिए । पहिलो दिन शुक्रबार भएको प्रिजजिङ राउन्डको प्रत्येक तौल समूहबाट ५–५ खेलाडी फाइनलमा प्रवेश गरेका थिए । अन्तिम दिन शनिबार तिनै खेलाडीबिच उपाधिका लागि भिडन्त भएको हो । प्रत्येक तौलसमूहको उपाधि विजेता मिस्टर नेपालसमेत बनेका छन् । रसस

यु- १९ साफ च्याम्पियन जिताउन महत्वपूर्ण भूमिका निर्वाह गर्ने तामाङलाई सम्मान

यु -१९ साफ च्याम्पियन मा भारतविरुद्ध टाई ब्रेकरमा निर्णायक गोल गर्ने नेपाली टिमका उपकप्तान अनन्त तामाङ्लाई उनको गृह नगर शिवसताक्षीमा भव्य  कार्यक्रमको आयोजना गरी  अाज सम्मान गरिएको छ।
झापाको शिवसताक्षी नगरमा स्थाई घर भएका तामाङ्गले भदौ १२ गते सम्पन्न यु -१९ साफ च्याम्पियनसीपको उपाधि नेपालको पक्षमा दिलाउन पेनाल्टी सुटमार्फत् निर्णयक गाोल गरेका थिए।

झापाको झिलझिले, दुधे, धरमपुर, शिवगञ्ज, माईधार लगायतका स्थानमा उनलाई सवै उमेर समुहका सर्वसाधरण नागरिकले फुलमाला अबिर खादा दोसल्ला र नगद दिएर सम्मान गरेका हुन।

२२ वर्षे इतिहासलाई तोड्दै नेपालले भारतविरुद्ध यु -१९ साफ च्याम्पियनसीपको उपाधि हात पार्न टिम वर्क र कुशल प्रशिक्षक पाएकाले उपाधि जित्न नेपाल सफल भएको तामाङ्गले बताए। झापाको शिवसताक्षी ३ स्थित व्याँङ्गडामा आयोजित एक समारोहमा बोल्दै उपकप्तान तामाङ्गले खेल सकिन ५ मिनेट बाँकी छदाँको नेपालविरुद्धको टाई ब्रेकरमा भारतले गोल गरेपछि आफु भावविव्हल भएको सुनाए। त्यतिबेला उनले टिमको कप्तानी सम्हालेका थिए।

टाई ब्ररेकरमा भारतको पहिलो प्रहारलाई कुसल गोल किपर सोजित गुरुङ्ले रोकेपछि पुनः उपाधिको आसा पलाएको उनले सुनाए। 'मलाई प्रशिक्षक बालगोपाल महर्जनले तेस्रो किक गर्न भन्नुभएको थियो तर मैले मानिनँ र पाँचौ किक मेरोमा दर्ज भयो' उनले भने 'मैले हानेको किकले भारत हार्यो  र सारा नेपालीको जित भयो।'

तामाङ्लाई स्थानिय सतासीधाम स्पोटिङ्ग क्लवले मोटरसाईकल र्यालीको आयोजना गरेर नगर परिक्रमा गराएको थियो। सो र्यालीमा व्यापारी, शिक्षक, विद्यार्थी, खेलाडी लगायत सयौंको संख्यामा सर्वसाधारणको सहभागीता थियो।

२२ वर्षे पुरानो इतिहासलाई एक झापाली फुटवल खेलाडीले सिङ्गो मुलुकलाई जित दिलाउन गरेको कामको प्रशंसा गर्दे उनलाई सामुहिक रुपमा सम्मान गरिएको सतासीधाम स्पोटिङ्ग क्लवका टिम क्याप्टेन नरविर फागो (भाग्य) ले बताए। अनन्तको सम्मान कार्यक्रममा उनका बुबा चन्द्रबाहादुर गोलेले नेपालका लागि लागेको गोलको खडेरी अनन्तले पेनाल्टी सुटमार्फत तोडदै नयाँ इतिहास कायम गर्न सफल भएकोमा आफ्नो छोरासहित नेपाली टिमलाई बधाई दिए। अनन्तको सम्मान कार्यक्रममा आमाद्धय मायादेवी , शान्तिमाया दाई फुर्वा (प्रदीप) गोलेको पनि उपस्थिति थियो। श्रोत : २१ भदौ सेतोपाटी 

