देशको कानुन मन्त्रि सम्म भएको सभासदले दाइजोको निहुमा श्रीमतीमाथी दुर्व्यबहार

        काठमाण्डौ । पूर्वमन्त्री एवं तमलोपा नेपाल वृजेशकुमार गुप्ताकी पत्नी संगीताले श्रीमानले आफूलाई नोकरसँग सुत्न दबाब दिएको खुलासा गरेकी छन् । उनले विवाह गरेर गुप्ताको घरमा भित्रिएदेखि नै आफूले दाइजो नल्याएको आरोपमा यातना सहँदै आएको बताएकी छन् । आफूले सामाजको प्रतिष्ठित व्यक्तिले अरुलाई समेत दाइजो नलिन आग्रह गर्नुपर्नेमा दाइजोका लागि आफूमाथि नराम्रो व्यवहार नगर्न आग्रह गरेको तर, गुप्ताले ज्यादती गर्न नछाडेको आरोप संगीताको छ । संगीताले गुप्ताले दाइजोमा स्कोरपियो गाडी मागेको बताएकी छन् ।विहे गरेर आए लगत्तैदेखि दाइजको निहुँमा सताउन थाले । उनले स्कोर्पियो गाडी मागेका थिए, संगीताले भनेकी छन्, देशको कानूनमन्त्री भइसकेको मान्छे, यस्तो नगर्नूस्, तपाई त समाजको प्रतिष्ठित मान्छे हो, अरुलाई दाइजो नलिन आग्रह गर्नुपनेृमा तपाईं आफै ममाथि यस्तो किन गर्नुहुन्छ भनें । तर उनले ममाथि धेरै ज्यादति गरे ।’ संगीताले आफूलाई गुप्ताले अप्राकृतिक मैथुन गर्नमसेत बाध्य पारेको आरोप लगाएकी छन् । आफू पटकपटक बलात्कारमा परेको उनको भनाइ छ । त्यस यसक्रममा दुई पटक गर्भपतन समेत भएको तर परिवार बिग्रन नदिने आफूले यातना भोगेर पनि धेरै प्रयास गरेको बताएकी छन् । गुप्ताले सम्बन्ध ज्यान मार्ने धम्की दिएर विच्छेदका लागि दबाब दिएको आरोप पनि उनको छ । धम्की दिएर आफूलाई चार महिनाअघि घर निकाला गरेकाले माइतीको शरणमा लुक्दै हिंडेको उनको भनाइ छ । छोडपत्र नदिए मार्छु भने । मारेर तँलाई गायब बनाइदिन्छु, यो देशमा मलाई जेल हाल्न कसैले सक्दैन भने । गुप्ता र उनका परिवारका सदस्यले अरु मान्छे प्रयोग गरेर बलात्कार प्रयाससमेत गराउन खोजेको आरोप संगीताले लगाएकी छन् । ‘म एउटी पतिव्रता हिन्दू नारी हुँ । मेरो श्रीमानबाहेक अरुसँग कुनै प्रकारको सम्बन्ध राखेकी छैन । तर, मलाई जबर्जस्ती मेरो श्रीमान र उनका परिवारले अरु मान्छे लगाएर बलात्कार प्रयास समेत गरेका छन्’, संगीताले भनेकी छन् । उनले प्रहरीले उजुरी नै दर्ता गर्न नमानेको र महिला आयोगले दुईपटक छलफलका लागि बोलाउँदासमेत गुप्ता नआएको बताइन् । भारत माइती भएकी उनले आफ्नो कानूनी लडाइँमा सम्पूर्ण नेपालीको साथ पाउने विश्वास पनि लिएकी छन् । साँघु साप्ताहिकले लिएको अन्तर्वार्तामा आधारित खबर हो ।

 

सिम्रिक एयरको हेलिकोप्टर गोरखामा दुर्घटना

    आशाढ ७, सिम्रिक एयरको नाइन एन एके एफ हेलिकोप्टर गोरखामा दुर्घटनामा परेको छ। पाँच यात्रुसहितको हेलिकोप्टर गोरखाको सामागाउँ गाविस–९ साम्दोमा दुर्घटना भएको हो।

     अवतरण गरेर पुन: उड्ने क्रममा असन्तुलित भएको हेलिकोप्टरलाई चालकले सुरक्षित रुपमा अवतरण गराउने क्रममा पछाडिको भाग भुइँमा ठोक्किएको थियो।सुरक्षित रुपमा अवतरण भएको हेलिकोप्टरमा आगो लाग्न थालेपछि क्याप्टने सुरेन्द्र पौडेल तथा यात्रुहरु बाहिर निस्केका थिए। यात्रुहरुलाई सुरक्षित रुपमा बाहिर निस्कन स्थानीयले सघाएका थिए।
     चालक र यात्रुहरु बाहिर निस्केपछि हेलिकोप्टरमा आगो दन्केको थियो। सिम्रिक एयरका मुख्य प्रबन्धक डिलबहादुर ओलीले उड्ने क्रममा दुर्घटना भएको दिए। पाइलटको होशियारीले सबै यात्रु सकुशल बाहिर निस्कन सफल भएको मुख्य प्रबन्धक ओलीले बताए। हेलिकोप्टर पूर्ण रुपमा क्षतिग्रस्त भएको छ।

    मेडिकल तथा खानेपानी एवं सरसफाइसम्बन्धी टोली लिएर गएको हेलिकोप्टर सोमबार बिहान पौने ११ बजे साम्दोको गाउँभन्दा केही तलको चौरमा दुर्घटना भएको हो। हेलिकोप्टरका चालक र यात्रुहरुलाई मनाङ एयरको हेलिकोप्टरले उद्धार गरेको छ ।

