सन्तले भावविह्वल हुँदै भने ‘पत्नीलाई गाउँ लान सक्दिनँ’

काठमाडौं, असोज १ । बागलुङका सन्त परियार (नाम परिवर्तन) लाई पत्नीले विदेशबाट पैसा कमाएर ल्याएपछि घरपरिवार राम्रोसँग चलाउन सकिएला भन्ने आशा थियो। उनी सुखी जीवनको सपना देख्न थालेका थिए। तर परिस्थिति सोचेभन्दा उल्टो भइदियो।

पैसा त परै जाओस्, पत्नीसमेत पीडामा छट्पटाउँदै आइपुगेपछि सन्तलाई पर्नु पिर परेको छ । भारतस्थित साउदी दूतावासका कूटनीतिज्ञ र उनका आफन्तबाट तीन महिनासम्म लगातार यौनहिंसाको सिकार भएर उनकी पत्नी फर्किएपछि सन्तले समेत गाउँमा आलोचना खेप्नुपरेको छ।

यससम्बन्धी समाचार सार्वजनिक भएसँगै गाउँमा ‘तेरी पत्‍नी यस्ती र उस्ती’ भनेर कुरा काट्न थालेको गुनासो सन्तले पोखेका छन् । यही कारण गाउँमा पत्नीलाई लैजानसक्ने वातावरण नभएको भन्दै उनी बिहीबार नेपाल प्रहरीको केन्द्रीय अनुसन्धान ब्युरो (सीआईबी) पुगे।

‘म पत्नीलाई गाउँ लैजान सक्दिनँ। उनलाई गाउँ लगें भने झन् पीडाको जीवन जिउनुपर्छ। त्यो म चाहन्‍नँ। बरु काठमाडौंमै बस्छौं’, भावविह्वल हुँदै सन्तले सीआईबीका प्रहरी अधिकृतसँग यस्तो भनिरहँदा उनकी पत्नी डाँको छाडेर रोइन्।

आर्थिक अवस्था कमजोर भएका सन्तलाई अब दुई सन्तानलाई कसरी पालनपोषण गर्ने भन्ने चिन्ता पनि थपिएको छ । ‘पत्नीको उपचारको जिम्मा कुनै सामाजिक संस्थाले लिए म काठमाडौंमै ज्यालामजदुरी गरेर भए पनि बच्चाको पालनपोषणमा लाग्न सक्थें’, सन्तले भने।

आफ्नै बुहारी कल्पनाले गरेको सेटिङबाट भारत पुगेकी मोरङकी अर्की ५० वर्षीया महिला र सन्तकी पत्नीले भारतस्थित साउदी दूतावासका कूटनीतिज्ञ र उनका आफन्तबाट तीन महिनासम्म यौनहिंसा खेप्नुपरेको थियो। भारतीय प्रहरीले उद्धार गरी नेपाल फर्काएका उनीहरूमध्ये ५० वर्षीया महिलाको स्वास्थ्य अवस्था नाजुक बन्दै गएको प्रहरीले जनाएको छ।

सीआईबीकी प्रवक्ता एसपी किरण बज्राचार्यका अनुसार उनी राति बर्बराउने र डराउने गर्छिन्। राम्रो उपचारबिना ती महिलाको स्वास्थ्य अवस्था सामान्य हुने सम्भावना कम छ। प्रहरीले उनीहरूलाई बिक्री गर्ने कल्पनासँगै उनका दाजु जितबहादुर दर्जीलाई नियन्त्रणमा लिएको छ। अन्नपूर्ण पोस्ट दैनिकमा खबर छ ।

Sagarmatha Samachar 2072-06-01

सर्बप्रथम सगरमाथा टि.भी.बाट प्रशारित मुख्य समाचार र त्यसपछी पुरा समाचार हेर्नुहोस।

१ आश्विन २०७२ - शुक्रबार बिहानको समाचार हेर्नुहोस।

VIDEO 

DISCLAIMER: Please note, this is only video embeddeding website. All of the videos found here come from 3rd party video hosting sites such as YouTube, DailyMotion, Blip.TV, Veoh. We do not host any of the videos. Please contact to appropriate video hosting site for any video removal.

असोज ३ बाट लागू हुने नेपालको नयाँ संविधानका विशेषताहरु हेर्नुहोस

भाद्र ३१, २०७२- संविधानसभाको अत्यधिक मतबाट बुधबार नयाँ संविधान पारित भएको छ । नेपाली जनताले आफ्ना निर्वाचित प्रतिनिधिमार्फत संविधान निर्माण गर्न ६५ वर्षदेखि पाल्दै आएको सपना अहिले पूरा भएको हो ।  ‘नेपालको संविधान’ असोज ३ बाट लागू हुनेछ । उक्त दिन संविधानसभाले आयोजना गर्ने राष्ट्रिय समारोहमा सभाध्यक्ष सुवासचन्द्र नेम्वाङले प्रमाणीकरण गरेको संविधान राष्ट्रपति रामवरण यादवले जारी भएको घोषणा गर्नेछन् ।
 वि.सं. २००४ को वैधानिक कानुनबाट सुरु भएको नेपालको संवैधानिक इतिहासमा यो छैटौं संविधान भए पनि सार्वभौम नेपाली जनताका तर्फबाट जारी हुन लागेको यो पहिलो सर्वोच्च कानुन हो । ‘जनताको व्यापक सहभागितामा संविधानसभाले बनाएको यो संविधान नेपालको संवैधानिक इतिहासमा अतुलनीय छ,’ संविधान पारित गरेको बैठकपछि सभाध्यक्ष सुवासचन्द्र नेम्वाङले भने, ‘अन्तरवस्तुका दृष्टिले यो सबभन्दा बढी प्रगतिशील र जनतामैत्री छ ।’
संविधान निर्माणसँगै तत्कालीन विद्रोही माओवादीले सञ्चालन गरेको दसवर्षे सशस्त्र संघर्ष अन्त्य गरी २०६३ बाट सुरु भएको शान्तिप्रक्रिया तार्किक निष्कर्षमा पुगेको छ । नयाँ संविधानले राष्ट्र निर्माणदेखि नै कायम रहेको एकात्मक शासन प्रणालीको अन्त्य गरी सात प्रदेशको संरचनासहित संघीय शासन व्यवस्था स्थापित गरेको छ ।
नयाँ संविधानले २०६५ जेठ १५ देखि कार्यान्वयनमा आएको लोकतान्त्रिक गणतन्त्रलाई संस्थागत गरेको छ । जनआन्दोलन २०६२/६३ बाट पुन:स्थापित प्रतिनिधि सभाले जेठ ४ को घोषणामार्फत तत्कालीन राजसंस्थाका सम्पूर्ण अधिकार कटौती गरेपछि गणतन्त्र स्थापनाको प्रक्रिया सुरु भएको थियो । पहिलो संविधानसभा निर्वाचनमा सहभागी हुन तत्कालीन माओवादीले सर्तका रूपमा अघि सारेपछि अन्तरिम संविधान संशोधनमार्फत घोषणा गरिएको गणतन्त्रको कार्यान्वयन २०६४ मा निर्वाचित पहिलो संविधानसभाको पहिलो बैठकले गरेको थियो ।

