चीनमा चलेको ठुलो आँधीबेरीको कारण करिब ११ लाख मानिस बिस्थापित

           २७ असार २०७२ - १६० किलोमिटर प्रतिघन्टाको गतिमा आएको चान-होम समुद्री तुफानबाट चीनको झेजियाङ्ग झियाङ्गसु प्रान्तमा ११ लाख मानिस घर छाड्न बाध्य भएका छन् । सन् १९४९ यताकै डर लाग्दो तुफान यो एक किसिमको ठुलो सुमिन्द्रि हावा थियो । देशका कयौं भूभागमा हवार्इ,रेल,खानेपानी,विजुली जस्ता अतिआबासेक सेवा ठप्प भएको छ। जसका कारण त्यहाँका ईस्थानियको जीबनस्थरमा ठुलो प्रभावित भएको छ ।अहिलेसम्म ८१ हजार ६ सय ४० हेक्टर खेतियोग्य जमिनको अन्न नष्ट भइसकेको छ ।जसबाट ४ सय १० मिलियन डलरभन्दा बढी नोक्सान पुर्याएको छ।
      शनिबारको तुलनामा आइतबार हल्का कम भएको छ। तुफान चलेपछि संघाई, झियाङ्गसु र झेलियाङ्ग प्रान्तमा ठुलो वर्षा भइरहेको छ । कुनै कुनै प्रान्तमा ३० सेमीसम्म पानी परेको मापन गरिएको छ। चीनपछि  तुफानले जापानको ओकिनाबा द्धीप श्रृंखला र ताइवान पनि प्रभावति बनेको कारण शुक्रबार  ताइवानको राजधानी ताइपेइमा शेयर बजार र सरकारी कार्यालय बन्द हुन पुगेका थिए ।एजेन्सी 

नेपालमा छिट्टै स्मार्ट सवारी चालक लाइसेन्स

२७असार,२०७२ - नेपलमा हाल दिदै आएको साधारण सवारी चालक लाइसेन्स तथा ब्लुबुकलाई नेपाल सरकारले आर्थिक वर्ष २०७१-७२ मा प्रस्तुत  गरिएको नीति तथा कार्यक्रमले सार्वजनिक यातायतलाई व्यवस्थित गर्न स्मार्ट कार्डमा रुपान्तरण गरिसक्ने घोषणा गरिए पनि भूकम्पको कारण तथा बिभीद कमिकमजोरी भएको भनि आगामी साउनदेखि लागू गर्ने भनिएको स्मार्ट ड्राभभिङ लाइसेन्स लागू गर्ने       समय २ महिना पछि सारेको छ। आशा छ भाबिस्यमा छिट्टै बिदेसमा जस्तो स्मार्ट कार्डको प्रयोग गर्न         पाउने छ।

भारतको इतिहासमै सबैभन्दा महँगो फिल्म

निकै चर्चामा रहेको फिल्म बाहुबली भारतको इतिहासमै सबैभन्दा महँगो फिल्म हो । हामी यस् फिल्म बाहुबली भित्र रहेका १० खास कुराहरु यहाँ चर्चा गर्दैछौं ।

१. बाहुबली फिल्मले प्रमोशनको लागि एक बिशेष डिजिटल मार्केटिंग अपनाएको छ । जसले गर्दा पनि यस फिल्म अझ पपुलर बन्दै गएको पाईन्छ ।

२. हाल रिलिज भएको फिल्म जुरासिक बल्र्ड र बाहुबली फिल्ममा काम गर्ने भिजुअल इफेक्ट टिम एउटै हुन् ।

३. यस फिल्मको प्रोडक्सन टिमले करिब ८५ करोड रुपैंया भिजुअल इफेन्टको लागि मात्र खर्च गरेको छ । यस फिल्ममा ९५ प्रतिशत दृश्य कम्प्युटरबाट बनाईएको छ । यसमा सिजीआई र वीएफएक्स ग्राफिक्स प्रयोग भएको छ ।

४. यस फिल्म काल्मनिक युद्धमा आधारित फिल्म हो । फिल्म बनाउन २५० करोड लागत लागेको छ । यसमा तेलुगू र तमिल भाषामा फिल्म सुट भएको थियो । पछि हिन्दि भाषा मा रिलिज गरेको हो ।

५. करण जोहरका अनुसार, बाहुबली स्क्रिन काउन्टमा सबैभन्दा बढि डबिंग गरीएको फिल्म हो । यस फिल्ममा भारतको कुनै एक प्रदेशलाई छोडेर सिँगो देशलाई नै अपिल गर्न सफल भएको फिल्म हो ।

६. बाहुबली ४००० फिल्म हलमा रिलिज भइरहेको छ जसमध्यै १३५ हल अमेरीका भित्रका मात्रै छन् ।

७. हलिउड फिल्म फ्लिक ३०० बाट प्रेरीत भएको फिल्म भनिएपनि निर्देशन राजमोअलीका अनुसार यो फिल्म बिल्कुलै फरक फिल्म हो । जुन फ्लिक ३०० सँग मिल्दैन ।

८. उसमा युद्ध र एक्सन देख्न सकिन्छ । जसका लागि बियतनामका ट्रेनरबाट आएका एक्टरलाई लिइएको छ ।

९. फिल्ममा प्रभाष र राणाले आफ्नो वजन १०० किलो भन्दा बढि बनाएका छन् । जसका लागि कलाकारलाई दिनमै ६ देखि ८ पटक खाना खानुपरेको थियो । यसमा प्रत्येक चिज ननभेज खुवाईएको थियो । जसका लागि प्रत्येक दिनको टार्गेट २००० देखि ४००० क्यालोरी थियो ।

१०. फिल्ममा मुख्य भुमिकामा रहेका प्रभाषले आफ्नो विवाह पनि सारेर छायांकनमा व्यस्त भएका थिए । फिल्म बन्नको लागि ३ बर्ष लागेको थियो ।

Video

नेपालको जनसंख्‍या करिव ३ करोड नजिक

असार २६, काठमाडौं - आज विश्व जनसंख्या दिवसको अवसर पारेर केन्द्रीय तथ्यांक विभागले सार्वजनिक गरेको तथ्यांक अनुसार नेपालको जनसंख्या झन्नै झन्नै  ३ करोडको नजिक २ करोड ८० लाख ५८ हजार २ सय २ पुगेको समाचार सार्बजनिक गारिएको  छ ।

राष्ट्रिय जनगणना २०६८ अनुसार मुलुकको जनसंख्या २ करोड ६४ लाख ९४ हजार ५ सय ४ थियो । जसमध्ये ५१ दशमलव ५ प्रतिशत महिला र पुरुष ४८ दशमलब ५ प्रतिशत छ । त्यसबाहेक विदेशमा १९ लाख २१ हजार ४ सय ९४ रहेका छन् । विभागका उप-महानिर्देकक डा. रुद्र सुवालका अनुसार अहिले जनसंख्या वृद्धि दर १ दशमल ३५ प्रतिशत छ ।

आज विश्व जनसंख्या दिवस ‘आपत्कालीन अवस्थामा असुरक्षित जनता’ भन्ने नारा सहित मनाईंदैछ । सन् १९८९ को जुलाइ ११ मा विश्वको जनसंख्या ५ अर्ब पुगेको अवसर पारेर संयुक्त राष्ट्रसंघले २६ वर्षअघिदेखि यो दिवस मनाउन शुरु गरेको हो ।

बिस्वमा पछिल्लो केही वर्षको तथ्यांकअनुसार प्रत्येक वर्ष करिब ८ करोड जनसंख्या बढिरहे पनि जनसंख्याको वृद्धिदरमा भने कमी आइरहेको छ ।

सन् २०५० मा जनसंख्या वृद्धिदर ० दशमलव ५ मा भन्दा पनि कम हुने प्रक्षेपण गरिएको छ । तर जनसंख्या वृद्धिदर घटे पनि व्यवस्थापन तथा विभिन्न समस्यामा भने कम हुन नसकेको विज्ञहरु बताउँछन् ।

नक्कली भूकम्पपीडितलाई कारबाही गर्न निर्देशन

बनेपा,२६असार, नक्कली भूकम्पपीडित बनेर सरकारको राहत दुरुपयोग गरेका करिब ५० जनालाई पक्राउ गर्न जिल्ला प्रशासन कार्यालय काभ्रेपलाञ्चोकले निर्देशन दिएको छ ।

किटानी उजुरीका आधारमा उनीहरुलाई जिल्लाका पात्लेखेत र चण्डेनीमण्डन गाविस तथा पाँचखाल नगरपालिकाबाट पक्राउ गर्न लागिएको प्रशासकीय अधिकृत अर्जुन रिसालले जानकारी दिनुभयो ।  “सोधपुछका लागि उपस्थित गराउँछौँ र प्रमाणित भए रकम फिर्ता गराउनाका साथै भूकम्पपीडितको परिचयपत्र रद्द गर्छौं”उहाँले भन्नुभयो ।

भूकम्पपीडितका नाममा उनीहरुले सरकारले उपलब्ध गराएको रु १५ हजारका दरले कुल रु सात लाख ५० हजार र परिचयपत्र लगेका छन् । तीन गाविसमध्ये सबैभन्दा बढी चण्डेनीमण्डनमा नक्कली भूकम्पपीडितका नाममा राहत रकम दुरुपयोग भएको किटानी उजुरी परेको छ ।

