भबिस्यको वसिङ्ग मेशिन डोल्फी नामक हलुको सानो यन्त्रको अविस्कार

फाल्गुन ११, २०७२। वैज्ञानिकहरूले लुगा धुने वासिङ मेसिनको भरपर्दो विकल्पका रूपमा डोल्फी नामक अत्यन्तै सजिलो, हलुका र हातैमा अटाउने यन्त्रको आविष्कार गरेका छन् । हालको आधुनिक भनिएको वासिङ मेसिन लुगा धुन झन्झटपूर्ण र खर्चालु छ । त्यस्तै वासिङ मेसिन आकारमा सानो दराजजत्रो हुने भएकाले मेसिन चलाउने उपभोक्ताहरूलाई दिक्क हुने गरेका छन् । भर्खरै आविष्कार गरिएको डोल्फी लक्स साबुनजत्रो आकार–प्रकारको भएको बताइन्छ । हलुका, बोक्न र चलाउन सजिलो यो मेसिनले वासिङ मेसिन युगको अन्त्य गर्ने दाबी गरिएको छ ।
अल्ट्रासोनिक साउन्ड टेक्नोलोजीमा आधारित यो उपकरणलाई औद्योगिक स्तरमा उत्पादन एवं बिक्री–वितरण गर्न इन्डिएगो नामक वेबसाइटमार्फत लगानी गर्न विभिन्न दाताहरूबाट अहिलेसम्म १० लाख डलर संकलन गरिसकिएको छ । डिटरजेन्ट पानीमा भिजाएर राखिएको लुगाको बीचमा डोल्फी मेसिन राखेपछि यो मेसिनले ध्वनि तरंग (साउन्डवेभ) को माध्यमबाट लुगाबाट सारा मैला, फोहर तथा दागहरू हटाएर त्यसलाई सफा गरिदिन्छ ।
यो यन्त्र प्रयोग गर्न पनि सजिलो छ । ठूलो प्लास्टिक वा आल्मुनियमको भाँडामा वा वेसिनमा डिटरजेन्ट पाउडरसित पानीमा भिजाएर लुगालाई राख्नुपर्छ र लुगाको बीचमा डोल्फी यन्त्र राखिदिनुपर्छ । आधा घण्टाभित्र ध्वनितरंग (अल्ट्रासोनिक साउन्डवेभ) मार्फत पानीका फोकाहरू बनाउँदै र प्याटप्याट फुटाउँदै यन्त्रले सबै लुगालाई सफा गरिदिन्छ ।
१ सय डलर मूल्यको यो यन्त्रले छिनभरमै कुनै पनि आल्मुनियम र प्लास्टिकको बट्टा वा बेसिनलाई आधुनिक वासिङ मेसिनमा परिणत गरिदिन्छ । यो यन्त्रको प्रयोगमा कपडाको रङ जाने वा खुइलिने समस्या हुँदैन । मैलो र दाग हटाउन कपडालाई हातले रगड्नु पर्दैन । सन् २०१६ को पहिलो तीन महिनामै ८ हजारवटा डेल्फी मेसिन उत्पादन गरी बजारमा पठाउने लक्ष्य लिइएको छ ।
जर्मन व्यवसायी लेना सोलिसले यात्राका क्रममा यो यन्त्रको आविष्कार गरेकी हुन् भने एन्ड्रेफान्गुएरोले यो उत्पादनको डिजाइन गरेका हुन् । लुगाकपडा सरसफाइको पूरै प्रणालीलाई परिवर्तन गर्ने विश्वास गरिएको यो यन्त्र दैनिक एवं व्यक्तिगत प्रयोगका लागि थप किफायती र उपयोगी सावित हुने बताइएको छ । यो यन्त्रको प्रयोगले वासिङ मेसिनमा विश्वभर खपत हुने लाखौं युनिट विद्युत् बचत गर्न सकिनेछ । इन्डिएगो वेबसाइटमार्फत यो मेसिन अनलाइन खरिद गर्न सकिन्छ । एजेन्सी

देश विदेश जहाँ पनि निशुल्क फोन गर्न मिल्ने एपहरु

5 Best Free Calling Apps to make a call in Mobiles/Landlines

There are numerous apps such as WeChat, Facebook messenger, Viber and others that let users to call free when online. This means both the sides, the users need to be online. What about offline call or call without internet connection? That sounds great, is not it? Below we present 5 best free calling apps to make a call in mobiles/landlines that can be used to make calls even when you have no internet connection.

 
1. Bigo 
An exciting app, Bigo lets you make calls without any charge to any mobile/landline throughout the world. The fabulous thing about this Bing app is that the one whom you call does not require the same app or even an internet connection. Have Bing installed on your gadget, it’s enough. Bigo gives 400 credits in a month and further 10 daily credits for just logging into the app. For invite, you will be offered 20 credits each.


