women's world cup 2015 विश्वकप महिला फुटबल प्रतियोगिता क्यानाडमा सुरु

जेष्ठ २४ । विश्वकप महिला फुटबल प्रतियोगिता क्यानाडमा सुरु भएको छ । उद्घाटन खेलमा घरेलु टोली क्यानडाले चीनलाई १-० ले पराजित गरेको छ ।

बराबरीको संघारमा पुगेको खेलको ईन्जुरी समयमा क्यानाडाकी क्रिष्टिन सिङ्क्लेरले पेनाल्टीमार्फत निर्णायक गोल गर्दै आयोजक क्यानाडालई पहिलो जित दिलाएकी हुन् ।

खेल हेर्न रंगशालामा ५३ हजार दर्शक उपस्थित थिए । क्यानाडामा कुनैपनि फुटबल खेल हेर्न यती धेरै दर्शक उपस्थित भएको यो पहिलो अवसर हो ।

दोस्रो खेलमा नेदरल्याण्ड्सले न्युजिल्याण्डलाई १-० ले हराएको छ । महिला विश्वकप फुटबलमा यसपटक २४ टोली सहभागि छन् ।

समुह ए मा क्यानाडा, नेदरल्याण्ड्स, चीन र न्युजिल्याण्ड, समुह बी मा आईभोरी कोष्ट, जर्मनी, नर्वे र थाईल्याण्ड, समुह सी मा क्यामरुन, ईक्वेडर, जापान र स्विट्जरल्याण्ड, समुह डी मा अष्ट्रेलिया, नाईजेरिया, स्विडेन र अमेरिका, समुह ई मा ब्राजिल, कोष्टारिका, दक्षिण कोरिया र स्पेन तथा समुह एफ मा कोलम्बिया, इंग्लण्ड, फ्रान्स र मेक्सिको रहेका छन् ।