यू-१९ साफ च्याम्पियनसिप फुटबलमा नेपालले इंडियालाई हराउदै च्याम्पियन बन्यो

१२ भदौ, काठमाडौं । नेपालले पहिलो यू-१९ साफ च्याम्पियनसिप फुटबलको उपाधि जितेको छ । शनिबार भएको फाइनलमा भारतलाई पेनाल्टी सुट आउटमा ५-४ ले पराजित गर्दै नेपालले उपाधि जितेको हो ।

यससँगै नेपालले दुई दशक लामो उपाधिको खरेडी टारेको छ । नेपालले सन् १९९३ मा ढाकामा भएको छैटौं दक्षिण एसियाली खेदकुदमा स्वर्ण जितेको थियो । त्यसयता नेपाली पुरुष टीमले कुनै पनि उपाधि जित्न सकेको थिएन । गर्यो र उपाधी हात पार्यो पुरा समाचार र भिडियो हेर्न तल थिच्नुहोस गर्दै

सात दोबाटोस्थित एन्फा कम्प्लेक्सको मैदानमा भएको खेलमा नेपालले ३१ औं मिनेटमा गोल गरेको थियो ।

कर्नरमा आएको बलमा अनन्त तामाङले गरेको हेड भारतीय गोलरक्षकले रोकेका थिए । तर, बाउन्स भएको बलमा तेज तामाङले गोल गरेका हुन् । त्यसअघि अन्जनको प्रहार भारतीय गोल रक्षकले मुस्किलले बचाएपछि नेपालले कर्नर पाएको थियो । श्रोत :अनलाईन खबर

तर, खेलको ८७ औं मिनेटमा भारतले पेनाल्टीमार्फत गोल फर्कायो । निर्धारित समयको खेल १-१ को गोलको बराबरीमा सकिएपछि निर्णय पेनाल्टी सुट आउटबाट लिइएको थियो ।

टाइब्रेकरमा नेपाली गोलरक्षक सोजित गुरुङले भारतका पहिलो पेनाल्टी नै रोकेका थियो । नेपाली सबै खेलाडीले गोल गरे । अन्तिममा अनन्त तामाङले गोल गर्दै नेपाललाई उपाधि दिलाए ।
FULL MATCH: India vs Nepal - SAFF Championship 2013

DISCLAIMER: Please note, this is only video embeddeding website. All of the videos found here come from 3rd party video hosting sites such as YouTube, DailyMotion, Blip.TV, Veoh. We do not host any of the videos. Please contact to appropriate video hosting site for any video removal.

नेपाल अन्डर नाइन्टिन साफ च्याम्पियन्सिप फुटबलको फाइनलमा प्रवेश

काठमाडौं, ११ भदौ । नेपाल अन्डर नाइन्टिन साफ च्याम्पियन्सिप फुटबलको फाइनलमा प्रवेश गरेको छ ।

बिहीबार भएको सेमिफाइनमा अफ्गानिस्तानलाई ३ – २ गोल अन्तरले पराजित गर्दै नेपाल फाइनलमा प्रवेश गरेको हो ।

सातदोबाटोस्थित एन्फा कम्प्लेक्सको मैदानमा भएको खेलमा नेपालका लागि अन्जन विष्टले दुई र सुनिल पालले एक गोल गरेका थिए ।

खेलको ५० औं मिनेटमा बल जोगाउने क्रममा अनन्त तामाङले आत्मघाती गोल गरेका थिए ।

अब नेपालले बिहीबार हुने बंगलादेश र भारतबीचको सेमिफाइनल विजेतासँग फाइनल खेल्नेछ ।

साफ यु–१९ च्याम्पियनसीपमा नेपालले बंगलादेशलाई २–१ले हराउँदै सेमिफाइनल पुग्यो

काठमाण्डु, ७ भदौ– साफ यु–१९ च्याम्पियनसीपमा समूह ‘ए’ को अन्तिम खेलमा नेपालले बंगलादेशलाई २–१ले हराउँदै समूह विजेता बन्दै सेमिफाइनल पुगेको छ। 

एन्फा मैदान, सातदोबाटोमा भएको खेलमा ११ औं मिनेटमा गोल गर्दै रोहित सरकारले बंग्लादेशलाई अग्रता दिलाएका थिए। त्यसको सातमिनेटपछि नेपालका अन्जन बिष्टले गोल गर्दै खेल बराबरीमा ल्याए।