2. Libon
Another VoIP calling app, Libon also renders free calls to its users. Libon to Libon calls are unlimited free. Libon to non-libon users call is free for 30 minutes. Non-libon users can be users on mobile or landline with no internet connection or libon. Refer friends and get 60 minutes free per month.
3. Nanu
Nanu is a new comer into the world of free calling and provides free unlimited call from Nanu to Nanu (on-net) whereas Nanu to non-nanu (offline calls) are 15 minutes per week free. This fifteen minutes can be used to call mobile or landline without being connected to the internet. Nanu is free for more than forty countries.


4. Dingaling
Another free calling app, Dingaling lets you to call local or international calls over wifi, 2G, 3G and 4G networks, to those who don’t use the app as well. You can call free unlimited Dingaling calls to mobile or landline. For now free call locations comprise of more than twenty countries. Dingaling renders 1 hours and 30 minutes calling to nations with a ceiling of 10 minutes per day.
5. FreeKall
Here comes another top free calling app. You don’t even need a smartphone. This app is in real based on cloud call idea that is easy to get. It is required to call to FreeKall’s customer service number and make a missed call. They will back back you to ask receiver’s mobile number. You give the number and they will divert the call. You need to keep on listening to the ads until the call is diverted. FreeKall app is available for Windows.

फेसबुक म्यासेन्जरमा म्यासेज डिलिट हुने नयाँ सुबिधा

२८ कात्तिक-लोकप्रिय सामाजीक सञ्जाल फेसबुकले आफ्नो म्यासेन्जर एपमा नयाँ सुविधा प्रदान गर्ने भएको छ । फेसबुकका अनुसार अब म्यासेन्जर प्रयोगकर्ताले पठाएको र प्राप्त गरेको म्यासेज स्वतः डिलिट हुने भएको छ ।
यसअघि विभिन्न सामाजिक सञ्जाल र म्यासेन्जरहरुले दिँदै आएको यो सुविधालाई फेसबुकले बल्ल प्रयोग गर्न लागेको हो । म्यासेन्जरमार्फत् पठाएका म्यासेज डिलिट हुने बनाउने वा नबनाउने बारे प्रयोगकर्ताले अप्सन छान्नुपर्ने हुन्छ । यो सुविधा प्रयोग गरेपछि म्यासेजहरु १ घण्टापछि आफैं डिलिट हुनेछन् । अहिले फ्रान्समा परिक्षण भैरहेको यो सुविधा विस्तारै अन्य देशमा समेत विस्तार गरिने फेसबुकले जनाएको छ ।

फेसबुक म्यासेन्जरले ल्यायो नयाँ सुविधा

 

सामाजिक संजाल फेसबुकले आफ्नो म्यासेन्जर एपमा नयाँ सुविधा फोटो म्याजिक थपेको छ। यस सुविधाका मद्दतले प्रयोगकर्ताहरुले पहिलेको तुलनामा अझैँ सजिलो गरि फोटो सेयर गर्न सक्ने छन्। हाल यो सुविधा अस्ट्रेलीयामा मात्र उपलब्ध रहेको छ र छिट्टै नै अन्य देशहरुमा पनि यो सुविधा उपलब्ध गराइने जानकारी फेसबुक म्यासेन्जरका प्रमुख डेविड मार्कसले दिए।

 

हाल यो सेवा फेसबुक म्यासेन्जरको एन्ड्रोइड एपमा मात्र उपलब्ध रहेको छ र छिट्टै नै आईओएसमा पनि उपलब्ध गराइने छ। फोटो म्याजिक अुनहारलाई चिन्ने (फेस रिकग्निशन) भएको सुविधा हो। यसले फेसबुक प्रयोकर्ताहरुको फोनमा रहेको क्यामरा रोललाई एक्सेस गरेर साथीहरुको फोटोलाई चिन्ने गर्छ। यस पस्चात उक्त फोटोहरुलाई साथीहरुसँग सेयर गर्ने कि नगर्ने भनेर विकल्प आउँछ।

 

सम्पूर्ण फोटोहरुलाई स्क्यान गरिसकेपछि प्रयोगकर्तालाई ‘सेन्ड’ भनेर विकल्प आउने छ। भर्ज पत्रिकाका अनुसार फोटो म्याजिकलाई फेसबुक म्यासेन्जर र मोमेन्ट्स टीमले मिलेर बनाएको हो। यो सुविधा प्रयोग गर्न असहज भएमा फेसबुक म्यासेन्जर सेटिङमा गएर बन्द पनि गर्न सकिन्छ।

विन्डोज ७ र ८.१ छिट्टै बन्द हुँदै

 कार्तिक १९ - माइक्रोसफ्टले आफ्ना अपरेटिङ सिस्टम विन्डोज ७ र विन्डोज ८.१ पहिलेदेखि इन्स्टल भएका कम्प्यूटर वा ल्यापटप बन्द गर्ने भएको छ।

माइक्रोसफ्टले सन् २०१६ अक्टोबर ३१ तारिखदेखि यी दुई ओएस भएका भएका कम्प्यूटर वा ल्यापटप निरन्तरता नदिने अन्तर्राष्ट्रिय समाचारमाध्यमहरुले जनाएका छन्।