उपत्यकाका टप टेन प्लस टु कलेजहरु

      २०७२ आषाढ ६, एसएलसी दिएर प्लस टु का पढ्नका लागि कलेजको खोजीमा रहेका विद्यार्थीहरु कुन कलेज पढ्ने भनेर अलमलमा हुनुहुन्छ ? अझ कुन विषय पढ्ने भन्नेर द्धिविधामा हुनुहुन्छ । उच्च माध्यमिक शिक्षा परिषदले गत वर्षको नतिजाका आधारमा उपत्यकाका १० वटा कलेजहरु छुट्टाएको छ ।
     ललितपुरको मानभवनमा रहेको प्रसादी एकेडेमीले उच्च शिक्षामा कहिल्यै पनि ९७ प्रतिशत भन्दा तल आफ्नो नतिजा अहिलेसम्म ल्याएको छैन् । २०५७ सालमा स्थापना भएको सो कलेज प्लस टु का लागि नेपालभरीकै उत्कृष्ट हो । उसले पछिल्लो समय आफ्नो नतिजा ९८ दशमलव ७३ प्रतिशत ल्याएको थियो । विज्ञान र व्यवस्थापन पढाइ हुने सो कलेजमा ८५ जना शिक्षक छन् । विज्ञान संकायका लागि भर्ना शुल्क १४ हजार ९ सय ५० र अन्य शुल्क १९ हजार तोकिएको छ । मासिक शुल्क भने ४ हजार ५० तोकिएको छ । व्यवस्थापनका लागि भने भर्ना शुल्क १४ हजार ९ सय ५०, अन्य शुल्क १३ हजार र मासिक शुल्क ३ हजार ५० तोकिएको छ ।   
      माइतीघरमा रहेको सेन्ट जेर्भियस कलेजमा विज्ञान संकाय मात्र पढाइ हुन्छ । उसले गत वर्ष आफ्नो नतिजा ९६ दशमलव ३१ ल्याएको थियो । भर्नाका लागि शुल्क ५ हजार अन्य शुल्क ७० हजार कलेजले तोकेको छ ।
     ललितपुरको जावलाखेलमा रहेको सेन्ट मेरिज उच्च माविमा मानविकी, विज्ञान, र व्यवस्थापनमा पढाइ हुन्छ । ३ वटै संकायको  भर्ना शुल्क २० हजार, अन्य शुल्क ३० हजार र मासिक शुल्क २९ सय तोकिएको छ ।
     सल्लाघारीमा रहेको सैनिक आवासिय महाविद्यालयमा मानविकी,विज्ञान र व्यवस्थापन पढाइ हुन्छ । मानविकीका लागि भर्ना शुल्क ७ हजार ५ सय र मासिक शुल्क १५ सय, विज्ञान संकायका लागि भर्ना १० हजार ५ सय र मासिक शुल्क ९ हजार ५ सय तथा व्यवस्थापनका लागि भर्ना शुल्क ७ हजार ५ सय र मासिक शुल्क ९ हजार ४ सय तोकिएको छ ।
     बानेश्वरमा रहेको ग्लोवल कलेज अफ म्यानेजमेन्टमा व्यवस्थापन मात्र पढाइ हुन्छ । उसले गत वर्ष ९४ प्रतिशत ९० प्रतिशत नतिजा ल्याएको थियो । भर्ना शुल्क १२ हजार, अन्य शुल्क ४० हजार र मासिक शुल्क ४ हजार कलेजले तोकेको थियो ।
    बागबजारमा रहेको काठमाडौं मोडेल उच्च माविमा मानविकी, विज्ञान र व्यवस्थापन पढाइ हुन्छ । ३ वटै निकायका लागि भर्ना शुल्क ७ हजार तोकिएको छ ।  मासिक शुल्क भने मानविकीका लागि २५ सय, विज्ञानका लागि ४५ सय र व्यवस्थापनका लागि ३२ सय तोकिएको छ ।
    जेभियर एकेडेमी उच्च मावि लाजिम्पाटमा छ । सो कलेजमा विज्ञान र मानविकी मात्र पढाइ हुन्छ । दुवै भर्ना शुल्क १४ हजार र अन्य शुल्क २५ हजार ५ सय तोकिएको छ । विज्ञानका लागि मासिक शुल्क ५ हजार, व्यवस्थापनका लागि ४ हजार तोकिएको छ ।
    एनसीसीएस उच्चमावि काठमाडौंको पकनाजोलमा छ । त्यहाँ व्यवस्थापनमात्र पढाइ हुन्छ । १९ हजार ५ सय भर्ना शुल्क, ३६ सय मासिक शुल्क तोकिएको छ ।
    भक्तपुरको दधिकोटमा रहेको मोर्डन बोर्डिङ उच्च मावि पनि उत्कृष्ट छ । व्यवस्थापनमात्र पढाइ हुने त्यस कलेजमा भर्ना शुल्क ४ हजार, अन्य शुल्क ५ हजार ७ सय र मासिक शुल्क २१ सय तोकिएको छ ।
    ललितपुरको हात्तिवनमा रहेको लिटिल एन्जेल्स उच्चमाविमा विज्ञान र व्यवस्थापन संकाय पढाइ हुन्छ । दुवै संकायको भर्ना शुल्क १४ हजार, मासिक शुल्क ४ हजार र अन्य शुल्क ३३ हजार तोकिएको छ ।

 

