४ किलो सुनसहित १ ब्यक्ति काठमाण्डौँ एयरपोर्टमा पक्राउ

काठमाडौँ, साउन २–यु.ए.ई.को शारजाहाबाट काठमाण्डौँ आएका भारतीय ५७ वर्षीय रामनिवास बर्मालाई अवैध रूपमा ल्याएको चार किलो सुनसहित प्रहरीले शुक्रबार पक्राउ गरेको छ । एयर अरेबियाको उडानबाट त्रिभुवन अन्तर्राष्ट्रिय विमानस्थल ओर्लिएलगत्तै भन्सार पार भएपछि आगमन द्वारमा प्रहरीले जाँच गर्ने क्रममा सुनसहित प्रहरीले उनलाई नियन्त्रणमा लिएको हो । बर्माले शरीरभित्र लुकाइछिपाइ चार टुक्रामा उक्त परिमाणको सुन ल्याएका थिए । राहदानी नं ८२५२९५९५ मन बर्माका सम्बन्धमा प्रहरीले थप आवश्यक अनुसन्धान गरिरहेको छ ।