रिपोर्टका अनुसार माइक्रोसफ्टको ‘विन्डोज लाइफसाइकल फ्याक्ट शीट’ को पछिल्लो अपडेटमा २०१६ अक्टोबर ३१ तारिखदेखि विन्डोज ७ र विन्डोज ८.१ पहिलेदेखि इन्स्टल भएका कम्प्यूटर वा ल्यापटप बन्द गर्ने बताएको छ। यसका साथै कम्पनीले २०१६ जून ३० देखि विन्डोज ८ ओएस भएका डिभाइसहरु पनि बन्द गर्ने बताइएको छ।

माइक्रोसफ्टले १ अर्व डिभाइसहरुमा विन्डोज १० राख्ने लक्ष्य लिएको र यो लक्ष्य पुरा गर्नका लागि यो कदम चालिएको पनि बताइएको छ। विन्डोज ७ र विन्डोज ८.१ ओएस बन्द गरेपछि प्रयोगकर्तासँग विन्डोज १० नै पहिलेदेखि इन्स्टल भएको डिभाइस किन्नुको विकल्प हुँदैन।

माइक्रोसफ्टको कुनै नयाँ ओएस ल्याएको २ वर्षपछि पुरानो ओएस बन्द गर्दै आउने नीति छ। तर विन्डोज ७ को लोकप्रियता र विन्डोज ८ को असफलताले गर्दा सन् २०१४ मा बन्द हुनपर्ने विन्डोज ७ लाई थप २ वर्ष थपेर सन् २०१६ मा बन्द गर्ने निर्णय गरेको पनि बताइएको छ। माइक्रोसफ्टले विन्डोज होम बेसिक, होम प्रिमियम र अल्टिमेट भने बन्द गरिसकेको छ ।

त्यसै गरि माइक्रोसफ्टले विन्डोड अपरेटिङ सिस्टम (ओएस) को सबैभन्दा लोकप्रिय भर्सन एक्सपीको बन्द गर्ने घोषण गरिएको थियो । २०१४ अप्रिल ८ बाट विन्डोज एक्सपीको सपोर्ट पूर्णतया बन्द गराएको छ । ८ अप्रिलपछि एक्सपीको भर्सन चलाइरहेका पर्सनल कम्प्युटर (पीसी) प्रयोगकर्ताहरुले माइक्रोसफ्टको कुनै सपोर्ट पाइरहेको छैन । एजेन्सी

कम्प्युटर , टेलिभिजन सबैलाई खरानी बनाइदिने पेन ड्राईभ

३ कार्तिक २०७२ - यसको नामै हो ग्याजेट किलर । किनकी यसले तपाइँको कम्प्युटर देखि लिएर टेलिभिजन सबैलाई खरानी बनाइदिन सक्छ । एकजना रुसी ह्याकरले यस्तो पेनड्राइभको निर्माण गरेका छन् जसले जुनसुकै ग्याजेटलाई तत्कालै फ्राइ गरिदिन सक्छ ।

युएबी किलर भी टू नामको यो पेनड्राइभ घुसार्ने बित्तिकै यसले उक्त ग्याजेटमा २२० भोल्टको करेन्ट प्रवाह गरिदिन्छ । जसका कारण ल्यापटप देखि लिएर टेलिभिजन सम्म, जसमा यो पेनड्राइभ घुसार्न मिल्न सबै विस्फोट भैहाल्छन् ।

रुसीसेक्योरिटी अनुसन्धानकर्ता समेत रहेका र डार्क पर्पलको नामले चिनिने ती ह्याकरले आफुले निर्माण गरेको पेनड्राइभको शक्ति प्रमाणित गर्नका लागि एक भिडियो बनाएर सार्वजनिक गरेका छन् । जसमा उक्त पेनड्राइभ घुसार्दा एउटा ल्यापटप विस्फोट भएको देख्न सकिन्छ ।

उनले यो पेनड्राइभका कारण युएसबी पोर्ट भएका हरेक डिभाइस खतरामा परेको चेतावनी दिएका छन् । लगभग सबैजसो स्मार्टफोनले युएसबी मोड सपोर्ट गर्नुका साथै टेलिभिजन, कम्प्युटर, राउटर तथा मोडेमहरु सबैलाई उक्त पेनड्राइभले निस्तेज बनाइदिन सक्ने उनको भनाइ छ ।

यस्तो भयानक पेनड्राइभ निर्माण भएको खबर सार्वजनिक भएसँगै प्रविधि सुरक्षा विज्ञहरुले आफ्नो डिभाइसमा जस्तो पायो त्यस्तो पेनड्राइभ नघुसार्न सल्लाह दिएका छन् ।

यसअघि ११० भोल्ट करेन्ट प्रवाह गर्ने हत्यारा पेनड्राइभ बनाएका ती ह्याकरले पछिल्लो पेनड्राइभ बेच्ने तथा प्रयोग गर्ने आफ्नो कुनै योजना नभएको जनाउँदै भनेका छन् : यो एटम बम जस्तै हो, राख्दा मज्जा हुने तर प्रयोग गर्न नसकिने । अनलाइन खबर बाट ।