२०फिटको बाटो भएमा मात्र घर बनाउन पाउने

     काठमाडौं : सरकारले विनाशकारी भूकम्पपछि गठन गरेको 'सुरक्षित बस्ती विकास मापदण्ड तथा भवन निर्माण सुझाव समिति'ले घर बनाउन २० फिटको बाटो अनिवार्य गरिनुपर्ने सुझावसहित  आफ्नो प्रतिवेदन सहरी विकास मन्त्रालयमा पेस गरेको छ। 
   कुनै पनि व्यक्तिले घर बनाउँदा २० फिटको बाटो कायम गर्नुपर्ने प्रस्ताव गरिएकाले सरकारले यसलाई संशोधन गर्छ वा समितिकै सुझावअनुसार पारित गर्छ भन्ने यति बेला निकै चासोको विषय बनेको छ।
    समितिले १७ मिटर अर्थात् ६ तल्लाभन्दा अग्ला घर बनाउँदा अनिवार्यरूपमा त्यस ठाउँमा भूकम्प आउँदा कस्तो असर गर्छ भनेर सेस्मिक अध्ययन गरेको रिपोर्टसमेत पेस गर्नुपर्ने प्रस्ताव गरेको छ।
   भवनको नक्सा पास गर्दा भूकम्पीय खतरा छैन भनेर अध्ययन गरिएको रिपोर्ट पेस गर्नुपर्ने भएको हो।  प्रतिवेदनमा ३० डिग्रीभन्दा बढी भिरालो जमिनमा व्यक्तिगत घर तथा ठूला अपार्टमेन्ट बनाउन भूबनोटसम्बन्धी प्राविधिक प्रतिवेदन (जिओ टेक्निकल रिपोर्ट) अनिवार्यरूपमा पेस गर्नुपर्ने प्रस्तावसमेत गरिएको छ।
    सुझाव समितिका सदस्य एवं काठमाडौं उपत्यका विकास प्राधिकरण, जिल्ला आयुक्त विकास कार्यालयका प्रमुख डा. भाइकाजी तिवारीले घर बनाउन २० फिट (६ मिटर) को बाटो अनिवार्य गरिनुपर्नेलगायतका महत्त्वपूर्ण सुझावसहितको प्रतिवेदन मन्त्रालयमा बुझाएको जानकारी दिए।
    घर बनाउन ६ मिटरको बाटो, १७ मिटरभन्दा अग्ला घर बनाउन सेस्मिक अध्ययन, ३० डिग्रीभन्दा बढी भिरालो जमिनमा जिओ टेक्निकल अध्ययन अनिवार्य गर्न सुझाव दिइएको छ', उनले अन्नपूर्णसँग भने।
    भिरालो जमिनमा घर बनाउन हुने भए पनि बाढीपहिरोको खतरालगायतका विषयमा भूगर्भीय अध्ययन आवश्यक हुने विज्ञ बताउँछन्।
    सहरी विकास मन्त्रालयका प्रवक्ता पदम मैनालीले समितिबाट प्राप्त प्रतिवेदनको अध्ययन गरी जतिसक्दो छिटो पारित गराउन पहल गरिने जानकारी दिए। मन्त्रालयले मन्त्रिपरिषद्बाटै यी प्रस्ताव पारित गराउने तयारी गरेको छ।
   कुनै पनि व्यक्तिले घर बनाउँदा २० फिटको बाटो कायम गर्नुपर्ने प्रस्ताव गरिएकाले सरकारले यसलाई संशोधन गर्छ वा समितिकै सुझावअनुसार पारित गर्छ भन्ने यतिबेला निकै चासोको विषय बनेको छ।
   भूकम्पले देशभरमा पाँच लाखभन्दा बढी घर भत्काएपछि आगामी संरचना बलियो तथा भूकम्प प्रतिरोधात्मक कसरी बनाउन सकिन्छ भन्नेबारेमा अध्ययन गर्न सहरी विकास मन्त्रालयले केही समयअघि डा. महेन्द्र सुब्बाको संयोजकत्वमा नौसदस्यीय 'सहरी बस्ती विकास मापदण्ड तथा भवन निर्माण सुझाव समिति' गठन गरेको थियो।
    समितिका सदस्यहरूमा काठमाडौं जिल्ला विकास प्राधिकरण, जिल्ला आयुक्त विकास कार्यालयका प्रमुख तिवारी, स्थानीय विकास मन्त्रालयका सहसचिव गोपी खनाल, सहरी विकास मन्त्रालयका सहसचिव पदम मैनाली, सहरी विकास तथा भवन निर्माण विभागका महानिर्देशक शभ्भु केसी, पुरातत्त्व विभागका महानिर्देशक भेषनारायण दाहाल, सहरी विकास तथा भवन निर्माण विभागका उपमहानिर्देशक रमेशप्रसाद सिंह, काठमाडौं महानगरपालिकाका कार्यकारी अधिकृत रुद्रसिंह तामाङ र ललितपुर उपमहानगरपालिकाका कार्यकारी अधिकृत ताराबहादुर कार्की रहेका छन्।
    समितिको प्रतिवेदनमा भवन निर्माण गर्दा अनिवार्यरूपमा इन्जिनियरको प्रत्यक्ष सहभागिता हुनैपर्ने व्यवस्था छ। निर्माण सम्पन्न भएको प्रमाणपत्र अनिवार्यरूपमा लिनुपर्ने व्यवस्था कडाइका साथ कार्यान्वयन गर्न पनि सुझाव दिइएको छ।
    व्यक्तिगत घर तथा व्यावसायिक प्रयोजनका ठूला भवन इन्जिनियरिङ प्रक्रिया पूरा गरेरमात्र बनाउन दिन नयाँ व्यवस्था गर्न लागिएको हो। सरकारले भूकम्प प्रतिरोधात्मक घर बनाउने प्रविधि र नमुनासमेत सार्वजनिक गर्ने तयारी गरिरहेको छ।

मलेसिया सरकारले नेपाली कामदार नलैजाने भएको छ

    असार ०५, सरकारले मलेसियामा पठाउने कामदारलाई निशुल्क टिकट र निशुल्क भिसा दिनुपर्ने माग गरेपछि मलेसिया सरकारले नेपालको सट्टा बंगलादेशबाट कामदार लैजाने भएको छ ।
       यसअघि मलेसिया सककारले बंगलादेशबाट कामदार लैजान रोक लगाएपछि नेपालबाट लाखौं कामदार मलेसिया पुगेको नेपाल समाचार पत्र दैनिकले छापेको छ ।    
      श्रमराज्यमन्त्री टेकबहादुर गुरुङले बिना पूर्वाधार मलेसियालगायतका ७ वटा खाडी मुलुकमा नेपाली कामदार पठाउँदा निशुल्क भिसा र टिकट दिनुपर्ने माग गरेपछि त्यहाँको सरकारले कामदार खोज्ने मुलुकको सूचीबाट नेपाललाई हटाउने तयारी गरेको छ ।

ब्राजिलका नेयमर ४ खेलमा प्रतिबन्ध

काठमाडौं, आषाढ ५ । ब्राजिलियन स्टार नेयमारले चिलीमा जारी कोपा अमेरिका फुटबल प्रतियोगिताका बाँकी खेल गुमाउने भएका छन् ।
     कोलम्बियाविरुद्धको खेलमा रातोकार्ड पाएका २३ वर्षीय स्टारमाथि शुक्रबार ४ खेलको प्रतिबन्ध लागेसँगै उनले कोपा अमेरिका गुमाउने भएका हुन् ।
     कोलम्बियाविरुद्धको खेलमा ब्राजिल १–० ले पराजित भएको थियो । सोही खेलपश्चात नेयमारले हानेको बलले कोलम्बियाका पाब्लो अर्मेरोलाई लागेपछि तनाव उत्पन्न भएको थियो । सोहीक्रममा विवाद हुँदा नेयमार र कार्लोस बाकाले रातोकार्ड पाएका थिए ।
   तत्कालै नेयमारमाथि एक खेलको प्रतिबन्ध लागेको थियो । तर, दक्षिण अमेरिकी फुटबल महासंघले उनीमाथिको निर्णय पुनरावलोकन गर्दै ४ खेलको प्रतिबन्ध लगाएको हो । कोलम्बियाका बाकामाथि भने दुई खेलको प्रतिबन्ध लगाइएको छ ।
     नेयमार र बाका दुबैले यो निर्णयविरुद्ध अपिल भने गर्नसक्ने जनाइएको छ । नेयमारको प्रतिबन्धले ब्राजिललाई अप्ठ्यारो पर्ने अनुमान गरिएको छ ।