इन्जुरी समयको तेस्रो मिनेटमा नेपालले प्रहार गरेको फ्री किकमा बंग्लादेशले सुसाइड गोल गरेपछि नेपाल २-१ले विजयी भएको हो। बंग्लादेशका तुतुल बादशाहले आफ्नै पोष्टमा गोल गरेका हुन्। खेलमा हारेपनि बंगलादेश उपविजेता बन्दै सेमिफाइनलपुगेको छ।

साफ यु–१९ च्याम्पियनसिप फुटबलमा नेपालले भुटानलाई ३–१ गोलले पराजित

काठमाडौं, भदौ ३ -  नेपालले पहिलो साफ यु–१९ च्याम्पियनसिप फुटबलमा विजयी सुरुआत गरेको छ ।

एन्फा कम्प्लेक्स सातदोबाटोमा विहीबार भएको प्रतियोगिताको उद्घाटन खेलमा नेपालले भुटानलाई ३–१ गोलले पराजित गरेको हो । नेपालको जितमा कप्तान विमल घर्तीमगरले ह्याट्रिक गरे । उनले खेलको १०औं, २९औं र ६२औं मिनेटमा गोल गर्दै नेपाललाई उत्कृष्ट जित दिलाएका हुन् ।

खेलको ७३औं मिनेटमा नेपालले पाएको पेनाल्टीमा भने विमल गोल गर्नबाट चुकेका थिए ।

भुटानका तर्फबाट सोनाम तोग्बेले एक सान्त्वना गोल गरे । जितसँगै नेपालले ३ अंक जोडेको छ । नेपालले आफ्नो दोस्रो खेलमा बंगलादेशको सामना गर्नेछ ।

प्रतियोगितामा नेपालसहित भारत, बंगलादेश, अफगानिस्तान, भुटान र माल्दिभ्स सहभागी छन् । नेपाल, भुटान र बंगलादेश समूह ‘ए’मा रहेका छन् भने समूह ‘बी’मा भारत, अफगानिस्तान र माल्दिभ्स रहेका छन् ।

दुबै समूहको शीर्ष दुई स्थानमा रहने टोली सेमिफाइनलमा प्रवेश गर्ने छन् । प्रतियोगिताको फाइनल भदौ १२ गते हुनेछ ।

साफ यु १६ फुटबल प्रतियोगिताको सेमिफाइनलमा नेपाल र भारत भिड्दै

काठमाडौँ ३१ साउन - नेपाली किशोर टोलीले तेस्रो साफ च्याम्पियनसिप सोह्र वर्षमुनि (यु १६) फुटबल प्रतियोगिताको सेमिफाइनल भिडन्तमा चिरपरिचित प्रतिद्वन्द्वी भारतको सामना गर्दै मैदानमा उत्रने भएको छ ।

बङ्गलादेशको सिलहेटमा आज साँझ ६ बजे हुने दोस्रो सेमिफाइनल खेलमा नेपालले भारतको सामना गर्दै मैदानमा उत्रने छ । तेस्रो पटक सेमिफाइनलमा पुगेको नेपालले अघिल्लो संस्करणको साफ च्याम्पियनसिपमा भारतसँग भोगेको हारको बदला लिने दाउमा रहेको छ । जारी प्रतियोगितामा समूह ‘बी’ मा परेको नेपाल शीर्ष ६ अङ्क जोड्दै समूहको विजेता बनेर सेमिफाइनलमा प्रवेश गरेको हो ।

नेपालले पहिलो खेलमा माल्दिभ्सलाई पाँच शून्य गोलअन्तरले पाखा लगाउँदै विजयी भएको थियो भने दोस्रो खेलमा अफगानिस्तानलाई एक शून्य गोलअन्तरले पराजित गरेको थियो ।

त्यस्तै भारत भने समूह ‘ए’ को उपविजेता बन्दै सेमिफाइनलमा प्रवेश गरेको हो । शुक्रबार भएको खेलमा भारत बङ्गलादेशसँग पराजित भएपछि नेपालसँगको भेट पक्का गरेको हो ।