संसारकै सबै भन्दा पहिलो वाई-फाई फ्री देश

एजेन्सी , आजकल हरेक मोबाइलमा वाई-फाईको सुबिधा हुने गर्दछ । हाम्रो देशको मुख्य शहरका होटल,रेस्टुरेन्ट,हस्पिटल लगायतको स्थानमा  फ्री वाई-फाई लेखेको देख्न पाइन्छ । यस्तै हाम्रो छिमेकी श्रीलंका अबको केही समय पश्चात वाई-फाई फ्री देश हुने भएको छ  ।


सबै भन्दा
श्रीलंका सरकार र बहुराष्ट्रीय कम्पनी गूगलको बीच भएको सम्झौता अनुसार मार्च २०१६ सम्म पुरा श्रीलंकाली जनताले फ्री वाई-फाईको सुविधा उपभोग गर्न पाउने छन । डेली मिररको अनुसार  फ्री वाई-फाई गूगल लूनको मध्यम बाट उपलब्ध गराइने छ  ।

श्रीलंका संसारकै पहिलो देश बन्नेछ जहाँ इन्टरनेटको  यूनिवर्सल ऐसेस हुनेछ गूगल लूम टेक्नोलोजीलाई पूर्ण रुपमा अपनाउने पहिलो देश पनि हुनेछ  ।

फेसबुकमा अश्लिल फोटाहरु ट्याग गर्न नमिल्ने बनाउन अपनाउनुहोस् यी उपायहरु

९ असोज २०७२ - नकारात्मक सन्देश दिने वा अश्लिल फोटाहरुमा पनि कहिलेकाँही अरुले ट्याग गरिदिने गर्छन्।

यसले प्रयोगकर्तालाई समस्या बनाइरहेको भए यसको समाधान सजिलै गर्न सकिन्छ जसका बारेमा धेरै जसो फेसबुक प्रयोगकर्ताहरुलाई थाहा नहुन सक्छ।

फेसबुकमा ट्याग गर्न नमिल्ने बनाउनका लागि सबैभन्दा पहिले सेटिङमा जाने।

त्यसपछि जेनरल एकाउण्ट सेटिङ (General Account Settings) को पेज खुल्छर यसको बाँया पट्टि धेरै अप्सनहरु रहेका हुन्छन्।

यी अप्सनहरुबाट टाइमलाइन एण्ड टगिङ सेटिङ (Timeline and Tagging Settings) को अप्सनमा क्लिक गर्ने जसमा तीन वटा अरु अप्सनहरु आउँछन्।

यसमध्ये तेस्रो अप्सन म्यानेज ट्याग पिपल वा ट्यागिङ सजेसन हुन्छ। यसको भित्र हुने तेस्रो अप्सन "Who sees tag suggestions when photos that look like you are uploaded"  लाई  'No One' बनाउने।

यति गरिसकेपछि फेसबुकमा नचाहिने फोटाहरु ट्याग हुने झमेलाबाट टाढा रहन सकिन्छ।

ल्यापटपको ब्याट्री बचाउने तरिकाहरु हेर्नुहोस

 ल्यापटप कुनै पनि ब्रान्ड वा अपरेटिङ सिस्टमको होस, प्रयोगकर्ताहरु ब्याट्री सधैं बचाउन खोज्छन्। ब्याट्री बचाउने कुनै एप्लिकेशन हुँदैन तर यसका लागि हामीले सानो सानो कुरामा ध्यान दिनु पर्छ। ब्याट्री बचाउन हामी निम्न तरिका अपनाउन सक्छौं।

डिस्प्लेको लाइट डिम (कम) गर्नेः
ल्यापटपको ब्याट्री धेरै उज्यालो डिस्प्लेका कारण छिटो सकिने भएकाले चार्ज नगरेको समयमा ल्यापटप प्रयोग गर्दा डिस्प्लेको लाइट कम गर्ने।

वाईफाई र ब्लुटुथ बन्द राख्नेः
वाईफाई र ब्लुटुथ सधैं खुला भएको खण्डमा वाईफाई र ब्लुटुथ कनेक्सन नभएको समयमा कनेक्सन खोज्ने (सर्च) गर्ने काम भइरहन्छ । यस कारण ब्याट्री चाँडै नै सकिन्छ। त्यसैले वाईफाई र ब्लुटुथको प्रयोग नभएको खण्डमा बन्द गर्ने।

स्क्रिन सेभरलाई बन्द गर्नेः
ब्याट्री छिटो सकिने कारण मध्ये एक कारण हो स्क्रिन सेभर। ल्यापटपमा काम नभएका बेला यदि स्क्रिन सेभर खुला छ भने डिस्प्लेमा स्क्रिन सेभर आउन सुरु गर्छ। त्यसैले स्क्रिन सेभरलाई बन्द गरेर ब्याट्री जोगाउन सकिन्छ।

पावर सेटिङः
ल्यापटपको पावर सेटिङमा गएर मोनिटर टर्न अफको समयलाई कम गर्नु पर्छ। यसले ल्यापटपमा काम नभएको समयमा डिस्प्लेको लाइट बन्द हुन्छ, जसले ब्याट्री बचाउनमा मद्दत गर्छ।