२०७२ एसएलसी नतिजा अनुसार नुवाकोटबाट ५३ प्रतिशत विद्यार्थी उत्तिर्ण

     आषाढ ४ शुक्रबार सार्वजनिक यस वर्षको एसएलसी नतिजा अनुसार नुवाकोटबाट ५३ प्रतिशत विद्यार्थी उत्तिर्ण भएका छन् ।
    नियमित तर्फ चार हजार सात सय १९ जनाले एसएलसी परीक्षा दिएकोमा विशिष्ट श्रेणीमा एक सय १३, प्रथम श्रेणीमा एक हजार १५, द्वितीय श्रेणीमा एक हजार तीन सय चार, तेस्रो श्रेणीमा ६८ जना गरी दुई हजार पाँच सय जना अर्थात ५२ दशमलव ९७ प्रतिशत विद्यार्थी उत्तिर्ण भएका छन् ।
यो संख्या गत वर्षको तुलनामा ८ प्रतिशत बढी हो ।
    एक सय २३ वटा माविबाट विद्यार्थीहरु सहभागी भएको परीक्षामा सामुदायिकतर्फ पृथ्वी मावि विदुर र नीजी विद्यालयतर्फ उत्तरगया बोर्डिङ स्कूल बेत्रावती, स्टार इङ्लिस बोर्डिङ स्कूल कोलोनी, ब्रिलियण्ट एकेडेमी ढुंगे र लाङटाङ स्नो भ्यू बोर्डिङ बोर्डिङ स्कूल ककनीले शतप्रतिशत नतिजा ल्याएका छन् ।
शून्य प्रतिशत नतिजा ल्याएर यस वर्ष शहिद जगतप्रकाश जंग शाह संस्कृत मावि देविघाट निल भएको छ ।
५० जनाभन्दा कम सहभागी गराएर मुकुन्देश्वरी उच्च मावि चाउथे ९४ दशमलव ७३ प्रतिशत, राष्ट्रिय मावि थानसिंङले ८९ दशमलव ४७ प्रतिशत अंक प्राप्त गरेका छन् भने ५० भन्दा विद्यार्थीको परिक्षामा सहभागीताका आधारमा कल्याणीदेवी उच्च मावि, बेल्कोटभञ्ज्याङ मावि, विन्दूकेशर उच्च मावि र महादेव उच्च मावि उत्कृष्ट नतिजा ल्याउन सफल भएका छन् ।
     यसैगरी, सामुदायिक विद्यालयतर्फ २७ र संस्थागत विद्यालयतर्फबाट ८६ जनाले विशिष्ट श्रेणीमा उर्तिण गरेको जिल्ला शिक्षा कार्यालय नुवाकोटले जनाएको छ ।
सुभेनियर बोर्डिङ स्कूलले संस्थागत विद्यालयको तर्फबाट सबैभन्दा धेरै ३२ जना विद्यार्थी विशिष्ट श्रेणीमा उतिर्ण गराएको छ भने, सामुदायिकतर्फ महादेव उच्च मावि रातमाटेले ४ जना विद्यार्थी उतिर्ण गराउन सफल भएको छ ।
     नुवाकोटमा एक्जाम्टेडतर्फ यस वर्ष एक हजार तीन सय ३५ जनाले परीक्षा दिएकोमा दुई सय ११ जना अर्थात १५ दशमलव ८० प्रतिशत उत्तिर्ण भएका छन् ।

सम्पूर्णविवरण  हेर्नुहोस्

नेपाली सुरक्षा गार्डले यसरी मन जिते मलेसियामा

     एक जना नेपाली सुरक्षा गार्ड जो परदेशी भूमीमा पसिना बगाइरहेका छन उनले देखाएको ब्यबहारबाट यतिबेला मलेसियाको इन्टरनेट प्रयोगकर्ताको मन जितेको छ । एक मगन्तेलाई उनीहरुले गरेको ब्यबहार र बोलीले नेपालीको महानता झल्काउँछ ।

एसएलसीमा अनुतिर्ण भएपछि एक छात्राले आत्महत्या

     सुमन घिमिरे, मोरङ , ४ असार - एसएलसीमा अनुतिर्ण भएपछि मोरङमा एक छात्राले आत्महत्या गरेकी छन् । शुक्रबार दिउँसो सार्जजनिक एसएलसीको नतिजामा अनुतिर्ण भएपछि मोरङको उर्लाबारी ७ मंगलबारेकी १७ वर्षिया छात्रा लक्ष्मी खड्काले शुक्रबार साँझ झुण्डिएर आत्महत्या गरेकी हुन् ।
      उनले उर्लाबारी ७ को सुनपकुवा उच्च माबिबाट एसएलसी दिएकी थिईन् । एसएलसीको नतिजामा बिज्ञान विषयमा अनुतिर्ण भएपछि उनले आत्महत्या गरेको इलाका प्रहरी कार्यालय उर्लाबारीले जनाएको छ ।

SLC TOP 2072 दीक्षित पौडेलले एसएलसीमा ९४ प्रतिशत अंक ल्याएका

काठमाडौं, असार ४ - मध्य बानेश्वरस्थित भ्याली भ्यू इङ्लिस स्कुलका दीक्षित पौडेलले एसएलसीमा ९४ प्रतिशत अंक ल्याएका छन् ।

        शुक्रबार सार्वजनिक भएकाको  एसएलसी नतिजामा १५ वर्षीय दीक्षितले ९४ प्रतिशत अंक ल्याएका छन् । २०५७ साल वैशाख २१ गते जन्मिएका दीक्षित चार कक्षादेखि भ्याली भ्यूमा अध्ययनरत थिए । त्यसअघि लिटिल एन्जल्समा थिए ।
       दीक्षितले पारिवारिक वातावरणले आफूलाई शैक्षिक सफलता हात परेको प्रतिक्रिया दिए । ‘बुवा र ममीले मेरो शिक्षामा ज्यादै ख्याल गर्नुभयो,’ उनले ईकान्तिपुरसित भने, ‘विद्यालयका वातावरणले थप ऊर्जा मिल्यो ।
    दीक्षितले मुटूरोग विशेषज्ञ चिकित्सक बन्ने योजना सुनाए ।
दीक्षितका बाबु कृष्णप्रसाद पौडेल त्रि–चन्द्र क्याम्पसका प्राध्यापक हुन् ।
बाबु कृष्णप्रसादले गुरु र अभिभावकको ट्रयाकमा हिंडेकाले छोराले सफलता पाएको बताए ।
विद्यालयका प्रिन्सिपल ध्रुव पोखरेलले ७० जना सहभागी भएकोमा ६४ जनाले डिस्टिङ्सन र बाँकी ६ जना विद्यार्थीले फस्ट डिभिजनमा पास भएको बताए ।
      अघिल्लो वर्षको एसएलसीमा भने अक्सिडेन्टल पब्लिक स्कुल, अनामनगरकी दृष्टि गिरी र रिलायन्स एकेडेमी, कपनका संजोग कार्कीले समान ९४ दशमलव १२ प्रतिशत अंक पाएका थिए ।

