नुवाकोट माओवादीका नेता राजेश्वर तामाङको अपहरणपछि हत्या

काठमाण्डु, ३१ साउन- नुवाकोट उर्लेनीका एकीकृत माओवादीका गाउँ स्तरीय नेता राजेश्वर तामाङको अपहरणपछि हत्या भएको छ ।

उर्लेनी गाविस २ काल्चेतका २९ वर्षीय राजेशको शव काठमाण्डुको काभ्रेस्थलीस्थित भेडीगोठ जंगलमा फेला परेको हो ।

उनी एमाओवादी उर्लेनी गाउँ कमिटी सचिव थिए ।

तामाङ गत २१ साउनमा बालाजु बाइपासबाट अपहरणमा परेको एमाओवादी नुवाकोटका नेता रजमान तामाङ ले जानकारी दिए ।

उनका अनुसार शव शनिबार कुहिएको अवस्थामा प्रहरीले फेला पारेको हो ।

परिवारले जंगलमा भेटिएको शव राजेश्वरको भएको पुष्टि गरेका छन् । अपहरण र हत्याको कारण खुल्न सकेको छैन ।

तामाङ \को हत्या राजनीतिक कारणले भएको दाबी एमाओवादीले गरेको छ ।
श्रोत साभार :३० साउन KT.com मा प्रकाशित