संविधानका विशेषताहरु यस्ता छन् :

–    संघीय लोकतान्त्रिक गणतन्त्रात्मक शासन व्यवस्था
–    सार्वभौम र राजकीय सत्ता जनतामा
–    सात प्रदेशको संघीय संरचना
–    संघ, प्रदेश र स्थानीय गरी तीन तहको राज्य संरचना
–    संघीय र प्रदेश संसद्बाट निर्वाचित संवैधानिक राष्ट्रपति
–    सुधारिएको संसदीय शासन प्रणाली, संसद्बाट निर्वाचित प्रधानमन्त्री कार्यकारी प्रमुख
–    प्रधानमन्त्रीले संसद् विघटन गर्न नपाउने
–    दुई वर्षसम्म प्रधानमन्त्रीविरुद्ध अविश्वास प्रस्ताव ल्याउन नपाइने
–    दुईतिहाइले संशोधन गर्न सकिने
–    मिश्रित निर्वाचन प्रणाली
–    केन्द्रमा प्रतिनिधिसभा र राष्ट्रियसभासहित दुई सदनात्मक संघीय संसद्
–    प्रतिनिधिसभामा प्रत्यक्ष निर्वाचित १६५ र समानुपातिक ११० सहित २७५ सदस्य
–    केन्द्रमा बढीमा २५ सदस्यीय मन्त्रिपरिषद्
–    राष्ट्रियसभामा सात प्रदेशबाट निर्वाचित ५६ र राष्ट्रपतिबाट मनोनीत ३ सहित ५९ सदस्य
–    प्रदेशमा एक सदनात्मक संसद्
–    ७ प्रदेशमा कुल सांसद ५५०
–    प्रदेशमा प्रदेश संसदबाट निर्वाचित मुख्यमन्त्री, राष्ट्रपतिबाट नियुक्त प्रदेश प्रमुख
–    प्रदेशमा प्रदेश संसद्का कुल सांसदको २० प्रतिशतबाट नबढ्ने गरी मन्त्रिपरिषद्
–    प्रदेश संसद्मा संघीय संसद्मा जस्तै ६० प्रतिशत प्रत्यक्ष र ४० प्रतिशत समानुपातिक निर्वाचन प्रणालीबाट सांसद चुनिने
–    ३७ भाग र ३ सय ८ धारा र ९ अनुसूचीको बृहत् संविधान
–    प्रदेशको सीमांकन संघीय आयोगले ट’ंग्याउने
–    प्रदेशको नामकरण प्रदेश संसदको द’ईतिहाइले गर्ने
–    प्रदेशसभाले आफ्नो राजधानी तय नगर्दासम्म केन्द्रीय सरकारले तोकेको स्थानबाट कार्य सञ्चालन ह’ने ।
–    संविधानमा नै केन्द्र, प्रदेश र स्थानीय सरकारको अधिकार क्षेत्र विभाजन
–    प्रदेशसभाको निर्वाचन र प्रदेश सरकार नबन्दासम्म उनीहरूको अधिकार पनि केन्द्रले प्रयोग गर्ने संक्रमणकालीन व्यवस्था ।
–     एकीकृत न्यायपालिका
–    केन्द्रमा सर्वोच्च अदालत
–    सर्वोच्च अदालतमा संवैधानिक इजलास रहने
–    प्रदेशपिच्छे उच्च अदालत
–    साबिक जिल्लामा जिल्ला अदालत
–    आमा वा बाब’को नामबाट वंशजको नागरिकता
–    धर्मनिरपेक्ष राष्ट्र
–    धर्मनिरपेक्षताको व्याख्या– धर्मनिरपेक्षता भन्नाले सनातनदेखि चली आएको धर्म, संस्कृतिको संरक्षणलगायत धार्मिक, सांस्कृतिक स्वतन्त्रता सम्झन’पर्छ
–    मधेसी, थारू, म’स्लिम, आदिवासी जनजातिका लागि छ’ट्टाछ’ट्टै आयोग
–     सबै मातृभाषा राष्ट्रभाषा, सरकारी कामकाजको भाषाको देवनागरिक लिपिमा नेपाली
–    राष्ट्रिय जनावर गाई, राष्ट्रिय झण्डा र राष्ट्रियगान यथावत्
–    जिल्ला प्रशासनिक इकाईका रूपमा रहने

