चिलीमा ८ दशमलव ३ म्याग्नेच्युडको भूकम्प ५ को मृत्यु र २० घाइते

 सान्टियागो, भदौ ३१ । दक्षिण अमेरिकी देश चिलीमा ८ दशमलव ३ म्याग्नेच्युडको भूकम्पका कारण अहिलेसम्म ५ को मृत्यु र २० जना व्यक्ति घाइते तथा कयौ घरहरु भत्किएको छ । भूकम्पको केन्द्र पृथ्वीको सतहदेखि पाँच किलोमिटरमात्र तल रहेको बताइएको छ ।

 सान्टियागोदेखि करिब २ सय ४६ किलोमिटर उत्तर–पश्चिमको तटीय क्षेत्रमा भूकम्प गएकाले सुनामी आउने चेतावनी दिइएको छ । प्यासेफिक सुनामी वार्निङ सेन्टरले सूनामीको चेतावनी दिएको हो । अमेरिकी अधिकारीहरुका अनुसार बुधबार स्थानीय समय अनुसार साँझ ७ः५४ मा भूकम्प गएको हो । एजेन्सी