एक्सटर्नल ड्राइभको कम प्रयोगः
ल्यापटपमा एक्सटर्नल ड्राइभ जस्तै पेन ड्राइभ, हार्ड डिस्क आदीलाई काम सकिने बितिक्कै निकाल्नु पर्छ। लागातार यस्ता एक्सटर्नल ड्राइभ ल्यापटपमा जोडी राखेमा छिटो ब्याट्री सकिन्छ।

 र्‍याम बढाउनेः
ल्यापटपमा जब र्‍याम कम हुन्छ तब ल्यापटप हार्ड डिस्कको भर्चुअल मेमोरीको प्रयोग गर्न थाल्छ। यस्तो स्थीतिमा हार्ड डिस्कले बढी पावर लिन थाल्छ र ब्याट्री छिटो सकिन्छ। र्‍याम बढाएमा ब्याट्री छिटो सकिनबाट जोगाउन सकिन्छ।

डिभिडी र सिडी ड्राइभको प्रयोग कम गर्नेः
ल्यापटपमा डिभिडी र सिडी ड्राइभको बढी प्रयोगले ब्याट्री छिटो सकिने हुन्छ। त्यसैले यदि फिल्म हेर्नु छ वा गीत सुन्नु छ भने डिभिडी र सिडीबाट पहिले ल्यापटपमा कपी गर्ने। यसले ब्याट्री जोगाउँछ।

अनावश्यक प्रोग्राम बन्द गर्नेः
ल्यापटपमा एकै साथ धेरै प्रोग्राम खोल्नाले पनि छिटो ब्याट्री सकिन्छ, त्यसैले आफूलाई चाहिने प्रोग्राम मात्र चलाउने।

स्ट्यान्डबाइको सट्टा हाइबरनेट गर्नेः

जति ब्याट्री हाइबरनेट मोडमा  बचाउन सकिन्छ त्यति ब्याट्री स्ट्यान्डबाइ मोडमा बचाउन सकिन्न। ब्याट्री बचाउनका लागि हाइबरनेट सेटिङमा गएर सट डाउन अप्सनलाई छान्ने।

Windows 10 इन्स्टल गर्ने तरिका

 माइक्रोसफ्टले हालै  आफ्नो नयाँ ओपरेटिङ सिस्टम ‘विन्डोज १०’ उपलब्ध गराएको छ  । गत सेप्टेम्बरमा विन्डोज इनसाइडरमार्फत परीक्षणको रुपमा विन्डोज १० उपलब्ध गराएको माइक्रोसफ्टले त्यसमार्फत रजिष्टर गरेका ५० लाख प्रयोगकर्ताहरुलाई विन्डोज १० निस्शुल्क अपग्रेड गर्ने सुविधा दिएको छ । त्यस्तै यो सुविधा सबैलाई एकैपटक नदिइने भएकाले धेरै प्रयोगकर्ताहरु अझै यसको प्रयोगका लागि प्रतिक्षा गर्नुपर्ने भएको छ।

उक्त विन्डोज इन्साइडरमा नाम दर्ता नगरेकाले पनि यो सफ्टवेयर डाउनलोड गर्न पाउने सुविधा रहेको छ।  जेन्युन ओपरेटिङ सिस्टमहरु विन्डोज ७ वा ८ प्रयोग गरिरहेका प्रयोगकर्तालाई लक्षित गरेर माइक्रोसफ्टले विन्डोज १० आइएसओ फाइल सार्वजनिक गरेको छ। यसको प्रयोग गरी विन्डोज अपडेटबिना नै विन्डोज १० इन्स्टल र एक्टिभेट गर्न सकिन्छ। गर्ने तरिका

यो टुलबाट सिधै माइक्रोसफ्ट विन्डोज १० इन्स्टल  गर्नअुघि केही प्रक्रिया पुरा गर्नुपर्नेछ। । आफ्नो सिस्टम ड्राइभमा पर्याप्त डिस्क स्पेस र सेटअप फाइल डाउनलोड गर्न इन्टरनेट स्पिड पनि हुनुपर्छ । त्यस्तै पिसी जेन्यसन जेन्युन विन्डोज ७ वा ८ बाट सञ्चालित भएको हुनुपर्छ ।

विन्डोज १० इन्स्टलको लागि माइक्रोसफ्टको यो साइट लगइन मिडिया क्रिएसन टुल डाउनलोड गर्नुपर्छ। यसका लागि ३२ बिट वा ६४ बिट भर्सनको डाउनलोड टुल छनौट गर्नुपर्ने हुन्छ ।

विन्डोज १० मिडिया क्रिएसन टुल इन्स्टल गरेपछि इन्स्टल  भएको फाइलमा क्लिक गर्ने। केही सेकेन्डपछि नयाँ विन्डो आउनेछ, जहाँ  what do you want to do? भनेर सोध्छ र दुईवटा अप्सन दिन्छ । अपसन upgrade this PC now मा क्लिक गर्ने र Next गर्ने। इन्स्टलेसनका क्रममा प्रयोगकर्ताको पिसी रिस्टार्ट हुन्छ।

अर्को पिसीका लागि फ्रेस इन्स्टल गर्नुपर्ने हो भने चाँही दोश्रो अप्सन Create installation media for another PC गर्ने।