–    जिल्लामा निर्वाचित जिल्ला सभा रहने
–    सरकार गठन गर्ने आयोगले एक वर्षभित्र स्थानीय निकायको प’न:संंरचना गर्ने
–    स्थानीय निकायमा अन्तरिम च’नाव गर्ने संक्रमणकालीन व्यवस्था
–    चार वर्षका लागि निर्वाचित संविधानसभाका सदस्यहरू बाँकी कार्यकालका लागि रूपान्तरित व्यवस्थापिका संसदको सदस्यका रूपमा रहने ।
–    ०७४ माघअगावै आमनिर्वाचन घोषणा भए उम्मेदवारी मनोनयनका दिनसम्म मात्र उनीहरूको कार्यकाल रहने ।
–    संविधान जारी भएको ७ दिनमा प्रधानमन्त्री, २० दिनमा सभाम’ख र एक महिनामा राष्ट्रपतिको निर्वाचन गर्ने संक्रमणकालीन व्यवस्था । श्रोत साभार : कान्तिपुर समाचार

मेगा बैंकका अनिल शाहमाथि ८० करोड घोटालाको आरोप

काठमाडौं, भाद्र ३१। मेगा बैंकका प्रमुख कार्यकारी अधिकृत अनिल शाह र बैंकको संचालकबीच विवाद उत्पन्न भएको छ । विवादको मुख्य कारण भनेको हलोदेखि हाइड्रोसम्मको कर्जा भएको स्रोतको दावी छ ।
नेपालका ठूलै व्यक्तिको संलग्नतामा रहेको एक इड्रो पावर कम्पनीमा ८० करोड रुपैयाँ कर्जा प्रवाह गरेको र त्यो कर्जा उठ्ने सम्भावना नभएपछि संचालक र व्यवस्थापनबीच दुरी बढेको हो । पछिल्लो समय शाह बैंकमा पनि कम आउने गरेका छन् ।आजको आर्थिक दैनिकमा समाचार छापिएको छ ।

को बन्ला अबको राष्ट्रपति ! एमाले र एमाओवादीले दाबी नगर्ने संकेत

काठमाडौँ, ३१ भदौ - संविधानसभाबाट ३ असोजमा नयाँ संविधान जारी हुँदै छ। संविधान जारी भएसँगै नयाँ राष्ट्रपतिसहित प्रधानमन्त्री परिवर्तन प्रक्रिया पनि सुरु हुनेछ।

राष्ट्रपतिको उम्मेदवारको चर्चा भए पनि दलहरुबीच औपचारिक छलफल भने भइसकेको छैन। नयाँ संविधानमा गरिएको व्यवस्थाअनुसार ३ असोजमा संविधान जारी भएको बढीमा एक महिनाभित्र नयाँ राष्ट्रपति चयन हुनेछन्। असन्तुष्ट मधेसीसहितका दल आन्दोलनमा रहेकै अवस्थाबाट राष्ट्रपति सहमतीय आधारमा वा बहुमतीय आधारमा चुनिन्छन् भन्ने टुंगो लागेको छैन।

तर, एमाले र एमाओवादीले भावी राष्ट्रपतिमा कुनै दाबी नगर्ने सार्वजनिक रुपमा बताउँदै आएका छन्। राष्ट्रपतिको चर्चामा कांग्रेसमा हालैका राष्ट्रपति डा रामवरण यादव, प्रधानमन्त्री एवं कांग्रेस सभापति सुशील कोइराला, कांग्रेस केन्द्रीय सदस्य कुलबहादुर गुरुङ तथा मानबहादुर विश्वकर्मा छन्।

कांग्रेसभित्र हालकै राष्ट्रपति रामवरण यादवलाई नै निरन्तरता दिने विषयमा छलफल हुन थालेको छ। कांग्रेसको संस्थापन र देउवा पक्ष दुवैले मान्ने भएकाले यादवकै सम्भावना रहेको कांग्रेसका एक नेताले दाबी गरे। कांग्रेसमा सभापतिमा संस्थापनबाट कोइराला नै उठ्नुपर्ने र राष्ट्रपतिबाट महाधिवेशनमा कोइरालालाई सहयोग हुने अवस्थामा डा यादव नै दोहोरिने ती नेताको भनाइ छ।

पाँच वर्ष पार्टी सभापति र डेढ वर्षदेखि प्रधानमन्त्री रहेका सुशील कोइराला राष्ट्रपतिका लागि इच्छुक पनि छन्। उमेर र सक्रियताको हिसाबले पनि सुशील राष्ट्रपतिमा जान इच्छुक रहेको उनीनिकट नेता बताउँछन्। प्रधानमन्त्रीको दाबी गर्दै आएको एमालेले राष्ट्रपतिलाई प्राथमिकतामा राखेको छैन। कांग्रेस सभापति सुशील कोइराला एमालेको समर्थनमा प्रधानमन्त्री हुनु एक दिनअघि २६ माघ ०७० मा दुई पार्टीबीच सातबुँदे सहमति भएको थियो। त्यतिबेला संधिवान जारी भएपछिको सरकारको नेतृत्व एमालेलाई दिने भद्र सहमति भएको र अब कार्यान्वयनको अवस्थामा शक्ति सन्तुलन मिलाउन एमालेले राष्ट्रपति दाबी गर्ने सम्भावना छैन।

परिस्थिति फरक ढंगले विकसित भएमा र पार्टीले राष्ट्रपति पाउने भएमा एमालेभित्र चार नेताको नाममा अनौपचारिक कुराकानी हुने गरेको छ। एकपटक अध्यक्ष र प्रधानमन्त्री भइसकेकाले र महाधिवेशनमा ओलीसँग भद्र सहमति पनि भएकाले वरिष्ठ नेता झलनाथ खनालको नाम पहिलोे विकल्पका रुपमा लिने गरिएको छ।

वरिष्ठ नेता माधवकुमार नेपाल पनि एमालेबाट राष्ट्रपतिको उम्मेदवार हुन सक्छन्। एमालेमा राष्ट्रपतिको सम्भावित उम्मेदवारमा महिला भएकाले विद्या भण्डारीको नाम पनि चर्चामा छ। सभामुख सुवास नेम्वाङ पनि राष्ट्रपतिका बलिया सम्भावित उम्मेदवार हुन्। उता, एमाओवादीले राष्ट्रपति पद नलिने अनौपचारिक निर्णय गरेको छ। एमाओवादी अध्यक्ष प्रचण्डले सेरेमोनियल राष्ट्रपति नबन्ने घोषणा गरिसकेका छन्। सत्तासमिकरणमा एमाओवादीको भागमा राष्ट्रपति परेमा भने त्यसमा अमिक शेरचनको नाम चर्चामा छ।
श्रोत साभार : डि.सी.नेपाल