त्यस्तै अघिल्लो संस्करणको फाइनल खेलमा नेपाल भारतसँग एक शून्य गोलअन्तरले पराजित हुँदै दोस्रो स्थानमा चित्त बुझाउन बाध्य बनेको थियो । आज नै दिउँसो ३ बजे हुने पहिलो सेमिफाइनल खेलमा अफगानिस्तान र बङ्गलादेश आमने सामने हुनेछन् ।

अन्डर १६ च्याम्पियनसिप फुटवलमा नेपालले अफगानिस्तानलाई १–० ले पराजित गरी सेमिफाईनल प्रवेश

 नेपालले साफ अन्डर १६ च्याम्पियनसिप फुटवलको समुह चरणको अन्तिम खेलमा अफगानिस्तानलाई १–० ले पराजित गरेको छ । जितसंग नेपाल समुह विजेताको रुपमा सेमिफाईनल प्रवेश गरेको छ । बंगलादेशको सिलेटमा साउन २९ गते भएको खेलमा नेपाललाई विजयी गराउन दोस्रो हाफको तेस्रो मिनेटमै क्षितिज राजले निर्णायक गोल गरे ।

नेपालले समुह विजेता रुपमा सेमिफाईनलमा पर्सि आईतबार समुह ए को उपविजेता इन्डियासंग प्रतिस्र्धा गर्नेछ । अर्को समिफाईनलमा समुह ए को विजेता बंगलादेश र समुह विको उपविजेता अफगानिस्तान भिड्ने छन् ।

साफ यु–१६ फुटबल च्यािम्पयनसिप नेपाल र अफगानिस्तान खेल्दै

काठमाडौं, श्रावण २९ -बंगलादेशको सिल्हेटमा जारी साफ यु–१६ फुटबल च्यािम्पयनसिपको दोस्रो खेलमा आज अपरान्ह ४:४५ मा नेपालले अफगानिस्तानको सामना गर्दैछ ।

नेपालले समूहको पहिलो खेलमा माल्दिभ्सलाई ५–० ले हराएको थियो । दोस्रो खेलमा माल्दिभ्स अफगानिस्तानसँग ४–२ ले पराजित भएपछि यो समूहबाट नेपाल र अफगानिस्ताान सेमिफाइनलमा पुगिसकेका छन् ।

यसपटक उपाधि जित्ने लक्ष्यका साथ बंगलादेश पुगेको नेपाली युवा टोलीको वास्तविक परीक्षा आज हुनेछ । प्रतियोगिताको अर्को समूहबाट श्रीलंका बाहिरिसकेको छ भने भारत र आयोजक बंगलादेश सेमिफाइनलमा पुगिसकेका छन् ।

साफ अन्डर १६मा नेपाल सेमिफाइनल प्रवेश

काठमाडौं, श्रावण २८ -  नेपाल साफ अण्डर–सिक्सटिन फुटबल च्याम्पियनसिपको सेमिफाइनलमा प्रवेश गरेको छ ।

बंगलादेशको सिल्हेटमा जारी प्रतियोगिताअन्तर्गत बुधबार भएको खेलमा माल्दिभ्सलाई अफ्गानिस्तानले हराएपछि नेपाल सेमिफाइनलमा पुगेको हो ।

नेपालले समुहको पहिलो खेलमा माल्दिभ्सलाई ५–० ले हराएको थियो । बुधबार अफ्गानिस्तानसँग ४-२ ले पराजित भएपछि माल्दिभ्स भने समुह चरणबाटै बाहिरीएको छ ।

नेपालले आफ्नो दोस्रो खेलमा भोलि अफ्गानिस्तानसँग खेल्नेछ ।

यो खेलपछि समुह विजेता र उपविजेताको टुंगो लाग्नेछ । प्रतियोगिताको अर्को समुहबाट भारत र बंगलादेश सेमिफाइनलमा प्रवेश गरिसकेका छन् ।

यु–१६ फुटबल च्याम्पियनसिप रतियोगितामा नेपालले माल्दिभ्सलाई ५–० गोलले हरायो

काठमाडौं, श्रावण २५ । साफ यु–१६ फुटबल च्याम्पियनसिपको तेस्रो संस्करणमा नेपालले विजयी सुरुवात गरेको छ ।
बंगलादेशको सिलेटमा जारी प्रतियोगिताको पहिलो खेलमा नेपालले माल्दिभ्सलाई ५–० को फराकिलो अन्तरले पराजित गरेको हो । मध्यान्तरसम्म तीन गोल गरेको नेपालले मध्यान्तरपछि दुई गोल थपेको थियो ।