“उनीहरुलाई पक्राउ गर्न आदेश दिइसकिएको छ, प्रमाणित भए हदैसम्मको कारबाही हुन्छ” प्रजिअ सुदर्शन ढकालले भन्नुभयो । उहाँले पक्राउ गर्नका लागि प्रहरीलाई पत्राचारसमेत गरिएको उल्लेख गर्नुभयो ।  भूकम्पपछि एउटै घरमा बसेका परिवार अलग भएर राहत रकम लिएको र  वैकल्पिक वासस्थान हुँदाहुँदै पनि सुविधा लिएको भन्दै केही दिनअघि किटानी उजुरी परेको थियो । रासस

रसुवाको भार्खुदेखि ठूलो स्याफ्रुसम्मको कृषि सडक निर्माण तीव्र रुपमा

धुन्चे (रसुवा), २६  असार, उत्तरी रसुवाको भार्खुदेखि ठूलो स्याफ्रुसम्मको कृषि सडक निर्माण तीव्र रुपमा अगाडि बढेको छ । हिमाली क्षेत्रमा उत्पादित कृषिउपज ताजताजै व्यापारिक केन्द्रमा पुर्याई ग्रामीण किसानको आय वृद्धिमा सघाउन गत वर्षदेखि यो सडकको निर्माण कार्य अगाडि बढाइएको हो । अहिलेसम्म पाँच किलोमिटर सडकको निर्माण सम्पन्न भइसकेको जिल्ला विकास समितिले जनाएको छ ।
  
जिविसको सीमित बजेटबाट काम अगाडि बढाइएको नौ दशमलव पाँच किलोमिटर लम्बाइको यो सडकका लागि यस वर्ष संसद् विकास कोषले रु ८५ लाख प्रदान गरेको छ । जिविसले पनि रु पाँच लाख छुट्याएपछि सडक निर्माणको कार्यले तीव्रता पाएको हो ।
  
विकट हिमाली क्षेत्र ठूलो स्याफ्रु सडक सञ्जालमा जोडिएपछि स्थानीयस्तरमा उत्पादित कृषिउपज व्यापारिक केन्द्र पुर्याउन र ग्रामीणवासीमाझ आवश्यक पर्ने खाद्यान्न तथा विकास निर्माणका सामग्री भित्र्याउन, बिरामी पर्दा एम्बुलेन्स तथा यात्रुबाहक सवारी साधन गुडाउन, हिमाली पदयात्रामा जाने पर्यटक भित्र्याउन, गोसाइँकुण्डको यात्रा सहज रुपले सञ्चालन गराउनसमेत यो सडकले सहज बनाउने विश्वास गरिएको छ । आगामी वर्ष ठूलो स्यापु्रमा मोटर पुर्याएरै छोड्ने निर्माणमा संलग्न उपभोक्ता समितिले जनाएको छ ।
  
यो सडकको निर्माण कार्य सम्पन्न गर्न पर्याप्त रकम विनियोजन गर्न सम्बन्धित निकायमा आग्रह गरिएको नागरिक समाजका अध्यक्ष बाबुलाल तामाङले बताउनुभयो । रासस

इजरायलले नेपाली श्रमिकलाई उच्च प्राथमिकतामा

काठमाडौँ, २६ असार । इजरायलले नेपाली श्रमिकलाई उच्च प्राथमिकतामा राखेको स्पष्ट गर्दै कृषि कामदार, परिचारक र प्रशिक्षार्थीलाई पर्याप्त अवसर दिने बताएको छ ।
साथै उक्त मुलुकले नेपाल सरकारसँग सरकारीस्तरमा नै सम्झौता गरेर नेपालीलाई पुनः काम दिने जनाउँदै चाँडै नेपाली कामदार लिने प्रक्रिया टुङ्ग्याउने बताएको छ । करिब नौ वर्षदेखि इजरायलले नेपाली कामदार लिन छाडेको छ ।
नेपाल–इजरायल कूटनीतिक सम्बन्ध स्थापनाको ५५ औँ वर्ष प्रवेशको अवसर पारेर नेपालका लागि इजरायलका राजदूत यारोन मेयरले राससका प्रमुख समाचारदाता सूर्यचन्द्र बस्नेतसँग सङ्क्षिप्त कुरा गर्दै लगनशील, कामप्रति निष्ठावान नेपाली कामदारलाई पर्याप्त अवसर दिइने बताउनुभयो ।
“नेपाली कामदार लिने प्रक्रिया टुङ्ग्याउन इजराय र नेपाल सरकारका सम्बद्ध निकायबीच निकट सम्पर्कमा रहेर सहकार्य भइरहेको छ, त्यो चाँडै पूरा हुनेमा म आशावादी छु,”– श्रमिक निर्यातका विगतका कटु अनुभव दोहोरिन नदिन दुवै देशका सरकारले आपसी सम्झौता गरेर अघि बढ्ने निर्णय भएको सुनाउँदै उहाँले भन्नुभयो ।
घरेलु कामदार, परिचारक÷सुसारेलाई चयन गरी व्यावसायिक एवम् प्राविधिक तालिम दिएर परीक्षणका रुपमा इजरायल पठाउने योजनामा दुवै देशका सरकार रहेका जानकारी दिँदै उहाँले कामदार चयन पारदर्शी ढङ्गले गरिने स्पष्ट गर्नुभयो ।
साना किसान बैंकसँगको सहकार्यमा मासिक एक लाख २५ हजार तलब पाउने गरी १० महिने कृषि तालिमअन्तर्गत गत वर्ष दुई सय, यो वर्ष पाँच सय जना विद्यार्थी इजरायल गइसकेका जानकारी दिँदै राजदूत मेयरले आगामी वर्ष छ सय जना प्रशिक्षार्थीलाई अवसर दिइने घोषणा पनि गर्नुभयो ।
इजरायलको अन्तर्राष्ट्रिय विकास सहयोग नियोग (मसाभ)ले नेपालको मानव संसाधन विकास, चिकित्साशास्त्र,कृषि, स्वास्थ्य, नवीकरणीय ऊर्जा, वातावरण संरक्षण, सरसफाइलगायत पारस्परिक चासोका धेरै क्षेत्रमा ज्ञान, सीप र प्रविधि आदान प्रदानमा केन्द्रित रहेर आफ्नो देशले नेपाललाई सघाइरहेको बताउँदै उहाँले भूकम्पपछिका यावत चुनौती समाधान गर्न नेपाललाई थप सहायताको आवश्यकता परेकाले सक्दो सहयोग गर्न इजरायल पछि नपर्ने प्रतिबद्धता व्यक्त गर्नुभयो ।
“भूकम्पले सिर्जना गरेका चुनौतीलाई शक्ति, सामथ्र्य र अवसरमा रुपान्तरण गर्न सकिन्छ, मित्र मुलुकका नाताले समस्यामा परेको नेपाललाई हरसंभव सहयोग गरिरहन्छौ,”– उहाँले भन्नुभयो ।
कृषि क्षेत्रमा भएको क्षतिबाट उठ्न नेपाललाई प्रविधि र सीपको खाँचो छ भन्दै उहाँले कृषि प्रविधि केन्द्र स्थापना, पुनः निर्माणमा इजरायली प्रविधि र विज्ञको सहयोग, मत्स्यपालनजस्ता जलप्रविधिमा आधारित कृषिको विकास, ऐतिहासिक एवम् पुरातात्विक महत्वका सम्पदाको संरक्षणमा इजरायलले सहयोग गर्ने तयारी गरेको जानकारी पनि उहाँले दिनुभयो ।
एक प्रश्नको जवाफमा राजदूत मेयरले नेपाल र नेपालीलाई धेरे क्षेत्रमा ठूलो सहयोगको आवश्यकता रहेको, हजारौँ गाउँ भूकम्पबाट नराम्ररी प्रभावित भएकाले अति प्रभावित ग्रामीण क्षेत्रमा गएर इजरायले नेपाल सरकारसँग मिलेर कृषि, सिँचाइ, पानी प्रविधिको क्षेत्रमा भूकम्पपीडितलाई सघाउने बताउनुभयो । इजरायलमा कृषि तालिम लिएर फर्केकालाई उक्त काममा समावेग गर्ने सोचाइ पनि रहेको उहाँले बताउनुभयो । “ग्रामीण क्षेत्रलाई लक्ष्यित गरेर सञ्चालन गरिने काममा इजरायलका तालिमेलाई समावेश गर्दा सहायता परियोजनाको प्रभावकारिता बढ्नेछ,”– उहाँले भन्नुभयो ।
यसैबीच, नेपाल र इजरायलका राजदूतले दौत्य सम्बन्ध स्थापनाको ५५ औँ वर्ष प्रवेशका अवसरमा संयुक्त वक्तव्य जारी गरी पारस्परिक सम्बन्ध विस्तारमा निरन्तर लागिपर्ने प्रतिबद्धता व्यक्त गर्दै दुवै मुलुकका सरकार र जनताबीचको सौहाद्र्रपूर्ण मैत्री भविष्यमा अझ घनीभूत हुने विश्वास व्यक्त गर्नुभएको छ ।
वक्तव्यमा इजरायली राजदूतले विगतमा नेपालले मध्यपूर्व शान्तिप्रक्रियामा शाािन्तसेना परिचालन गरेर ठूलो गुन लगाएको स्मरण गर्दै संयुक्त राष्ट्रसङ्घलगायत अन्तर्राष्ट्रिय मञ्चमा नेपालले इजरायललाई साथ र सहयोग गरेको बताउनुभएको छ ।
नेपालका जननिर्वाचित प्रथम प्रधानमन्त्री बिपी कोइराला र इजरायलका प्रथम प्रधानमन्त्री डेभिड बेनगुरियन साहसपूर्ण निर्णयको फलस्वरुप १ जुन १९६० मा इजरायल र नेपालबीच कूटनीतिक सम्बन्ध स्थापना भएको हो । इजरायलसँग दौत्य सम्बन्ध कायम गर्ने नेपाल पहिलो दक्षिण एसियाली मुलुक हो । रासस