नेपालको संविधान २०७२ का सबै धाराहरू पारित

संविधानसभाले नेपालको नयाँ संविधान २०७२का सबै ३०८ धाराहरू संशोधनसहित पारित गरेको छ।

अन्यौल र अनिश्चयका बीच आइतबार साँझदेखि शुरु भएको संविधानको विधेयक पारित गर्ने प्रक्रिया चौथो दिन बुधबार साँझ सकिएको हो।

संविधानको धारा १, २ र ३ धारा पारित गर्दै आइतबारको बैठक अन्त्य भएपनि त्यसपछि प्रत्येक दिन धारा पारित गर्ने गतिले तिब्रता लिदै बुधबार मात्रै १ सय २५ वटा भन्दा बढी धारा, अनुसूचि लगायतका प्रावधानहरु पारित भए।

सभामुखले प्रस्तावनामा ५० वटा संशोधन प्रस्ताव दर्ता भएकोमा अधिंकाशले फिर्ता लिए पनि फिर्ता लिन बाँकि प्रस्तावहरु संविधानसभाको बैठकले अस्वीकृत गरेको थियो।

संविधानका थपिएका ६ सहित ३०८ धारा बुधबार पारित भएका हुन्। अब संविधानको पूरै बिधेयकमाथि आजै मत बिभाजन हुने कार्यक्रम रहेको छ।

अन्तरिम संविधानको धारा ७० को व्यवस्था अनुसार संविधानसभामा हाल कायम रहेको सदस्य संख्याको दुईतिहाइ उपस्थित बैठकको दुईतिहाइ बहुमतले प्रत्येक धारा पारित गर्नु पर्ने भएपनि चारदिनसम्मको बैठकमा यो संख्या उल्लेख्य रुपमा रहेको थियो।

५९८ सदस्य रहेको संविधानसभामा केही मधेसवादी दलका सभासद बाहेक बाँकी सबै दलका सदस्यहरु बैठकमा उपस्थित रहेका छन् भने कांग्रेसका प्रदिप गिरी दिल्लीमा रहेको कारण अनुपस्थित रहे।

संविधानको धाराहरु पारित गर्न सदस्य संख्याको दुईतिहाइ उपस्थित संख्याको दुईतिहाइ सदस्यको बहुमत पर्याप्त भएपनि संविधानको एकमुष्ट विधेयक पारित गर्न अपनाइने मतविभाजनमा संविधानको विधेयकको पक्षमा ६ सय १ सदस्यको दुइतिहाइ अर्थात ४ सय १ सदस्यको समर्थन आवश्यक पर्छ। हाल संविधानसभामा कायम रहेको सदस्य संख्या ५९८ मा झण्डै ९१ प्रतिशत भन्दा बढी सदस्य संविधान निर्माण प्रक्रियामा संलग्न रहेका छन्।

राप्रपा नेपालले उक्त मतदानमा विपक्षमा उभिने जानकारी यसअघि नै गरिसकेको छ।

संविधानसभाको दुई तिहाई बहुमतले मत बिभाजनका आधारमा संविधानको बिधेयक पारित गरेपछि संविधान निर्माणको काम सकिनेछ।

त्यसपछि संविधनसभा सचिवालयले संविधानका केही प्रति प्रकाशन गर्ने कार्यक्रम रहेको छ। अनि शुक्रवार बिहानदेखि सभासदहरुले त्यसमा हस्ताक्षर गर्ने कार्यक्रम राखिएको सचिवालयले जनाएको छ।

सभासदहरुले आफ्नो नामको वर्णानुक्रम अनुसार संविधानमा हस्ताक्षर गर्नुपर्ने छ। सभासदहरुको हस्ताक्षरपछि नेपालको संविधानलाई संविधानसभा अध्यक्ष सुवास नेम्वाङले प्रमाणिकरण गर्ने कार्यक्रम तय भएको छ।

आगामी असोज ३ गते आइतबार साँझ ५ बजे संविधानसभामा आयोजित विशेष समारोहबीच राष्ट्रपति रामवरण यादवले संविधान जारी गर्नेछन्। श्रोत साभार : भदौ ३० सेतोपाटी 

साउदी कूटनीतिज्ञलाई महिला बेच्ने दाजुबहिनी पक्राउ

काठमाडौं- साउदी अरबमा वैदेशिक रोजगारीको प्रलोभनमा भारत पुर्यााएर २ महिलालाई साउदी दूतावासका कूटनीतिज्ञलाई बेचेको आरोपमा प्रहरीले कल्पना लिम्बु र जीतबहादुर दर्जीलाई पक्राउ गरेको छ। यी दुवै दाजु बहिनी हुन्।

भारतीय संस्था माइती इन्डिया र भारतीय प्रहरीको सहयोगमा घरेलु कामदारका रुपमा राखिएका ५० र ३० वर्षका दुई नेपाली महिलालाई साउदी दूतावासका एक कूटनीतिज्ञको परिवारले चरम यौन शोषण गरेर राखेको सूचनाको आधारमा हरियाणाको एउटा अर्पाटमेन्टबाट उद्धार गरी स्वदेश ल्याइएको थियो।

ल्याइएका दुवै पीडितको बयानबाट उनीहरूलाई लिम्बु र दर्जीले साउदी अरब पठाउने भन्दै भारत पूर्या एको खुलाएपछी प्रहरीको केन्द्रीय अनुसन्धान ब्युरोले दुवैलाई पक्राउ गरेको हो। पक्राउ लिम्बु पीडितमध्ये एक महिलाकी आफ्नै बुहारी हुन्।