दीक्षितले पाएको अंक

अंग्रेजी– ९५

नेपाली– ८६

गणित– ९८

विज्ञान– ९८

सामाजिक शिक्षा– ८३

स्वास्थ्य, जनसंख्या तथा वातावरण– ९३

अतिरिक्त गणित– ९९

कम्प्युटर विज्ञान– १००

जम्मा– ७५२

     तेस्तै अर्का बिधार्थी मध्यपुर थिमीमा रहेको विनायक शिक्षा निकेतन अंग्रेजी विद्यालयले आफ्नो विद्यालयकी छात्रा रुवि श्रेष्ठ नेपालटप भएको दाबी गरेको छ । अन्य स्थानबाट दाबी आउने क्रम जारी रहँदा भक्तपुरमा भने यो समाचार तयार हुदाँसम्म उक्त विद्यालयकी छात्रा रुवि श्रेष्ठले ७ सय ४३ अर्थात ९२.८७ प्रतिशत अंक प्राप्त गरेको विद्यालयका प्रिन्सिपल सुरेन्द्रविक्रम प्रजापतिले दाबी गरे । उनले आज प्रकाशित परिक्षाफलको नतिजाअनुसार ०२८३०२७ Q सिम्बोल नं भएकी श्रेष्ठले
अनिवार्य अंग्रेजीमा विषयमा  ९०,
नेपालीमा                             ८५,
गणितमा                              ९९,
 विज्ञान                                ९६,
सामाजिक                            ८४,
 स्वास्थ्य, जनसंख्या तथा वातावरणमा ९४,
ऐच्छिक गणितमा                ९८
र कम्प्युटर विज्ञानमा          ९७
    अंक प्राप्त गरेको प्रिन्सिपल प्रजापतिले जानकारी दिएका छन् ।

एसएलसीको नतिजा सार्वजनिक ४७.४३ प्रतिशत उत्तीर्ण (नतिजा सहित)

परीक्षा नियन्त्रण कार्यालयले एसएलसी परीक्षाको नतिजा सार्वजनिक गरेको छ । कार्यालयले शुक्रबार पत्रकार सम्मेलन गरी नतिजा प्रकाशन गरेको हो । यसवर्ष परीक्षामा ४७ दशमलव ४३ प्रतिशत विद्यार्थी उत्तीर्ण भएका छन् । अघिल्लो वर्ष ४३ दशमलव ९२ प्रतिशत विद्यार्थी उत्तीर्ण भएका थिए ।
यसवर्षको नियमित परीक्षामा पाँच लाख ७४ हजार ६ सय ८५, पुनः परीक्षामा एकलाख ४५ हजार एक सय ८३ तथा प्राविधिकतर्फ तीनहजार दुई सय ८८ सहभागी थिए । परीक्षा गतवर्ष ५ देखि १३ चैतसम्म सञ्चालन भएको थियो ।

        नतिजा थाहा पाउन यसो गर्नुहोस - 

नतिजा थाहा पाउन एसएमएस, आइभीआर र वेबसाइटमा हेर्न मिल्ने व्यवस्था गरिएको छ । परीक्षा नियन्त्रक विष्णुबहादुर द्वारेका अनुसार विद्यार्थीलाई नतिजा हेर्न सहज होस् भनेर यो व्यवस्था गरिएको हो ।

परीक्षा नियन्त्रक द्वारेका अनुसार इन्टरनेटको पहुँच नभएकाले एसएमएस गरेर पनि परीक्षाफल थाहा पाउन सक्नेछन् । त्यसको लागि SLC लेखेर एक स्पेस दिएपछि सिम्वल नम्बर लेखेर ५५६६, १६००,  ५००१, ४९४९, ५२२५, ७६७६ मा एसएमएस गर्न सकिन्छ ।यस्तै १६०० मा फोन गरेर पनि नतिजा थाहा पाउन सकिन्छ । slc.ntc.net.np, SLC risult 2072 link मा परीक्षाफल हेर्न सकिने परीक्षा नियन्त्रण कार्यालय सानोठिमीले जनाएको छ ।

      शिक्षा विभागको वेवसाइट www.doe.gov.np र परीक्षा नियन्त्रण कार्यालय सानोठिमीको वेवसाइट www.soce.gov.np मा परीक्षाफल हेर्न सकिनेछ । योसँगै www.ncell.com.np/  मा परीक्षाफल हेर्न सकिनेछ । यसवर्षदेखि सुरु भएको प्राविधिकतर्फको प्रवेशिका परीक्षाको नतिजा भने एक साता ढिलो हुने र श्रेणीकरण पद्धतिबाट हुने नियन्त्रक द्वारेले बताए ।

G4Sका लागि सुरक्षा गार्डमा दुई सयजना आवश्यक

       
ग्रुप फोर(जिफोरएस) सेक्युरिटीलागि सुरक्षा गार्डमा दुई सयजना कामदार आवश्यक परेको हुँदा ईच्छुक व्यक्तिले आवेदन दिनुहोला ।
उमेरः भूपूका लागि ४७ बर्ष ननाघेको र सिभिल तर्फ २२ बर्ष पुरा भई ४० बर्ष ननाघेको ।
शैक्षिक योग्यताः सिभिल तर्फ कम्तिमा ८ कक्षा उत्तिर्ण गरेको ।
थप जानकारी जिफोर एस सेक्यूरिटीको फोन नम्वर ०१४४३०७२४ मा फोन गरेर लिन सकिन्छ ।

इजरायलको समुन्द्री तटमा शुटिंग गरिएको हट नेपाली म्युजिक भिडियो

 