एक व्यक्तिले डिभोर्स माग्ने पत्नीलाई सबै सम्पतिको आधा आधा काटेर दिए

        संसारमा अनेक प्रकारका मानिसहरु हुन्छन तेस्तै जर्मनीमा एक अनौठो घटना भएको छ । एक दम्पतीले डिभोर्सको क्रममा घरका सबै सामानलाई आधा आधा काटेर नै बाँडेका छन् । जर्मनीको भाषामा पारपाचुके अर्थात् डिभोर्सपछि डेर नामका तिव्यक्तिले पत्नी लारालाई घरको सबै सामान काटेर आधा आधा बनाएर बाडिदिएका हुन् । त्यसमा कार, बेड, आईफोन, ल्यापटप, एलईडी, सोफा जस्ता प्रमुख चीजहरू रहेका छन् ।
डेरले उक्त सामानको एक भिडियो समेत बनाएर युट्युबमा हालेका छन् । भिडियोमा डरले भनेका छन्,
‘लारा‘ यी सबै तिम्रो लागी हुन । १२ वर्षसम्म साथकोमा तिमीलाई धन्यवाद । रमाइलो पत्रिका

सोलोमोन द्वीपमा ६.५ रिक्टर स्केलको भूकम्प

सिड्नी,२५ असार । सोलोमोन द्वीपमा शुक्रबार ६.५ रिक्टर स्केलको भूकम्प गएको समाचार छ । सो भूकम्पको कारण सुनामीको चेतावनी भने दिइएको छैन ।
सो भूकम्पको केन्द्रविन्दु दादालीदेखि १५४ किलोमिटर दक्षिणपश्चिम र सोलोमान द्वीपको राजधानी होनीयारदेखि १७० किलोमिटर पश्चिममा २० किलोमिटर गहिराइमा रहेको अमेरिकी भौगर्भिक सर्वेक्षण संस्थाले जनाएको छ ।
सोलोमोन द्वीपको राष्ट्रिय प्रकोप नियन्त्रण कार्यालयका प्रवक्ताले यस भूकम्पको कारण मानवीय र भौतिक नोक्सानीको कुनै विवरण हालसम्म प्राप्त नभएको बताएका छन ।
अमेरिकी भौगर्भिक सर्वेक्षण संस्थाका सुरुमा यो भूकम्प ७.० रिक्टर स्केलको भएको जनाइएको थियो । शुक्रबार आएको ६.५ रिक्टर स्केलको भूकम्पपछि ५.३ रिक्टर स्केलको पराकम्पन आएको बताइएको छ ।
सन् २०१३ मा सोलोमोन द्वीपमा आएको ८.० रिक्टर स्केलको भूकम्पपछि आएको सुनामीमा परी कयौँ व्यक्तिको मृत्यु भएको थियो । त्यसैगरी कयौँ भवनहरु ध्वस्त भएका कारण हजारौँ व्यक्ति घरवारबिहीन भएका थिए । रासस

प्याजबाट स्यस्थ्यका लागि लिनसक्ने बाहु उपयेगि फाइदाहरु

         कतिपयको सोचाइमा प्याज तरकारी र सलाद मात्रै खाने,यसको बास्ना पछिसम्म रहने र श्वास गन्हाउने भनेर प्याज खान मान्दैनन् । तर, प्याजको उपयोगीता औषधि भन्दा कम छैन । नियमित प्याज सेवनले उमेर मात्रै बढाउदैन, कतिपय रोगका लागि घरेलु औषधिको काम समेत गर्छ।
१. गर्मिमा लू लाग्नु सामान्य कुरा हो । काँचो प्यााज खाँदा लूबाट जोगिन सकिन्छ । यसको रस पिउँदा अझ फाइदाजनक हुन्छ । यही कारण बुढापाकाहरु गर्मीमा प्याज सँगै लिएर हिँड्छन्  र अरुलाई पनि त्यस्तै गर्न सुझाइरहेका हुन्छन् ।
२. कपाल झरेको झ¥यै भइरहेको छ भने यसमा प्याजको रस निकै फाइदाजनक हुन सक्छ । कपालमा प्याजको रस लगाएर केही समय छाड्ने र धुने गर्नालो कपाल झर्ने समस्या घट्नुका साथै चमकदार पनि हुन्छ ।
३. पिसाव रोकिएर हुने समस्या छ भने यसको रस खाँदा समस्या समाधान हुनसक्छ ।
४. प्याजले तापक्रम बढाउँछ । यसकारण चिसो लागेको भएपनि प्याज खानुपर्छ । नाक बन्द हुने वा चिसोले खोकी लाग्ने समस्याको हल प्याज हुन सक्छ ।
५. प्याज अरु ओखती जस्तै हो । यसले धेरै बिराम ठिक गर्ने र शरीरलाई तन्दुरुस्त राख्ने भएकाले यसले उमेर बढाउँछ भन्ने पूरानै मान्यता छ ।
६. स्टोनको समस्या भएकालाई एक हदसम्म प्याजको रस समाधान बन्न सक्छ । बिहानै खाली पेटमा प्याजको रस खाँदा यसका लागि लाभदायी हुने बताइन्छ । तर, निकै समस्या छ भने यसको रसको भर मात्रै पर्नुहुदैन ।
नोटः कुनै रोगको औषधि सेवन गरिरहेकाहरुले भने डाक्टरको सल्लाह अनुसार मात्रै प्रयोग गर्नुपर्छ ।
जनचेतनाका लागि स्वास्थ्य खबर पत्रिका बाट साभार गरियको ।

नुवाकोटका सर्वसाधारण जस्ता व्यापारीबाट ठगिदै

नुवाकोट, असार २४ – भूकम्पका कारण पीडित नुवाकोटका सर्वसाधारण जस्ता व्यापारीबाट झनै ठगिन थालेका छन् । वर्षायाम लागेकोले अस्थायी टहरो निर्माणका लागी भूकम्प पीडितहरुले बजारमा जस्तापाता खरिद गर्न जाँदा बढी मूल्य तिर्न बाध्य भएका छन् । व्यापारीहरुले कम गुणस्तरको जस्ता उच्च गुणस्तरको भनेर कालोबजारी गर्दै आएको रहस्यसमेत खुलेको छ । घर भत्केपछि अस्थायी टहरा तथा घर निर्माणमा जस्तापाताको माग बढीरहँदा बजारमा भने ग्राहक व्यवसायीबाट चर्को मूल्यमा ठगिँदासमेत स्थानीय प्रशासनले त्यसलाई नियन्त्रण गर्न चासो देखाएको छैन । जस्तापाता खरिद बिक्रीमा अनिवार्य भ्याट विल काटिनु पर्नेमा व्यापारीहरु सामान्य रुपको ईष्टमेट बिल प्रयोग गरी व्यवसायी राज्यको कर समेत छली गर्दै आएका छन् । अहिले बजारमा एक बण्डल जस्तापाताको पाँच हजार ७ सय पर्ने हुलास जस्तापाताको मूल्य ६ हजार पाँचसयदेखि ७ हजारसम्म तिर्न बाध्य हुनुपरेको ग्राहकहरुले बताउन थालेका छन् । सरकारी राहतको प्रतीक्षा नगरी आफैं जस्तापाता खरिद गरी टहरा निर्माणमा लागेका भूकम्प पीडित भने उच्च गुणस्तरका नाममा कम गुणस्तरको जस्ता घरमा लगेर व्यवसायीबाट ठगिँदै आएका छन् । ‘ग्राहकको माग एउटा गुणस्तरको हुन्छ, देउरालीका कान्छा तामाङ भन्छन्– ‘व्यवसायी सस्तो भन्दै अर्कै गुणस्तरको जवर्जस्ती भिडाउँछन् ।’ हुलास र आरती जस्तापाता कम्पनीले जिल्लामा अधिकृत बिक्रेता तोकेर आफ्नो मूल्यसुची अनुसार जस्ता बिक्री गरिरहेपनि अन्य ब्राण्डका जस्तापातामा व्यवसायीहरुले आफूखुशी मूल्य राखेर जस्तापाता बिक्री गर्दै आएका छन् । बजारमा जस्तापाताको माग धान्न नसकेको समयको फाइदा उठाउँदै व्यवसायीले बि ग्रेडको जस्तालाई ए ग्रेडको मूल्यमा बिक्री गर्दै आएका छन् । ए ग्रेडको जस्ता मागेका ग्राहकलाई बजारमा व्यापारीबाट बि ग्रेडको जस्तापाता उपलव्ध गराइन्छ । झट्ट हेर्दा ए को तुलनामा बि ग्रेटको सामानमा केही सस्तो देखिएपनि गुणस्तरको हिसावले ग्राहकहरु ए ग्रेडको भएको लोभ पाल्दै उल्टै प्रतिकेजी ६० रुपैयाँ सम्म ठगिएका छन् । जिल्लामा वर्षौ देखि व्यवसाय गर्दै आएका व्यवसायीहरुले बजार मुल्य र गुणस्तरियतामा विश्वसनियता, टिकाउ तथा दीर्घकालीन अवस्थाको ख्याल गरेपनि बाहिरबाट आएका व्यवसायीबाट ग्राहक ठगिने गरेका छन् । संघले विषय उठान गरेपनि नियन्त्रण गर्ने विषयमा भने कुनै निर्णय भने गर्न सकेको छैन् । जिल्लामा कम्पनीको आधिकारीक डिपो, अधिकृत विक्रेता समेत गरि एक दर्जनको हाराहारीमा व्यवसायीले हुलास, आरती र आरएमसीका जस्तापाता विक्री गर्दै आएका छन् । हार्डवयर व्यवासायी संघका अनुसार नुवाकोटको विदुर, वट्टार, त्रिशूली, कोलोनी, देवीघाट, वेत्रावति, ढिकुरेलगायतका वजारमा दैनिक ६ सय वण्डल जस्तापाता विक्रि भइरहेको छ । यस विषयमा कुनै अनुगमन हुन नसकेको उपभोक्ता हित संरक्षण मञ्चका अध्यक्ष इन्द्रवहादुर पण्डितले बताए । जस्तापातामा अधिकृत र डिपो बाहेकका खुद्रा विक्रेताले कम्पनीको खरिद मूल्यमा लोड, अनलोड र भाडा जोडेर ५ प्रतिशत बढी मूल्यमा विक्री अनुमति दिएको दावी गर्दै सोही अनुसार जस्तापाता विक्री भइरहेको दावी व्यवसायीहरुले गरेका छन् ।