पहिलो अप्सन छानेपछि पिसीमा नयाँ विन्डो देखा पर्छ । जसले विन्डोज १० डाउनलोडको प्रक्रिया भएको संकेत दिन्छ । केही मिनेटपछि डाउनलोड सुरु हुन्छ र प्रोगेस इन्डिकेटर विस्तार बढेको देखिनेछ ।

डाउनलोड प्रोसेस सकिएपछि पिसीमा नयाँ विन्डोज देखापर्छ जहाँ Creating Windows 10 media भनेर म्यासेज आउँछ। प्रोग्रेसको काम भइरहँदा ब्याकग्राउन्डमा अन्य काम पनि गर्न सकिनेछ। यो क्रममा पिसी चारर्जमा जोड्ने ।

विन्डोज १० मिडिया टुल क्रिएट भएपछि पिसीमा एउटा नयाँ सानो विन्डो देखापर्छ जुन सेटअप पिसी विन्डोज १० को इँन्स्टलेसन प्रक्रियामा जान हो र यसका लागि केही समयसम्म कुर्नुपर्छ ।

यसपछि getting updates स्टेप आउनेछ जहाँ पिसीले सेटअपका लागि चाहिने अपडेटहरु डाउनलोड गर्छ ।

अब विन्डोज १० इन्स्टलेसनका लागि पिसीमा पर्याप्त स्पेस छ कि छैन भनेर नयाँ विन्डो देखापर्छ । स्पेस पर्याप्त छैन भने सेटअप नै एबोर्ट हुन्छ भने पर्याप्त छ भने विन्डोज १० सेटअप थप प्रोसेसमा बढ्छ ।

पिसी रिबुट पछि विन्डोज १० अपग्रेडका लागि इन्ष्टलमा क्लिक गर्ने। अब फेरि पिसी रिस्टार्ट हुन्छ ।

पुनः रिबुटपछि विन्डोज १० सेटअप पुनः सुचारु हुन्छ र इन्स्टलेसन प्रक्रिया अगाडि बढ्छ ।

इन्स्टलेसन प्रक्रिया सकिएपछि पिसी पुनः रिस्टार्ट हुन्छ र Upgrading Windows  भन्ने म्यासेज आउँछ। यसमा तीन स्टेप हुन्छन्ः  Copying files, Installing features and drivers, and Configuring Settings. विन्डोज १० अपग्रेड गर्ने यो अन्तिम स्टेप हो । यो क्रममा पिसी बारम्बार रिस्टार्ट हुन्छ ।

सबै स्टेप पुरा गरेपछि अब  पिसी विन्डोज १० मा अपग्रेडेड हुन्छ। नयाँ अपरेटिङ सिस्टमका लागि लगइन गर्ने र नयाँ विन्डोका लागि कन्फिग्युरिङ सेटिङमा जानुपर्ने हुन्छ ।

यहाँ नयाँ विन्डो देखिन्छ जसमा विन्डोज १० का नयाँ एप्स पनि हुन्छन्, फोटो, माइक्रोसफ्ट एज, म्युजिक, मुभी र टिभी । अब Next क्लिक गरेपछि विन्डोज पिसी प्रयोग गर्न तयार हुन्छ। 

सबै सेटिङ, फाइल, र एप्स आफै इन्स्टल भइसकेका हुन्छन् र महत्वपूर्ण एप्सहरु टास्कबारमा पनि हुन्छन् ।
श्रोत : सेटोपाटी

मोबाइल पानीमा खस्दा विचार गर्नुपर्ने कुराहरु

   मोबाइल हामी सबैको लागि अति आबस्यक संचारको माध्यमहरुमा पर्दछ।हामी कहिले काँही खेल्दा खेल्दै पानीमा झर्दा वा आचंक बर्साको पानी पर्दा मोबाइलमा पानी पसेको थहाँ हुनासाथ सबैभन्दा पहिलो स्विच अफ गर्ने, त्यसपछि फोनमा रहेको ब्याट्री,सिम कार्ड, मेमोरी कार्ड, फोनको कभर र अन्य निकाल्नुपर्ने कुराहरु निकाल्नुपर्छ।
   पानीमा परेपछि  माेबाइलकाे सट सरकिट हुनसक्छ। मािथका प्रक्रियाहरुले फोनलाई  सट सरकिट हुनबाट जोगाउँछ। की प्याड भएको मोबाइल भए त्यसका बटनहरुको अवस्था पनि जाँच गर्नुपर्छ। सबै सामान निकालेपछि त्यसलाई टिस्यू पेपर, कटन वा नरम सफा कपडाले पुछ्नुपर्छ। फोनमा रहेको सबै सरसामान सुकाउन निकै आवश्यक छ। फोनलाई चामल या सिलिका जेलमा २४ घन्टा राख्नुपर्छ जसले गर्दा फोन पूरा रुपमा सुक्न पाउँछ।फोनलाई सुकाई सके पछि हेयर ड्रायर, ए.सि.,फ्यान, रुम हिटरको प्रयोगले  पूर्ण रुपमा सुकाउन सकिन्छ।

