Barcelona win Champoins leaue बार्सिलोनाले युभेन्टसलाई ३-१ ले हरायो

        जेस्ठ २४ ,बर्लिन-बार्सिलोनाले युभेन्टसलाई ३-१ को गोल अन्तरले पराजित गर्दै पाँचौं पटक च्याम्पियन्स लिगको उपाधी जितेको छ। शनिबार बर्लिनस्थित ओलम्पिक रंगाशालामा भएको खेलमा बार्सिलोनाका लियोनल मेसी, लुइस स्वारेज र नेयमारको एक/एक गोल गर्दै टोलीलाई यो सिजनमा तेस्रो उपाधी जिताएका हुन्।
       ७० हजारभन्दा बढी दर्शकमाझ भएका खेलमा युभेन्ट्सका स्टाइकर अल्भरा मोरन्टाले एक गोल गरेका थिए। बार्सिलोनाले यसअघि पनि चार पटक उपाधि जितेर इतिहास रचिसकेको छ। पेप ग्वार्डिओलाको नेतृत्वमा बार्सिलोनाले सन् २००८/०९ को सिजनमा तेहेरो उपाधि जितेको थियो। फुटबलमा त्यस्तो इतिहास थोरै क्लबले मात्र रचेका छन्। बार्सिलोना बाहेकमात्र ६ क्लबले त्यो सफलता पाएका छन्।
सबैभन्दा पहिले १९६७ मा सेल्टिकले एकै सिजनमा तीन उपाधि जितेको थियो। सेल्टिकको त्यो टोलीलाई लिस्बन लायनको नामले पनि चिनिन्छ।
                 त्यसयता अयाक्स (१९७२), पिएसभी आइन्डहोभन (१९८८), म्यानचेस्टर युनाइटेड (१९९९), इन्टर मिलान (२०१०) र बायर्न म्युनिख (२०१३) ले एकै सिजन तीन उपाधि भित्याएका थिए।