नुवाकोटको वुङताङबाट काठमाडौं जादै गरेको बस दुर्घटना

             नुवाकोट,असार२४-पासाङल्हामु मार्ग अन्तर्गत त्रिशूली–काठमाडौं सडक खण्डको ३५ किलो भन्ने बजारबाट १ किलोमिटर काठमाडौं तर्फ सिस्नेरीमा यात्रुबाहक बसलाई माथिबाट खसेको ढुङ्गाले थिचेपछि चालक रसुवा भोर्ले-६ का प्रतीमान विश्वकर्मा सहित पाँच जनाको ज्यान गएको छ.बा २ ख २८४१ नम्वरको बस नुवाकोटको वुङताङबाट काठमाडौं जादै थियो । केहि दिन देखि परेको बर्षाको कारण सिस्नेरी भिरबाट पैरोको रुपमा खसेको ढुङ्गाले बस थिचेको प्रहरीले जनाएको छ
           दुर्घटनामा परि ककनी गाविस वडा नं. १ की विमला तामाङ, सोहि गाविस वडा नं. २ की अरुणा तामाङ, ककनी गाविसका आइतराम तामाङ र धादिङको सत्यदेवी गाविसकी श्रीमाया तामाङको पनि ज्यान गएको प्रहरीले जनाएको छ । घाइतेलाई उपचारको लागी राजधानी लगिएको छ । पहिरोमा फसेको गाडीबाट सह–चालक सहित तीन जनाको उद्धार गरिएकको छ अन्य घाइतेहरु कम्तिमा पनि १५ जना भन्दा बढी रहेको जनाएको छ।
          सशस्त्र, जनपथ र नेपाली सेनाको टोली घटनास्थलमा पुगेपनि माथिबाट पहिरो बग्नेक्रम जारी रहेकाले उद्धारमा समस्या आएको प्रहरी निरीक्षक जयराम वन्तले बताए।

सामूहिक आत्महत्याको प्रयास गर्दा आमाको मृत्यु तीन बालबालिकाको अवस्था चिन्ताजनक

कञ्चनपुर, २४ असार, बालबालिकासहित सामूहिक आत्महत्याको प्रयास गर्दा आमाको मृत्यु भएको छ भने तीन बालबालिकाको अवस्था चिन्ताजनक रहेको छ । कञ्चनपुरको दैजी–३ धर्मपुरकी २८ वर्षीया मीना बोगटीको महाकाली अञ्चल अस्पतालमा उपचारका क्रममा बुधबार राति मृत्यु भएको हो ।

बालबालिकासहित उनले दूधमा विषादी मिसाई सेवन गरेकी थिइन् । छिमेकीको सहयोगमा उनलाई तत्काल महाकाली अञ्चल अस्पतालमा पुर्याइए पनि उपचारका क्रममा उनको मृत्यु भएको जिल्ला प्रहरी कार्यालय कञ्चनपुरका प्रहरी निरीक्षक कर्णबहादुर बमले बताउनुभयो ।

विषादी सेवन गराइएका मृतककी छोरा नरेन्द्र, छोरी जेनु र करुणाको महाकाली अञ्चल अस्पतालमा उपचार हुन नसके पछि थप उपचारका लागि भारतको खटिमातर्फ लगिएको छ ।

तीनै बालबालिकाको अवस्था चिन्ताजनक रहेको बताइएको छ । बालबालिकाको उमेर तीन वर्षदेखि पाँच वर्षसम्म रहेको छ ।  मृतक महिलाका श्रीमान् भारतमा मजदुरी गर्न गएको र उनी तीन छोराछोरीसँगै बस्दै आएकी थिइन् ।

मीनाले बालबालिकासहित आफूले विषादी सेवन गर्नुको कारण खुल्न सकेको छैन । प्रहरीले सामूहिक आत्महत्याको प्रयास गर्नुको कारणबारे अनुसन्धानलाई अगाडि बढाएको जनाएको छ । रासस

नुवाकोटमा पैरोको उच्च जोखिमको कारण बस्ति सार्न सेना परिचालन

नुवाकोट,असार २४–विनासकारी भुकम्प र वर्षातका कारण पहिरो जान थालेपछि नुवाकोटमा २ हजार पाँच सय घर स्थानान्तरणको तयारीसँगै सरकारले तीन दिनभित्र १२ गाविसका पीडितहरुको पुनर्वास गराउने भएको छ । भूकम्पपीडितको सामाजिक साँस्कृतिक प्रभाव कायम रहने गरी थालिएको स्थानान्तरणका लागि नेपाली सेनासहितको जनशक्ति परिचालन गरिएको छ ।


स्थानान्तरणको लागि प्रत्येक निर्वाचन क्षेत्रका ४–४ गाविस छनौट गरिएको जिल्ला दैवी प्रकोप उद्दार तथा विपद् व्यवस्थापन समितिले जनाएको छ । समितिले क्षेत्र नं. १ को चाउथे, तलाखु, कुमरी, महाकाली क्षेत्र नं. २ को घ्याङफेदी, उर्लेनी, लच्याङ र शिखरवेसी, क्षेत्र नंं ३ को किम्ताङ, साल्मे, मनाकामना र फिकुरी गाविसका पीडितहरुलाई स्थानान्तरण प्रक्रिया सुरु गरेको छ । समितिका अध्यक्ष तथा प्रमुख जिल्ला अधिकारी उमेशकुमार ढकालले स्थानान्तरणको लागि सेना, प्रहरी, सशस्त्र प्रहरीको दुई वटा टोली प्रत्येक गाविसमा खटाइएको जानकारी दिए ।

पहिलो चरणमा क्षेत्र नं. १ को चाउथे गाविस वडा नं. १ लामागाउँमा रहेको सात घर, चाउथे गाविस वडा नंं ३ मा रहेको माध्यमिक विद्यालय, सोही गाविसको वडा नं. ३ पात्लेखोलामा रहेको ५१ घर, वडा नं. ७ ढोका भन्ज्याङमा रहेको ३३ घर, वडा नं. ७ मा रहेको माटोलका ११ घर पहिरोले धाजा परेको कारण स्थानान्तरण गरिने भएका छन् ।

यस्तै तलाखु गाविस वडा नं. ६ देवीस्थानमा रहेको एक सय घर, कुमरी गाविस वडा नं. ९ सिरसिरेमा रहेको २२ घर सोही गाविस वडा नं. ९ गोलमा रहेको तीन घर, महाकाली गाविस वडा नं. ६ गारेमा रहेको २५ घर, सोही गाविस वडा नं. ९ न्यौपानेटोलमा रहेको १५ घर, सोही गाविस वडा नंं ६ कल्लेरीमा रहेको २० घर सारिने तयारी अन्तिम चरणमा पुगेको छ ।

