नयाँ रिम्पोछे घोषणा, नेपालमा जन्मिएका बालक ङवाङ नयाँ रिम्पोछे

काठमाडौं, श्रावण ६ । तिब्बती आध्यात्मिक गुरु दलाई लामाले आफ्ना दिवंगत गुरु ट्रल्सिक रिम्पोछेको अवतारको रुपमा ङवाङ तेन्जिन चोकीलाई अनुमोदन गरेका छन् ।

सन् २०१३ जुलाई २५ मा नेपालमा जन्मिएका बालक ङवाङ अब तिब्बतको सबैभन्दा पुरानो निङमा बौद्ध परम्पराको प्रमुख बनेका छन् ।

अध्यात्मिक गुरु दलाई लामाको ८०औँ जन्मदिनको अवसरमा भारतको धर्मशालामा बालक ङवाङलाई नयाँ रिम्पोछे घोषणा गरिएको हो ।




निग्मा बौद्ध परम्पराका प्रमुख गुरु टुलसिक रिम्पोछेको ४ वर्षअघि नेपालको सोलुखुम्बुमा मृत्यु भएकोमा उनको पुनर्जन्मको रुपमा बालक ङवाङलाई मान्यता दिइएको हो ।

काठमाडौंका बाबुर छोइलिङ टुल्कु ङवाल र आमा पाइलुङ छेवाङ डोल्माको कोखबाट जन्मिएका बालक ङवाङ दलाई लामाक धर्मगुरु र निग्मा बौद्ध परम्पराका प्रमुख गुरुको रुपमा रहनेछन् ।

दिवंगत गुरु रिम्पोछेले सोलुखुम्बुमा सबैभन्दा ठूलो थुप्तेन छोइलिङ गुम्वा स्थापना गरेका थिए ।
साभार इमेजखबर