यु.ए.ई.को सेक्युरेटी कम्पनीमा कार्यरत १ नेपालीको मृत्यु

सनिबार २ असार ,युएई  -  फोक्सोको क्यान्सरका कारण युएईमा एक नेपालको ज्यान गएको छ । अलऐनमा रहेको तवाम अस्पतालमा उपचार गराइ रहेका कालिका–४ कास्कीका रबिन्द्र बजगाईंको ज्यान गएको हो ।
१८ महिना अघि आबुधाबीमा रहेको स्पार्क सेक्युरेटी कम्पनीमा काम गर्न आएका  २६ वर्षका बजगाईंलाई ६ महिना अघि फोक्सोको क्यान्सर भएको पुष्टी भएको थियो ।
रेडियोथेरापी पद्धती अनुसार किमोथेरापी र टोमोथेरापी भैरहेका बेला बजगाईंको शनिबार ज्यान गएको अस्पतालले जनाएको छ ।
बजगाईंको ज्यान गएको बारे आधिकारिक जानकारी दूतावासमा नआएको युएईका लागि नेपाली राजदूत धनन्जय झाले बताउनुभयो ।
आधिकारिक जानकारी आएपछि मात्रै घटनाको पुष्टी गर्न सकिने दूतावासले जनाएको छ ।
तस्बिर : दलबीर शिंह बराइली
न्यूजअभियान