उता, क्षेत्र नं. २ को घ्याङफेदी गाविस वडा नं. ३ नेगीखोलामा रहेको ५५ घर, सोही गाविस वडा नं. ३ सोजुलमा रहेको २५ घर, वडा नं. ४ मा रहेको ५० घर, वडा नं. ६ सिउलोलोमा रहेको २५ घर, बोलुङ र घ्याङडाँडामा रहेको २५ घर, वडा नं. ८ मा रहेको ५३ घर, शिखरवेसी गाविसको वडा नं. ३ सिलामेका ९, वडा नं. ७, ८ र ९ का सबै घर , उर्लेनीको वडा नं. १ र २ का सय घर, ३ र ४ का धन्सार र छोलाङगाउँ तथा लच्याङ गाउँ तीन दिनभित्र सारिने भएको छ ।

यस्तै क्षेत्र नं. ३ अन्र्तगत रहेको फिकुरी गाविसको वडा नं. १, ८ र ९ का च्यानेस्वारा र गोगनेका ९७ घर, किम्ताङको वडा नं. ६ को नाडागामका २२ घर, वडा नं. ८ को चुङगाङ टोलका २५ घर, मनाकामना गाविस वडा नंं ७ भांग्रालेको २४ घर, वडा नं. ८ को अर्चलेको २२ घर, साल्मे गाविसको वडा नं. १ देखि ९ सम्मको सम्पूर्ण गाउँ तीन दिनभित्र सार्नका लागि सुरक्षाकर्मी परिचालन गरिएको छ ।

जिल्ला दैवी प्रकोप उद्दार समितिले साताअघि गृह मन्त्रालयमा नुवाकोटको दुई हजार चार सय ८९ घरधुरी तत्काल स्थानान्तरणको लागि पायक पर्ने सुरक्षित स्थानमा सार्न सिफारिससहितको प्रस्ताव गरे अनुसार पहिलो चरणमा अति जोखिममा रहेका १२ गाविसका गाउँ सार्ने तयारी भएको छ ।

तीन निर्वाचन क्षेत्र रहेको नुवाकोटका अधिकांश ग्रामीण भेग भुकम्प र वर्षातका कारण पहिरोले प्रभावित भएको ठहर गर्दै २ हजार चार सय ८९ घरधुरी सुरक्षित स्थानमा स्थानान्तरण गर्नुपर्ने ठहरसहित गृह मन्त्रालयमा प्रस्ताव पठाएका थियो । प्रजिअ ढकालका अनुसार भएमा सम्वन्धित गाविसको सार्वजनिक जग्गा, नभए सर्वसाधारणको सुरक्षित जग्गा भाडामा लिएर भएपनि जोखिमयुक्त बस्ती स्थानान्तरण गरिने भएका छन् ।

खटाइएको सुरक्षाकर्मीको टोलीले पहिरोबाट जोखिममा परेका पीडितका परिवारलाई सुरक्षित स्थान खोजी गरी स्थानीयरुपमा प्राप्त हुने निर्माण सामग्रीको प्रयोग गरी तीन महिनाका लागि अस्थायी शिविर खडा गर्ने छन् । स्थानान्तरण गरेकालाई खानेपानी, स्वास्थ्य, शिक्षा तथा विद्यालयमा पठनपाठनमा सहज हुने वातावरण पहल गरिने र सामाजिक, साँस्कृतिकको सकारात्मक प्रभाव कायम गर्न पहल गर्ने जिल्ला दैवी प्रकोप उद्दार तथा विपद व्यवस्थापन समितिका सचिव राजेन्द्रकुमार केसीले जानकारी दिए ।

उहाँका अनुसार गाउँमा रहेका सार्वजनिक निकायका वन, चौर, चरण क्षेत्र जुनसुकै स्थानमा सारिने र सुरक्षाकर्मीलाई गाउँ विपद व्यवस्थापन समिति तथा गाविस सचिवले सहयोग पु¥याउने निर्णय भएको छ । भुकम्पपीडितहरुको सामाजिक साँस्कृतिक प्रभाव कायम रहने गरी भुकम्पपछि पहिरोको जोखिममा परेका परिवारलाई जिल्ला दैवी प्रकोप उद्दार तथा विपद व्यवस्थापन समितिको निर्णय तथा कार्ययोजना अनुसार जोखिम युक्त गाउँ स्थानान्तरणको लागि खटाइएको सुरक्षाकर्मीको टोली गाउँगाउँमा क्रियाशील रहेको छ ।

समितिका अनुसार दुइपीपलको कालिका माविसहित तीन विद्यालय तत्काल स्थानान्तरण गर्नुपर्ने भएको छ । सम्वन्धित गाविस नेपाली सेना, प्रहरी, सशस्त्र प्रहरी, नेपाल रेडक्रस तथा सरोकारवाला निकायको समन्वयमा गाविसका प्रभावित ती बस्तीहरु तत्काल स्थानान्तरणको कार्य सुरु हुने समितिका सदस्य तथा रेडक्रस नुवाकोटका उपसभापति राजकुमार भट्टराईले जानकारी दिए।

प्रभावितहरुलाई स्थानीयस्तरमा प्राप्त सामग्री ढुंगा, माटो, बाँस, टेन्ट, जस्तापाता प्रयोग गरी प्राविधिकको प्रतिवेदनको आधारमा जिल्ला सुरक्षा समितिको निर्णय गरेबमोजिम दैवी प्रकोप उद्दार समितिको कोषबाट रकम व्यहोर्ने समितिले जनाएको छ । तत्काल स्थानान्तरण गरिने दुई हजार चार सय ८९ घर परिवारलाई तीन महिनापछि वर्षात सकिएपछि सम्भव भए पूर्ववत स्थानमा पठाउने सम्भव नभए नेपाल सरकारको निर्देशन अनुसार गरिने निर्णय भएको समितिका अध्यक्ष तथा प्रजिअ उमेशकुमार ढकालले बताए ।

Heroni Banera by Mina Bohara & Shakti Chand nepali comedy lok song 2015

       चर्चित हाँस्य टेलिफिल्म भद्रगोलका कलाकार हरु सागर लम्साल (बले),हरि निरौला(कोकरोच) तथा मोडेल जानभी बोहोरा अभिनित हाँस्य लोक गित स्वरमा मिना बोहोरा/शक्ति चन्द,शब्द/संगीत सागर बिरही र तिर्शाना मुजिकको प्रस्तुति रहेको छन्।

सुनचादिको भाउ घट्यो

                       असार २४ काठमाडौं-केहि समय यता स्थिर रहेको सुनचादिको भाउ ओरालो लाग्न थालेको छ ।अन्तराष्ट्रिय बजारमुल्य घटे लगत्तै सुनाचादिको भाउमा पनि गिराओट आउन थालेको छ । नेपाल सुनचादी व्यवसायी महासंघका अनुसार बुधबार प्रति तोला सुनको भाउ ३०० रुपैंयाँ त्यसैगरी चादीको भाउ २० रुपैंयाँले घटेर, छापावाल सुन प्रतितोलाको ५० हजार ५ सय, तेजावी सुनको ५० हजार २ सय ५० रुपैयाँमा कारोबार भइरहेको छ । यसैगरी चादी प्रतितोलाको ६ सय ६५ रुपैंयाँ पुगेको छ । सुनाचादिको भाउमा गिराओट आय लगत्तै बजारमा सुनाचादिको कारोबार बढेको छ  ।

२०१६ देखि कोरियामा न्यूनतम तलब १ लाख १५ हजार रुपैयाँ

सोल, असार २४ - दक्षिण कोरियामा कार्यरत नेपाली कामदारहरुले २०१६ देखि न्यूनतम तलब १ लाख १५ हजार रुपैयाँ पाउने भएका छन् । यहाँको ज्याला निर्धारण समितिले न्यूनतम पारिश्रमिकमा ८.१ प्रतिशतले बृद्धि गर्ने निर्णय गरेपछि साना तथा मझौल उद्योगहरुमा काम गर्दै आएका नेपाली कामदारहरुले न्यूनतम पारिश्रमिक १ लाख १५ हजार रुपैयाँ अर्थात १२ लाख ६० हजार २ सय ७० वन पाउने भएका हुन् । तलब बृद्धिसँगै स्वदेशी तथा बिदेशी कामदार अरु उत्साहित भएका छन् ।

समितिको कार्यलय सेजङ सी थेजनमा बिहिबार बिहान १ बजे भएको मतदानमा बहुमतले  २०१६ को जनवरीबाट लागु हुने गरि ८.१ प्रतिशतले बृद्धि गर्ने पक्षमा मत दिएपछि समितिका अध्यक्ष पार्क जोन सङ घोषणा गरेका थिए । नयाँ तलवमानअनुसार कोरियाका मजदूरहरुले प्रतिघण्टा ६ हजार ३० वन र प्रति महिना न्यूनतम १२ लाख ६० हजार २ सय ७० वन (१ डलर बराबर १०१.६९ रुपैयाँ , १ हजार वन ) पाउने भएका हुन् । हाल यहाँका मजदूरहरुले प्रतिघण्टा ५ हजार ५ सय ८० वन पाउँदै आएका छन् । यो तलबबृद्धि २००९  यताकै ठूलो अंक हो ।