गूगलले बिस्वभर निसुल्क वाईफाई को विकास गर्नेभयो

गुगलले विश्वभरमा निःशुल्क वाइफाइ उपलब्ध गराउने योजना बनाएको छ।यसलाई अमेरिकाको न्यूयोर्क शहरबाट परिक्षण स्वरूप १० हजर फोन बुथलाई वाइफाइ हबमा परिणत गरिदैछन।न्यूयोर्कमा अहिले लिंक एनवाइसी नामको परियोजनाका लागि निःशुल्क पब्लिक नेटवर्कको निर्माण भइरहेको बताइएको छ।यसले कनेक्टिभिटीको लागि शहरका पुराना टेलिफोन बाकसहरुलाई वाइफाइ हबमा परिणत गर्नेछ।कम्पनीले न्यूयोर्कमा यो परिक्षण सफल भएमा विश्वभर नै वाइफाइ वितरण गर्ने योजना बनाएको छ। आशा गरौ सफल हुनेछ र हामी सबैले निसुल्क वाइफाई प्रयोग गर्न पाउने छन्।

 

मोबाईल ढिला,ह्यंग हुने समस्या छभने एसो गर्नुस ठिक हुनसक्छ

            मोबाइल स्लो भएर हैरान हुनु भयो भने मोबाइलको स्पिड बढाउने ५ उपाय थाह पाईराखौ
एन्ड्रोइड अपरेटिङ सिस्टम सहितको मोबाइल तपाइ पनि बोक्नु हुन्छ होला। नयाँ किन्दा जस्तो स्पिड नभएर हैरान पनि पक्का हुनु हुन्छ होला। खुरुखुरु मोबाइल चलाउने अनि मोबाइललाइ औषधि उपचार गर्ने त पक्का पनि गर्नुहुन्न। अनि ‘स्लो’ भयो, ‘ह्याङ्ग’ भयो, ‘रेस्पोन्स’ गरेन भन्दै साथिभाइ संग टिप्स लिँदालिँदा अब त स्लो नै भएपनि त्यसैमा बानी नै परेको होला।
      तपाइले सानो सानो कुराहरुमा ध्यान दिनुभयो भने पनि प्रोसेसिङ को साथै रेस्पोन्स स्पिड पनि बनाउन सकिन्छ मोबाइलको।
    डाउनलोड अनि इन्सटल गरिएका एप, क्यासमा बसेका डाटा, ब्याकग्राउण्डमा चलिरहेका एप, एनिमेसन स्पिड, अादि कैयौ कुराहरुले तपाइको मोबाइलको पर्फरमेन्स निर्धारण गर्ने गर्छ।
तपाइको एण्ड्रोइड मोबाइलको स्पिड ५ टिप्सहरु तल प्रस्तुत गरिइकाछन्।
१. नचालाइले एप तथा गेमहरु डिलिट गर्नुहोस।
केहि नयाँ भेट्यो कि डाउनलोड गरिहाल्ने अनि अलि दिन पछि चलाउन छोड्ने, धेरै जस्तो गेम वा एपमा हामी यस्तै गर्छौ। यस्ता एपहरु नचालाउदा पनि तपाइको मोबाइलको सिपियुको मा केहि न केहि रिसोर्स ओगटि रहन्छ, ब्याकग्राउण्ड सर्विसको लागि। त्यस्तै मेमोरीलाइ पनि यत्रतत्र छरिरहन्छ, जसलाइ फ्राग्मेन्टिङ भनिन्छ। त्यसैले नचालाइले एपहरु डिलिट गर्नुहोस।
२. क्यास्ड डाटा किल्न गर्नुहोस्।
क्यास्ड डाटा सामान्यतया तपाएको सजिलोको लागि राखिन्छ। जस्तो कुनै एप वा साइट खोल्दा सामान्यतया धेरै प्रयोग भइरहने फोटो तथा आइकनहरु तपाइकै मोबाइलमा स्टोर भएको हुन्छ। यो क्यास्ड डाटाहरु कुनै एप डिलिट गरेपनि स्टोर भइरहेको हुन सक्छ, जसले तपाइको मोबाइलको मेमोरी ओगटिरहेको हुन्छ। समय समयमा क्यास्ड डाटा क्लिन गर्ने गर्नुहोस।
३. एनिमेसनहरु कम गर्नुहोस् वा बन्दै गर्नुहोस।
एनिमेसनले तपाएको सिपियु रिसोर्स निरन्तर ओगटिरहेको हुन्छ। Settings >> About Phone जानुहोस, Build number खोज्नको लागि तल स्क्रोल गर्नुहोस अनि सात चोटि ट्याप गर्नुहोस, एउटा म्यासेज आउछ तपाइ डेभलपर हो भन्ने। ब्याक जानुहोस, Developer option देख्नुहुनेछ System भित्र। त्यहाँ जानुहोस अनि Window animation scale, Transition animation scale, र animatior duration scale को लागि तल स्क्रोल गर्नुहोस। प्रत्येकलाइ .5x वा off गर्नुहोस।
४. अपटुडेट रहनुहोस।
नयाँ अपडेटहरुमा पुराना सफ्टवेरमा भएका समस्याहरु समाधान भएर आएका हुन्छन। जसले सिपियु, र्याम लगायतका हार्डवयर्स र एपहरु बिचको कम्युनिकेसन राम्रो गराउछ। तपाएको मोबाइलको अपरेटिङ सिस्टम अपटुडेट हुनु जरुरी हुन्छ।
५. फ्याक्ट्रि रिसेट गर्नुहोस।
फ्याक्ट्रि रिसेटले तपाइको मोबाइलको सेटिङ्स तथा डाटाहरु क्लियर गर्छ। Settings>>Backup & reset>>Factory Data reset मा जानुहोस रिसेटको लागि।

