सुनसरी बन्दको इटहरीका व्यवसायीले अवज्ञा गरे बजार तथा यातायात सबै सुचारु

सुनसरी, श्रावण २९ - पूर्वी नेपालका ६ जिल्लालाई छुट्टै थारुहट राज्य माग गर्दै पूर्वी थरुहट संघर्ष समिति कोचिला राज्य समितिले आयोजना गरेको सुनसरी बन्दको इटहरीका व्यवसायीले अवज्ञा गरेका छन् ।

लगातारको बन्दले व्यापार व्यवसाय चौपट भएको भन्दै व्यवसायीले व्यवसाय खोलेका हुन् ।

थरुहट माग्दै सडक र बजार बन्द गराउँदै आएका थारुहट कार्यकर्तालाई प्रहरीले सडकबाट हटाएको थियो ।

बजार खुलेसँगै पूर्व पश्चिम जाने यातायातका साधन पनि सुचालु भएका छन् ।