तलबनिर्धारण गर्न मंगलबार साँझबाट शुरु भएको बैठक बुधबार बिहान साढे पाँच बजेसम्म सरकारी अधिकारी,मजदूर प्रतिनीधि र रोजगारदाताबीच ११ पटकसम्म वार्ता भएपनि समझदारी हुन सकेको थिएन । १२ औं वार्ताले बिहीबार बिहान १ बजे  मतदान गर्ने निर्णय गरेको थियो ।

२७ सदस्यीय ज्याला निर्धारण समितिमा मजदूर प्रतिनिधि ९, सकरकारी अधिकारी र रोजगारदाताका तर्फबाट ९ जनाप्रतिनिधि रहने व्यवस्था रहेको छ । तीमध्ये बिहिबार भएको मतदानमा मजदूर प्रतिनिधि ९ जना र कम्पनी व्यवस्थापनको तर्फबाट २ जनाले मतदान बाहिस्कार गरेका थिए भने १६ जनाले ८.१ प्रतिशतको पक्षमा मतदान गरेकाथिए ।

कोरियन मजदूर महासंघ (केसीटीयू), प्रवासी मजदूर यूनियन (एमटीयू) लगायतका मजदूर संगठनहरुले ओईसीडीका मुख्य सदस्यहरु मध्ये मजदुरको तलब कोरियामा सबैभन्दा कम भएको, महंगी बृद्धि र प्रवासी, अस्थायी तथा महिला मजुदूरको  जीवनस्तर उकास्न ७९ प्रतिशत (प्रतिघन्टा १० हजार वन)  बृद्धि गनुपर्ने माग गर्दै आएका छन् ।

आज भएको निर्णयको श्रम तथा रोजगार मन्त्रालयले विभिन्न पक्षमा अध्ययन गरेर अगष्ट ५ मा  स्वीकृत गर्नेछ । कोरियामा जुन २९ अगावै अर्को वर्षको तलब निर्धारण गर्ने प्रावधान भएपनि तीन पक्षको असमझदारीका कारण हरेका वर्ष मतदान हुने गरेको छ । यो वर्ष पनि सरकारले पार्क जोन सङको अध्यक्षतामा न्यूनतम ज्याला निर्धारण समिति गठन गरेको थियो ।

कोरियामा २००३ देखि प्रत्येक बर्ष मजदूरहरुको तलव बृद्धि हुँदै आएको छ । २०१६ का लागि निर्धारण गरिएको ८.१ प्रतिशत गत वर्षभन्दा १ प्रतिशतले बढी हो । कोरियामा २००९ मा ६.१ , २०१० मा २.७५ ,२०११ मा ५.१, २०१२ मा ६ , २०१३ मा ६.१ र २०१४मा७.१ प्रतिशत बृद्धि हुँदै आएको छ । कोरियाली मजदूर इतिहासमा सबैभन्दा धेरै २००४ मा १३.१ प्रतिशततलव बृद्धि भएको थियो ।

परिवर्तित नयाँ तलले कोरियाको विभिन्न उद्योगहरुमा कार्यरत स्वदेशी तथा विदेशीमध्ये ५० लाख न्यून आय भएका मजदूरहरुलाई फाइदा पुग्ने छ । नेपाल सहित एसियाका १५ देशका युवाहरुको आकर्षक रोजगारी स्थल बन्दै गएको कोरियमा प्रत्येक वर्षको तलब बृद्धिले ३० हजार नेपाली अझ कामदारलाई प्रत्यक्ष फाइदा हुने छ ।

सिरियामा बेचिएकी रेस्मी थापा मगरलाई छोडाउन सात लाखको सर्त

          २४असार- सिरियामा बन्धक बनाइएकी नेपाली चेली ज्ञानु रेस्मी थापामगरलाई छोडाउन सात लाखको सर्त आएको खुलेको छ । ज्ञानुकी बहिनी हेमा रेस्मीले नयाँ पत्रिकासँगको कुराकानीका क्रममा दिदीलाई छुटाउन सात लाखको सर्त आएको बताएकी छन् |
            हेमाले भनिन्-‘सामान्य परिवारका हामी दुईले बुटबलमा चिया पसल चलाएर बसेका थियौं । पाँच बहिनी दिदीबहिनी मध्ये तीन जनाको विवाह भइसकेको छ । दिदीहरुले चिया पसलका लागि लगानी गर्नुभएको हो । पछि विदेश गएर धेरै पैसा कमाउन सकिने भन्ने दलालको भनाईको पछि लाग्दा दिदीले दुःख पाउनुभयो ।’
           दिदीले दुबईमा पुगेपछि दुःख पाएको भन्दै हेमाले दलालले एक महिना कामका लागि सिरिया जाने र फेरि दुबई नै फर्काउने भन्दै फसाएको बताएकी छन् । आफूले दिदी समस्यामा परेपछि उनलाई फिर्ता ल्याउन धेरै तिर धाएको भन्दै उनले नजिकैको प्रहरी कार्यालयबाट सहयोग नभएको बताएकी छन् । पछि सामाजिक सञ्जालमार्फत अपिल गरेपछि अहिले उद्धारको पहल भइरहेको पनि हेमाले बताइन् ।
         अब उद्धार गर्न सकिने आशा पलाएको भन्दै उनले अब समस्या पैसाको रहेको बताएकी छन् । हेमाले भनिन्-‘दिदीकी मालिक्नीले एक साताभित्र सात लाख रुपैयाँ दिएर लैजाओ भनेकी छिन् रे । अब त्यो रकम कहाँबाट ल्याउने ?’ पछिल्ला दिनमा आशा एच फोर फाउन्डेसन र संघीय युवा समावले सहयोगका लागि पहल गरिरहेको उनले बताइन् । यता कानुनी बाटोबाट पनि उद्धारको पहल भइरहेको हेमाले बताएकी छन् ।
उनलाई सिरिया पुर्‍याउने दलाल शोभाकान्त भने पक्राउ परेका छन् ।
नयाँ पत्रिका

Mukh Chopchau Lajale by Prakash Katuwal and Sarita Karki comedy lok song

                       अहिलेका हट नायिका तथा मोडेल सुस्मा कार्की,जिरे खुर्सानीका चर्चित हस्याँकलाकार शिबहरी पौडेल,मोडेल तथा डान्स डाईरेक्टर शंकर बि.सी. अभिनित कमेडी लोक गीत प्रकाश कटुवाल र सरिता कार्की को स्वर,शब्दमा बिनोद ढकाल ,थेगोमा प्रकाश कटुवाल,संगीतमा सागर बिरही र अम्बिका मुजिकको प्रस्तुति रहेका छन्।

हिमाली जिल्ला मुस्ताङमा अझै बहुपति प्रथा

              हिमाली जिल्ला मुस्ताङमा अझै बहुपति प्रथा कायम रहेको छ । एउटा घरमा रहेका सबै दाजुभाइले एकजना महिलासँग सामूहिक विवाह गर्ने प्रचलनलाई बहुपति प्रथा भनिन्छ ।  जिल्लाको छोसेर, छोन्हुप, लोमान्थाङ, चराङ, सुर्खाङ, घमी, मुक्तिनाथ, कागवेनी, झोङलगायतका गाविसमा अझै यस्तो संस्कृति
यथावत् रहेको पाइएको छ ।
            हिमाली भू–भागमा खाद्यान्न उत्पादन कम हुने भएकाले सम्पत्ति बाँडफाँड गर्न नपरोस् भनेर परापूर्वकालदेखि नै मुस्ताङमा एक घरका दाजुभाइले एउटी महिलासँग सामूहिक विवाह गर्ने परम्परा रहेको छोसेरका आङ्गेल गुरुङले बताए ।
            उनका अनुसार सबै भाइसँगै भएपछि सम्पत्ति विभाजन नहुने, दुःख र कामको भार कम हुने तथा पैतृक सम्पत्ति बाँड्न नपर्ने भएकाले यो संस्कार कायमै रहेको छ ।‘बाहिरी समाजले   यहाँको   वैवाहिक संस्कारलाई प्रथाका रुपमा व्याख्या गरेपनि हाम्रो दृष्टिकोणमा यो समस्या नभई मान्यता प्राप्त सामाजिक प्रचलन हो, मुस्ताङका बुद्धिजीवी शेखर भट्टचनले भने, ‘बहुपति जोडीहरु खुलेर बोल्न र तस्बिर खिच्नसमेत तयार हुँदैनन् ।’
               एउटै परिवारका सबै दाजुभाइमध्ये माइला छोरा लामा बस्ने भएपनि अन्य दाजुभाइले जेठा दाइका श्रीमतीलाई पनि आफ्नो श्रीमतीका रुपमा स्वीकार गर्नुपर्ने बाध्यात्मक सामाजिक संस्कार रहेको उनको भनाइ छ ।‘दाजुभाइको सामूहिक रुपमा एउटै श्रीमती स्वीकार नगर्नेले बुबा–आमाको पैतृक सम्पत्ति पाउँदैनन्, भट्टचनले भने, ‘कतिपय अवस्थामा श्रीमान्भन्दा श्रीमती दोब्बरभन्दा पनि धेरै उमेरका हुने गर्छन् ।’
स्रोत, साधन र आर्थिक अवस्थासँग मुस्ताङमा बहुपति संस्कृति जोडिएको बताइएको छ । जिल्लाको १२ हजार जनसङ्ख्यामध्ये करिब ५२ प्रतिशत गुरुङ, २५ प्रतिशत थकाली, आठ प्रतिशत दलित र तीन प्रतिशत अन्य जाति छन् । त्यसमा गुरुङ समुदायमा यस्तो प्रथाको विकास भएको पाइएको छ ।
        बहुपति प्रथामा जेठाको अग्राधिकार हुने भएकाले अन्य भाइहरु दमनमा पर्ने गरेको बताइएको छ । बहुपति प्रथामा सबैभन्दा जेठा भाइको नामबाटै जिल्ला प्रशासन कार्यालयले उनीहरुका सन्तानलाई नागरिकता प्रदान गर्ने गरेको छ ।