संगै घुमाई देउ नुवाकोट

नेपाल प्रहरीमा भर्ना खुल्यो

        काठमाडौं, असार १– नेपाल प्रहरीको जवान पदका लागि भर्ना आह्वान गरिएको छ । प्रहरीमा विभिन्न कारणबाट रिक्त रहेको प्रहरी जवान पदमा खुल्ला प्रतियोगिताद्वारा समावेशी प्रावधान अनुसार पूर्ति गर्नुपर्ने भएकोले भर्ना आह्वान गरिएको प्रहरी प्रधान कार्यालयले आज जारी गरेको सुचनामा उल्लेख छ । nepali
सुचना अनुसार खुल्ला तर्फ १८४ र आरक्षण तर्फ अमर प्रहरीबाट ७, आदीबासी जनजातीबाट ४८, मधेसीबाट ४२ महिलाबाट ३० दलितबाट २३ तथा पिछपिएको वर्गबाट ८ गरी जम्मा ३४२ जना माग गरिएको छ ।
इच्छुक उम्मेद्धारले आगामी साउन ४ गतेभित्र दरखास्त दिनुपर्ने छ भने दरखास्त फारम पूर्व क्षेत्रीय प्रहरी तालिम केन्द्र, रानी विराटनगर, मध्य क्षेत्रीय प्रहरी तालिम केन्द्र, भरतपुर, पश्चिम क्षेत्रीय प्रहरी तालिम केन्द्र, बुटवल, मध्य पश्चिम क्षेत्रीय प्रहरी तालिम केन्द्र, नेपालगंज , सुदूर पश्चिम क्षेत्रीय प्रहरी तालिम केन्द्र, दिपायल, महानगरीय प्रहरी परिसरहरु काठमाण्डौं, भक्तपुर र ललितपुर र सबै जिल्ला प्रहरी कार्यालयहरुमा पाइने छ ।
        आठ वा सो सरह उत्तीर्ण भई १८ वर्ष उमेर पूरा भई २३ वर्ष ननाघेको योग्य उम्मेदवारले दरखास्त दिन सक्नेछन्

मोडेल भाबना गुरुङ् दिप साँझ हङ्कोङ् २ कार्यक्रममा "मेरो पावर फुल बैसको झट्काले "बोलको सुपरहिट गीतमा नाच्दै भिडियो हेर्नुहोस

बुद्धिस्ट लामा (भिक्षु )हावामा उड्दै buddhist monk fly

Pani Trisuliko Super Hit New Lok Dohari Song

5000 बर्ष पहिले गरिएको भयानक भबिष्यवाणीहरु

    कलियुगका लागि भागवत पुराणमा बिभिन्न आश्चर्यजनक भबिष्यवाणीहरु गरिएकाछन्। संसारमा प्रलय आउने छ भनि बिभिन्न समयमा आउने हल्लाखल्ला हामीले नसुनेका छैनौं।
   कालान्तरमा कुनै दिन हामी वरिपरिको वस्तुहरु रहने छैनन्, पृथ्वी वञ्जर हुनेछ। जीवको लागि आवश्यक पानी सुकेर जानेछ र पृथ्वी केवल ढुङ्गा र माटोको पिण्ड रहनेछ। तर सत्य के हो, त्यो कतै लेखिएको छैन न त कुनै भबिष्यवाणीले नै मान्न सकिने गरि सत्य बताएको छ।
    वैज्ञानिक तवरमा हेर्ने हो भने, अधिकांश बिकसित देशहरु भने दिनानु दिन पृथ्वीको विनाश तर्फ उन्मुख छन्।हिन्दु ग्रन्थहरुमा पृथ्वीको बिनास कलियुगमा हुनेछ भनि बिभिन्न अवस्थामा उल्लेख गरेको पाइन्छ। भागवत पुराणको अन्तिम श्लोकले पृथ्वीको भबिष्यको ठुलो रहस्य बताएको भने छ। करिब ५००० वर्ष अघि वेदव्यासले पृथ्वीको बारेमा बिभिन्न भबिष्यवाणी उल्लेख गरेका छन्।
  भागवत पुराणमा गरिएका १५ भविष्यवाणी जुन पुरा पनि भइरहेका छन।
भबिष्यवाणी १
    धर्म, सत्यता, स्वच्छता, सहिष्णुता, दया, उमेर, शारीरिक बल तथा सम्झने शक्ति दिनानु दिन कलिको प्रभावले घट्दै जानेछ।
श्रीमद् भागवत् १२-२-१।
भबिष्यवाणी २
    कलियुगमा केवल 'धन' मात्र मानिसको राम्रो जन्म, उचित व्यवहार र असल गुणको आधार मानिनेछ। कानुन र न्याय मानिसको शक्तिको आधारमा लागु हुनेछ।
श्रीमद् भागवत् १२-२-२।
भबिष्यवाणी ३
    पुरष र महिला केबल सतही आकर्षणको कारणले गर्दा मात्र मिलेर बस्नेछन। व्यापार र सफलता केवल छलमा निर्भर हुनेछ। पुरुषत्व केवल शारीरिक सम्पर्कको अनुभवको आधारमा मापन गरिनेछ र मानिस एउटा डोरो बाधेको आधारमा ब्राह्मण कहलिनेछ।
श्रीमद् भागवत् १२-२-३।
भबिष्यवाणी ४
    व्यक्तिको आध्यात्मिक स्थिति बाहिरी चिज तथा वस्तुहरुमै निर्भर हुनेछ र यहि आधारमै व्यक्तिको आध्यात्म परिवर्तन हुनेछ। जीविकोपार्जन राम्रो गर्न सकेन भने व्यक्तिको मर्यादामा प्रश्न उठ्नेछ। जो धेरै शब्दहरुमा खेल्न सक्छ र गफ हाँक्न सक्छ, उ नै सबैभन्दा विद्वान ठहरिनेछ।
श्रीमद् भागवत् १२-२-४।
भबिष्यवाणी ५
    कुनै व्यक्तिसंग धन छैन भने उ अधर्मी मानिनेछ। छल र कपटलाइ सद्गुण मानिनेछ। केवल मौखिक सहमतिले विवाह गरिनेछ, र कसैले स्नान मात्र गरेको छ भने सोच्ने छ कि उ सार्वजनिक रुपमा अरुको अगाडी आउन लायक छ।
श्रीमद् भागवत् १२-२-५।
भबिष्यवाणी ६
    एक पवित्र स्थान केवल टाढा रहेको पानीको कुण्डमा सिमित हुनेछ र सौन्दर्य कसैको कपालमा छ भन्ने सोचिनेछ। भुडि भर्ने जीवको लक्ष हुनेछ र जो कठोर छ उ नै सत्यवादी कहलिनेछ। जसले परिवार पाल्न सक्छ उ विशेषज्ञ मानिनेछ र धर्मका सिद्धान्त प्रतिष्ठा जोगाउनको लागि मात्र पालना गरिनेछ।
श्रीमद् भागवत् १२-२-६।
भबिष्यवाणी ७
    जब पृथ्वी यसरी भ्रष्ट मानिसहरुले भरिन्छ तब ती व्यक्तिहरु मध्य जसले आफुलाइ शक्तिशाली देखाउन सक्छ उसले राजनैतिक शक्ति पाउने छ।
श्रीमद् भागवत् १२-२-७।
भबिष्यवाणी ८
    अनिकाल र अत्याधिक करको कारण मानिसहरु पात, जरा, मासु, जंगली मह, फल, फूल र बीउ खान बाध्य  हुनेछन्। खडेरीले गर्दा सबैकुरा बर्बाद हुनेछ।
श्रीमद् भागवत् १२-२-९।
भबिष्यवाणी ९
    मानिसहरु चिसो, हावाहुरी, तापक्रमको बृद्धी, बर्षा तथा हिउँबाट प्रभावित हुनेछन्। यसको साथै आपसी झगडा, भोक, प्यास, रोग तथा चिन्ता तथा थकाइको सिकार हुनेछन।
श्रीमद् भागवत् १२-२-१०।
भबिष्यवाणी १०
    कलियुगको लागि मानिसको उच्चतम उमेर ५० बर्ष हुनेछ।
श्रीमद् भागवत् १२-२-११।
भबिष्यवाणी ११
    मानिसहरुले अब आफ्ना वृद्ध आमाबुबाको रक्षा गर्ने छैनन।
श्रीमद् भागवत् १२-२-१२।
भबिष्यवाणी १२
    कलियुगमा मानिसहरुले केहि सिक्काको लागि मात्र पनि क्रोध पैदा गर्नेछन। सबै मित्रवत् सम्बन्धलाइ त्याग्नेछन् र आफ्नो र अरुको ज्यान लिनको लागि तयार हुनेछन्।
श्रीमद् भागवत् १२-३-४१।
भबिष्यवाणी १३
    संकार नभएका मानिसहरुले भगवानको लागि भनि दान स्वीकार गर्नेछन् जसलाइ धर्म र संस्कृतिको बारेमा ज्ञान हुदैन उनै सबैभन्दा अग्लो कुर्सीमा बसेर धार्मिक प्रवचन दिनेछ।
श्रीमद् भागवत् १२-३-३८।
भबिष्यवाणी १४
    सेवकहरुले उसको मालिकको धन सकिए पछि छाड्नेछन् चाहे त्यो मालिक सन्त र उदाहरणीय व्यक्ति नै किन नहोस्। मालिकले परिवारमा पुस्तौबाट रहदैआएका सेवकहरु अशक्त भएमा परित्याग गर्नेछन। जब दुध दिन छोड्दछन् तब गाइहरु वेवारिसे छिडिनेछन वा मारिनेछन्।
श्रीमद् भागवत् १२-३-३६।
भबिष्यवाणी १५
   सहरहरु चोर तथा फटाहहरुले लिनेछन। वेद नास्तिकहरुको गलत व्याख्याले भरिनेछ। राजनैतिक नेताहरुले विस्तारै जनता भस्म पार्नेछन्। पंण्डित तथा बुद्धिजीवीहरु पेट तथा जनेन्द्रियका भक्त हुनेछन।