जादुमयी आइफोन ७ छिट्टै आउदै छ

     एप्पलको आइफोनका पारखीहरुका लागि खुसीको खबर छ । एप्पलले निकट भविष्यमा बजारमा ल्याउने आइफोन ७ यस्तो हुनेछ, जुन विद्यमान स्मार्टफोनहरुको आधारमा हुने कल्पना भन्दा भिन्न हुनेछ ।
     समाचार अनुसार आइफोन ७ मा होम बटन हुनेछैन । होम बटन नहुने भएपछि स्मार्टफोनको पूरै फ्न्ट प्यानलमा स्मार्टफोनको स्क्रिन रहनेछ । होम बटन हुने ठाउँमा फिंगरपि्रन्ट सेन्सर हुनेछ, जसका कारण यो आइफोनले निकै अत्याधुनिक तथा अनौठो तरिकाले काम गर्नेछ ।
      डिजीटाइम्सका अनुसार आइफोन सेभेनमा एप्पलले नयाँ प्रविधिको प्रयोग गर्दैछ, त्यसको नाम हो टच एण्ड डिस्प्ले ड्राइभर इन्टिग्रेसन अर्थात् टीडीडीआइ सिंगल चिप सोल्यूसन । यो प्रविधि एकिकृत फिंगरपि्रन्ट सेन्सरले युक्त हुनेछ । यो प्रविधिको प्रयोगले आइफोन सेभेनलाई निकै पातलो अर्थात् अल्ट्रा  स्लिमका साथै डिस्प्लेलाई अल्ट्रा न्यारो बनाउनका लागि सहयोग मिल्नेछ ।
       एप इनसाइडरका अनुसार एप्पलको यो जादुमयी फोन २०१७ सम्ममा बजारमा आउनेछ । एप्पलका कैयन् नयाँ प्रोजेक्टका बारेमा प्रायः सही जानकारी दिने सबैजसो सुत्रहरुले आइफोन सेभेनमा एप्पलले होम बटन हटाएर नयाँ प्रविधिको प्रयोग गर्न लागेको पुष्टि गरेका छन् ।
       दाबी गरिएअनुसारको प्रविधिले युक्त आइफोन सेभेन बजारमा आयो भने सेल्फीप्रेमीहरुका लागि यो फोन पहिलो रोजाइको हुनेछ । किनकी आइफोन सेभेनबाट निकै सार्प सेल्फी लिन सकिनेछ । एप्पलले आगामी आइफोनको फ्रन्ट क्यामराको क्षमता विस्तार गर्न लागेको आइओएस नाइनको कोडिङको विश्लेषण गर्ने विज्ञहरुले बताएका छन् ।
        आइफोन सेभेनको फ्रन्ट क्यामराबाटै फुल एचडी भिडियो रेकर्ड गर्न सकिनेछ र फ्लास समेत दिन सकिन्छ । आइओएस नाइस फेसटाइम क्यामरालाई १०८० पिक्सेलमा भिडियो रेकर्ड गर्न मद्दत गर्दछ । जबकी आइफोन सिक्स तथा सिक्स प्लसमा ७२० पिक्सेलको फ्रन्ट क्यामरा छ । फ्रन्ट क्यामराको क्षमता विस्तारका कारण आइफोन सेभेनबाटै प्यानोरेमिक सेल्फी लिन सकिनेछ ।
       आइफोन सेभेनमा फोर्स टच प्रविधि हुनेछ जसले एप्स प्रयोगलाई अझै सहज बनाउनेछ । यो प्रविधिलाई एप्पलले म्याकबुकमा प्रयोग गरिसकेको छ । यो प्रविधि अनुसार यदि तपाइँले फोनको स्क्रिनमा केही सेकेण्डसम्म थिचिरहनुभयो भने फोनले बुझ्नेछ की तपाइँ फोन मेनुमा जान चाहनुहुन्छ । अनि आइफोनको स्क्रिनमा  फोन मेनु देखिनेछ ।
        श्रोतका अनुसार आइफोन सेभेनमा ए नाइन प्रोसेसर, २ जिबी य्राम  हुनुका साथै १२ मेगापिक्सेलको पछाडिको क्यामरा रहने बताइएको छ । श्रोतका अनुसार आइफोन सेभेनमा एप्पल वाचमा जस्तै आल्मुनियम तथा रोज गोल्डको प्रयोग गरिनेछ