यी दुवैले छुट्टाछुट्टै रुपमा ती दुई महिलालाई साउदी अरबमा घरेलु कामदारका रूपमा राम्रो तलब हुन्छ भन्ने प्रलोभन दिएर भारत पुर्याुएर एउटै दलाललाई एक–एक लाखमा बेचेको ब्युरोले सार्वजनिक गरेको प्रारम्भिक अनुसन्धानमा उल्लेख छ।

ब्युरोकी एसपी किरण बज्राचार्यका अनुसार उनीहरूले दुवै महिलालाई नेपालबाट फरकफरक मितिमा स्थलमार्गबाट भारतको नयाँ दिल्ली पुर्यााएर गिरोहलाई बिक्री गरेका थिए। दिल्लीमा उनीहरूलाई साउदी कूटनीतिज्ञले हेरेपछि घरेलु कामदारका रुपमा मुम्बई, श्रीलंका हुँदै साउदी पुर्याकएर फेरि दिल्ली ल्याई अर्पाटमेन्टमा बन्धक बनाएर राखिएको थियो।

सोही अर्पाटमेन्टमा काम गर्न आएकी दार्जिलिङकी नीतु नामकी महिला घरबाट बाहिर निस्कन सफल भएपछि उनैको सूचनाको आधारमा ती दुई नेपाली महिलाको उद्धार गरिएको थियो। उद्धार गरिएका दुवै महिलालाई कानुनी प्रक्रिया पूरा भएपछि दिल्लीस्थित नेपाली दूतावासको सहयोगमा २४ गते स्वदेश फिर्ता ल्याएर ब्युरोले अनुसन्धान अघि बढाएको थियो।

अनुसन्धानमा दुवैका परिचितले रोजगारी प्रलोभनमा पारी बेचेको खुलेपछि कल्पना परियार भनिने कल्पना लिम्बुलाई लुकेर बसेको अवस्थामा पोखराको रामबजारबाट र कृष्ण भन्ने जीतबहादुर दर्जीलाई काठमाडौंको कपनमा पक्राउ गरेको ब्युरोले जानकारी दिएको छ।

ब्युरो अधिकारीका अनुसार कल्पना आफैं साउदी अरबमा काम गरेर फर्किएकी हुन्। उनकी सासुसमेत केही समय साउदी गएर नेपाल फर्किएकी थिइन्। श्रीमानसँग छोडपत्र भएपछि एक्लै बस्दै आएकी उनी फेरि साउदी जाने प्रयासमा लागेपछि बुहारीले आफुले पठाइदिने भन्दै दिल्ली पुर्याभएकी थिइन्। उनका दाइले भने गाउँकी परिचित युवतीलाई उस्तै प्रलोभनमा दिल्ली पुर्यापएर बिक्री गरेका थिए।

एसपी बज्राचार्यका अनुसार पक्राउ दुवैको सम्बन्ध र सम्पर्क दिल्लीदेखि श्रीलंकामा सक्रिय गिरोहसँग देखिएको छ। प्रारम्भिक अनुसन्धानमा उनीहरू संगठित रुपमै सक्रिय देखिएकाले गिरोहकै पहिचानमा अनुसन्धान केन्द्रीत गरिएको जानकारी बज्राचार्यले दिइन्। 'दुवै लामो समयदेखि नै बेचबिखनमा संलग्न देखियो,' बज्राचार्यले भनिन्, 'गिरोहको सम्पर्क जालोबारे नै अनुसन्धान भइरहेको छ।'

ब्युरोले दुवैलाई मानव बेचबिखन तथा ओसारपसार अभियोगमा काठमाडौं जिल्ला अदालतमा पेस गरी अनुसन्धानका लागि म्याद लिएको छ। श्रोत साभार : नागरिक न्युज 

चिलीमा ८ दशमलव ३ म्याग्नेच्युडको भूकम्प ५ को मृत्यु र २० घाइते

 सान्टियागो, भदौ ३१ । दक्षिण अमेरिकी देश चिलीमा ८ दशमलव ३ म्याग्नेच्युडको भूकम्पका कारण अहिलेसम्म ५ को मृत्यु र २० जना व्यक्ति घाइते तथा कयौ घरहरु भत्किएको छ । भूकम्पको केन्द्र पृथ्वीको सतहदेखि पाँच किलोमिटरमात्र तल रहेको बताइएको छ ।

 सान्टियागोदेखि करिब २ सय ४६ किलोमिटर उत्तर–पश्चिमको तटीय क्षेत्रमा भूकम्प गएकाले सुनामी आउने चेतावनी दिइएको छ । प्यासेफिक सुनामी वार्निङ सेन्टरले सूनामीको चेतावनी दिएको हो । अमेरिकी अधिकारीहरुका अनुसार बुधबार स्थानीय समय अनुसार साँझ ७ः५४ मा भूकम्प गएको हो । एजेन्सी

Sagarmatha Samachar 2072-05-31

३१ भदौ २०७२ - विहीबार बिहानको समाचार हेर्नुहोस।

सर्बप्रथम सगरमाथा टि.भी.बाट प्रशारित मुख्य समाचार र त्यसपछी पुरा समाचार हेर्नुहोस।
VIDEO 

DISCLAIMER: Please note, this is only video embeddeding website. All of the videos found here come from 3rd party video hosting sites such as YouTube, DailyMotion, Blip.TV, Veoh. We do not host any of the videos. Please contact to appropriate video hosting site for any video removal.

पोर्नो स्टार बन्ने सपना बोकेकी अर्चना पनेरुको नयाँ म्यूजीक भिडियो

मोडल अर्चना पनेरुको नयाँ म्यूजीक भिडियो सार्वजनिक भएको छ ।

उनीद्धारा अभिनित आफ्नै कुरा बोलको गीतको म्यूजीक भिडियो युट्युबमार्फत् सार्वजनिक भएको हो ।

डा. कृष्णहरी बरालको शब्द तथा हरी लम्सालको म्यूजीक रहेको गीतमा शितल पाण्डेले स्वर दिएकी छिन् ।

VIDEO

Afternoon News, Sept 16

३० भदौ २०७२ बुधबार दिउसो  ABC टि.भी बाट प्रशारित समाचार हेर्नुहोस।

VIDEO
DISCLAIMER: Please note, this is only video embeddeding website. All of the videos found here come from 3rd party video hosting sites such as YouTube, DailyMotion, Blip.TV, Veoh. We do not host any of the videos. Please contact to appropriate video hosting site for any video removal.