नेपाल, भारत, बंगलादेश र भुटान भुटानबीच बस सेवा संचालन

  जेस्ठ ३२ , दक्षिण एसियाको पूर्व तर्फका ४ देश बस सेवाबाट जोडिने भएका छन । नेपाल, भारत, बंगलादेश र भुटानबीच बस सेवा संचालनबारे सोमबार सम्झौता भएको हो । भुटानको राजधानी थिम्पुमा भएको सम्झौता अनुसार ६ महिनाभित्र बस सेवा सुरु गर्ने सहमति जुटेको छ ।
  चार देशबीच  सहज यातायात सेवा शुरु गर्ने ऐतिहासिक सहमति भएको छ,भौतिक योजना तथा यातायात मन्त्री विमलेन्द्र निधिले टेलिफोनमा भने,६ महिनाभित्र सबै प्रक्रिया पुरा गरेर बस सुरु हुनेछ ।यस सम्झौता अनुसार यी चार मुलुकका विभिन्न सहरमा सिधा बस संचालन हुनेछन । यतिमात्र नभइ अन्य यात्रुबाहक सवारी साधनको आवतजावतमा पनि सम्झौताले सहज बनाउने छ

बिदेसिले नेपालको बारेमा बनाएको उत्कृस्ट भिडियो

भारत र चिन को बिचमा अबस्थित नेपाल हिमाल,पहाड ,तराई ,चार बर्ण छत्तिस जातको फुलबारी तेस्का साथै विश्वको सर्बोच सिखर सगरमाथा अबस्थित छ यहाँको प्राकृतिक सौन्दर्यलाई भिडिओमा देखाईएको छ जुन सोचेभन्दा रमनिए छ यो भिडियो हेरिसकेपछि जोसुकै बिदेसी पनि आकर्सित हुनेछ।

थाईल्यान्डमा आकासबाट माछाको बर्षाद भिडिओ हेर्नुहोस

 

बाँदर र गोमन शर्पको लाँडाई भिडिओ हेर्नुहोस monkey vs snake

शर्पले डसेमा नातिनुहोस् यी बिधिहरु आपनाउनुहोस

   अहिले नेपालको तापक्रम दिनानुदिन बढ्दै गइरहेको छ र यस्तो गर्मीको मौसममा जमिनभित्र बसेका सर्पहरू पानी तथा आहारको लागि बाहिर निस्कने गर्दछन्। नेपालमा करिब ३४०० बिभिन्न प्रजातीका सर्पहरू पाइन्छन्। कुनै सर्पहरू सँधैभरी पानीमै रहने खालका हुन्छन् भने कुनै जमिनमुनि बसेर त्यहीँ भएका प्राणीहरूको आहार गर्ने गर्दछन्। तर धेरै गर्मीको कारणले ती सर्पहरू बाहिर निस्केर घरेलु जनावरहरूलाई आक्रमण गर्ने गर्दछन्।