नेपाललाई जिताउने क्रममा पे्रजेन तामाङ र सुमन अर्यालले समान दुई गोल तथा लक्ष्मण परियारले एक गोल गरे । जितसँगै नेपाल सेमिफाइनल नजिक पुगेको छ ।
दक्षिण एसियाका ६ राष्ट्र सहभागी प्रतियोगितामा नेपालको समूह ‘बी’मा माल्दिभ्ससँगै अफ्गानिस्तान रहेको छ । समूहको अन्तिम खेलमा नेपालले शुक्रबार अफगानिस्तनसँग खेल्नेछ । अर्को समूहमा आयोजक बंगलादेशसँगै भारत र श्रीलंका छन् ।

यसअघिका दुबै संस्करण काठमाडौंमा भएका थिए । नेपाल पहिलो संस्करणमा तेस्रो तथा दोस्रो संस्करणमा दोस्रो भएको थियो ।

रिङमा नहारेका तेक्वान्दोका पुराना खेलाडी शंकर तामाङ

९ असार,काठमाडौं - खेलमा जितहार स्वाभाविक हुन्छ। नेपाली तेक्वान्दोमा २०४० को दशकमा यस्ता अस्वाभाविक पात्र जन्मिए, जसले तेक्वान्दो रिङमा कहिल्यै हार्न जानेनन्। 

नुवाकोटको चण्डेश्वरी स्कुलमा बडादसैं फूलपाती विशेष कार्यक्रम हँदै थियो । तेक्वान्दोको प्रदर्शनी खेल देखाउन नेपालका चर्चित ओलम्पियन खेलाडी विधान लामा र मानबहादुर लामा त्यहाँ पुगेका थिए। स्कुलस्तरमा फुटबल र तेक्वान्दो खेलको कला सिक्दै गरेको स्थानीय ठिटो महेन्द्र तामाङ (शंकर) लाई विधान र मानबहादुरको एक्सन फाइटले मोहित तुल्याएछ। 

‘विधान गुरु त्यतिबेलाका प्रख्यात खेलाडी हुनुहुन्थ्यो। उहाँको एक्सन देखेर म नजिक गएँ। मैले पनि उस्तै एक्सन देखाउन थाले। सायद मेरो एक्सनले उहाँलाई छोएछ। उहाँले मेरो नाम सोध्नुभो, मैले शंकर भने। काठमाडौं आऊ भन्दै उहाँ हिँड्नुभयो।

म केही दिनमै काठमाडौं आएँ र विधान गुरुलाई भेटें। उहाँले मलाई राष्ट्रिय खेलकुद परिषद् (राखेप) का तत्कालीन सदस्यसचिव शरदचन्द्र शाह र कोरियन प्रशिक्षक मिस्टर ओसँग भेट गराईदिनु भयो। विधान गुरुकै कारण तेक्वान्दोमा तानिए', शंकरले अन्नपूर्ण पोस्ट्सँग भने।

प्रवेशिका परीक्षा सकेर पहेँलो पेटी लिन काठमाडौं आएका शंकरको जोसिलो सट देखेर शरदचन्द्र शाह र कोरियन प्रशिक्षक ओ त्यतिबेला छक्कै परेका थिए रे। त्यतीबेला मलेसियामा हुने अन्तर्राष्ट्रिय तेक्वान्दो प्रतियोगिताको छनोट खेल चलिरहेको थियो। छनोट खेलमा शंकरले कालोपेटीका खेलाडीलाई हराए।

काठमाडौं आएको तीन महिनामै मलेसियाका लागि उनी छनोट भए। शरदचन्द्रको प्रयासमा सुरुमै अन्तर्राष्ट्रिय प्रतियोगितामा डेब्यु गराइएका शंकर पहेँलो पेटीका खेलाडी हुनाले मलेसिया लैजान प्रशिक्षक ओलाई गाह्रो भएछ।

अन्तर्राष्ट्रिय प्रतियोगिता खेल्न कालो पेटी लिएको हुनुपर्ने नियम रहेछ। त्यसपछि शरदचन्द्र, प्रशिक्षक ओ र दीपराज गुरुङले तत्कालै बैठक बसेर शंकरलाई एकैपटक कालो पेटी दिने निर्णय गरेर मलेसिया पठाए।