३ ठूला राजमार्गलाई सरकारले ४ लेनमा स्तरवृद्धि गर्दै

३० भदौ । सवारी चाप बढी हुने मुलुकका तीनवटा ठूला राजमार्गलाई सरकारले चार लेनमा स्तरवृद्धि गर्ने भएको छ । सडक विभागमार्फत काँकरभिट्टा-बुटबल, नारायणगढ-काठमाडौं र मुग्लिन-पोखरा सडकखण्डलाई चार लेनमा स्तरोन्नति गर्ने योजना बनाएको  छ ।

विश्व बैंक, एसियाली विकास बैंक र मिलिनियम च्यालेन्ज को-अपरेसन (एमसिसी) गरी तीनवटा दाता संस्थाबाट लगानीको आश्वासन पाएपछि सरकारले सडक विभागमार्फत यी सडकको स्तरोन्नति गर्ने यषेजना बनाएको विभागका महानिर्देशक माधव कार्कीले जानकारी दिए ।

यी सडक आयोजनाकालागि सरकार सकारात्मक देखिएकोले योजना कार्यान्वयन हुने कार्कीको भनाई छ । अाजकाे नयाँ पत्रिकामा खबर रहेकाे छ ।

सेकेन्ड लेफ्टिनेन्टको जागिरका लागि आवेदन खुल्ला

३० भदौ २०७२ - नेपाली सेनाको अधिकृत क्याडेट (सेकेन्ड लेफ्टिनेन्ट)को जागिरका लागि आवेदन खुलेको छ। जम्मा १ सय २० जना अधिकृत क्याडेटको लागि जंगी अड्डाले आवेदन माग गरेको हो। १ सय २० जनामध्ये समावेशीतर्फ महिला ११ जना, आदिवासी तथा जनजातितर्फ १७, मधेसीतर्फ १५, दलिततर्फ ८ र पिछडिएको क्षेत्रबाट ३ जना आरक्षण छुट्याइएको छ। त्यस्तै खुल्लातर्फ ६६ जनाको सिट तोकिएको छ।

आजको मितिदेखि असोज २८ गतेसम्म दर्खास्त भर्न सकिनेछ। जंगी अड्डा भद्रकाली, सुपरेटार ब्यारेक हेटौंडा, निमारे ब्यारेक सुर्खेत, इटहरी ब्यारेक सुनसरी, विजयपुर व्यारेक पोखरा र राजपुर व्यारेक दिपायलबाट आवेदन भर्न सकिन्छ। दरखास्त दस्तुर १ हजार रुपैयाँ तोकिएको छ।

प्रमाणपत्र तह वा सो सरह तथा स्नातक तह उत्र्तिण गरेकाले आवेदन दिन सक्नेछन्। उचाई पुरुषका लागि कम्तीमा ५ फिट ३ इन्च र महिलाका लागि ५ हुनुपर्नेछ। छाती नफुलाउँदा ३२ इन्छ र फुलाउँदा ३४ इन्च हुनुपर्नेछ। तौल पुरुषका लागि कम्तीमा ५० र महिलाका लागि कम्तीमा ४० केजी हुनुपर्नेछ। कुनै फौजदारी अभियोग नलागेको तथा उमेरको हदमा १८ वर्ष पुरा भई २१ वर्ष ननाघेको हुनुपर्नेछ।  श्रोत:सेतोपाटी

विप्लव नेतृत्वको नेकपा माओवादीले असोज ३ गते नेपाल बन्द गर्ने

काठमाडौँ, २९ भदौ : नेत्र विक्रम चन्द विप्लव नेतृत्वको नेकपा माओवादीले संविधानसभाले असोज तीन गते सार्वजनिक गर्ने संविधानको विरोध गर्दै संघर्षका कार्यक्रमसहित पार्टीको धारणा सार्वजनिक गरेको छ । तीन दलले जबरजस्त जनविरोधी संविधान जारी गर्न लागेको भन्दै विप्लब माओवादीले असोज ३ गते नेपाल बन्दको आयोजना समेत गरेको छ ।

‘कथित तीन दल र सरकारद्वारा जारी गर्ने भनिएको संविधान नेपाली जनताले २००७ सालदेखि गर्दै आएको संघर्ष र विशेषतः १० वर्षको महान् जनयुद्ध एवं १९ दिनको ऐतिहासिक जनआन्दोलनका राजनैतिक एजेण्डा, त्यसका निम्ति हजारौं सहिदहरुले बगाएको रगत, वेपत्ता तथा घाईते योद्धाहरुको बलिदान, लाखौं परिवर्तनकामी नेपाली जनताको लगानी र चाहानको ठिक विपरित छ’ पार्टी प्रवक्ता  खड्कबहादुर विश्वकर्मा ‘प्रकाण्ड’ द्वारा जारी विज्ञप्तिमा भनिएको छ ।

विज्ञप्तिमा आन्दोलनरत पक्षको कुराको सुनुवाई नगरी जबरजस्त संविधान घोषणा गर्ने कार्यले राज्यको अग्रगामी पूनर्संरचना गर्न माओवादी र संसदवादी शक्तिबीच भएको रोल्पा वार्ता, वृहत शान्ति सम्झौंता र माओवादी र संसदवादी शक्तिबीचको सहकार्य समाप्त भएको बताएको उल्लेख छ ।

