गद्दाफीका छोरा सेफ अल इसलामलाई मृत्युदन्डको सजाय

काठमाडौं, श्रावण १२ । लिबियाको उच्च अदालतले त्यहाँका पूर्वराष्ट्रपति कर्णेल गद्दाफीका छोरा सेफ अल इसलामलाई मृत्युदन्डको सजाय सुनाएको छ ।

अन्तर्राष्ट्रिय फौजदारी अदालतको सर्वाधिक खोजीको सूचीमा रहेका अल इसलाममाथि सन् २०११ मा लिबियामा भएको विद्रोह दबाउने नेतृत्व गरेको अभियोग लगाइएको थियो ।

अदालतले उनीसहित अन्य ८ जनालाई पनि मृत्युदन्डको सजाय सुनाएको हो । उनीहरुमध्ये गद्दाफीका गुप्तचर प्रमुख पनि रहेको जनाइएको छ ।

फैसलाको समय अदालतमा उपस्थित नभएका इसलामले आफूमाथि अन्याय भएको भन्दै त्यसको पुनरावेदन माग गरेका छन् । (एजेन्सी)