मलेसियामा उनले सिंगापुर, अस्ट्रेलिया र हङकङका खेलाडीलाई नकआउट गरे। चौथो खेलमा उनी कोरियाका खेलाडीसँग पराजित भए। ‘अन्तिम खेलमा पनि मैले राम्रो खेलेको थिएँ। तर म माथि धाँधली भएको रहेछ। पछि थाहा पाएँ, कोरियाकै अफिसियलले मैले राम्रो खेलेको भन्दै पाँच सय अमेरिकी डलर दिएका थिए। त्यतिबेला त्यो पैसा धेरै ठूलो हो', शंकर भन्छन्।

हेर्दै जिउँदो बाघ समाउँलान् जस्ता शंकरले विशेषगरी सदस्यसचिव र प्रशिक्षक ओको मन जितिसकेका थिए। मलेसियाबाट फर्किएपछि उनलाई फेरि पहेँलो पेटीबाट कालोपेटीसम्मको तयारी गराइयो। कोर्स पूरा गर्नका लागि उक्त तयारी गराइएको थियो।

शंकरको खेलले त्यतिबेला धेरैको मन पनि जित्यो। उनी नेपाली तेक्वान्दोका नयाँ स्टार भए। २०४२ सालमा भएको तेस्रो राष्ट्रिय खेलकुद प्रतियोगितामा स्वर्ण जितेका शंकरले त्यसपछि पछाडि फर्केर हेर्नु परेन।

विधानले काठमाडौं बोलाएका शंकरले पछि विधानलाई नै छक्क पार्न थाले। दुईदुई वर्षमा हुनुपर्ने राष्ट्रिय प्रतियोगिता बीचमा रोकियो। तर संघको आयोजनामा हुने राष्ट्रिय प्रतियोगितामा शंकर सँधै पहिलो भए।
मलेसियामा उनले सिंगापुर, अस्ट्रेलिया र हङकङका खेलाडीलाई नकआउट गरे। चौथो खेलमा उनी कोरियाका खेलाडीसँग पराजित भए।
२०५२ सालसम्म उनी लगातार १० पटक राष्ट्रिय च्याम्पियन बने। तेक्वान्दोमा उनले राष्ट्रिय स्तरमा पाएको सफलता अन्य खेलाडीको कमै छ। विभागीय टोली त्रिभुवन आर्मी क्लबमा अनुबन्ध भएर खेलेका शंकर आर्मीको प्रशिक्षकसमेत बने।

‘त्यतिबेला दक्षिण एसियाली खेलकुद प्रतियोगिता (साफ) भए पनि तेक्वान्दो खेल समावेश नहुनु मेरो लागि दुर्भाग्य भयो। साफबाहेक एसिएन च्याम्पियनसिप र अन्य अन्तर्राष्ट्रियस्तरको प्रतियोगितामा धेरै पदक जितेँ।

मलाई ओलम्पिक खेलाउने तयारी भइरहेको थियो। शरदचन्द्रले पहिलेदेखि नै तेक्वान्दोमा विधानपछि तिमी नै हौ भन्नुहुन्थो। सोहीअनुसार तयारी गर्दै अगाडि बढेको थिएँ। तर ओलम्पिक खेल्ने बेलामा मेरो बाटो मोडियो', शंकरले भने।

२०५२ सालमा भारतमै अन्तर्राष्ट्रिय आमन्त्रण तेक्वान्दो च्याम्पियनसिप भएको थियो । ६६ देशका खेलाडी सहभागी उक्त च्याम्पियनसिपमा राष्ट्रिय च्याम्पियनका हिसाबले छनोट भएका शंकरले त्यहाँ पनि स्वर्ण नै जितेका थिए। त्यही बर्ष जापानमा एसियन च्याम्पियनसिप थियो।

त्यहाँ भने उनको स्थानमा नवीनकुमार श्रेष्ठलाई लैजाने निर्णय भएछ। पहिलो खेलाडीलाई नलगेर दोस्रो खेलाडीलाई लैजाने निर्णयबाट विरक्तिएका शंकरले त्यसपछि तेक्वान्दोबाट टाढिने सोच बनाए।

एक दशक तेक्वान्दोमा राज गरेका शंकरले एकाएक तेक्वान्दोको रिङबाट हात झिको। रिङबाट उनी हराउनुको एउटै कारण थियो, पारिवारिक र आर्थिक समस्या।