स्थित त्रिचन्द्र कलेज अगाडी खुकुरी हानाहान

असार २३,काठमाडौं - घण्टाघर स्थित त्रिचन्द्र कलेज अगाडी स्ववियू विद्यार्थीवीच आपसी झगडा परेको छ ।
विद्यार्थीवीच खुकुरी हानाहान हुँदा दुई जना घाईते भएका छन् ।स्ववियू सह सचिव जनक सिंह समुह र हिक्मत रोकायासमुहबिच आर्थिक कुरामा खुकुरी हानाहान भएको प्रहरीले जनाएको छ ।  सिंहको टाउकोमा चोट लागेको छ भने रोकायको हातमा चोट लागेको छ । मोनमोहन अस्पतालमा उपचारमा पुगेका रोकायालाई प्रहरीले पक्राउ गरेको छ ।घटनामा अमित महत र प्रेम क्षेत्री फरार रहेका छन् । विद्यार्थीविच भएको झगडामा मोटसाइकलमा समेत अगाजनी गरिएको थियो ।

सडकमा सुनचाँदी र हिरामोतीका टुक्रा खसेपछि ट्राफिक जाम

                 काठमाडौं,२३ असार । सडकमा सुनचाँदीका टुक्रा खसेपछि बहराइचमा ट्राफिक जाम भएको छ ।
भारतको यूपी राज्यस्थित बहराइच जिल्लामा एक्कासी एक मोटरसाइकलबाट भारी मात्रामा सुन र चाँदीको टुक्रा खसेपछि सडकमा टिप्नेको घुईचो लागेको हो । मोटरसाइकलबाट सुनचाँदीका टुक्रा खस्दै गरेको देखेपछि गाउँलेहरु टिप्नका लागि उर्लेर सडकमा आएका थिए ।
    बहराइचबाट नानापारातिर गइरहेको एक युवकको मोटरसाइकलमा राखिएको बन्द झोलाबाट यो गहना खसेको थियो । झोलामा चाँदी र सुनका साना–साना गहना थिए । जुन सडकमा लगातार खसिरहेका थिए ।
त्यसका हिरा मोतीका टुक्रा पनि भेटिएका थिए । पुरै सडक फरक फरक मोतीले भरिएको थियो । त्यहाँका स्थानीयले कम्पतीमा पनि करोडौंको सुन सडकबाट पाएको भारतीय सञ्चारमाध्यमले उल्लेख गरेका छन् । एजेन्सी

युएईमा मृत्युदण्डको सजाय सुनाइएका अनिश खालिङ नेपाल फर्किए

        युएई २३ असार – हत्या अभियोगमा युएईको जेलमा रहेका अनिश खालिङ राई नेपाल फर्किनुभएको छ । पाकिस्तानी नागरिकको हत्या अभियोगमा मृत्युदण्डको सजाय सुनाइएका अनिश खालिङ राई बुधवार जेलबाट रिहा भई नेपाल फर्किनुभएको हो ।
      राईलाई सजाय मिनाहा गरेर नेपाल पठाएको युएईका लागि नेपाली राजदुत धनन्जय झाले उज्यालोलाई जानकारी दिनुभयो । उहाँले भन्नुभयो, ‘कानूनी प्रक्रिया पूरा गरेर यहाँको सरकारले नै विमानस्थलमा पुर्‍याएकाले अनिशलाई सहयोग गर्ने नेपाली र दूतावासमा उहाँले फोन सम्पर्क गर्न सक्नुभएन । हत्याको अभियोग लागेको मुद्दाका जोसुकैलाई देश निकाला गर्दा फेरी आउन नमिल्ने भएकाले नेपाल पुगेपछि मात्र आधिकारिक जानकारी कुटनितिक माध्यममार्फत आउँछ ।’ चार वर्षअघि युएई आएका राईलाई आफ्नै सहकर्मी पाकिस्तानी नागरिकको हत्या गरेको अभियोग लागेको थियो ।
      संखुवासभाको मत्स्यपोखरीका अनिश युएई आएको एकवर्ष पछि २०६९ साल कात्तिकमा जेल चलान गरिएको थियो । उहाँलाई युएईको अलऐन जेलमा राखिएको थियो । नेपाल फर्काउन उहाँलाई एकहप्ता अघि नै जेल प्रशासनले कैदी रिहा गर्ने विभाग पुर्‍याएको थियो ।
        स्थानिय प्रशासनले अनिशको बाँकी २ बर्षको जेल सजाय मिनाह गरिदिएपछि नेपाल फर्काइएको एन आर एन युएईका अध्यक्ष कृष्ण भुसालले जानकारी दिनुभयो । भुसाल अनिशको मुद्दालाई नेपाली दूतावास र विभिन्न अधिकारवादी संघसस्थासँग समन्वय गरेर काम गर्ने व्यक्ति हुनुहुन्छ ।
अभियोग लागेपछि अनिशका तीन वर्ष
       सुरुमा युएईको आवुधावीमा रहेको तल्लो अदालतले राईलाई मृत्युदण्डको सजाय सुनाएको थियो । तल्लो अदालतले सुनाएको फैसलालाई माथिल्लो अदालतले मृतक पाकिस्तानी नागरिकको परिवारलाई विकल्प दिँदै सजाय गर्ने फैसला गरेका थियो ।
      अदालतले दिएको विकल्पमा ‘खुनको बदला खुन’ अर्थात हत्या आरोपीलाई मृत्युदण्ड नै दिने, ब्लडमनी लिएर सजाय मिनाह गरिदिने वा अन्य कुनै सजाय दिने भन्ने बिषयमा पीडित पाकिस्तानी नागरिकको परिवारलाई नै निर्णय गर्न दिइएको थियो ।
      अदालतले सुनाएको फैसला अनुसार मृतक पाकिस्तानी नागरिकका परिवारले ब्लडमनि वापतको रकम स्वीकारेको छ । पीडित पाकिस्तानी नागरिकका परिवारले ब्लडमनी स्वरुप झण्डै ८६ लाख रुपैयाँ अर्थात ३ लाख ५ हजार दिराम मागेको थियो । त्यसका लागि अनिशको परिवारको अनुरोधमा संसारभरका नेपालीले ब्लडमनीका लागि रकम संकलन गरेका थिए ।
       अनिशलाई बचाउन विभिन्न देशमा गैर आवासीय नेपाली संघ, विभिन्न संघसंस्था र व्यवसायीहरुले ‘अनिश बचाउ अभियान’ नै संचालन गरेर रकम संकन गरेका थिए । अभियानबाट आवश्यक पर्नेभन्दा धेरै रकम संकलन भएको थियो ।
      आवश्यक रकम सकंलन भएपछि कुटनीतिक पहलमार्फत नेपालमा जम्मा भएको रकम राजदूतावास र परराष्ट्र मन्त्रालयको सहयोगमा यहाँ ल्याइएको थियो । ब्लडमनी वापतको पैसा अदालत मार्फत पीडित परिवारलाई बुझाउन दूतावासका कर्मचारी गएका थिए ।
      पैसा बुझाउन जाँदा अनिशको ब्लडमनी वापतको पैसा कसैले बुझाई सकेको विवरण पाएपछि दुतावासले नेपालबाट ल्याएको रकम फिर्ता गरेको थियो । अनिशले बुझाउनु पर्ने त्यत्रो रकम कसले ? किन ? तिरिदियो भन्ने अझै पनि खुलेको छैन । राईले बुझाउनु पर्ने ८६ लाखरुपैया यहाँको स्थानिय वित्तिय संस्था मार्फत अदालतको खातामा जम्मा गरिएको दुतावासलाई प्राप्त सूचनामा उल्लेख छ ।
     ब्लडमनी तिरे पनि अदालतले दिएको ५ बर्षको जेल सजाय भने भुक्तान गर्नुपर्ने बताइएको थियो । तीन वर्ष जेलमा बिताइसकेकाले दुई वर्षभित्र अनिश स्वदेश फिर्न सक्ने अनुमान गरिएको थियो । तर,  मुश्लिम समुदायको पवित्र महिना रमजानको अवसर पारेर उहाँलाई युएई सरकारले सजाय मिनाहा गरेको थियो ।  उज्यालो अनलाइन बाट