 नेपालमा पाइने धेरैजसो सर्पहरू मानिसको लागि खतरनाक हुँदैनन्, कुनै कुनै सर्पको त विष नै हुँदैन, त्यस्ता सर्पहरूले आफ्नो शिकारलाई कि त मार्दछन् कि चाहिँ सकेसम्म निल्ने कोसिस गर्दछन्। तर विषालु हुँदैनन् भन्दैमा सर्प देखेपछि जिस्काउने अथवा चलाउने गर्नुहुँदैन र यदि सर्पले डसिहालेमा लापरवाहि गरेर बस्नु भने पक्कै पनि हुँदैन।
यदि तपाईँलाई सर्पले डसेको छ भने-
# हतोत्साहित नहुनुहोस्, नआत्तिनुहोस्। धेरै जसो सर्पहरू विषालु हुँदैनन् र अझै भन्ने नै हो भने खतरनाक विषालु सर्पहरूले पनि मानिसलाई डसेको खण्डमा प्रायः आफ्नो विष डसेको ठाउँमा पसाउँदैनन्। 
 # सर्पलाई समाउन वा मार्न खोजेर अर्को डसाइको खतरा नमोल्नुहोस् र सर्पलाई खोजेर समय खेर नफाल्नुहोस्। यदि सर्पलाई पहिले नै मारिसकेको छ भने त्यसको विषको पहिचानको लागि मरेको सर्पलाई बिरामीसँगै उपचारकेन्द्रमा सुरक्षित तवरले लैजानुहोस्।
# सर्पले डसेको हात वा खुट्टालाई नजिकै पाइने सामानहरूको प्रयोग गरेर अचल बनाउनुहोस् र त्यसलाई स्थीर राख्नुहोस्।
# आत्तिएर अथवा चाँडै अस्पताल पुग्छु भनेर दौडने काम नगर्नुहोस्। दौडिँदा शरीरमा विष फैलिने काम छिटो हुन्छ। त्यस्तो बेलामा नजिकै भएको मानिसलाई आफूलाई स्वास्थ्य चौकी लैजान लगाउनुहोस्।
# विषालु सर्पले डसेको ठाउँमा काट्ने, चुस्ने र आगोले डाम्ने काम नगर्नुहोस्।
जडिबुटिहरू, रसायनिक पदार्थहरू, बरफका पोकाहरू वा बिजुलीको झट्का लगाएर उपचार गर्ने काम नगर्नुहोस्, यसले गर्दा स्थिति झन् खतरा हुन सक्छ।
# डसेको ठाउँबाट रगतलाई कुनै यन्त्रको सहायताले तान्ने काम नगर्नुहोस्।
# प्रारम्भिक अवस्थामा खुर्सानी लगाएर सर्पले डसेको थाहा हुँदैन भन्ने धारणा गलत हो, यसले त झन् बिरामीको पेट पोलेर उपचारमा बाधा पुर्याउँदछ।
# कुखुराको मल लगाएमा डसेको ठाउँबाट विष चुस्छ भन्ने धारणा गलत हो, त्यसले झन् डसेको ठाउँमा सङ्क्रमण हुने सम्भावना हुन्छ।
जानी राखौँ-
# समयमै उपचार गरे विषालु सर्पले डसे पनि मानिसको ज्यान बचाउन सकिन्छ।
सर्पले डसेको थाहा पाउने बित्तिकै अथवा शंका लाग्ने बित्तिकै सम्बन्धित उपचार केन्द्रमा पुग्नाले अकालमे ज्यान जानबाट बच्न सकिन्छ।
# विषालु सर्पले डसेर मर्ने कारणहरू मध्ये समयमै उपचार गर्ने ठाउँमा नपुग्नु प्रमुख कारण हो।
# धामी, झाँक्री, झार-फुक, जडीबुटीको विश्वास गर्दा अनावश्यक समय खेर गई मृत्यु हुनै निश्चित प्रायः छ।
त्यसैले-
# सर्पले डस्ने बित्तिकै नजिकको उपचार केन्द्रमा तुरुन्तै लैजाऔँ।
नेपालमा पाइने केही विषालु सर्पहरू-
हिमाली क्षेत्रमा पाइने ‘हिमालयन हबु पिट भाइपर!


 दोलखामा पाइने ‘रेड नेक किलब्याक’!

कम्तिमा SLC सम्म पास हुनेलाई रिलायन्सले २० हजार संख्याको जागिर खुल्यो

काठमाडौं, ३१ जेठ ।पछिल्लो समय नेपालमा बेरोजगारी तिव्र दरमा बढ्दो छ । बेरोजगारी कारण वेदैशिकरोजगारीमा खाडी मुलुक जाने नेपाली युवाहरुको संख्या पनि दिनप्रतिदिन बढ्दो छ ।त्यही बेला एक विमा कम्पनीले २० हजार पदका लागि जागिर खोलेको छ । रिलायन्स लाईइन्स्यौरेन्सकम्पनी भारतको ठूलोविमा कम्पनी हो । जस्ले २० हजार एजेन्ट पदका लागि जागिर खुल्ला गरेकोहो ।

सेवा विस्तार योजना अन्तर्गत रिलायन्सले २० हजारका लागि जागिर खोलेको हो । रिलायन्सका मुख्य एजेन्सी अधिकारी मनोरंजन साहूले कम्पनीले विस्तार योजना अन्र्तगत २० जार पदका जागिर आव्हान गरेको जानकारी दिनुभयो ।

उहाँले भन्नुभयो-‘भारत तथा नेपालका सीमा क्षेत्रका योग्यता पुगेका युवालाई जागिरमा आवेदन भर्न आव्हान गर्छाै । नेपाली युवालाई योग्यताका आधारमा विशेष प्राथमिकता दिनेछौं । उहाँको भनाई अनुसार नेपालको सीमा क्षेत्रका नागरिकले एजेन्ट पदको जागिर पाउनेछन् ।

यो जागिर खान न्युनतम शैक्षिक योग्यता एसएलसी पास र प्लस टु पास तोकिएको छ । हाल रिलायन्सका एक लाख कर्मचारी छन् । कम्पनीले यो वर्ष हालको कर्मचारीलाई २० प्रतिशतले बढाउन लागेको हो ।

जागिरका लागि आवेदन भर्ने बारेमा थप जानकारी लिन रिलायन्स कम्पनीको बेबसाइटमा सम्पर्क राख्नुपर्नेछ । एजेन्सी