त्यहीबेला नेपालमा यूएई अबुधाबी पुलिसको कमान्डोमा भर्तीका लागि नेपाली युवा छनोट गर्न अबुधाबी पुलिसको टोली नेपाल आएको थियो। छनोटका लागि आवेदन दिएका ५० जनामध्ये शंकरले एक नम्बरमा नाम निकाले।

अबुधाबी पुलिसको कमान्डो ट्रेनिङमा पनि उनी एक सय ८७ जनामा दोस्रो भए । ट्रेनिङपछि यूएईका राजा सेख  जाईदले कमान्डो पुलिसको स्वागतका लागि रात्रिभोजको आयोजना गरेका थिए।

भोजमा तेक्वान्दोको प्रदर्शनी खेल देखाउने मौका पाएका शंकर त्यहीबेला राजाको नजरमा परे। शंकरको तेक्वान्दो कला मनपराएर तत्काल राजाले हाफ्नै हातको घडी फुकालेर शंकरलाई उपहार दिएका थिए।

भोलिपल्टै भेटका लागि दरबार बोलाइएका शंकर त्यसपछि राजपरिवारको सुरक्षा कमान्डमा खटिए। राजपरिवारका सदस्यलाई तेक्वान्दो सिकाउने मौका पनि पाए। अबुधाबी पुलिसबाट तेक्वान्दोको अन्तर्राष्ट्रिय प्रतियोगितासमेत खेल्ने अवसर पाएका उनी त्यहाँ पनि दुई पटक च्याम्पियन बने।

सन् १९९९ मा त्रिभुवन अन्तर्राष्ट्रिय विमानस्थलबाट इन्डियन एयरलाइन्सको जहाज अपहरण भएको थियो । अपहरणकारीले उक्त जहाज यूएईको विमानस्थल पुर्‍याएका थिए। उक्त जहाजलाई अपरेसन गरेर मुक्त बनाउने काम उनै शंकरको काँधमा आइपर्‍यो।

शंकरको कमान्डमा रहेको टोली जहाजको दायाँतर्फको झ्याल फुटाएर एक्सन सुट गर्न फिल्डमा उत्रिएको थियो। सुट गर्नै लाग्दा अपहरणकारीले फेरि विमान उडाए । यदि त्यहाँ अपहरणकारीलाई सुट गर्न पाएको भए एउटा नेपालीको नाम छुट्टै हुन्थ्यो', शंकर भन्छन्। नेपालका

तेक्वान्दोका चर्चित खेलाडी शंकरलाई यूएई आर्मीको कमान्डो जागिर राम्रो थियो। 'उमेर ढल्कँदै जाँदा जन्मथलो र परिवारको मायाले सताउने रहेछ। विदेशमा मात्र कति बस्नु जस्तो लाग्यो। कुनै क्षेत्रमा नाम कमाएपछि त्यसलाई बिर्सन गाह्रो हुने।

मलाई तेक्वान्दोको लत उत्तिाकै लागेको छ। अब आफ्नै सानातिनो व्यवसाय गरेर स्वदेशमा बस्नेछु। तेक्वान्दोलाई लक्षित गरी केही गर्ने सोच छ', ४७ वर्षीय शंकरले भने। तेक्वान्दोका पाँचौं डान उनलाई विधान लामाको नाम ओलम्पियनको रूपमा सदाबहार छाउँदा आफू ओलम्पियन बन्न नपाएको पीडाले भने चिमोटि रहन्छ रे।

शंकर पहेँलो पेटीका खेलाडी हुनाले मलेसिया लैजान प्रशिक्षक ओलाई गाह्रो भएछ। अन्तर्राष्ट्रिय प्रतियोगिता खेल्न कालो पेटी लिएको हुनुपर्ने नियम रहेछ। त्यसपछि शरदचन्द्र शाह, प्रशिक्षक ओ र दीपराज गुरुङले तत्कालै बैठक बसेर शंकरलाई एकैपटक कालो पेटी दिने निर्णय गरेर मलेसिया पठाए।

मलेसियामा उनले सिंगापुर, अस्ट्रेलिया र हङकङका खेलाडीलाई नकआउट गरे। चौथो खेलमा उनी कोरियाका खेलाडीसँग पराजित भए।  आजको अन्नपूर्ण पोस्टबाट साभार