रुपन्देहीको बेथरीमा ४ वर्षे नाबालकसहित ४ जनाको मृत्यु

२९ भदौ २०७२ - रुपन्देहीको बेथरीमा प्रहरी र आन्दोलनकारीबीच झडप हुँदा ४ जनाको मृत्यु भएको छ ।
प्रहरीले सुरक्षा दिँदै गन्तव्यतर्फ लैजाँदै गरेको ट्रकमाथि आन्दोलनकारीले आक्रमण गरेपछि झडप भएको हो । प्रहरी र आन्दोलनकारी बीच झडप हुँदा गोनाहा ६ का ३५ वर्षका राजकुमार बराई, ३५ वर्षकै बिन्दु लाकोल र १४ वर्षकी रञ्जना क्षेत्रीको मृत्यु भएको छ । अर्का ४ बर्षिय बालक नन्दन कुमार पटेलको पनि मृत्यु भएको छ । तर प्रहरीले भने नन्दन बाहेक अन्य व्यक्तिहरुको भने मृत्यु भएको पुष्टि गरेको छैन ।
आन्दोलनकारीको ढुंगा लागेर ५ प्रहरी पनि घाईते भएका छन् भने ४ वटा गाडि तोडफोड गरेका छन् ।
भैरहवा–लुम्बिनी सडकखण्डमा गरिएको आक्रमणपछि प्रहरीले सुरक्षार्थ हवाई फायर गरेको छ । सो सडकखण्डमा रहेको इलाका प्रहरी कार्यालय बेथरी नजिकै भैरहवाबाट गइरहेका मालबाहक ट्रकमाथि आन्दोलनकारीले ढुङ्गा हानेपछि झडप भएको प्रहरीले जनाएको छ ।

निजामती कर्मचारीहरुको तलव र सुविधाको जानकारी

२९ भदौ २०७२- निजामती कर्मचारीहरुको तलव सुविधा कति होला ।  अर्थमन्त्रालयले एक वर्षअघि तोकेको तलव अनुसार  निजामती कर्मचारीको सबैभन्दा ठूलो पद मुख्य सचिवको तलव एक महिनाको ४३ हजार ६ सय ७० रुपैयाँ छ ।   सचिवले प्रत्येक महिना ४१ हजार १३० रुपैयाँ बुझ्छन् ।

सहसचिवले ३२ हजार १ सय  २० उपसचिवले २७ हजार ३ सय ७० र शाखा अधिकृतले २४ हजार ४ सय रुपैयाँ पाउँछन् ।  मूख्य सचिव, सचिव र सहसचिवले  सवारी, त्यसको चालक र पेट्रोल, डिजेल सुविधा पनि पाउँछन । नायव सुब्बाको १८ हजार ८ सय रुपैयाँ र खरिदारले १७ हजार ७ सय ३० पाउँछन् ।

कार्यालय सहयोगीको ५ वटा स्तर छ । सबैभन्दा तल्लो स्तरको सहयोगीको तलव  १२ हजार ९ सय ८० छ । माथिल्लो कार्यालय सहयोगीले  एक महिनामा १७ हजार ४ सय १० बुझ्छन् । ठूला सवारी चालकले तह अनुसार रकम पाउछन्। उनीहरुले १५ हजार ८ सय १० देखि २२ हजार ७ सय ६० सम्म पाउँछन् ।

हल्का सवारी चालकको मासिक तलव १४हजार ६ सय ७० देखि २१ हजार ७ सय ४० रुपैयाँ बुझ्छन् । सबैभन्दा तल्लो पद हुलाकीले १३ हजार २ सय ६० देखि १७ हजार ८ सय ७० रुपैयाँ पाउँछन् । श्रोत:सेतोपाटी 

Meri Bassai,15 September 2015

२९ भदौ २०७२ - नेपाल टेलिभिजन बाट मंगलबार प्रशारित हाँस्य टेली फिल्म मेरी बास्सै हेर्नुहोस।
क्लिक गर्नुहोस भिडियो play हुनेछ।

VIDEO
DISCLAIMER: Please note, this is only video embeddeding website. All of the videos found here come from 3rd party video hosting sites such as YouTube, DailyMotion, Blip.TV, Veoh. We do not host any of the videos. Please contact to appropriate video hosting site for any video removal.

New Lokdohori 2015/2072 52 pattiko 53 khela || Hot Sushma KarkiHD

२२ भदौ २०७२ मा रिलीज भएको नयाँ नेपाली लोक गीत ५२ पत्तिको ५३ खेल …….
गायक/गायिका : पोम नारायण सापकोटा / शान्ति सुनार
शब्द तथा संगीत : अर्जुन थापा मगर
कलाकार: सुष्मा कार्की र पोम नारायण सापकोटा
प्रस्तुती : तिर्शाना म्यूजिक 

VIDEO
DISCLAIMER: Please note, this is only video embeddeding website. All of the videos found here come from 3rd party video hosting sites such as YouTube, DailyMotion, Blip.TV, Veoh. We do not host any of the videos. Please contact to appropriate video hosting site for any video removal.

Jire Khursani, 14 September 2015 Repeat Episode

२८ भदौ २०७२ - प्रत्येक सोमबार बेलुकी नेपाल टेलिभिजन बाट प्रशारीत चर्चित हाँस्य टेली फिल्म जिरे खुर्शानी हेर्नुहोस।

क्लिक गर्नुस भिडियो खोल्नेछ।

DISCLAIMER: Please note, this is only video embeddeding website. All of the videos found here come from 3rd party video hosting sites such as YouTube, DailyMotion, Blip.TV, Veoh. We do not host any of the videos. Please contact to appropriate video hosting site for any video removal.

Sagarmatha Samachar 2072-05-29

२९ भदौ २०७२ - शनिबार बिहानको समाचार हेर्नुहोस।

सर्बप्रथम सगरमाथा टि.भी.बाट प्रशारित मुख्य समाचार र त्यसपछी पुरा समाचार हेर्नुहोस।
VIDEO 

DISCLAIMER: Please note, this is only video embeddeding website. All of the videos found here come from 3rd party video hosting sites such as YouTube, DailyMotion, Blip.TV, Veoh. We do not host any of the videos. Please contact to appropriate video hosting site for any video removal.