सबैभन्दा बढी ११४ गोल खाएर फुटवल खेल हार्ने इतिहास रच्यो

    विभिन्न द्वीप मिलेर बनेको सानो देश माइक्रोनेशियाले फुटवलमा अनौठो इतिहास रचेको छ । तर यो इतिहास नकारात्मक छ । यो देशले सबैभन्दा बढी गोल खाएर फुटवल खेल हार्ने इतिहास रचेको हो ।ओलम्पिकका लागी भएको छनौट खेलका क्रममा माइक्रोनेशियाले तीन म्याचमै ३० भन्दा बढी गोल खायो । माइक्रोनेशियाले पहिलो खेल ताहितीसँग ३0 -0  अन्तरले हार्‍यो भने फिजीसँगको दोश्रो खेलमा ३८-0  गोल खाएर  पराजित भयो ।
    लाजमर्दोको पराकाष्ठामा पुगेको पराजयको श्रृंखला त्यतिमै रोकिएन भानुआटूसँग माइक्रोनेशिया ४६-0   गोल खायो र पराजय भोग्यो । भानुआटूका लागि जीन कालटाक नामका खेलाडीले एक्लै १६ गोल गरे ।यो हार अहिले सम्म संसारकै सबभन्दा ठूलो पराजय हो तर यसलाई फिफाले मान्यता दिने नदिने प्रष्ट छैन । यद्यपी माइक्रोनेशिया फिफाको अपिलिएटेडको सदस्य हो । टोटल गोल = ३०+३८+४६=११४

नेपाल प्रहरीको असई पदमा १५३जनाको भर्ना खुल्यो

        २३ असार-नेपाल प्रहरीले रिक्त रहेका प्रहरी सहायक निरीक्षक असईको पदमा दरखास्त आव्हान गरेको छ । प्रहरी प्रधान कार्यालय नक्सालले १ सय ५३ जना आवश्यक रहेको भन्दै दरखास्त आव्हान गरेको हो ।
       खुल्लामा ८२ जना, अमर र असक्त प्रहरीका परिवारबाट ३ जना, आदिवासी जनजातिबाट २१ जना, मधेसीबाट १९ जना, महिलाबाट १४ जना, दलित बाट १०  जना, पिछडिएका क्षेत्रबाट ४ जना गरी १ सय ५३ जना प्रहरी सहायक निरीक्षकको माग प्रहरीले गरेको छ ।
      २०७२ साउन १ गतेबाट २०७२ साउन ३० गतेभित्र दरखास्त आवेदन गर्न सकिने प्रहरीले जानकारी दिएको छ ।
     महानगरीय प्रहरी आयुक्तको कार्यलय रानीपोखरी, पूर्व क्षेत्रीय प्रहरी तालिम केन्द्र विराटनगर, अञ्चल प्रहरी कार्यलयहरु मेचीको चन्द्रगढी, कोशीको धरान, सगरमाथाको राजविराज, जनकपुर, नारायणीको विरगञ्ज, बाग्मतीको बनेपा, लुम्बिनीको भैरहवा, धवलागिरीको वाग्लुङ, राप्तीको तुल्सीपुर, कर्णालीको जुम्ला, भेरीको नेपालगञ्ज, सेतीको धनगढी, महाकालीको महेन्द्रनगर, जुनियर प्रहरी अधिकृत शिक्षालय मध्य क्षेत्रीय प्रहरी तालिम केन्द्र भरतपुर, पश्चिम क्षेत्रीय प्रहरी तालिम केन्द्र वुटवल, मध्यपश्चिम क्षेत्रीय प्रहरी तालिम केन्द्र नेपालगञ्ज र  सुदूरपश्चिम क्षेत्रीय प्रहरी तालिम केन्द्र दिपायलका प्रहरी कार्यालयहरुमा निवेदन दिन सकिने प्रहरीले जनाएको छ ।
    २०७२ असार २३ गते   निकालिएको विज्ञापन रिक्त रहेका पदहरुका लागि नयाँ आवेदन माग गरेको प्रहरीको सुचनामा जनाइएको छ।
अावेदनका लागि अन्य आवश्यक योग्यताहरुः–
क) नैतिक पतन देखिने कुनै फौजदारी अभियोगमा सजाय नपाएको ।
ख) मानव अधिकार र मानवीय कानुनको उल्लङघनमा सजाय नपाएको ।
ग) राजनीतिक दलको सदस्य नरहेको ।
घ) आतङ्ककारी संगठनको सदस्य नरहेको ।
ङ) उचाई, छाती र तौलः
पुरुषः उचाई घटीमा ५ फिट २ इन्च, छाती नफुलाउँदा ३१ र फुलाउँदा ३३ इन्च, तौल कम्तीमा ५० के.जी.
महिलाः उचाई घटीमा ५ फिट, तौल कम्तीमा ४२ के.जी.
च) आँखा माइनस २ वा प्लस २ भन्दा बढी कमजोर नभएको ।
छ) प्रहरी प्रधान कार्यालयबाट तोकिएको स्वीकृत चिकित्सकबाट निरोगिताको प्रमाणपत्र पाएको ।
(परीक्षा सञ्चालनको क्रममा प्रारम्भिक÷विस्तृत÷विशेष स्वास्थ्य परिक्षण परीक्षामा हुने )
 दरखास्तका साथ समावेश गर्नुपर्ने कागजातहरुः–
क) नेपाली नागरिकताको प्रतिलिपि १ प्रति ।
ख) हाल सालै खिचेको पासपोर्ट साइजको फोटो ५ प्रति ।
ग) आफूले प्राप्त गरेको शैक्षिक योग्यताको प्रमाण पत्र (प्रत्येक तहको चारित्रिक, स्थायी वा प्रोभिजिनल प्रमाण–पत्र र मार्कशिट सहित) तथा नेपाल बाहिर अध्ययन गरेको हकमा त्रि.वि.वि.बाट समकक्षता निर्धारणको प्रमाण पत्र (भ्त्रगष्खबभिलत ऋभचतषष्अबतभ) को प्रतिलिपि १÷१ प्रति ।
घ) आदिवासी र जनजातिको लागि नेपाल आदिवासी जनजाति राष्ट्रिय उत्थान प्रतिष्ठान वा जिल्ला प्रशासन कार्यालयबाट आदिवासी जनजाति भनी प्रमाणित भएको प्रमाण पत्रको प्रतिलिपि ।
ङ) दलितका लागि राष्ट्रिय दलित आयोगवाट दलित भनी प्रमाणित भएको प्रमाण पत्रको प्रतिलिपि ।
च) मधेसीका लागि नेपाल सरकारले नेपाल राजपत्रमा सुचना प्रकाशन गरी तोके बमोजिमको संस्थाबाट मधेसी भनी प्रमाणित भएको तर नेपाल राजपत्रमा सुचना प्रकाशन गरी संस्था नतोकेसम्म सम्बन्धित स्थानीय निकायको प्रमुखको सिफारीसमा प्रमुख जिल्ला अधिकारीबाट मधेसी भनी प्रमाणित भएको प्रमाण–पत्रको प्रतिलिपि ।
छ) पिछडिएको क्षेत्रका लागि (अछाम, कालिकोट, जाजरकोट, जुम्ला, डोल्पा, बझाङ, बाजुरा, मुगु र हुम्ला) जिल्लामा स्थायी बसोवास गरी सम्वन्धित जिल्लाबाट नै नागरिकताको प्रमाण पत्र प्राप्त गरेको तथा सम्बन्धित गाँउ विकास समिति वा नगरपालिकाबाट दरखास्त दिंदाको वखत सोही स्थानमा स्थायी बसोवास भएको भन्ने सिफारिस गरिएको ।
ज) दरखास्त फारमसँग संलग्न गरी पेश गर्ने कागजातहरुको प्रतिलिपिको पछाडिपट्टि सक्कल बमोजिम नक्कल ठिक छ भनि उम्मेदवार स्वयंले दस्तखत गरी प्रमाणित गर्नु पर्ने छ ।
झ) अमर र अशक्त प्रहरी परिवारको लागि अमर र अशक्त भएको कुरा पुष्टि हुने कागजपत्र र नाता प्रमाणित कागजपत्र (प्रहरी नियमावली २०७१ (संशोधन सहित) निमय २ (क) र (ढ) को परिभाषा भित्र पर्ने) ।
 परीक्षा विधिः–
प्रारम्भिक स्वास्थ्य परीक्षण÷शारीरिक तन्दुरुस्ती (बाधापार) परीक्षा, विस्तृत स्वास्थ्य परिक्षण परीक्षा, लिखित परीक्षा, विशेष स्वास्थ्य परिक्षण परीक्षा र अन्तर्वार्ता ।
नोटः उमेरको हकमा भने दरखास्त फारम दर्ता गर्ने अन्तिम मितिसम्म १८ वर्ष पूरा भई २४ वर्ष ननाघेको, तर खुल्ला प्रतियोगितामा भाग लिने प्रहरी कर्मचारीको हकमा ३० वर्ष ननाघेको, प्रहरी जवान आधारभूत तालिम गरेको प्रमाण पत्र पेश गर्नुपर्नेछ र बहालवला श्रेणी विहीन प्रहरी कर्मचारीको हकमा २५ वर्ष ननाघेको हुनु पर्छ।
 http://nepalpolice.gov.np/…/vac…/asi-bigyapan-2027-03-23.pdf

नेपाल प्रहरी वेब साइट www.nepalpolice.gov.np