चितामा राखिएको मानिसको शवले मसानघाट पुगेका मलामीलाई समात्यो

भाद्र २८, २०७२- भारतीय प्रधानमन्त्री नरेन्द्र मोदीको गृहनगर गुजरातमा एक अनौठो घटना सार्वजनिक भएको छ । गुजरातको जेतपुरमा चितामा राखिएको शवले मलामी गएका एक मानिसको हातको औला समातेको घटना सार्वजनिक भएको हो । यो घटनाले मसानघाटमा हलचल मच्चिएको छ । आधा जति मलामी भागेका थिए । भारतीय सञ्चारमाध्यमले जनाएअनुसार जेतपुरमा बस्दै आएका २५ वर्षीय पुरुष देवेन्द्र पंड्या मुटुरोगी थिए ।



धेरै ठाउँमा उपचार गराउने क्रममा बुधवार विहान उनको मृत्यु भयो । डाक्टरले उनलाई मृत घोषित गरे । त्यसपछि अस्पतालबाट उनको शवलाई अन्तिम संस्कारका लागि अपराह्न जेतपुर मसान घाट लगियो । जहां चितामाथि राखिएको देवेन्दको शवले नजिकै रहेका आफ्ना साथीको हातको औला समाते । यो दृश्यलाई देखेर त्यहाँ उभिएका मलामीको होसै उड्यो । त्यसपछि मलामीहरुले तत्कालै मसान घाटमा डाक्टरलाई बोलाए । डाक्टर आएको १० मिनेटपछि देवेन्द्रको मुटुको चाल आफै बन्द भयो ।

त्यसपछि उनलाई मृत घोषित गरियो । डाक्टरका अनुसार मसान घाटसम्म पुग्दा देवेन्द्र जिउँदै थिए । ती डाक्टरले उनलाई १० मिनेटको चेकजांचमा मुटुको धड्कन विस्तारै चलिरहेको पाएका थिए । डाक्टरले मृत घोषित गरेपछि शवको अन्तिम संस्कार गरियो । एजेन्सी

आङकाजी शेर्पा २० हजार धरौटीमा रिहा

२८ भदौ सोमबारका दिन जनजाति नेता आङकाजी शेर्पा सोमबार रिहाई भएका छन् । काठमाडौं जिल्ला अदालतको फैसलाले २० हजार रुपैयाँ धरौटीमा रिहा भएका हुन् । नेपाल प्रहरीले 'साईबर अपराध' गरेको अभियोगमा भदौ १६ गते पक्राउ गरेको थियो । शेर्पा संघीय समाजवादी फोरम, नेपालका केन्द्रीय सदस्य तथा नेपाल आदिवासि जनजाती महासंघका पूर्वमहासचिव हुन् । 'बाह्र दिनपछि बीसहजार धरौटीमा छुट्नु भएको छ,' महासंघका उपाध्यक्ष डण्ड ढोक्पेले भन्नुभएको छ । श्रोत : कान्तिपुर 

Dhamala Ko Hamala with Gagan Thapa

२८ भाद्र सोमबार - सभासद गगन थापा संग बरिस्ट पत्रकार ऋषि धमलाले गरिएको रमाइलो कुराकानी "धमलाको हमला विथ गगन थापाका साथ हेर्नुहोस". श्रोत : हिमालयन TV.
Video

 DISCLAIMER: Please note, this is only video embeddeding website. All of the videos found here come from 3rd party video hosting sites such as YouTube, DailyMotion, Blip.TV, Veoh. We do not host any of the videos. Please contact to appropriate video hosting site for any video removal.

Sajha Sawal Episode 409 Terai Movement

कान्तिपुर टि.भी.बाट २७ भाद्र २०७२ आइतबार बेलुकी प्रशारित "साझा सवाल" भाग ४०९ हेर्नुहोस । एक महिनादेखि तराईमा जारी आन्दोलनबारे सूचना तथा संचार मन्त्री एवं नेपाली कांग्रेसका नेता मीनेन्द्र रीजाल, मधेसी जनअधिकार फोरम (लोकतान्त्रिक)का उपाध्यक्ष जितेन्द्र देव र थरुहट तराई पार्टी नेपालकी उपाध्यक्ष एवं सभासद गंगा चौधरीसँग गरिएको साझा सवाल

VIDEO



DISCLAIMER: Please note, this is only video embeddeding website. All of the videos found here come from 3rd party video hosting sites such as YouTube, DailyMotion, Blip.TV, Veoh. We do not host any of the videos. Please contact to appropriate video hosting site for any video removal.

Dance India Dance Season 5 - Episode 24 - September 13, 2015 - Full Episode

२७ भदौ २०७२ , आईतबार बेलुकी जीटिभीबाट प्रसारित डि.आई .डी.५ भाग २४मा निर्मल तामाङले प्रस्तुत गरेको बेजोड प्रस्तुतिको साथ् साथै अन्य प्रस्तुतिहरु सहित पुरा भाग हेर्नुहोस । क्लिक गर्नुस भिडियो PLAY हुनेछ।
भिडियो

निर्मललाई इन्टरनेट मार्फत संसारको कुनै पनि कुनाबाट भोट गर्न सक्नेछ त्यसको लागी यो लिंक क्लिक  http://www.zeetv.com/shows/dance-india-dance-season-5/contestants/nirmal-tamang/?success=yes गर्नुहोस् भोट गर्नुहोस र भारतबाट भोट गर्न चाहनुहुन्छ भने भोटिंग code DID5<space >NIR mobile को sms box मा लेखी 57575 मा पठाउनुहोस । Voting का लागि नेपाली समय अनुसार प्रत्येक शनिवार राती ९:१५ बजे देखि मंगलबार विहान ९:१५ बजे सम्म मात्र खुला रहने छ।यहाँहरुले चाहेजति (पटक पटक) जति भोट गर्न सक्नुहुनेछ